گجرات (جی پی آئی) مسلم بازار کے معروف تاجر رہنما اور گجرات چیمبر آف شاہین گروپ کے سابق ایگزیکٹو ممبر روحیل عظمت بٹ’ ایگزیکٹو ممبر باومزین حمید بٹ نے اپنے ایک مشترکہ بیان میں کہا ہے کہ شاہین گروپ کی جیت بزنس کمیونٹی کی کامیابی ہے تاجربرادری نے صحیح معنوں میں حق اور سچ کا ساتھ دیتے ہوئے شاہین گروپ کو کامیاب کرا کے بہترین اور دانشمندانہ فیصلہ کیا ہے انہوںنے کہا کہ شاہین گروپ بزنس کمیونٹی کا واحد ادارہ ہے جو تاجروں کے حقوق اور انہیں گجرات چیمبر میں ایگزیکٹو ممبر بنا کر خدمت کا موقع فراہم کر رہا ہے انہوںنے کہا کہ تاجر برادری کے بے حد مشکور ہیں کہ جنہوںنے شاہین گروپ پر اعتماد کرتے ہوئے ہمیں کارپوریٹ اور ایسوسی ایٹ کلاس سے بھاری اکثریت سے کامیاب کرایا انہوںنے کہاکہ انشاء اللہ تعالیٰ شاہین گروپ جمہوری روایات کو برقرار رکھتے ہوئے بزنس کمیونٹی کی خدمت اور مسائل کے حل کیلئے کوئی کسر اٹھا نہ رکھے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) یو سی 54 میں ناقص صفائی اور گندگی کے ڈھیر ‘ صفائی خاکروب مسلسل غائب ‘ عوام کاٹی ایم او کیخلاف بھرپور احتجاج ‘ محلہ حسن پورہ ‘ غریب پورہ ‘ کامل پورہ ‘محمد پورہ ودیگر علاقوں کی نالیاں گندگی سے اٹی پڑی ہیں گندگی کی وجہ سے وبائی امراض پھیلنے کااندیشہ ہے جس سے ڈینگی وائرس بھی پروان چڑھ سکتا ہے ٹی ایم اے حکام کوئی نوٹس نہیں لے رہے ڈی سی او گجرات اور ٹی ایم او گجرات سے مطالبہ کیا جاتا ہے کہ سینٹری ورکرز کی حاضری کے نظام کو درست کیا جائے اور صفائی کی بہتری کیلئے اقدامات کئے جائیں تاکہ عوامی مسائل حل ہو سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ریسٹورنٹ ایسوسی ا یشن ضلع گجرات کا اجلاس ثاقب شہزاد بٹ ایڈووکیٹ کی زیر صدارت منعقد ہوا یہ اجلاس بھیا پیزا ریسٹورنٹ میں منعقد ہوا جس میں کاشف مجید ‘ یاسراحمد ‘ میاںفخرمشتاق پگانوالہ ‘ عرفان جاوید بٹ’ مرزا رفیع محمدمحسن نواز ‘جواد انور بٹ’ عاطف امتیاز گوندل’عثمان علی’ شہزاد عمران محمدعدنان محمدندیم اعظم ‘تصورحسین محسن ملک ودیگر نے شرکت کی۔ اجلاس سے خطاب کرتے ہوئے صدر ریسٹورنٹ ایسوسی ایشن گجرات ثاقب شہزاد بٹ ایڈووکیٹ نے کہا کہ ریسٹورنٹ ایسوسی ایشن کے پلیٹ فارم سے سرکاری ونجی سطح پر درپیش مسائل کے حل کیلئے اقدامات کئے جائیں گے فورڈز اتھارٹی کے تحت چیکنگ کا جو سلسلہ شروع کیا گیا ہے وہ خوش آئند ہے لیکن اسے تذلیل کا باعث نہ بنایا جائے اگر چیکنگ کرنی ہے تو ایک دوآفیسر آکر چیک کریں پولیس ٹولے کو ساتھ نہ لایا جائے اگر ہمارے ریسٹورنٹ میں کوئی کمی کوتائی ہے تو قانون کے مطابق کارروائی کی جائے ہمیں کوئی اعتراض نہ ہو گا نہوںنے کہا