گجرات (جی پی آئی) عالمی وحدت اسلامیہ کے زیر اہتمام معراج النبی کے سلسلے میں عظیم الشان ” سیرلامکاں کانفرنس ” آج 15اپریل 2016بروز جمعتہ المبارک بعد نماز عشاء العزیز مارکی میرج ہال بلمقابل جامع مسجد عید گاہ جی ٹی روڈ عید گاہ میں منعقد ہو گی ، نقابت کے فرائض حضرت علامہ محمد طیب القادری سرانجام دیں گے تلاوت کلام پاک کا شرف قاری احسن رسول سیالوی حاصل کریں گے جبکہ نعت رسول مقبول ۖ سید افتخار حسین شاہ اور سید امین شاہ پیش کریں گے ، ممتاز عالم دین عالمی مبلغ اسلام مناظر اہلسنت شیخ الحدیث والتفسیر مفتی اعظم انگلینڈ حضرت علامہ مولانا مفتی محمد عنصر القادری خصوصی خطاب کریں گے ، معراج النبی ۖ کے روح پرور واقعہ کے خوبصورت مدلل بیان کو سماعت کرنے کیلئے تمام اہل اسلام شریک ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سٹیزن فرنٹ اپنے اغراض و مقاصد کے مطابق عوام میں شعور بیدار کرنے کیلئے عملی جدوجہد کرتی رہے گی ان خیالات کا اظہار صدر سٹیزن فرنٹ چوہدری علی ابرار جوڑا نے سٹیزن فرنٹ کی سپریم کونسل کے ماہانہ اجلاس کے دوران کیا انہوں نے کہا کہ اپنے حقوق کے حصول کیلئے شعور کی بیداری بنیادی پوائنٹ ہے جس قوم میں شعور بیدار ہو جائے وہ قوم کامیاب ہو جاتی ہے اجلاس میں تنظیم سازی و مالی امور کے حوالہ سے تبادلہ خیال کیا جائیگا ، اس موقع پر 23مارچ کے سلسلہ میں عظیم الشان پروگرام کے انعقاد کے سلسلہ میں تمام ممبران کو خراج تحسین پیش کیا گیا افتخار بھٹہ ، چوہدری وسیم افضل جوڑا ، شیخ عرفان پرویز ، راجہ محمد اعجاز ، محمد اشرف منہاس ، مہر عامر علی ، عامر چوہدری ، اویس مرزا ، رانا ثاقب مشرف ناز اور ڈاکٹر رزاق احمد غفاری نے بھی اظہار خیال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈسٹرکٹ بیڈمنٹن چمپین شپ 2016کے سلسلہ میں آج ڈسٹرکٹ بیڈمنٹن ایسوسی ایشن کے زیر اہتمام ڈسٹرکٹ بیڈمنٹن چیمپیئن شپ ویٹرن ایونٹ کا انعقاد کیا جا رہا ہے یہ ٹورنامنٹ سنگل ایونٹ کی بنیاد پر کھیلا جا رہا ہے جس میں 40سال سے زائد عمر کے کھلاڑی حصہ لیں گے جبکہ دوسرے ایونٹ میں 50سال سے زائد عمر کے کھلاڑی حصہ لے سکتے ہیں اس سے کم عمر کے کھلاڑی اس ٹورنامنٹ میں حصہ نہیں لے سکیں گے یہ ٹورنامنٹ گجرات جمنیزیم بلمقابل عزیز بھٹی شہید ہسپتال میں چوہدری ظہور الٰہی بیڈمنٹن کلب کے کورٹ میں کھیلا جائیگا خواہش مند کھلاڑی سیٹھ شہزاد اشرف صدر بیڈمنٹن ایسوسی ایشن رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز سماجی شخصیت ناظم اعلیٰ غلامانِ گھمگول شریف چوہدری افتخار احمد ملہی کی والدہ کے ایصال ثواب ختم پاک منعقد ہوا موضع لنڈ پور میں ہونے والے اس ختم پاک میں ضلع گجرات کی اہم شخصیات نے شرکت کی اس موقع پر ذکر کی محفل بھی منعقد ہوئی اور مرحومین کے ایصال ثواب کیلئے فاتحہ خوانی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی پی او گجرات رائے ضمیر الحق کی ہدایت پر ڈی ایس پی سٹی سید غلام مصطفی گیلانی کی قیادت میں لاری اڈا پولیس نے سلطانی گینگ کو گرفتار کر لیا ملزمان نے 14گاڑیوں کی چوری کا انکشاف کیا ڈی ایس پی سٹی غلام مصطفی گیلانی نے پریس کانفرنس سے خطاب کرتے ہوئے کہا کہ ملزمان جدید ٹیکنالوجی سے گاڑیاں گجرات ، کھاریاں ، لالہ موسیٰ ، سیالکوٹ ، جہلم سے چوری کرتے اور پشاور کے علاقہ میں فروخت کر دیتے تھے ، پولیس نے ملزمان کو گرفتار کر کے ان سے چار گاڑیاں برآمد کر لی ہیں ملزمان سلطان ایاز بنوں ، کامران بنوں ، محمد آصف ریلوے روڈ گجرات ، تنویر احمد لاہور کو گرفتار کیا ملزمان سے مزید انکشافات کی توقع ہے پولیس پارٹی میں ایس ایچ او لاری اڈا لیاقت حسین ، انسپکٹر اسد محمود چیمہ ، اے ایس آئی قیصر عباس و دیگر شامل تھے ۔ ڈی ایس پی سٹی نے کہا کہ جرائم پیشہ افراد کے خاتمہ کیلئے کاوشیں جاری رکھیں گے۔
ڈیرہ اسماعیل خان کی خبریں 15/4/2016
کروڑ لعل عیسن کراچی کی خبریں 15/4/2016