گجرات کی خبریں 10/09/2015

Gujrat

Gujrat

گجرات (سٹاف رپورٹر) بہترین کارکردگی ،جراتمندانہ کردار ،گرین ٹاؤن چوکی میں تعینات ASIعنصربھٹی نے تین افغانی گرفتار کرلئے، SHO سول لائن کی شاباش،ایک ہفتہ پہلے پروموشن ہوئی، 1993ء میں پولیس فورس جوائن کی 2000 میں گریجویشن کی ڈگری حاصل کی 2010 میں ASIکامحکمانہ کورس کیا جبکہ 2015ء میں ماہ ستمبرمیں ASIکے عہدہ پر پروموشن ہوئی، جبکہ تھانہ سول لائن کی چوکی جٹووکل کے بعد چوکی گرین ٹاؤن میں تعینات ہونے والے ASI عنصر بھٹی علاقے میں جرائم پیشہ افراد کے گرد گھیرا تنگ کردیا ہے اور انہوں نے نیشنل ایکشن پلان کے تحت تین افغانی بھی گرفتار کرلئے ،ASIعنصر بھٹی نے گفتگو کرتے ہوئے کہا ہے کہ شیردل کمانڈر DPOگجرات رائے ضمیرالحق اورDSPسٹی سیدغلام مصطفی گیلانی اورSHOتھانہ سول لائن انسپکٹر شاہدتنویر کی زیرنگرانی انچارج چوکی گرین ٹاؤن سب انسپکٹر عنصرمحمودساہی کی قیادت میں علاقے کو امن کا گہوارہ بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)نامزد امیدوار چیئرمین سید امیرحسن شاہ نے اپنی انتخابی مہم تیز کردی، مختلف دیہات کے دورے لوگوں کی بھرپور حمایت کی یقین دہانی کا اعلان،یوسی 35مدینہ سیداں سے پاکستان مسلم لیگ ن کے نامزد امیدوار چیئرمین سیدامیرحسن شاہ آف مدینہ سیداں نے گفتگو کرتے ہوئے کہا ہے کہ یوسی مدینہ سیداں کی عوام سے اٹوٹ تعلق ہے،اور اپنے قائد چوہدری رضا علی وڑائچ کی قیادت میں یوسی مدینہ سیداں کو پاکستان مسلم لیگ ن کا قلعہ بنادینگے اور ریکارڈ ووٹوں کی لیڈ حاصل کرکے سیٹ تحفہ میں دینگے،عوامی امنگوں کو پورا کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)آزاد امیدوار چیئرمین یوسی42عادووال چوہدری افتخار وارث آف عادووال وائس چیئرمین عظمت اللہ آف ڈھیروگھنہ اپنے پینل کے ہمراہ آج کاغذات نامزدگی جمع کروائیں گے، چوہدری افتخار وارث نے گفتگو کرتے ہوئے کہا ہے کہ یوسی عادووال میرا گھر ہے اور اس کو ایک ماڈل یوسی بنائیں گے،یونین کونسل کو یرغمال بنانے والوں کا کڑا احتساب کرینگے ،انہوں نے کہاکہ ہمارا کسی سیاسی پارٹی سے تعلق نہیں انشاء اللہ آگے بھی سیاسی سپورٹ کے بغیر علاقے میں ترقیاتی وسیاسی کام کرواتے رہے ہیں اور آئندہ بھی کرواتے رہیں گے، میرے دروازے عوام کیلئے 24گھنٹے کھلے تھے اور کھلے رہیں گے، عوامی خدمت کا مشن جاری رکھیں گے،الیکشن لڑنے کا اعلان بزرگوں ،دوستوں اورساتھیوں کے پرزور اسرار پر کیا ہے اور ان دوستوں ساتھیوں کی پرزور سپورٹ کیساتھ ہی کامیابی حاصل کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)چوہدری عرفان بانٹھ ایڈووکیٹ نے اپنے ایک بیان میں کہا ہے کہ پاکستان تحریک انصاف پاکستان کی پہلی بڑی سیاسی جماعت بن گئی ہے، ضلع گجرات میں چوہدری علیم اللہ وڑائچ ڈپٹی آرگنائزر حلقہ این اے105 کی قیادت میں دن بدن مضبوط اور مستحکم ہورہی ہے ،دھڑا دھڑ شمولیتیں ہونے کی وجہ سے مخالف جماعتیں بوکھلاہٹ کاشکار ہوچکی ہیں انشاء اللہ تعالیٰ ضلع گجرات سمیت پنجاب بھرمیں ہریونین کونسل سے شیر کے شکاری فتح یاب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)پاکستان تحریک انصاف حلقہ پی پی 110یوسی محمودکے ونڈ سے آرگنائزر این اے105چوہدری سلیم سرورجوڑا،ڈپٹی آرگنائزر چوہدری علیم اللہ وڑائچ ،جنرل سیکرٹری ناصر سماں نے چوہدری شمریز اکبر سندھا آف چونکانوالی کی امیدوار برائے چیئرمین کوٹکٹ جاری کردی۔آج وہ اپنے پینل کے ہمراہ کاغذات نامزدگی جمع کرائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)تھانہ دولت نگر تفتیش کانیاطریقہ ریمانڈ میں ملزم سے کچھ نہ برآمد ہوسکا، تفتیشی آفیسر نے ملزم کے سسرالیوں کا گھریلو سامان اٹھالیا، غریب لاچار خاتون ڈی پی او آفس پہنچ گئی۔تھانہ دولت نگرمیںشیرووال کے رہائشی ندیم، وسیم وغیرہ جوکہ تقریباً ایک ہفتہ سے ریمانڈپر ہے ،تفتیشی آفیسر محمدنواز کوریمانڈ پران سے مال مسروقہ برآمد نہ ہواتو اس نے ندیم ،وسیم کے سسرالیوں کے گھرسے چار پائیوں،برتن،پنکھے،آٹے سے بھری مٹی اور قیمتی اشیاء اٹھالی ،غریب خاتون پروین بی بی ساکن فتح پور DPOآفس پہنچ گئی اور مقدمہ اندراج کیلئے درخواست دیدی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)فحاشی کے خلاف گجرات پولیس کا کریک ڈاؤن، سرگودہاروڈ پرفور جی انٹرنیٹ کیفے پر فحاشی کے اڈے کھل گئے، اہل علاقہ کا مطالبہ ہے کہ ایک بارپھرآپریشن کیاجائے اور فورجی جیسے فحاشی کے منی اڈے ختم کرکے نوجوان اور بچوں کو بے راہ روی کاشکار ہونے سے بچایاجائے۔ڈی پی او گجرات رائے ضمیرالحق کی قیادت میں پولیس فورس نے زبردست آپریشن کیاتھا جبکہ چند روز بعد ہی شیطان کے چیلے پھرمیدان میں آگے اہل علاقہ نے مطالبہ کیا ہے کہ ڈی پی او گجرات پھرنوٹس لیں اور فورجی جیسے انٹرنیٹ کیفے کوجڑ سے ختم کریں۔