کہ تمام ریسٹورنٹ مالکان اپنے بلوں اورمینو پر چھ فیصد سیلز ٹیکس کی وصولی کا پرنٹ کریںاور تمام مالکان سیلز ٹیکس کی ادائیگی کو یقینی بنائیں آج صبح دس بجے ڈی سی او گجرات سے وفد ملاقات کریگا اور اپنے مسائل سے آگاہ کرینگے اگر ہمیں حراساں کرنے کا سلسلہ جاری رہا تو ہم کورٹ تک جا سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تھانہ اینٹی کرپشن گجرات نے مقامی عدالت کے بیلف محمدارشد آف لالہ چک اورپانچ دیگرملزمان کوکرپشن،فراڈاورجعل سازی کرنے کے الزام میں انکوائری کیلئے آج(مورخہ 7ستمبر بروز سوموار کو )طلب کرلیاہے۔سرکل آفیسرتھانہ اینٹی کرپشن گجرات نے تمام ملزمان کونوٹس جاری کردیے ہیں۔معلوم ہواہے کہ ملزم ارشدنے دیگرملزمان ناصر سلیمی ،اﷲدتہ،ناظم شاہ ،محمداشفاق اورکامران افضل کے ساتھ مل کرسائل محمدیوسف کالاکھوںروپے مالیت کاسامان خوردبردکیا،عدالت میں فرضی،جعلی اوربوگس رپورٹس داخل کیںاورغیرقانونی کام کیلئے ملزمان سے تیس ہزارروپے رشوت وصول کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) یوم دفاع کے موقع پر گجرات فرینڈز لائنز کلب کے وفد نے صدر احسن متین ملک کی سربراہی میں لادیاں میں گجرات کی شان اور پہچان میجر عزیز بھٹی شہید (نشان حیدر) کے مزار پر حاضری دی اور شہید کے مزار پر فاتحہ خوانی کی۔ مرکزی تقریب میں شرکت کی۔ آرمی افسران سے ملاقاتیں کیں اس موقع پر چیئرپرسن سید سلیمان شاہ’ جنرل سیکرٹری قاری عامر رضوان’ ڈاکٹر رزاق احمد غفاری’ چوہدری خرم ترکھا’ عمر اقبال’ ملک عمیر و دیگر بھی موجود تھے واپسی پر سید سلیمان شاہ کی طرف سے ظہرانہ کا اہتمام کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممبر اسلامی نظریاتی کونسل صاحبزادہ پیر سید سعید احمد شاہ گجراتی نے کہا ہے کہ حرام گوشت بیچنے والے اور حرام گوشت کا کاروبار کرنے والے اور اپنے مفاد کیلئے اس گھنائونے جرم سے چشم پوشی کرنے والے سب درجہ کفر کو پہنچ چکے ہیں۔ انہوں نے کہا کہ حرام گوشت کا کاروبار کرنے والے افراد کے نکاح بھی باطل ہو چکے ہیں لہٰذا وہ توبہ کریں اور کلمہ بھی دوبارہ پڑھیں اور اپنا نکاح بھی دوبارہ پڑھوائیں۔ انہوں نے اس بات کیخلاف سخت بیان دیتے ہوئے کہا کہ اپنے مسلمان بھائیوں کو دھوکے سے حرام جانوروں کا گوشت کھلانے والے انسان کہلانے کے بھی لائق نہیں۔ لہٰذا ہم حکومت سے بھی مطالبہ کرتے ہیں کہ ایسے افراد کیخلاف گھیرا مزید تنگ کیا جائے اور ان کو کیفر کردار تک پہنچایا جائے حکومت کے اس اقدام میں علماء کرام ، پیران کرام ساتھ دیں گے۔
پیاف فائونڈرز الائنس نے مدینہ مارکیٹ، شو مارکیٹ کا کامیاب انتخابی دورہ کیا
گجرات کی خبروں کی تصویری جھلکیاں 7/9/2015