گجرات (جی پی آئی) ممتاز روحانی شخصیت سید سَید امیر علی شاہ کا سالانہ عرس مبارک اٹلی کے شہر میلان میں 16 جولائی کو منایا جائے گا۔ یہ عرس مبارک خادم دربار عالیہ صوفی محمد عارف میراں کی زیر نگرانی منعقد ہو رہا ہے۔ جس کی صدارت صاحبزادہ پیر سید طاہر حسین شاہ زیب سجادہ نشین آستانہ عالیہ ڈھینڈہ شریف کریں گے۔ خصوصی خطاب عالمی مبلغ اسلام حضرت علامہ شاہ جہاں مدنی خطیب انگلینڈ کریں گے۔ تلاوت کلام پاک کا شرف فرحان جماعتی کریں گے۔ نقابت کے فرائض خاور بشیر بٹ گولڑوی سرانجام دیں گے۔ یہ پروگرام ازنیا چیزانو مدیرنو ، ازیلو سکول والے ہال میں منعقد ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) حج ایک مقدس فریضہ ہے جسے ہر صاحب استطاعت مسلمان پر فرض کیا گیا ہے۔ یہ ایک مشقت طلب عبادت ہے۔ پرائیویٹ حج آرگنائزر فریضہ حج کی ادائیگی کے سلسلہ میں عازمین حج کی اپنے وسائل کے مطابق رہنمائی کرتے ہیں۔ ان خیالات کا اظہار ممتاز عالم دین علامہ اختر حسین اسلام آباد نے گجرات پریس کلب میں کاروان مالک اشتر کے زیر اہتمام پہلی حج تربیتی ورکشاپ کے دوران کیا۔ انہوں نے کہا کہ فریضہ حج کی ادائیگی کے سلسلہ میں عازمین حج کو سعودی اور پاکستانی قوانین کی پابندی کرنی چاہئے تاکہ پاکستان کا نام روشن ہو سکے اور کوئی بھی ایسی حرکت نہیں کرنی چاہئے جس سے پاکستان کا نام بدنام ہو۔ چیف ایگزیکٹو کارروان مالک اشتر سید محمد علی نقوی نے کہا کہ میرے والد محترم نے کاروان مالک اشتر کے نام سے یہ ادارہ عازمین حج کی خدمت کیلئے قائم کیا تھا۔ اور میں یہ سلسلہ جاری رکھوں گا اور اپنے والد محترم کی روایات کے مطابق عازمین حج کی خدمت کرتا رہوں گا۔ چیف ایگزیکٹو پیس ٹریولز سید آصف رضا نقوی نے کہا کہ الحمد للہ عوام کاروان مالک اشتر پر بھر پور اعتماد کا اظہار کرتے ہیں اور پہلے سے بڑھ کر درخواستیں موصول ہوئی ہیں اور ہم اپنے وعدے کے مطابق عازمین حج کی خدمت کا سلسلہ جاری رکھیں گے۔ اس موقع پر عازمین حج کو مناسک حج کے سلسلہ میں رہنمائی فراہم کی گئی اور انکا میڈیکل وغیرہ ہوا۔ بعد ازاں عازمین حج نے حج دستاویزات پر دستخط کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ممتاز سماجی شخصیت راجہ اسلم پرویز آف اسامہ ہیئر ڈریسر کے والد محترم حاجی محمد خاں باورچی رضائے الٰہی سے انتقال کر گئے مرحوم کو سینکڑوں سوگواروں کی موجودگی میں قبرستان بھٹیاں میں سپردِ خاک کر دیا گیا۔ مرحوم کے ایصال ثواب کیلئے ختم قل کی محفل آج صبح 10 بجے جامع مسجد میاں عبدالستار محلہ حسن پورہ میں منعقد ہو گی۔ ٹھیک گیارہ بجے اجتماعی دعا ہو گی۔ دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سٹیزن فرنٹ ضلع گجرات کے وفد نے ضلعی صدر چوہدری علی ابرار جوڑا کی سربراہی میں ثاقب مشرف ناز کے بیٹے کی عیادت کی۔ جو کہ گزشتہ روز ٹریفک حادثہ میں شدید زخمی ہو گئے تھے۔ وفد میں شیخ عرفان پرویز’ سید مزمل حسین شاہ’ اکبر بیگ برلاس’ عامر چوہدری ‘ ڈاکٹر رزاق احمد غفاری اور یعقوب سیٹھی شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ، ڈی پی او کامران ممتاز نے بتایا ہے کہ سرائے عالمگیر کے علاقہ میں موبائل فون پر توہین آمیز کلمات پر مبنی پیغام بھیجنے والے ملزم کو گرفتار کر لیا گیا ہے جس سے تفیتش جاری ہے ۔ ان خیالات کا اظہار انہوںنے تحصیل آفس سرائے عالمگیر میں امن کمیٹی کے ممبران کے اجلاس سے خطاب کرتے ہوئے کیا، ایم پی اے چوہدری شبیر احمد، مسلم لیگ ن کے راہنما ملک جمیل اعوان ، ریونیو آفیسر سہیل رضوان ، ڈی ایس پی ہاشم گجر ، راجہ اسلم، مولانا نعیم اللہ نعیمی، مولانا نثار احمد فاروقی، حافظ محمد طارق، مولانا اعجاز بابر، علامہ سید اشتیاق حسین کاظمی، حافظ محمد عرفان مدنی مسجد، سید ظفر الحسن شاہ بخاری ایڈووکیٹ، ٹی ایم او عمر شجاع ، ایس ایچ او ثنا اللہ ڈھلوں بھی اس موقع پر موجود تھے۔ ڈی سی او لیاقت علی چٹھہ نے کہا کہ اس افسوسناک واقعہ کے بعد علما کرام نے نہایت مثبت کردار ادا کیا اور امن وا مان برقرار رکھنے کے لئے اپنی ذمہ داری احسن طریقے سے نبھائی۔ انہوںنے کہا کہ اس واقعہ سے عوامی جذبات مجروح ہوئے ، اس سازش میں اگر کوئی دیگر افراد بھی ملوث ہوئے تو انہیں بے نقاب کیا جائے گا۔ ڈی پی او کامران ممتاز نے کہا کہ پولیس نے بھرپور محنت سے ملزم کو گرفتار کیا ہے جس کے خلاف قانون کے مطابق کاروائی یقینی بنائی جائے گی اور انصاف کے تقاضے پورے کئے جائیں گے۔ ایم پی اے چوہدری شبیر احمد، مسلم لیگ ن کے راہنما ملک جمیل اعوان نے کہا کہ ناموس رسالت کے حوالے سے تمام کلمہ گو مسلمانوں کے جذبات و احساسات یکساں ہیں ماضی کی طرح اس بار بھی گستاخی کرنیوالے قانون کی پکڑ سے نہیں بچ سکے۔ اجلاس سے خطاب کرتے ہوئے علما کرام اور ممبران امن کمیٹی نے توہین کی مرتکب ملزم کی گرفتاری اور امن و امان برقراررکھنے کے لئے بھرپور کردار ادا کرنے پر ڈی سی او لیاقت علی چٹھہ ، ڈی پی او کامران ممتاز ، منتخب نمائندوں، انتظامیہ و پولیس کے کردار کو سراہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ٹی ایم ایز سیوریج اور برساتی پانی کے نکاس کے لئے سیوریج نالوں کی صفائی یقینی بنائیں،محکمہ انہار کے زیر انتظام نالوںکی صفائی کے لئے متعلقہ افسران سے رابطہ کیا جائے۔ ان خیالات کا اظہار ڈی سی او لیاقت علی چٹھہ نے ایڈمنسٹریٹر ٹی ایم اے عرفان علی کاٹھیا کے ہمراہ کٹھالہ ڈرین کی صفائی کے معائنہ کے موقع پر کیا، ٹی ایم او خرم محمود، چیف آفیسر عظمت فرید بھی اس موقع پر موجود تھے۔ ڈی سی او لیاقت علی چٹھہ نے کہا کہ رواں سال معمول سے زیادہ زیادہ بارشوںکی پیشنگوئی کی گئی ، صورتحال کے پیش نظر ٹی ایم ایز تمام وسائل کو فنکشنل حالت میں رکھا جائے تاکہ بار ش کی صورت میں پانی کا فوری نکاس کرکے شہریوںکو مشکلات سے محفوظ رکھا جا سکے۔ اس سے قبل ڈی سی او لیاقت علی چٹھہ نے اے سی گجرات نورالعین کو ہدایت کی کہ وہ خود محکمہ انہار کے متعلقہ افسران کے ہمراہ انکے زیر انتظام نالوںکا معائنہ کریںاور جہاں صفائی کی ضرورت ہو وہاں ا پنی نگرانی میں کام کرایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے کہا ہے کہ ملک کو ترقی کی شاہراہ پر گامزن کرنے کے لئے آبادی کے سیلاب کو روکنا ہوگا، کم عمر بچیوں کی شادی کی روک تھام اور خواتین کو تعلیم سے روشناس کرکے معاشرے کو جدید اور ترقی یافتہ بنایا جا سکتا ہے۔ ان خیالات کا اظہار انہوںنے آبادی کے عالمی دن کے موقع پر پاپولیشن ویلفیئر ڈیپارٹمنٹ کے زیر اہتمام سیمینار سے خطاب کرتے ہوئے کیا، ایم پی اے میجر (ر) معین نواز، ڈی او سوشل ویلفیئر امجد کلیر، ڈی او پاپولیشن ویلیفئر عدنان اسلم، عامر عثمان ، نگہت قریشی بھی اس موقع پر موجود تھے۔ اس سے قبل سیمینار کے شرکاء نے شہریوں میں آگاہی کے لئے واک میں شرکت کی اور رحمان شہید روڈ ، کچہری چوک اور ضلع کونسل تک مارچ کیا۔ سمینار سے خطاب کرتے ہوئے ڈی سی او لیاقت علی چٹھہ نے کہا کہ پاکستان آبادی کے لحاظ سے دنیا کا پانچواں بڑا ملک بن چکا ہے ، خوش قسمتی سے ملکی آبادی کا 60فیصد سے زائد نوجوانوں پر مشتمل ہے جو وطن عزیز کی ترقی و خوشحالی میں اہم کردار ادا کر سکتے ہیں۔ انہوںنے کہا کہ ترقی و خوشحالی کے لئے جہاں آبادی کے جن کو قابو کرنے کی ضرورت ہے وہیں شرح خواندگی میں اضافہ ناگزیر ہے اسی طرح دیہات میں روزگار اور ترقی کے مواقع فراہم کرکے شہروں کی طرف نقل مکانی کی بھی حوصلہ شکنی کرنا ہوگی ۔ ایم پی اے میجر (ر) معین نواز نے کہا کہ کہ آبادی پر کنٹرول حکومت کی ترجیحات میں سرفہرست ہے اور اس مقصد کے لئے محکمہ بہبود آبادی کو بہتر وسائل اور افراد ی قوت فراہم کی جارہی ہے۔ انہوںنے کہا کہ بچیوں کی کم عمری کی شادی کے نہایت منفی اثرات مرتب ہوتے ہیں معاشرے میں اس حوالے سے شعور اجاگر کرنا ہوگا۔ ڈی او پاپولیشن ویلفیئر عدنان اسلم اور دیگر مقررین نے بھی اظہار خیال کیا اور مہمانان خصوصی، سیمینار اور واک کے شرکاء کے جذبہ کو سراہتے ہوئے انکا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جناح پبلک سکول کالج بلاک اور قائد اعظم ڈویژنل پبلک سکول لالہ موسیٰ کیمپس کی تعمیر کا آغاز کر دیا گیا ہے، دونوںمنصوبوںکی بروقت تکمیل کے لئے ٹھیکیدار تمام وسائل بروئے کار لائیں نیز اعلی کوالٹی میٹریل کا استعمال ہر صورت یقینی بنایا جائے۔ ان خیالات کا اظہار ڈی سی او/چیئرمین بورڈ آف گورنر ز لیاقت علی چٹھہ نے بورڈ آف گورنرز کے اجلاس سے خطاب کرتے ہوئے کیا، بورڈ کے ممبران اے ڈی سی عرفان علی کاٹھیا، اے سی کھاریاں ذوالفقار علی باگڑی، ای ڈی او ایجوکیشن طاہر کاشف، پرنسپل ترنم ریاض ، شہزادہ عبدالمجید شادابیہ ، ڈاکٹر آصف علی و دیگر بھی موجود تھے۔ ڈی سی او لیاقت علی چٹھہ نے کہا کہ جناح پبلک سکول کالج بلاک کی تعمیر پر 12کروڑ روپے اخراجات کا تخمینہ ہے جبکہ قائد اعظم ڈویژنل پبلک سکول لالہ موسیٰ کیمپس کی تعمیر پر 8کروڑ روپے خرچ ہوں گے۔ انہوںنے ہدایت کی کہ سکول انتظامیہ اور تحصیل ایڈمنسٹریشن دونوں منصوبوںکی تکمیل کے لئے ہر ممکن تعاون کریں۔ بورڈ آف گورنرز کے اجلاس میںقا ئد اعظم ڈویژنل پبلک سکول لالہ موسیٰ کیمپس کی موجودہ پرنسپل کو اپنے عہدے پر مستقل کرنے کی بھی منظوری دے دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلعی انتظامیہ نے شہر کی مختلف شاہراہوںکے بعد جی ٹی روڈ پر دریائے چناب کے پل کو بھی ایل ای ڈی لائٹس سے روشن کرنیکامنصوبہ تیار کرلیا ہے، پراجیکٹ پر جلد کام شروع کر دیا جائے گا۔ ڈی سی اولیاقت علی چٹھہ نے بتایا کہ منصوبے کے تحت سڑک کے دونوں اطراف پل پر لائٹس لگائی جائیں گی جس کے لئے منصوبہ بندی مکمل کرلی گئی ہے۔ انہوںنے بتایا کہ پل پر لائٹس کی تنصیب کے اخراجات ضلعی حکومت برداشت کرے گی جبکہ اس کے لئے بجلی کنارہ ہوٹل انتظامیہ فراہم کرے گی۔ انہوںنے اس عزم کا اظہار کیا کہ گجرات کو خوبصورت اور روشن بنانے کے لئے ضلعی انتظامیہ تمام تر وسائل برئوے کار لائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جامعہ گجرات کے نواز شریف میڈیکل کالج میں یونیورسٹی آف ہیلتھ سائنسز کے زیر اہتمام میڈیکل کالجوں میں داخلہ کے خواہشمند طلبا و طالبات کے لیے انٹری ٹیسٹ کی ذیل میں تعارفی سیمینار کا انعقاد ہوا۔ اس سیمینار میں طلبا و طالبات کی بھاری تعداد نے اپنے والدین کی ہمراہی میں شرکت کی۔ یونیورسٹی آف ہیلتھ سائنسز کے فوکل پرسن ڈاکٹر ثاقب محمود نے اس سیمینار میں امیدواران کی راہنمائی کا فریضہ سر انجام دیتے ہوئے انہیں انٹری ٹیسٹ بارے تفصیلات ، داخلہ بھیجنے کے طریق کار، پرچہ جات حل کرنے بارے ہدایات اور دوسری متعلقہ معلومات سے سیر حاصل آگاہی بخشی۔ یاد رہے کہ پنجاب بھر کے میڈیکل کالجز میں داخلہ کے لیے انٹری ٹیسٹ کا انعقاد28اگست2016ء بروز اتوار کو ہو رہا ہے۔ انٹری ٹیسٹ میں شرکت کرنے کے لیے داخلہ فارم بنک اسلامی پاکستان لمیٹڈ(BIPL)کی نامزد شاخوں سے18جولائی سے لے کر08اگست2016ء تک دستیاب ہیں۔ انٹری ٹیسٹ کے لیے سلیبس یونیورسٹی آف ہیلتھ سائنسز کی ویب سائٹwww.uhs.edu.pkپردستیاب ہے۔ اس انٹری ٹیسٹ کا انعقاد حکومت پنجاب کی جانب سے یونیورسٹی آف ہیلتھ سائنسز کی ذمہ داری ہے۔ میڈیکل و ڈینٹل کالجز میں داخلہ کے لیے اس انٹری ٹیسٹ کو ازحد اہمیت حاصل ہے۔ پنجاب کے میڈیکل و ڈینٹل کالجز میں امسال اوپن میرٹ کے ذریعے داخلہ کے لیے ایم بی بی ایس کے لیے3022اور بی ڈی ایس کے لیے175سیٹیں مختص کی گئی ہیں۔ اطلاعات کے مطابق ایم بی بی ایس اور بی ڈی ایس سیشن2016-17ء کے لیے داخلہ کا عمل ستمبر، اکتوبر میں مکمل کرتے ہوئے میرٹ لسٹوں کا اعلان 28اکتوبر2016ء کوکیا جائے گا۔ جبکہ ایم بی بی ایس کے لیے تعلیمی سال کا آغاز14نومبر کو اورBDSکے لیے تعلیمی سال کا آغاز14دسمبر2016ء کو ہو گا۔ نواز شریف میڈیکل کالج میں اس تعارفی سیمینار کے اختتام پر طلبا و طالبات اور انکے والدین نے اپنی معلومات میں اضافہ کے لیے ڈاکٹر ثاقب محمود سے بالمشامہ گفتگو بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) تعلیم کسی بھی معاشرہ کی اجتماعی ترقی میںاساسی کردار ادا کر تی ہے۔ معیاری تعلیم کی فراہمی جامعہ گجرات کے اساتذہ کا نصب العین ہے۔ تدریسی سر گرمیوں کو کسی بھی معاشرہ کی ذہنی و علمی ترقی میں بے پناہ اہمیت حاصل ہوتی ہے۔ جامعہ گجرات وائس چانسلر پروفیسر ڈاکٹر ضیاء القیوم کی قیادت میں جدید اعلیٰ تعلیم کے تمام تر تقاضوں کو مدنظر رکھتے ہوئے اپنے طلبہ کو معیاری تعلیم و تربیت فراہم کرنے کی راہوں پر گامزن ہے۔ ان خیالا ت کا اظہار ڈین فیکلٹی برائے سائنسز پروفیسر ڈاکٹر محمد فہیم ملک نے جامعہ گجرات کے شعبہ جات فزکس، ریاضی، شماریات اور جغرافیہ کے زیر اہتمام منعقدہ اساتذہ کے ایک نمائندہ اجتماع سے خطاب کرتے ہوئے کیا۔ اس اجتماع کا مقصد نئے سمسٹر کے آغاز سے قبل سینئر و جونیئر اساتذہ کے مابین باہمی ہم آہنگی کی فضا کو فروغ دیتے ہوئے ان کی کارکردگی کو بہتر بنانے کے لیے عملی اقدامات کی ترویج تھا۔ ڈاکٹر محمد فہیم ملک نے تمام اساتذہ سے استدعا کی کہ وہ اپنی تدریسی ذمہ داریوں کو نہایت خلوص اور ذمہ داری سے نبھاہتے ہوئے اپنے طلبا و طالبات کے لیے تعلیمی راہنمائی کا فریضہ بطریق احسن سر انجام دیں۔ ایک مخلص استاد اپنے طلبہ کے لیے مشعل راہ کی حیثیت رکھتا ہے۔ کوآرڈینیٹر و صدر شعبۂ فزکس ڈاکٹر طاہر اقبال اعوان نے اس نمائندہ اجتماع میں شرکت کرنے والے تمام اساتذہ کو خوش آمدید کہتے ہوئے کہا کہ جامعہ گجرات کے تمام فیکلٹی ممبران وائس چانسلر ڈاکٹر ضیاء القیوم کے تعلیمی وژن کے پاسبان کا فریضہ سر انجام دیتے ہوئے صدق دل سے اپنی تدریسی سرگرمیوں کو نبھاہنے کی کوشش کریں گے۔ ہمارے نوجوان طلبہ ہماری قوم کا مستقبل اور ہماری آئندہ قومی ترقی کے ترجمان ہیں۔ اساتذہ کے اس نمائندہ اجتماع میں مختلف شعبہ جات کے ڈین ، چیئرپرسن، صدور، ڈائریکٹروں اور انتظامیہ کے ممتاز اراکین نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اے سی گجرات نورالعین نے ناقص صفائی پر حیدر بیکرز کے کارخانہ کو سیل کر دیا ہے۔ ڈی سی او لیاقت علی چٹھہ اور ڈائریکٹر فوڈ اتھارٹی عرفان علی کاٹھیا کی ہدایت پر کاروائی کے دوران اے سی نورالعین اور انکی ٹیم نے محلہ نور پور شرقی میں واقع مذکورہ کارخانہ کی چیکنگ کی جہاںصفائی کی صورتحال نہایت خراب تھی جس پر فوری ایکشن لیتے ہوئے انہوںنے کارخانہ کو سیل کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ڈی سی او گوجرانوالہ کا تحصیل ہیڈکوارٹر ہسپتال اور ٹی ایم اے کا دورہ، زیر تعمیر ٹراماسنٹر کے انچارج کو حوالات میں بند اور ڈسٹرکٹ ہیلتھ آفیسر کی سرزنش۔