گجرات کی خبریں 21/1/2016

Gujrat

Gujrat

گجرات (جی پی آئی) دی ایجوکیٹرز بارہ دری کیمپس میں بڑی گیارہویں شریف کے سلسلہ میں خصوصی محفل منعقد ہوئی۔ جس کی صدارت ڈائریکٹر دی ایجوکیٹرز بارہ دری کیمپس شہزاد شفیق نقشبندی نے کی۔ ممتاز شحصیات کی کثیر تعداد نے شرکت کی۔ خصوصی نعت سید عثمان شاہ نقشبندی نے پیش کی۔ حافظ قاری محمد ایوب’ حافظ قاری فیض الاسلام نے خطاب کیا۔ ملکی ترقی و سلامتی کیلئے خصوصی دعائیں کی گئیں۔ خصوصی طور پر سانحہ چارسدہ میں شہید ہونیوالے طلباء و عملہ کیلئے فاتحہ خوانی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سانحہ چارسدہ افسوسناک سانحہ ہے۔ جس طرح APS میں حملہ کے دوران معصوم طلباء کو نشانہ بنایا گیا اسی طرح باچا خان یونیورسٹی چارسدہ میں معصوم طلبہ کو شہید کیا گیا ہے۔ یہ طلبہ پاکستان کا مستقبل تھے۔ ان خیالات کا اظہار ڈائریکٹر دی ایجوکیٹرز بارہ دری کیمپس شہزاد شفیق نقشبندی نے گزشتہ روز سانحہ چارسدہ کے شہداء کی یاد میں منعقدہ تقریب کے دوران کیا۔ تقریب میں شہدائے چارسدہ کی یاد میں شمعیں روشن کی گئیں۔ اور یادگار پر پھول چڑھائے گئے۔ طلباء و طالبات نے شہداء کی یاد میں چند منٹ کی خاموشی اختیار کی۔ شہزاد شفیق نقشبندی نے کہا کہ تعلیمی ادارے اپنے محدود وسائل میں رہتے ہوئے طلبہ کی تعلیم و تربیت اور سیکورٹی کے انتظامات کئے ہوئے ہیں۔ حکومت کو چاہئے کہ جس طرح سرکاری تعلیمی اداروں میں سیکورٹی کے انتظامات کئے جا رہے ہیں پرائیویٹ تعلیمی اداروں کی بھی معاونت کی جائے دی ایجوکیٹرز بارہ دری کیمپس میں طلبہ اور اساتذہ کی حفاظت کیلئے سیکورٹی گارڈز تعینات کئے گئے ہیں جبکہ 2007ء سے تمام کمروں اور چار دیواری پر نظر رکھنے کیلئے خفیہ کیمرے بھی نصب کئے گئے ہیں۔ ہم اپنے طلبہ کی حفاظت کیلئے کوئی دقیقہ فرو گزاشت اٹھا نہیں رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آستانہ عالیہ مہمدہ شریف میں بڑی گیارہویں شریف کے سلسلہ میں آج خصوصی محفل صبح 11 بجے منعقد ہو گی۔ جس کی صدارت سجادہ نشین آستانہ عالیہ آوان شریف و مہمدہ شریف صاحبزادہ منصور الحق آوانی کریں گے۔ جبکہ ممتاز ثناء خوان رسول ۖ ہدیہ نعت رسول مقبول ۖ کریں گے۔خصوصی دعا صاحبزادہ رضوان منصور آوانی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات میں سردی کی شدت میں اضافہ کے ساتھ ساتھ سوئی گیس اور بجلی کی طویل ترین لوڈ شیڈنگ کا سلسلہ شروع ہو گیا۔ عوام دو وقت کے کھانے سے بھی محروم ہو گئے۔ بچے بغیر ناشتے کے ہی سکول جانے پر مجبور ہو گئے ہیں۔ تفصیلات کے مطابق دھند کی وجہ سے جہاں کاروبار زندگی معطل ہو کر رہ گیا ہے وہی سردی میں اضافہ ہو چکا ہے۔ گجرات میں گزشتہ روز درجہ حرارت 5 سنٹی گریڈ ریکارڈ کیا گیا جس کے ساتھ ہی محکمہ سوئی گیس اور گیپکو حکام نے مشترکہ طور پر لوڈ شیڈنگ کا سلسلہ شروع کر رکھا ہے گزشتہ روز طویل ترین لوڈ شیڈنگ کی گئی ۔ کئی گھنٹوں تک بجلی اور گیس نہ ہونے کی وجہ سے عوام کی مشکلات میں بے پناہ اضافہ ہو گیا۔ عوامی حلقوں نے مطالبہ کیا ہے کہ خدارا اتنی شدید سردی میں کم سے کم بجلی تو فراہم کر دی جائے تاکہ گھروں میں روشنی ہو سکے اور سوئی گیس کی فراہمی کو بھی یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تبلیغ اسلامی ضلع گجرات کے زیر اہتمام محفل ذکر و ماہانہ درس تصوف 22 جنوری 2016ء بروز جمعتہ المبارک بعد از نماز مغرب تبلیغ اسلامی نزد دربار حضرت سائیں کانوانوالی سرکار گجرات میں ہو گا۔ خصوصی بیان و دعا امیرِ تبلیغ اسلامی پیر طریقت ‘ رہبر شریعت’ الحاج محمد ابراہیم’ عاجز قادری فرمائیں گے۔ فرزندانہ اسلام محفل پاک میں شرکت فرما کر اپنے قلوب کو منور فرمائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) کرم ہی کرم عظیم الشان سالانہ محفل نعت موضع چینی والی پیر خانہ شریف کھوئی رٹہ میں منعقد ہو گی۔ جس کی صدارت الحاج پیر اورنگ زیب بادشاہ قاسمی سجادہ نشین مرکزی دربار موہڑہ شریف کریں گے۔ جبکہ مہمان خصوصی چوہدری افتخار احمد ملہی صدر بزم غلامان گھمکول شریف ہوں گے۔ ڈاکٹر رزاق احمد غفاری و دیگر بھی شریک ہوں گے۔ خصوصی خطاب پیر زادہ عمر زیب بادشاہ موہڑہ شریف کریں گے۔ جبکہ نعت رسول ۖ فدا حسین قاسمی’ حسین مشتاق مدنی’ طارق حسین قاسمی و دیگر پیش کریں گے۔ نقابت کے فرائض دلاور حسین جلالی سرانجام دیں گے۔ حافظ قاری کرامت علی نقشبندی کی زیر نگرانی انتظامات مکمل کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان میں تہذیبی، سماجی اور معاشرتی اقدار کے تحفظ اور فروغ کے لیے معاشی و کاروباری سرگرمیوں کا فروغ انتہائی لازم ہے۔ جامعہ گجرات نے بزنس انکوبیشن سنٹر کا قیام عمل میں لا کر وقت کی ایک اہم ضرورت کو پورا کیا ہے۔ طلبہ کو عملی صلاحیتوںسے لیس کیے بغیر پاکستان کی معاشی ترقی کا خواب پورا نہیں ہو سکتا۔ جامعات طلبا و طالبا ت کی شخصیت سازی اور انکی انفرادی صلاحیتوں کو اُجاگر کرنے میں بہترین کردار ادا کرتی ہیں۔ ہمارے اعلیٰ تعلیمی نظام کو جدت و اختراع کے فروغ کا عملی مظاہرہ کرتے ہوئے طلبہ میں خود اعتمادی اور خود انحصاری کے جذبات کو پروان چڑھانے کی ضرورت ہے۔ روح عصر کے ساتھ قدم سے قدم ملا کر چلنا ہی زندگی ہے۔ ان خیالات کااظہار معروف مصنف وکالم نویس ڈائریکٹر پریس میڈیا پبلی کیشنز شیخ عبدالرشید نے جامعہ گجرات کے بزنس انکوبیشن سنٹر کے زیر اہتمام تربیتی کیمپ کے شرکاء سے خطاب کرتے ہوئے کیا۔ملک میں جاری معاشی و کاروباری سرگرمیوں کے فروغ کے لیے جامعہ گجرات میں حال ہی میں بزنس انکوبیشن سنٹر کا قیام عمل میں لایا گیا جس کا مقصد دورانِ تعلیم طلبہ میں کاروباری سرگرمیوں کا فروغ اور فارغ التحصیل ہونے کے بعد ان میں سیلف بزنس کا شعور پیدا کرنا ہے۔ شیخ عبدالرشید نے انفرادیت کے موضوع پر گفتگو کرتے ہوئے کہا کہ جدت اور مقابلہ زندگی کی اصل رُوح ہے۔ محنت و ریاضت کا میابی کے بنیادی عناصر ہیں۔ مقابلہ و مسابقت ہمیں زندگی میں آگے بڑھنے کی راہیں مہیا کرتے ہیں۔ عزم مسلسل اور پختگی ٔ ارادہ ہماری کامیاب زندگی میں توانائی کا کردار ادا کرتے ہیں۔ انہوں نے طلبہ کو مشورہ دیا کہ محنت اور وقت کی قدر کرنا انتہائی ضروری ہے۔ وقت کا ضیاع ناکامی اور وقت کی قدر کامیابی ہے۔ خود شناسی ہی زمانہ شناسی کی پہلی منزل ہے اور ہماری کامیابیوں کا اوّلین نشان ہے۔ غوروفکر، تدبر، اجتہاد، اختراع و ندرت ہمیں اچھے نتائج مہیا کر سکتے ہیں۔ پیغمبر اسلام حضرت محمد ۖ دعوت اسلام سے قبل غارِ حراکی بلندیوں پر غوروفکر، تدبر اور ریاضت میں ہمہ تن مصروف کار ہوئے۔ انہوں نے مزید کہا کہ دنیا میں ہر انسان کو انفرادیت کے ساتھ پیدا کیا گیا ہے اور اسی انفرادیت کو فروغ دیکر ہم کامیابی کے زینوں پر عزت و عظمت سے پائوں رکھ سکتے ہیں۔ یہ انفرادیت ہمارے مزاج و اطوار پر گہرے اثرات مرتب کرتی ہے۔ کاروباری سرگرمیوں میں دیانتداری کو اوّلیت دینے کی کوشش کریں اور اپنے کام سے محبت کرنا سیکھیں۔ کنسلٹنٹ بزنس انکوبیشن سنٹر محمد حیدر معراج نے اپنے اظہارِ تشکر میں کہا کہ شیخ عبدالرشیدکی گفتگو اور دلنشیں انداز یقینا طلبا و طالبات کے لیے مشعل راہ ثابت ہونگے کیونکہ سُخن دل نشین کبھی رائیگاں نہیں جاتا۔ نیکی کی بات ہمیشہ ہمارے دلوںپر اثر کرتی ہے۔یاد رہے کہ بزنس انکوبیشن سنٹر جامعہ گجرات کے قیام کے سلسلہ میں مختلف کاروباری منصوبوں کے حوالہ سے طلبا و طالبات کے148پیش کردہ پراجیکٹس میں سے32کامیاب ٹیموں کے لیے چھ روزہ تربیتی کیمپ کا قیام عمل میں لایا گیا ہے۔ اس تربیتی کیمپ کے بعد15کامیاب ٹیموں کا اعلان کرتے ہوئے جامعہ گجرات انہیں کاروبار شروع کرنے کے لیے ممکنہ سہولیات فراہم کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع گجرات کے ممتاز تعلیمی ادارے دی ایجوکیٹرز بارہ دری کیمپس میں داخلوں کا سلسلہ جاری ہے ۔ تمام کلاسوں میں داخلوں کیلئے رجسٹریشن کی جا رہی ہے۔ ڈائریکٹر دی ایجوکیٹرز بارہ دری کیمپس شہزاد شفیق نقشبندی نے کہا ہے کہ طلباء کی بہترین تعلیم و تربیت کے انتظامات کئے گئے ہیں۔ اور طلباء کو ہر ممکن سہولیات کی فراہمی کو یقینی بنایا جا رہا ہے۔ ماہر تربیت یافتہ اساتذہ طلباء کی تعلیم و تربیت کے فرائض سرانجام دے رہے ہیں۔ بہترین نتائج کی وجہ سے ہمارا ادارہ والدین کے اعتماد پر پورا اتر رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے کہا ہے کہ ضلعی انتظامیہ ترقیاتی منصوبوں پر بہتر کام کرنے والے ٹھیکیداروں کی ہر سطح پر بھرپور حوصلہ افزائی کرے گی ، جبکہ غیر معیاری کام کرنے والے کنٹریکٹرز کو ماضی کی طرح قانون کا سامنا کرنا پڑے گا ان خیالات کا اظہار انہوںنے کنٹریکٹرز ایسوسی ایشن کے عہدیداروں کی تقریب حلف برداری سے خطاب کرتے ہوئے کیا ایم پی ایز میجر (ر) معین نواز ، میاںطارق محمود ، ای ڈی او فنانس اینڈ پلاننگ چوہدری محمد اصغر ، سابق ڈی او بلڈنگز آصف علی میر ، صدر کنٹریکٹرز ایسوسی ایشن سید عقیل شاہ و دیگر بھی اس موقع پر موجود تھے ۔ ڈی سی او لیاقت علی چٹھہ نے کہا کہ ماضی میں گجرات میں ترقیاتی سکیموں کے ساتھ جو سلوک ہوا وہ کسی سے پوشید ہ نہیں لیکن اب حالات یکسر مختلف ہیں ، گجرات کے عوام بھی نہایت باشعور ہو چکے ہیں اب وہ تمام سکیموں کی خود نگرانی کرتے ہیں کنٹریکٹر جو بھی کام کریں اپنے شہر کی بہتری کو مد نظر رکھ کر کریں اگر کسی کام میں خسارہ ہو رہا ہو تو میں اسے ایڈجسٹ کرنے کی کوشش کرونگا ۔ انہوں نے کہا جن ٹھیکیداروں نے کام کئے ہیں اور وہ اپنی سکیورٹی واپس لینا چاہتے ہیں میں نے انہیں کہ مجھے منصوبے کا وزٹ کرائیں جس کے فوری بعد سکیورٹی واپس کر دی جائے گی۔ ڈی سی او نے کہا کہ جو ٹھکیدار بہتر کام کریں گے انکی نہ صرف مقامی سطح پر حوصلہ افزائی کی جائے گی بلکہ حکومت کو بھی لکھا جائے گا۔ ڈی سی او لیاقت علی چٹھہ نے کہا کہ مجھے گجرات میں تعینات ہوئے دو سال ہو گئے ہیں میں اپنی ذات کو سب کے سامنے پیش کرتا ہوں ۔ انہوں نے کہا کہ یہاں بڑی تعداد میں کنٹریکٹرز موجود ہیں ماضی میں سرکاری فنڈز کے حوالے سے نہایت منفی سوچ سامنے آئی ہے تاہم وہ وقت گذر چکا ہے ہم نے کوشش کی ہے کہ کام کا معیار بہتر ہو اور اس کوشش میں بڑی حد تک کامیابی ہوئی ہے امید ہے کہ ٹھیکیدار بھی اپنے شہر کی فلاح اور اجتماعی مفاد کو ترجیح دیں گے ۔ ڈی سی او نے واضع کیا کہ غیر معیاری کام ہرگز برداشت نہیں ہوگا جو بھی اس ملوث ہوا ماضی میں بھی انہیں موقع سے گرفتار کرایا آئندہ بھی چاہے کنٹریکٹر ہو، کنسلٹنٹ یا سرکاری آفیسر اسے معافی نہیں ملے گی۔ ڈی سی او لیاقت علی چٹھہ نے کہا کہ گجرات اہل گجرات کا شہر ہے میں اسکو ترقی یافتہ بنانے کے لئے کوشاں ہوں، آج گجرات کی ہر سٹرک پر سٹریٹ لائٹس روشن ہیں، خوبصورت گجرات پراجیکٹ شروع کیا، پبلک پرائیویٹ پارٹنر شپ سے برن یونٹ، کڈنی سنٹر، باب گجرات، ایمرجنسی سنٹر، دیوار گجرات جیسے منصوبوں پر کام جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اے سی کھاریاں میاں اقبال مظہر نے مختلف بھٹہ جات کا اچانک دورہ کیا اور چائلڈ لیبر کے حوالہ سے قوانین کی خلاف ورزی پر دو بھٹوں جات کے منیجرز کے خلاف مقدمات درج کرو ا دئیے ہیں ۔حکومت پنجاب اور ڈی سی او گجرات لیاقت علی چٹھہ کی ہدایت پر اے سی کھاریاں میاں اقبال مظہر نے ایس ایچ او شہباز ہنجرا کے ہمراہ ایگرو ایمپکس اور افضل برکلن کا اچانک دورہ کیا جہاں سکول کے اوقات میں 9بچے لیبر کے ساتھ موجود تھے ۔ اسسٹنٹ کمشنر نے دونوں بھٹہ جات کے منیجرز شاہد اقبال اور عنصر جاوید کے خلاف مقدمات درج کر وا دئیے ہیں جنہیں پولیس نے گرفتار کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی او زراعت توسیع محمد رفیق تارڑ نے ڈی ڈی او زراعت گجرات سجاد حسین بخاری ، ڈی ڈی او زراعت کھاریاں اور دیگر افسران کے ہمراہ کنجاہ ، منگووال ، کھاریاں اور دیگر علاقوں کا اچانک دورہ کیا اور کھادوں و زرعی ادویات کی چیکنگ کی ۔ ڈی او زراعت اور ان کی ٹیم نے کھادوں اور زرعی ادویات کے نمونہ جات بھی حاصل کیے اور ریٹ لسٹوں کا معائنہ کیا ۔ ڈی او زراعت محمد رفیق تارڑ نے بتایا کہ ضلع میں یوریا کھاد وافر مقدار میں موجود ہے اور مقررہ ریٹوں پر عملدرآمد کے حوالہ سے بھی کوئی شکایت سامنے نہیں آئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سپیشل پرائس مجسٹریٹ /اے ڈی سی عرفان علی کاٹھیا نے گراں فروشی کے مرتکب 2ملزمان کے خلاف مقدمات درج کروا دئیے ہیں ڈی سی او لیاقت علی چٹھہ کی ہدایت پر جاری کریک ڈائون کے دوران اے ڈی سی نے مختلف علاقوں میں پرائس چیکنگ کی اس دوران امجد جاوید چھوٹاگوشت اور عمر عباس انڈے مہنگے داموں فروخت کرتے رنگے ہاتھوں گرفتار کر لیے گئے جنہیں پولیس کے حوالے کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے ہدایت کی ہے کہ شہریوںکو ڈینگی جیسے خطرناک مرض سے بچائو اور انسداد ڈینگی کے لئے ہیلتھ ڈیپارٹمنٹ، ٹی ایم ایز سمیت تمام محکمے الرٹ رہیں،شہر میں صفائی کا نظام بہتر بنانے، ڈینگی سرویلینس اور شہریوں میں اس حوالے سے آگاہی فراہم کرنے کے لئے جامع اقدامات اٹھائے جائیںاسی طرح محکمہ صحت سوائن فلو کے خطرات سے نمٹنے اور مریضوں کے علاج کے لئے بھی ہر طرح کے وسائل مربوط رکھے۔ ان خیالات کا اظہا ر انہوں نے انسداد ڈینگی اور سوائن فلو کے حوالے سے اقدامات کا جائزہ لینے کے لئے منعقدہ اجلا س سے خطا ب کرتے ہوئے کیا، اے ڈی سی عرفان علی کاٹھیا، ڈی او سی احمد رضا، اسسٹنٹ کمشنرز میاں اقبال مظہر، شعیب نسوانہ، ای ڈی او ہیلتھ ڈاکٹر طاہر بشیر، ای ڈی او ایجوکیشن طاہر کاشف، ڈی ایچ او عابد غوری، ڈاکٹر محمد علی مفتی، انٹامالوجسٹ ثمینہ جنید ، ٹی ایم اوز و دیگر نے شرکت کی۔ڈی سی او لیاقت علی چٹھہ نے کہاکہ حکومت پنجاب کا انسداد ڈینگی کے لئے اقدامات پر فوکس ہے محکمہ صحت ایسے تمام مقامات جہاں ماضی میں لاورا برآمد ہوا ہے پر خصوصی نظر رکھے نیز دیگر مشتبہ مقامات کی بھی کڑی مانیٹرنگ کی جائے۔ ڈی سی او نے ٹی ایم اوز کو ہدایت کی کہ اپنے علاقوں میں صفائی کے انتظامات بہتر بنائے جائیں ایسے تمام خالی پلاٹس جہاں پانی جمع ہے انکے مالکان کو ان پلاٹس میں مٹی ڈالنے کی ہدایت کی جائے جبکہ انتظامیہ سے تعاون نہ کرنیوالے افراد کے خلاف سخت کاروائی کی جائے۔ڈی سی او نے ہدایت کی کہ پرانے ٹائروں کی شریڈنگ، کباڑ خانو ں، فیکٹریوں اور دیگر مقامات کی سرویلینس کا عمل تیز کیا جائے تاکہ شہریوں کو آئندہ سیزن میں ڈینگی سے محفو ظ رکھا جا سکے۔ ڈی سی او نے ای ڈی او ایجوکیشن کو ہدایت کی کہ سرکاری سکولوں میں طلبہ کو انسداد ڈینگی کے حوالے سے آگاہی فراہم کی جائے نیز تعلیمی اداروں، سرکاری ہسپتالوں میں اس حوالے سے بینرز بھی لگائے جائیں۔ ڈی سی او نے محکمہ صحت کو ہدایت کی کہ مختلف علاقوں میں سوائن فلو کے مریض سامنے آنے کے بعد اس بیماری کے حوالے سے الرٹ رہا جائے،تمام ہسپتالوں میں اس مقصد کے لئے الگ وارڈ اور ادویات کا مناسب سٹاک اور تربیت یافتہ سٹاف موجو د ہو نا چاہیے ۔ اس سے قبل ای ڈی او ہیلتھ ڈاکٹر طاہر بشیر نے بریفنگ دیتے ہوئے بتایا کہ انسداد ڈینگی کے حوالے سے محکمہ صحت نے تمام اقدامات کا بروقت آغاز کر دیا ہے، ڈیپارٹمنٹ اور ٹی ایم ایز کے پاس ادویات ، سپرے مشینیں اور تربیت یافتہ افراد ی قوت موجود ہے۔ انہوںنے بتایا کہ عملہ کی تربیت، عوام میں آگاہی مہم کے لئے مختلف پروگرام ترتیب دے دیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈسٹرکٹ ریٹرننگ آفیسر/ڈی سی او لیاقت علی چٹھہ کی زیر صدارت اہم اجلاس ڈسٹرکٹ گورنمنٹ کمپلکس میںمنعقد ہوا جس میں ڈسٹرکٹ الیکشن کمشنر ماجد شریف ڈوگر، ضلع بھر کے ریٹرننگ آفیسر احمد رضا، میاں اقبال مظہر ، شعیب نسوانہ، نورالعین، و دیگر نے شرکت کی۔ اجلاس سے خطاب کرتے ہوئے ڈسٹرکٹ ریٹرننگ آفیسر نے ہدایت کی کہ جن منتخب بلدیاتی نمائندوں نے تاحال حلف نہیں اٹھا یا ریٹرننگ افسران کسی بھی وقت ان سے حلف لے سکتے ہیں۔ انہوںنے بتایا کہ لوکل گورنمنٹ قوانین میں بعض ترامیم کے بعد ضلع کونسل، میونسپل کارپوریشنز، میونسپل کمیٹیوںکے چیئرمین، میئر اور مخصوص سیٹوں کے انتخابات کے طریقہ کار میں تبدیلی کی ہے تاہم اس حوالے سے جلد تحریری ہدایات بھی جاری کر دی جائیں گی۔