گجرات (جی پی آئی) سٹیزن فرنٹ ضلع گجرات کے زیر اہتمام جشن عید میلاد النبی ۖ کے سلسلہ میں رانا ثاقب ناز ممبر سپریم کونسل کی رہائشگاہ پر عظیم الشان محفل میلاد النبی ۖ کا انعقاد کیا گیا۔ جس کی صدارت ضلعی صدر سپریم کونسل چوہدری علی ابرار جوڑا نے کی۔ جبکہ مہمان خصوصی رہنما ملت جعفریہ سید الطاف عباس کاظمی اور ڈسٹرکٹ سپورٹس آفیسر ندیم بٹ تھے۔ خطاب آغا مبارک علی موسوی نے کیا۔ اس موقع پر ہر مکتبہ فکر سے تعلق رکھنے والے افراد نے کثیر تعداد میں شرکت کی۔ جن میں مہر مشتاق احمد’ اقلیتی رہنما بہادر بھٹی’ اکبر بیگ برلاس’ آصف گھمن’ چوہدری اسلم جاوید’ ڈاکٹر رزاق احمد غفاری’ عامر چوہدری ‘ ڈاکٹر ثوبان شاہد’ سید گلفام کاظمی’ سید آصف رضا نقوی’ سابق کونسلر خرم مختیار’ سلیم احمد’ حاجی اللہ دتہ آف کامونکی’ اسد نقوی’ رانا ملازم حسین’ رانا ناظم’ وحید مراد مرزا’ ظہیر مرزا’ انور شیخ’ حسن شاہ’ سید تنظیم الحسن شاہ ‘ رانا رزاق’ و دیگر موجود تھے۔ اس موقع پر جشن عید میلاد النبی ۖ کے سلسلہ میں کیک بھی کاٹا گیا۔ ملک کی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) نبی پاک ۖ کی مداح دنیا کی ہر چیز بیان کرتی ہے۔ ان خیالات کا اظہار ممتاز عالم دین آغا مبارک علی موسوی نے سٹیزن فرنٹ کے زیر اہتمام منعقدہ عظیم الشان محفل میلاد النبی ۖ کے موقع پر خطاب کرتے ہوئے کیا۔ انہوں نے کہا کہ نبی کریم ۖ کی مداح بیان کرنے کیلئے ان کی سیرت کا مطالعہ بہت ضروری ہے۔ حضور ۖ کی سیرت محبت’ عفو در گزر سے بھری پڑی ہے۔ حضور ۖ نے دنیا میں امن ‘ سلامتی کا سبق دیا۔ دنیا کے تمام فلاسفر’ حضور ۖ کے اعلیٰ اخلاق اور صفات کے معترف ہیں۔ نبی پاک ۖ کی تعریف اس سے زیادہ کیا بیان ہو گی کہ دنیا کا ذرہ ذرہ ہر وقت درود و سلام پیش کر رہا ہے۔ آغا مبارک علی موسوی نے کہا کہ وہ لوگ خوش قسمت ہیں جو نبی پاک ۖ کا میلاد مناتے ہیں ۔ صدر سٹیزن فرنٹ چوہدری علی ابرار جوڑا نے کہا کہ سٹیزن فرنٹ نے ہمیشہ ان تقریبات کا انعقاد کیا ہے جس میں لوگوں کو دین اور معاشرتی تعلیم سے روشناس کروایا جائے۔ آغا مبارک علی موسوی نے جس انداز میں نبی کریم ۖ کی مداح بیان کی ہے وہ قابل تحسین ہے اور ہم آغا مبارک علی موسوی کو خراجِ تحسین پیش کرتے ہیں کہ انہوں نے اس تقریب کا انعقاد کیا۔ رانا مشرف علی ناز اپنی زندگی میں اس طرح کی تقریبات کا انعقاد کرتے تھے اور رانا ثاقب مشرف ناز نے انہی کے نقش قدم پر چلتے ہوئے اس پروگرام کا انعقاد کیاہے۔ رانا ثاقب مشرف نے کہا کہ میں تمام مہمانوں کا شکر گزار ہوں کہ جنہوں نے آج اس تقریب میں شریک ہوئے اور میرے والد محترم کی روح کو خوش کیا ہے۔ میں اس طرح کی تقریبات کا انعقاد کرتا رہوں گا۔ ڈسٹرکٹ سپورٹس آفیسر ندیم بٹ نے کہا کہ رانا ثاقب مشرف کو خراجِ تحسین پیش کرتے ہیں کہ انہوں نے سب دوستوں کو ایک نیک مقصد کیلئے اکٹھا کیا اور یہ شاندار تقریب منعقد کی۔ دیگر مہمانوں نے بھی اظہارِ خیا ل کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) موضع ہیلاں ناوڑیاں آزاد کشمیر میں عظیم الشان سالانہ محفل میلاد مصطفی ۖ کا انعقاد کیا گیا۔ جس کی صدارت قاری خالد محمود سلطانی نے کی۔ جبکہ انتظامات کی نگرانی ممتاز عالم دین علامہ قاری کرامت علی نقشبندی تھے۔ اس موقع پر خصوصی خطاب خطیب اعظم پاکستان علامہ محمد شاہد چشتی نے کیا۔ تلاوت کلام پاک کا شرف حافظ نعیم نے سرانجام دیا۔ جبکہ مہمان خصوصی قاری محمد اشرف تھے۔ نقابت کے فرائض قاری دلاور حسین جلالی نے سرانجام دئیے۔ جبکہ نعت رسول ۖ صاحبزادہ پیر صوفی غلام مصطفی سیفی نے پیش کی۔ یہ محفل برائے ایصال ثواب والدین حافظ مدثر شہزاد آف دبئی منعقد ہوئی۔ منتظمین میں محمد مجید ‘ محمد عارف’ محمد مشتاق’ حافظ محمد ریاض’ محمد حنیف بانیاں’ حاجی صدیق ‘ چوہدری حفیظ’ میاں عبدالقیوم’ محمد غازی’ چوہدری لال خاں’ قاری ایوب’ حاجی یوسف و دیگر نے شرکت کی۔ اس موقع پر ملکی ترقی و سلامتی کیلئے خصوصی دعائیں کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سابق ڈپٹی وزیر اعظم پاکستان اور سابق وزیر اعلیٰ پنجاب چوہدری پرویز الٰہی تعزیت کیلئے ممتاز مسلم لیگی رہنما فیصل عزیز کی رہائشگاہ پر گئے اور ان کے والد محترم کی وفات پر ان سے اظہارِ تعزیت کیا اور مرحوم کے ایصال ثواب کیلئے فاتحہ خوانی کی۔ ان کا استقبال فیصل عزیز مرزا ‘ ذیشان عزیز آف فیصل پی وی سی پائپ انڈسٹریز نے کیا۔ اس موقع پر چوہدری پرویز الٰہی نے مرزا عزیز اور انکے خاندان کی مسلم لیگ (ق) کیلئے خدمات کو بے حد سراہا۔ دعا کی کہ اللہ تعالیٰ مرزا عزیز کو جنت الفردوس میں جنت عطا فرمائے اور لواحقین کو صبر جمیل دے۔ اس موقع پر مرزا رضا اشرف آف اشرف پلازہ، عامر لطیف طور’ شامیر مرزا’ حسیب مرزا’ حبیب مرزا’ علی مرزا’ اسد شیراز’ اسلم چیمہ’ عامر چوہدری ‘ ڈاکٹر رزاق غفاری و دیگر بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جی پی آئی کے سٹاف کی جانب سے گجرات پریس کلب کے نو منتخب عہدیداران کو مبارکباد۔ تفصیلات کے مطابق گزشتہ روز چیف ایڈیٹر جی پی آئی ڈاکٹر رزاق احمد غفاری’ ایڈیٹر ذوالفقار علی باجوہ’ سینئر ایڈیٹر عامر چوہدری، ایگزیکٹو ایڈیٹر عشرت چوہدری’ یاسر وریاء و دیگر نے گجرات پریس کلب کے انتخابات میں شاندار کامیابی پر گجرات پریس کلب کے نو منتخب عہدیداران خصوصاً گروپ لیڈر محمد یوسف ساقی’ طفیل میر و دیگر کو مبارکباد پیش کی ہے اور امید ظاہر ہے کہ نو منتخب عہدیداران عرفان جعفری کی قیادت میں صحافتی امور احسن طریقہ سے سرانجام دیں گے اور گجرات پریس کلب کے صحافیوں کی فلاح و بہبود کیلئے کام کریں گے۔ اور گجرات پریس کلب کے وقار میں اضافہ کا سبب بنیں گے۔
بھمبر کی خبریں 2/1/2015
آل سندھ حاجی غلام مصطفی بوزدار میموریل شوٹنگ بال ٹورنامنٹ لاشاری کلب میر پور خاص کی کامیابی