ڈی سی او گوجرانوالہ محمد عامر جان نے اچانک تحصیل ہیڈکوارٹر ہسپتال پہنچ گئے واش روم، میڈیکل ،سرجیکل اور بچہ وارڈکا معائنہ کیاڈاکٹرز روم میں اے سی بند تھے جس پر ایم ایس ڈاکٹر افتخار احمد نے بتایا کہ وارڈز میں30 کے قریب اے سی چل رہے ہیں بجلی بند ہے جنرئٹر چالو ہیں اسلئے اے سی عارضی طور پر بند ہیں جس پرڈی سی او نے ڈسٹرکٹ ہیلتھ آفیسر صاحبزادہ فرید کی سخت الفاط میں سرزنش کی اور فوری طوراضافی جنرئٹر کا بندوبست کرنے کے احکامات دیے۔ڈی سی او نے زیر تعمیر ٹراما سنٹر کو بھی چیک کیا اور سست تعمیر پرانچارج محمد منشاء کو پکڑ کر تھانہ سٹی کی حوالات میں بند کروادیا۔ڈی سی او نے ٹی ایم اے کا بھی دورہ کیا اور ملازمین کی حاضری چیک کی اورٹی او پی میڈیم سائرہ شفیع اور ٹی او آئی اینڈ ایس شیخ سعید کو شوکاز نوٹس جبکہ دیگر 6 غیر حاضر ملازمین کے خلاف محکمانہ کاروائی کیلئے اسسٹنٹ کمشنر محمد انور بریار کوہدایات جاری کردیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) پرنسپل سپیرئیر کالج پروفیسر حافظ سعیدنے کہا ہے سپیرئیر کالج تعلیم کے میدان میں صف اول کا ادارہ ہے جو شعبہ تعلیم میں اپنا بھرپور کردار ادا کررہا ہے۔سینئر اعلیٰ تعلیم یافتہ تجربہ کار اساتذہ کا انتخاب ہی کامیابی کا ضامن ہے۔ وہ اساتذہ سے خطاب کررہے تھے،اس موقع پر ذوالفقار چیمہ،خالد چیمہ،رضوان،میڈیم اقرائ،حافظ اورنگزیب،پروفیسر عمران،خرم،فہد عثمان،عمر فاروق،حافظ عثمان،حافظ بلال،عرفان اقبال چیمہ،کاظم شاہ،پروفیسر حفیظ بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹوٹی سڑکیں ، گندگی کے ڈھیریونین کونسل 245 خالق نگرمسائل کا گڑھ بن گئی
لاہور(جی پی آئی) سرکاری ہسپتال نہ ڈسپنسری نہ سوئی گیس ٹوٹی پھوٹی سڑکیں ،جگہ جگہ گندگی کے ڈھیر، سٹریٹ لائٹ ناپید اراکین اسمبلی بلدیاتی اداروں و انتظامیہ کی لاپرواہی کے باعث ہزاروں نفوس پر مشتمل آ بادی یونین کونسل 245 خالق نگرکھنڈرات کا نقشہ پیش کرنے لگی ،تفصیلات کے مطابق ہلیان یوسی 245 خالق نگرکا کہنا ہے کہ ووٹ لینے تو سب آجاتے ہیں لیکن ہمارے کام کوئی نہیں کرتا الیکشن سے پہلے سیاستدانوں نے بیشمار وعدے کئے لیکن وہ وعدہ ہی کیا جو پورا نہ ہو۔ خالق نگرمیں صفائی کا انتظام انتہائی ناقص ہے،سٹریٹ لائٹس نہ ہونے کے باعث اندھیرے کی وجہ سے حادثات معمول بن گئے ہیں،انورپکوڑیا ں والا،جمیل دودھ دہی والا،لیاقت علی پرچون والا،بابرجٹ پی سی او والانے بتایا کہ خالق نگر میں واپڈا اہلکاروں کی ملی بھگت سے بجلی چوری ہو رہی ہے جبکہ واپڈا اہلکار عوام کو بجلی کے ناجائز اضافی بل بھجوا کہ عو ام کی زندگیوں کو مزید دشوار بنا رہے ہیں ،عوام کا کہنا تھا کہ ان کے علاقے میں کوئی سرکاری ہسپتال نہیں ہے۔عوام نے شکایت کی کہ بارشوں کے دنوں میں سڑکوں اور گلیوں میں اتنا پانی ہوتا ہے کہ علاقے میں پیدل پھرنا مشکل ہو جاتا ہے اور نہ صرف یہ بلکہ سڑکوں پر تیرتے گندے پانی کے باعث نمازیوں کو بھی شدید مشکلات کا سامنا رہتا ہے۔عوام نے بتایا کہ علاقے میں رات گئے تک آوارہ اور نشئیوں کا قبضہ رہتا ہے، اہلیان یو سی اپنے مسائل کے حل کی تلاش میں در در مارے پھرتے رہتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاہنہ جرائم پیشہ عناصرکا گڑھ بن گیا،منشیات فروشی،جسم فروشی پولیس کی سرپرستی میں ہونے لگی
لاہور(جی پی آئی) تھانہ کاہنہ جرائم پیشہ عناصرکا گڑھ بن گیا،تفصیلات کے مطابق نئے ایس ایچ او کی تعیناتی کے ساتھ ہی چوری ڈکیتی کی وارداتوں میں اضافہ ہوگیا،کاہنہ میں جسم فروشی ،منشیات فروشی کے اڈے پولیس کی سرپرستی میں چلنے لگے،کاہنہ پولیس جرائم پیشہ عناصر کوتحفظ دے کر نوٹ کمانے میں مصروف ہوگئی،تھانہ کاہنہ کی حدودمیں گلی محلوں میں نوجوان نسل کو منشیات بیچی جانے لگی،جسم فروشی عام ہونے لگی،زرائع کے مطابق تھانہ کاہنہ میں نئے تعینات ہونے والے ایس ایچ اوعاطف معراج کوخصوصی ٹاسک دیا گیا تھا کہ کاہنہ سے جرائم پیشہ عناصر کا قلعہ قمع کیا جائے لیکن جرائم پیشہ عناصر نے ایس ایچ او عاطف معراج کی آنکھوں پر نوٹوں کی پٹی باندھ دی ،جس کی وجہ سے گلی محلے منشیات فروشوں سے بھرگئے ،اہل علاقہ سخت ذہنی اضطراب میں مبتلا ہوگیا۔کاہنہ کی سماجی ،اصلاحی،فلاحی تنظیموں نے اعلیٰ حکام سے کاہنہ سے جرائم پیشہ عناصر کے خاتمے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف گلوکارہ کرن خالدکے پہلے البم کی تیاریاں شروع