انہوںنے کہا کہ شہری علاقوں میں مخصوص سیٹوں پر لیبر کونسلر، دیہی علاقوں میں کسان کونسلر منتخب ہو سکیں گے جبکہ یوتھ ممبر کی عمر 21سے 25سال تک ،ٹینکو کریٹ کے لئے تعلیم بی اے یا مساوی جبکہ تجربہ 7سال ہونا لازمی ہے۔ انہوںنے ریٹرننگ افسران کو ہدایت کی کہ کاغذات نامزدگی کی حسب معمول سکروٹنی یقینی بنائی جائے ۔ اس سے قبل ڈسٹرکٹ الیکشن کمشنر ماجد شریف ڈوگر نے ریٹرننگ آفیسر کو آئندہ انتخابی عمل کے بارے آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) جمعیت اشاعت التوحید والسنتہ پنجاب کے ناظم اعلی قاری عطا الرحمن کینسر جیسی موذی بیماری کے باعث خالق حقیقی سے جاملے ،ان کی نماز جنازہ ظہور الہی سٹیڈیم میں اد ا کر دی گئی ہے ۔نما زجنازہ میں ہزاروں افراد نے شرکت کی ۔نما زجنازہ جمعیت اشاعت التوحید والسنتہ پاکستان کے ناظم اعلی سید ضیاء اللہ شاہ نے پڑھائی ۔قاری عطا الرحمن نے اپنی تمام زندگی درس قرآن دیتے ہوئے گزاری ،ان کی وفات سے جمعیت اشاعت التوحید والسنتہ پاکستان میں ایک خلا پیدا ہو گیا ہے جو صدیوں تک پورا ہو نا مشکل ہے ۔جمعیت اشاعت التوحید والسنتہ پاکستان کے کارکنان نے قاری عطا الرحمن کی وفات پر تعزیت کا اظہار کیا ہے ۔اور درجات کی بلندی کے لئے دعا کی ہے ۔ افضال احمد خاں ۔ملک عنصر اعوان ۔شاہد بٹر ۔طارق مصطفی اعوان ۔زاہد مصطفی اعوان ۔اور دوسرے افراد نے قاری عطا الرحمن کی وفات پر تعزیت کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) نواحی موضع سدوال کلاں میں سالانہ اکھاڑہ بیلاں 24جنوری کو ہو گا ،جس میں ضلع گجرات اور ضلع جہلم سے نامور بیلوں کی جوڑیاں حصہ لیں گی ۔اکھاڑہ بیلاں کے آرگنائزر چوہدری ندیم سدوال آف فرانس اور چوہدری محمد شفیع نے میڈیا کو بتایا کہ اکھاڑہ بیلاں میں 100سے زائد بیلوں کی جوڑیاں حصہ لیں گی اور پہلے جیتنے والے تین انعامات میں نقد اور نامور گھوڑیاں انعام دی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) شیعہ علما کونسل پنجاب کے صدر علامہ سبطین حیدر سبزواری اور جنرل سیکرٹری مولانا مشتاق حسین ہمدانی نے چارسدہ یونیورسٹی میں ہونے والی دہشت گردی کی مذمت کرتے ہوئے کہا ہے کہ دہشت گردوں کے خلاف فیصلہ کن جنگ کرکے اسلام اور پاکستان کے باغیوں کا خاتمہ کیا جائے،اسی میںقومی مفاد ہے۔ کوئٹہ،جمرود اور اب باچا خان یونیورسٹی میں ہونے والی دہشت گردی سے واضح ہوگیا کہ نیشنل ایکشن پلان پر عملدرآمد کا زور مذہبی طبقے کو ہراساں کرنے کی طرف رہا، دہشت گرد آزاد انہ کارروائیاں کرتے رہے۔ صوبائی دفتر میں مختلف وفود سے گفتگو کرتے ہوئے انہوں نے کہا کہ دہشت گردی اور انتہا پسندی نے پاکستان کو بہت نقصان پہنچایا ہے، لیکن افسوسناک بات ہے کہ الزام مذہبی طبقے پر لگایا گیا۔ حالانکہ تمام مکاتب فکر کے درمیان ملی یکجہتی کونسل کے پلیٹ فارم پر اتحاد امت کی فضا موجود ہے، 1990ء کی دہائی میں کچھ بازاری قسم کے لوگوں کو پالا گیا جنہوں نے طوفان بدتمیزی برپا کیا مگر انہیں کسی مسلک نے اپنا نمائندہ قرارد نہیں دیا ۔ کچھ مدارس کو جہاد افغانستان میں استعمال ضرور کیا گیا مگر پورے مسلک کو مورد الزام نہیں ٹھہرایا جاسکتا۔ ان کاکہنا تھا کہ نیشنل ایکشن پلان چلانے والوں کا زیادہ زور مجالس عزا منعقد کروانے اور عزاداری کے جلوس نکلوانے والوںکے خلاف مقدمات درج کرنے ، انہیں گرفتار کرنے اور شریف شہریوں کو فورتھ شیڈول میں شامل کرنے پر زوررہا ۔ تو دہشت گردوں کا کھوج کس نے لگانا تھا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان پیپلز پارٹی پنجاب صدر میاں منظور احمد وٹو نے پنجاب حکومت کے لوکل گورنمنٹ آرڈیننس پر شدید ردِ عمل دیتے ہوئے کہا ہے کہ پنجاب حکومت نے سپریم کورٹ کے حکم پر بلدیاتی انتخابات تو کروا لئے ہیں لیکن اب وہ بوکھلاہٹ کا شکار ہے ایک سوچی سمجھی سکیم کے تحت لوکل باڈی نظام کو ناکام بنایا جا رہا ہے یہ آرڈیننس اُس وقت آیا ہے جب سپیشل سیٹوں کا نوٹیفیکیشن بھی ہو چکا ہے اور نومینیشن پیپر آنے کے علاوہ کاغذات نامزدگی بھی داخل ہو چکے ہیں اس آرڈیننس سے حکمرانوں کی بدنیتی عیاں ہو گئی ہے لیکن پنجاب حکومت کو اس سے کوئی فائدہ نہیں ہو گا۔ انہوں نے کہا کہ قانون دان، دانشوروں کے علاوہ عام لوگ اور بلدیاتی نظام کو سمجھنے والے اس آرڈیننس کو دیکھ کر پنجاب حکومت کو کوس رہے ہیں اس آرڈیننس سے آزاد ممبران کے حق رائے دہی کو غصب کیا جا رہا ہے انہوں نے کہا کہ مذکورہ آرڈیننس کے آنے کے بعد الیکشن کمیشن کے پاس سپیشل سیٹوں کے شیڈول کو تبدیل کرنے کے سوا کوئی راستہ نہیں ہے حکومت پنجاب بے وقت کی راگنی الاپ رہی ہے انہوں نے مطالبہ کیا کہ اس آرڈیننس کو فلفور واپس لے تاکہ الیکشن شیڈول متاثر نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی کے سربراہ پیرمحمد معصوم حسین نقوی نے کہا ہے کہ سانحہ باچا خان یونیورسٹی قابل مذمت ہے، دہشت گردوں کو ٹھکانے لگانے کے لئے جنگ کو تیز کیا جائے۔ ضرب عضب آپریشن کے بھگوڑے بزدلانہ کارروائیوںکے لئے قوم کے مستقبل پر حملہ آور ہوئے ہیں، بچ نہیں سکیں گے۔ شہدا کے لواحقین سے اظہار ہمددری کرتے ہوئے انہوں نے کہا کہ دد دہائیوں سے دہشت گردی کا شکار قوم دہشت گردوں سے ڈرنے والی نہیں۔ ہربچہ مقابلے کے لئے تیار ہے۔ ان کا کہنا تھا کہ فوج کے آپریشن ضرب عضب کو پوری قوم کی حمایت حاصل ہے، دہشت گردوں کاخاتمہ کیا جائے گا۔ پیر معصوم نقوی نے کہا کہ دہشت گردوں کے سہولت کاروں کو بے نقاب کئے بغیر نیشنل ایکشن پلان کامیاب نہیں ہوگا۔ اس کا دائرہ کار پورے ملک تک پھیلایا جائے۔ انہوں نے کہا کہ دہشت گردوں نے پاکستان کے ہر طبقے کو نشانہ بنایا ہے۔ فوج، پولیس، قانون نافذکرنے والے ادارے، مساجد ،امام بارگاہیں ، مدارس،مزارات اولیا اور گرجا گھر دہشت گردوں کا نشانہ بنے۔ نمازیوں تک کو ان باغیوں نے نشانہ بنایا ۔ یہ کسی رعایت کے مستحق نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جمعیت علماء اسلام (س) نے چارسدہ یونیورسٹی پر حملے کی شدید مذمت کرتے ہوئے چارسدہ یونیورسٹی پر حملے کوسفاکانہ،وحشیانہ اورغیر اسلامی فعل قرار دیتے ہوئے کہا ہے کہ معصوم انسانیت کا قتل کرنے والوں کا کوئی مذہب نہیں ہوتا ، معصوم اور بے گناہ انسانیت کا خون بہانے والے اسلام کی کوئی خدمت نہیں کررہے ۔معصوم طلباء کا خون بہانے کی اسلام ہر گز اجازت نہیں دیتا۔ اسلام امن،سلامتی اور محبت کا دین ہے۔جے یو آئی لاہور کے امیر مولانا احمد علی ثانی اور ناظم اعلیٰ قاری اعظم حسین سمیت دیگر نے چارسدہ بم حملہ کسی تعلیمی ادارے پر نہیں بلکہ پاکستان پر حملہ ہے۔