لاہور(جی پی آئی) نوجوان نسل کی نمائندہ گلوکارہ کرن خالدکے پہلے البم کی تیاریاں شروع،اس البم کی ریہرسل مقامی اسٹوڈیومیں کی جارہی ہے،کرن خالد کے پہلے البم کے لئے گیت معروف شعراء کرام ایم اے تبسم اورایس ایم صابر سے لکھوائے گئے ہیں۔گلوکارہ کرن خالد اس وقت اردو،پنجابی گیتوں میں اچھی آواز کے ساتھ کافی مقبول ہیں اورانہیں ملکی اور غیرملکی کئی اداروں کی طرف سے پروموٹ کئے جانے کی بھی پیشکش کی گئی ہیں۔ایک ملاقات میں کرن خالد نے بتایا کہ میرا البم شائقین کو پسند آئے گا اس البم میں خوشی اورغم کے گیتوں کابہترین امتزاج ہے۔کرن خالد نے اب تک کئی لائیو شوز اور سٹیج پروگرام میںپرفارم کیا ہے جہاں انہوں نے بے پناہ دادسمیٹی ہے۔کئی مواقع پر ان کے بھائی سنی خالد بھی بطور پارٹنر سنگر ان کیساتھ پرفارم کرچکے ہیں۔ان کے البم کو جلد قومی وبین الاقوامی سطح پر ریلیز کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقبال کھوکھرکے بہنوئی کی وفات پرسیاسی،سماجی ،صحافتی ومذہبی شخصیات کااظہارتعزیت
لاہور(جی پی آئی) اقبال کھوکھر کے بہنوئی وفات پاگئے۔سیاسی،سماجی ،صحافتی ومذہبی شخصیات کااظہارتعزیت۔تفصیلات کے مطابق عوامی محبت گروپ کے چیف ایگزیکٹو اقبال کھوکھر کے چچی زاد بہن کے شوہرمنشاء گرین ٹائون لاہورمیں گزشتہ روز قضائے الہٰی سے وفات پاگئے۔مرحوم ایک ہمدرد انسان اور پرائیویٹ کمپنی میں ملازم تھے۔انہوں نے اپنے پسماندگان میں بیوہ، دوبیٹیاں اور تین بیٹے چھوڑی ہیں۔انٹرنیشنل میڈیافورم کے چیئرمین ایم اے تبسم،کالمسٹ کونسل آف پاکستان کے بانی چیئرمین ڈاکٹر غازی شاہد رضاعلوی،صفدر علی خان۔فرید کمال، عمران بٹ، سنیئر کالم نویس بدرسرحدی،نائلہ نذیر،میاں محمود نواز،رشیدلالہ،اسلم گل ودیگر نے اقبال کھوکھرسے اظہارتعزیت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت اقوام متحدہ کے تحت کشمیریوں کو حق خودارادیت دے،انٹرنیشنل میڈیافورم
لاہور(جی پی آئی) انٹرنیشنل میڈیافورم نے کشمیر میں بھارتی افواج کے ہاتھوںبے گناہ معصوم افراد کی شہادت پر گہرے دکھ اور افسوس کااظہار کیا ہے۔ایک اجلاس میں چیئرمین ایم اے تبسم ،صدراقبال کھوکھر نے کہا کہ عالمی طاقتوں کو چاہیے کہ بھارت پر اپنا اثرورسوخ استعمال کرے اور اسے پابند کرے کہ وہ اقوام متحدہ اور شملہ معاہدہ کے تحت کشمیریوں کو حق خودارادیت دے اور اپناظلم وستم فوری بندکرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد(جی پی آئی) خطہ پوٹھوہار کے عظیم روحانی پیشوا،ولی اللہ،درویش ،فقیرسلطان العارفین حضرت سائیں محمد اشرف بادشاہ قادری قلندری کا 77واں سہ روزہ سالانہ عرس آج سے شروع ہوگا۔عرس کاانعقاد15تا17جولائی زیرسرپرستی سجادہ نشین پیرنسیم احمدہاشمی قادری قلندری دربارعالیہ قادریہ قلندریہ تمیرشریف اسلام آبادمیں ہوگا۔عرس کی تقریبات کے مہمان خصوصی صاحبزادہ پیر سائیں مطلوب حسین سجادہ نشین کامرہ شریف ہوںگے۔دربارعالیہ قادریہ قلندریہ تمیرشریف کے ترجمان محمد محسن عزیزکے مطابق عرس کی تقریبات کاباقاعدہ آغاز15جولائی بروزجمعہ محفل میلاد،محفل ذکرواذکار،غسل دربار شریف سے ہوگا،سجادہ نشین دربار عالیہ پیر نسیم احمد ہزاروں زائرین کی موجودگی میں روضہ مبارک کوعرق گلاب سے غسل دینگے اور پھولوں کی چادریں چڑھائیں گے۔سہ روزہ عرس کے دوسرے روز16جولائی بروزہفتہ سلطان العارفین حضرت سائیں محمداشرف بادشاہ قادری قلندری کے حضورڈالیاںپیش کی جائیںگی۔تمیرگائوں، لہتراڑ،کوٹلی ستیاں،ترامڑی چوک،غوری ٹائون،غوری گارڈن،کورال چوک،جھٹہ ہتھیال، تختی راجگان،نکڑالی چک بیلی روڈ،پوٹھی گوجرخان،علی پور،جھنگ سیداں،راولپنڈی،لاہوراورچکوال سے درجنوںڈالیاں پیش کی جائیں گی،عرس کی خصوصی تقریب زائرین کی پریڈہوتی ہیجس میں ہزاروں زائرین فوجی جوانوں کی طرزپرنظم وضبط سے پریڈکرتے ہوئے دربارشریف کوسلامی دیتے ہوئے گزرتے ہیں۔اس موقع پر دربار شریف میںنعت خوانی اور محفل سماع منعقد ہوگی جس میںمعروف نعت خوان اور قوال نذرانہ عقیدت پیش کرینگے محفل نعت وسماع صبح نمازفجرتک جاری رہیگی،جس کے بعد سجادہ نشین دربار شریف پیر نسیم احمد ملک وقوم کی فلاح و بہبود کے لیے خصوصی اجتماعی دعا کرائینگے۔ عرس کی تقریبات facebook.com/tumairsharifپربراہ راست نشرکی جائیںگی۔ ملک بھرکے مختلف علاقوں سے ہزاروں افرادکا عرس کی تقریبات میں شرکت کے لیے تمیر شریف اسلام آبادآمدکاسلسلہ جاری ہے ۔عرس کی تقریبات کے دوران تین دن تک دربار کی جانب سے زائرین میں لنگر بھی تقسیم کیا جائیگا۔ عرس کے موقع پرسلطان العارفین حضرت سائیں محمد اشرف بادشاہ قادری قلندری کی بستی تمیرشریف میں میلہ لگ گیاہے اور دربارشریف پر خوبصورت برقی قمقموں سے چراغاں کیا گیاہے اورجھنڈوںاورجھنڈیوں سے سجایاگیاہے۔اس موقع پر کسی بھی ناخوشگوار واقعہ سے نمٹنے کیلئے سیکورٹی کے سخت ترین حفاظتی انتظامات کیئے گئے ہیں۔رضاکاروں کے علاوہ مقامی پولیس کے سیکڑوں جوانوںنے سیکورٹی کی ذمہ داریاں سرانجام دینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کشمیری عوام کو جینے کا حق دے۔پاکستان کرسچن نیشنل پارٹی
لاہور(جی پی آئی) پاکستان کرسچن نیشنل پارٹی کے چیئرمین ایم اے جوزف فرانسس ،سنیئروائس چیئرمین مارٹن جاویدمائیکل،ضیاء کھوکھر،اقبال کھوکھر،سہیل آصف ودیگر نے ایک اجلاس میںمقبوضہ کشمیر میں بھارتی افواج کے ہاتھوںبے گناہ معصوم افراد کی شہادت پر گہرے دکھ اور افسوس کااظہار کیا ہے۔انہوں نے کہا کہ بھارت اقوام متحدہ اور شملہ معاہدہ کے تحت کشمیریوں پر ظلم وستم ختم کرے اورکشمیری عوام کو جینے کا حق دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد (جی پی آئی) ملک کی مختلف مذہبی وسیاسی جماعتیں مدینہ منورہ اور سعودی عرب کے دیگر شہروں میں ہونے والے بم دھماکوں ،مقبوضہ کشمیر میں بھارتی جارحیت اور مفتی حبیب الرحمن کے قتل کیخلاف آج(15جولائی بروز جمعہ) یوم احتجاج منائیں گی۔ ملک کے اہم شہروں میں جلسے جلوس اور ریلیاں نکالی جائیں گی۔ جس سے سیاسی اور مذہبی جماعتوں کے سربراہ اور قائدین خطاب کریں گے۔ یہ بات پاکستان علماء کونسل اسلام آباد کے زیر اہتمام ہونے والے اجلاس کے بعد پاکستان علماء کونسل کے مرکزی چیئرمین حافظ محمدطاہر محمد محمود اشرفی،صاحبزادہ زاہد محمود قاسمی،جمعیت علماء پاکستان کے مولانا محمد خان لغاری،سنی اتحاد کونسل (سواد اعظم ) کے پیر محفوظ مشہدی،وفاق المساجد پاکستان کے مولانا محمد ایوب صفدر، جمعیت علماء اہلحدیث کے مولانا غلام اللہ خان،جمعیت علماء امامیہ کے علامہ غلام اکبر ساقی،جمعیت علماء اسلام کے مولانا عبد لحفیظ ،تحفظ مدارس دینیہ پاکستان کے پیر خالد محمود قاسمی،جمعیت مشائخ اہلسنت پاکستان کے مولانا پیر سیف اللہ خالد ، مولانا عبد لکریم ندیم،مولانا عبد لحمید صابری ،مولانا شفیع قاسمی نے اپنے مشترکہ بیان میں کہی۔ انہوں نے کہا کہ مدینہ منورہ اور سعودی عرب میں بم دھماکے اسلام دشمن قوتوں کا اصل اور آخری ہدف تھا ۔مسلم امہ ارض حرمین الشریفین کے دفاع و سلامتی کیلئے کسی مصلحت کا شکار نہیں ہوں گے۔ انہوں نے کہا کہ آج ملک (15جولائی بروز جمعہ)ملک بھر میں تمام مکاتب فکر کے قائدین سیاسی و مذہبی جماعتوں کے رہنما ”یوم تحفظ ارض حرمین الشریفین ”کے موقع پرجلوس اور ریلیاں نکالیں گے اور مدینہ منورہ اور سعودی عرب کے دیگر شہروں میں ہونے والے بم دھماکوں اور مقبوضہ کشمیر میں ہندوستانی مظالم اور شہید تحفظ حرمین الشریفین مولانا مفتی حبیب الرحمن کے قتل کی مذمت کی جائے گی اور انتہاپسندی ،دہشتگردی کیخلاف سعودی عرب کی حکومت اور عوام کے ساتھ مکمل یکجہتی کا اظہار کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) کیفے پیالہ کے قریب گجر نالے کی صفائی کے دوران دومنزلہ مکان گرگیا ۔ مکان میں بچوں سمیت 5 افراد کے لاپتہ ہونے کی خبر سن کرپاکستان تحریک انصاف کے رہنما حلیم عادل شیخ موقع پر پہنچ گئے ۔متاثرہ لوگوں سے ملاقات کے بعد انہوںنے نالے پر ہونے والے امدادی کا موں کا جائزہ لیا،موقع پر موجود میڈیاسے ان کا کہنا تھا کہ سندھ حکومت کے پاس کوئی سسٹم موجود نہیں انتظامیہ ہی نہیں آدے کا آوا ہی بگڑاہواہے ،نالے پر مقیم عوام کیڑے مکوڑوں کی زندگیاں گزاررہے ہیں۔موقع پرموجودہ لوگوں سے معلومات حاصل کرنے کے بعد ان کا کہنا تھا کہ کراچی میں بیشتر نالوں پر آبادیاں موجود ہیں نالے پر قائم مکانوں کی بنیادیں خطرناک حد تک کمزور ہیں جو کسی بھی آفت کی صورت میں گرسکتے ہیں۔برسات کی صورت میں نالوں کا رواں دواں رہنا بہت ضروری ہے مگر اس ساری صورتحال میں جن لوگوں کے مکانات نالوں پر ہیں ایسے خاندانوں کو محفوظ مقامات پر پہنچانا بھی انتظامیہ کی ذمہ داری ہے ۔ متاثرہ خاندان کی جانب سے حلیم عادل شیخ کو بتایاگیا کہ صفائی سے قبل انتظامیہ نے انہیںمکانات کو چھوڑ نے کی کوئی اطلاع فراہم نہیں کی گئی تھی۔حلیم عادل شیخ نے کہاکہ نالوں کی صفائی بہت ضروری ہے اس کے لیے انتظامیہ ان لوگوں کو متبادل رہائش کیوں نہیں دیتی۔ انہوں نے کہا کہ کراچی میں بیشتر نالوں کی برسوں سے صفائی نہ ہوئی ہے ۔جس کے باعث مختلف علاقوں میں گیسٹروں اور پیٹ کے امراض پیدا ہوتے رہتے ہیں۔شدید بارشوں اورہنگامی صورتحال میں شہریوں کی جان ومال کی حفاظت کرنا حکومت کی ذمہ داریوں میں شامل ہے ۔اس موقع پر ان کے ہمراہ تحریک انصاف کے مقامی کارکنان و عہدیدارن کی بڑی تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) بھمبرکے عوام پر امن اور محبتیں بانٹنے والے لوگ ہیں وارڈ نمبر 1کے مرد وخواتین نے جسطرح میرا استقبال کرکے اپنی محبتوں اور چاہتوںکااظہار کیا انشاء اللہ محبتوں کا قرض ادا کرونگا بھمبر پرامن لوگوں کا شہر ہے چند دہشت گرد نما لوگوںنے شہر سمیت پورے حلقے کے عوام کو یرغمال بنانے کی جو تحریک شروع کر رکھی ہے انشاء اللہ اس کا بھرپور مقابلہ کرتے ہوئے دہشت گرد نما سیاست کرنیوالوں سے بھمبر کے عوام کو آزادی دلائیںگے اللہ نے ایک بار پھر بھمبرکے عوام موقع فراہم کیاہے کہ وہ 21جولائی اپنے شہر کو سیاسی دہشت گرد نما یرغمالیوں سے ووٹ کی طاقت سے آذادکروائیں الیکشن فوج کی نگرانی میں ہونگے عوام پوری آزادی اور ذمہ داری سے ووٹ ڈالیں مخالف فریق وفاقی وزیر امور کشمیر برجیس طاہر سے پیسے لیکر بھمبر کے عوام کے ضمیر خریدنے کی کوشش کر رہاہے لیکن میرے اوپر اللہ کا خاص انعام ہے کہ عوام مخالف فریق سے پیسے لے کر بھی میرے حق میں فیصلہ کررہے ہیں اللہ نے لوگوں کے دلوں میں میری محبت ڈال دی ہے جسے پیسے کے زور پر ختم نہیںکیا جاسکتا 6روز بعد الیکشن کادن ہے عوام بغیر کسی خوف و لالچ کے اپنے بچوں اور اس شہر کا مستقبل محفوظ کرنے کیلئے اپنا بھرپور کردار ادا کریں ان خیالات کااظہار سابق سپیکر و آزادامید وار اسمبلی حلقہ بھمبر چوہدری انوار الحق نے محلہ باولی وارڈ نمبر 1میں ایک بڑے انتخابی جلسہ عام سے خطاب کرے ہوئے کیا انہوںنے کہاکہ بھمبرپرامن ،خوبصورت سوچ رکھنے اور محبتیں بانٹنے والے لوگوںکا شہرہے بھمبرکی تعمیر وترقی کا واویلا کرنے والوں نے وفاقی حکومت سے کروڑوں روپے کے فنڈز لیکر بھی ایک کام بھی نہ کروایا کروڑوں روپے اپنے حواریوں میں تقسیم کیے جبکہ کوئی بھی عوامی فلاح کا منصوبہ شروع نہیں کیا گیا الٹا چند اداروں کو یرغمال بناکر ٹھیکوںکی مد میں کروڑوںروپے کی دیہاڑیاں لگائی گئیں انہوںنے کہاکہ آج میں بہت خوش ہوں کہ آج اس پروگرام میں میری ماؤں ،بہنوں اور بیٹیوں نے بھی میری حوصلہ افزائی کیلئے بھرپور شرکت کی جس پر انکا بے حد شکر گزار ہوں جسکے ساتھ قوم کی ماؤں ،بہنوں کی دعائیں ہوں اسے دنیا کی کوئی طاقت شکست نہیں دے سکتی میرے کارکنان بھی خواتین کا احترام اسطرح کریںجسطرح وہ اپنی ماؤں بہنوں کو عزت کا مقام دیتے ہیں انہوںنے کہاکہ مخالف فریق دہشت گرد انہ کارروائیوں کا ماسٹر مائنڈ ہے انہوںنے بھمبرسمیت پورے حلقہ کو یرغمال بنانے کی پلاننگ کر رکھی ہے لیکن انشاء اللہ جب تک انوار الحق زندہ ہے کوئی مائی لعل کسی ایک شہری کا بھی بال بیکا نہیں کر سکتا جس دن میں اس دنیا میں نہ ہوا تو عوام خود ہی دیکھ لیں گے کہ فریق مخالف کی سوچ کیاہے اور یہ عوام کیا حشر کرینگے میری ماؤں بہنوں اور کارکنان سمیت شہریوں سے بھی اپیل ہے کہ وہ اگر سمجھتے ہیںکہ مخالف فریق آپ کے ووٹوں کا حقدار ہے اور اس کی کارکردگی سے مطمئن ہیں تو آپ فیصلہ کا اختیار رکھتے ہیں اگر آپ مطمئن نہیں ہیں تو پھر سوائے اللہ کی ذات کے کوئی خوف نہیں ہونا چاہیے عزت اور ذلت کے فیصلے اللہ تعالیٰ کے پاس ہیں انہوںنے کہاکہ مخالف فریق فتنہ فساد اور جھوٹ کے فروغ کا ماہر ہے انہوںنے کئی بار لوگوں کولڑائی جھگڑے پر اکسایا جو آن دی ریکارڈ موجودہے اب وزیر امورکشمیر برجیس طاہر کے کاندھوں پر سوار ہوکر کشمیریوں کے ٹیکسو ں کے پیسے کو حرام کا پیسہ سمجھ کر اپنی ذاتی انا کو تسکین پہنچانے کیلئے شیر مادر سمجھ کر اڑا رہاہے بھمبرکے عوام اب ان ہتھکنڈوں سے مرغوب نہیں ہونگے عوام کوجو پیسے دیتا ہے وہ لے لیں یہ آپکا اپنا پیسہ ہے لیکن 21جولائی کواپنے زندہ ضمیر کیساتھ پرچی پر مہر لگائیں اب نہ کوئی بد معاشی ہوگی نہ ٹرانسفارمر ،نہ گلیا ں ،نہ ٹوٹیاں کہیں اثر انداز ہو سکیں گی اب عوام نے مسلح افواج پاکستان کی زیر نگرانی ووٹ ڈالنے ہیں عوام پوری آزادی سے ووٹ ڈالیں 99%آزادانہ اور منصفانہ الیکشن ہونگے آپ عوام سے میرا یہ وعدہ بھی ہے کہ اپنا حق رائے دہی استعمال کرتے وقت اگر کوئی آپکی عزت نفس اچھالنے کی کوشش کرے گا تو اسے روکنے کیلئے آخری حد تک جاؤں گا تقریب سے خواجہ محمد امین ایڈووکیٹ ،چوہدری محمدیوسف درائیاں ،مولانا ابرار نذیر ،راجہ نعیم گل ،ٹھیکیدار چوہدری محمد الطاف اور راجہ محمد اقبال سیرلہ نے بھی خطاب کیا دریں اثناء ٹھیکیدار چوہدری محمد الطاف ،(ر) ریڈر سیشن کورٹ چوہدری صحبت علی نے مسلم لیگ ن اور چوہدری طارق فاروق کو چھوڑ کر چوہدری انوار الحق کے قافلے میں شمولیت کا اعلان کیا اور آئندہ الیکشن میں انکی بھرپور سپورٹ کرنے کا اعادہ کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) ڈسٹرکٹ ریٹرننگ آفیسر محمد منشاء غوث نے کہاہے کہ وہ سرکاری ملازمین جن کی 21جولائی الیکشن کی ڈیوٹیاں لگ چکی ہیں اپنے اپنے حلقے میں موجود پریذائڈنگ آفیسر کے پاس 17جولائی کو ووٹ کاسٹ کریںان خیالات کااظہار انہوںنے اپنے آفس میں موجود الیکشن ڈیوٹیوں کے انتظامات کے حوالے سے منعقدہ اجلاس سے خطاب کرتے ہوئے کیاانہوںنے کہاکہ حلقہ ایل اے 6کے ملازمین سماہنی میں ،حلقہ ایل اے 7کے ملازمین بھمبرمیں جبکہ حلقہ ایل اے 5کے ملازمین برنالہ میں اپنا پنا ووٹ 17جولائی کو پریذائڈنگ آفیسرکے پاس کاسٹ کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) بھمبرمیں چوہدری انوار الحق کی جیت کی ہوا چل پڑی مسلم لیگ ن کو چھوڑ کر متعدد شخصیات کی انوار الحق کے قافلے میں شمولیت کا سلسلہ جاری مسلم لیگ ن بھمبرکے کیمپوںمیں شکست کا خوف چوہدری طارق فاروق کے دست راست ٹھیکیدار چوہدری محمد الطاف آف کھمب اور محمد شہباز اکمل عرف پپو گجر بھی انوار الحق کے قافلے میں شامل انوا رالحق کی پوزیشن مضبوط تفصیلات کیمطابق 21جولائی کا دن جوں جوں قریب آرہا ہے بھمبرمیں سیاسی جوڑ توڑ بھی عروج پر پہنچ گیاہے روزانہ دونوں سیاسی حریف جوڑ توڑ کرکے لوگوں کو اپنے قافلے میں شامل کررہے ہیں جوڑ توڑ کی اس دوڑ میں چوہدری انوارالحق کو سبقت دکھائی دے رہی ہے چوہدری انوار الحق نے گزشتہ 1ہفتہ سے سیاسی تابڑ توڑ حملے کرکے حلقہ کے درجنوں اہم خاندان اور شخصیات کو اپنے قافلے میں شامل کرلیاہے چوہدری انوار الحق کے قافلے میں شامل ہونے والوں میں اکثریت چوہدری طارق فاروق کے حامیوںکی ہے جو طارق فاروق کو چھوڑ کر انوار الحق کے قافلے میں شامل ہوگئے ہیں جبکہ دوسری طرف گزشتہ 1ماہ سے چوہدری طارق فاروق حلقہ ایل اے 7بھمبرسے کسی نمایاں سیاسی شخصیت یا خاندان کو اپنے ساتھ شامل نہیں کر سکے گزشتہ روز بھی مسلم لیگ ن کے مرکزی راہنما اور چوہدری طارق فاروق کے دست راست ٹھیکیدار چوہدری محمد الطاف آف کھمب ،محمد شہباز اکمل عرف پپو گجر اور چوہدری صحبت (ر) ریڈر نے طارق فاروق کو خیر آباد کہہ کہ چوہدری انوار الحق کی حمایت کا اعلان کردیا چوہدری انوار الحق کے قافلے میں آئے روز نمایاں شخصیات اور خاندانوں کی شمولیت سے حلقہ بھرمیں سیاسی پنڈٹ انوار الحق کی جیت کا پیغام دے رہے ہیں سٹی بھمبر ،یونین کونسل پنجیڑی ،یونین کونسل کلری اور یونین کونسل کسگمہ پہلے ہی یکطرفہ طور پر چوہدری انوار الحق کے حق میں فیصلہ دے چکے ہیں جبکہ دوسری طرف حلقہ بھر میںمسلم لیگ ن بھمبرکے کیمپوںمیں شکست کا خوف نمایاں نظر آرہاہے جبکہ خاموش ووٹر بھی تیل دیکھوں اورتیل کی دھار دیکھوںپر اپنا کردار ادا کرنے کیلئے پر تول رہے ہیں یوں حلقہ میں انوار الحق کی مقبولیت کا گراف بلندیوں کو چھوتا ہو انظر آرہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) بھمبرمیں فیصلہ کن معرکہ شروع ہوچکا مخالفین کو اب میدان سے بھاگنے نہیں دینگے چوہدری طارق فاروق اور برجیس طاہر ایک تصویر کے دو رخ ہیں دونوں کی اصلیت مظفر آباد سے بھمبر تک عوام کے سامنے بے نقاب ہو چکی لیگی امیدواروں میں کشمیریوںکے ضمیر خریدنے کیلئے 21،21کروڑ روپے بانٹنے والے برجیس طاہر کو آزادکشمیر کے پہاڑوں پر گھسیٹیں گے ان خیالات کااظہارراجہ سعد اقبال آف سیرلہ نے میڈیا نمائندگان سے گفتگو کرتے ہوئے کیاا نہوںنے کہاکہ ریاست جموںوکشمیر کا وائسرے بننے کے خواب دیکھنے والے کالے انگریز برجیس طاہرکو آزادکشمیر کے عوام 21جولائی کو آئینہ دکھادینگے انہوںنے کہاکہ برجیس طاہر نے ریاستی تاریخ کی بدترین کرپشن کی اور کشمیریوں کے ٹیکس کاپیسہ سمیٹ کر پنجاب میں لے گیاہے برجیس طاہر کی ریاستی تاریخ کی بدترین کرپشن اور اس کے وائسرے بننے کے روپ نے ریاستی تشخص کی پامالی میں سب کو پیچھے چھوڑ دیاہے برجیس طاہر پہلے اپنے گریبان میں جھانکے وہ بھمبرمیں جس کیساتھ کھڑا ہے اسکی کون سی جماعت سیاسی ماںہے برجیس طاہر نے ہمارے قائد انوار الحق کیخلاف نازیبا الفاظ استعمال کرکے اپنی کم ظرفی ثابت کردی ہے انشاء اللہ بہت جلد کشمیری قوم برجیس طاہر سے کشمیریوں کی لوٹی ہوئی دولت کی ایک ایک پائی کا حساب لیں گے انشاء اللہ بھمبرمیں برجیس طاہر کے امیدوار کو 21جولائی کے روز بھمبرکے غیور عوام چاروں شانے چت کرکے بدلہ لیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) سابق اسپیکر و آزادامیدوار حلقہ 7 بھمبر چوہدری انوار الحق کا گائوں کوہل، ڈھوک چاچا، دعورہ کچا کاطوفانی دورہ سینکڑوں افراد نے مسلم لیگ ن چوہدری طارق فاروق کو چھوڑ کر چوہدری انوار الحق کی حمایت کا اعلان کردیا میں نہ مانو والوں کو ایک اور دھچکا ، یونین کونسل پنجڑی کے گائوں کوہل سے اہم شخصیت غریبوں ، مظلوم کا ساتھی اورمنافقتوں اور ظالموں کے خلاف ننگی تلوارکا چوہدری انوارالحق کی حمایت کا الٹی میٹم اپنے ساتھیوں ،دوستوں کو دینے کے بعد صورت حال یکطرفہ طور پر تبدیل ہونا شروع ہوگئی کوہل سے چوہدری محمد اعظم کی قیادت میں نئے شامل ہونے والوں میں چوہدری صوبیدار میجر (ر) فضل حسین، چوہدری محمد یونس ، چوہدری صابر ، چوہدری عاشق ، چوہدری طالب، چوہدری اشرف، چوہدری سلیم ، چوہدری شبیر ، چوہدری نو ر محمد نے گائوں ڈھوک چاچاں سے محمد اقبال ، لطیف شاہ، عبدالمنان، چوہدری ندیم، منظور شاہ، معین شاہ، چوہدری محمد جمیل جبکہ کچا سے احتشام نذیر نے کنبہ قبیلہ سمیت چوہدری انوار الحق کی حمایت کا اعلان کیا اس موقع پر سابق اسپیکر چوہدری انوار الحق نے کہا کہ کوہل ، ڈھوک چاچاں کے لوگوں کے مسائل حل کروں اور حقوق کا دفاع ڈٹ کر کروں گا میرے لیے کوہل، ڈھوک چاچاں سمیت تمام علاقوں کی تمام برادریاں قابل احترام ہیں۔
بین المذہب کمیشن برائے امن و ہم آہنگی کے تحت کراچی پریس کلب میں احتجاجی مظاہرہ
گجرات کی خبروں کی تصویری جھلکیاں