چارسدہ میں ہونے والی سفاکیت اور بربریت کا اسلام سے کوئی تعلق نہیںدہشتگردی کے ناسور سے نجات اور امن وامان کے قیام کیلئے پوری قوم حکومت اور مسلح افواج کے ساتھ کھڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی کے سربراہ پیرمحمد معصوم حسین نقوی نے کہا ہے کہ سانحہ باچا خان یونیورسٹی قابل مذمت ہے، دہشت گردوں کو ٹھکانے لگانے کے لئے جنگ کو تیز کیا جائے۔ ضرب عضب آپریشن کے بھگوڑے بزدلانہ کارروائیوںکے لئے قوم کے مستقبل پر حملہ آور ہوئے ہیں، بچ نہیں سکیں گے۔ شہدا کے لواحقین سے اظہار ہمددری کرتے ہوئے انہوں نے کہا کہ دد دہائیوں سے دہشت گردی کا شکار قوم دہشت گردوں سے ڈرنے والی نہیں۔ ہربچہ مقابلے کے لئے تیار ہے۔ ان کا کہنا تھا کہ فوج کے آپریشن ضرب عضب کو پوری قوم کی حمایت حاصل ہے، دہشت گردوں کاخاتمہ کیا جائے گا۔ پیر معصوم نقوی نے کہا کہ دہشت گردوں کے سہولت کاروں کو بے نقاب کئے بغیر نیشنل ایکشن پلان کامیاب نہیں ہوگا۔ اس کا دائرہ کار پورے ملک تک پھیلایا جائے۔ انہوں نے کہا کہ دہشت گردوں نے پاکستان کے ہر طبقے کو نشانہ بنایا ہے۔ فوج، پولیس، قانون نافذکرنے والے ادارے، مساجد ،امام بارگاہیں ، مدارس،مزارات اولیا اور گرجا گھر دہشت گردوں کا نشانہ بنے۔ نمازیوں تک کو ان باغیوں نے نشانہ بنایا ۔ یہ کسی رعایت کے مستحق نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جمعیت علماء اسلام (س) نے چارسدہ یونیورسٹی پر حملے کی شدید مذمت کرتے ہوئے چارسدہ یونیورسٹی پر حملے کوسفاکانہ،وحشیانہ اورغیر اسلامی فعل قرار دیتے ہوئے کہا ہے کہ معصوم انسانیت کا قتل کرنے والوں کا کوئی مذہب نہیں ہوتا ، معصوم اور بے گناہ انسانیت کا خون بہانے والے اسلام کی کوئی خدمت نہیں کررہے ۔معصوم طلباء کا خون بہانے کی اسلام ہر گز اجازت نہیں دیتا۔ اسلام امن،سلامتی اور محبت کا دین ہے۔جے یو آئی لاہور کے امیر مولانا احمد علی ثانی اور ناظم اعلیٰ قاری اعظم حسین سمیت دیگر نے چارسدہ بم حملہ کسی تعلیمی ادارے پر نہیں بلکہ پاکستان پر حملہ ہے۔چارسدہ میں ہونے والی سفاکیت اور بربریت کا اسلام سے کوئی تعلق نہیںدہشتگردی کے ناسور سے نجات اور امن وامان کے قیام کیلئے پوری قوم حکومت اور مسلح افواج کے ساتھ کھڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جماعت اہلحدیث پاکستان نے باچا خان یونیورسٹی چارسدہ میں دہشت گردی کے حملے کی شدید الفاظ میں مذمت اور واقعہ میں قیمتی جانوں کے ضیاع پر گہرے رنج و غم کا اظہارکرتے ہوئے کہا ہے کہ دہشت گردی کے خلاف آخری دہشت گرد کے خاتمے تک جنگ جاری رہے گی،چارسدہ بم حملہ کسی تعلیمی ادارے پر نہیں بلکہ پاکستان پر حملہ ہے۔چارسدہ میں ہونے والی سفاکیت اور بربریت کا اسلام سے کوئی تعلق نہیںدہشتگردی کے ناسور سے نجات اور امن وامان کے قیام کیلئے پوری قوم حکومت اور مسلح افواج کے ساتھ کھڑی ہے۔جماعت اہلحدیث پنجاب کے امیر حافظ عبدالوحید شاہد روپڑی نے مزید کہا کہ وقت آگیا ہے کہ متحد ہوکر وطن عزیز سے دہشتگردی ،سفاکیت اور بربریت کا خاتمہ کیا جائے۔ دہشتگرد چارسدہ یونیورسٹی پر حملہ کرکے ہماری نوجوان نسل کے روشن مستقبل کو تاریک نہیں کرسکتے۔انہوں نے کہا کہ نیشنل ایکشن پلان کے کچھ نکات پر عملدرآمد سے دہشتگردی ختم نہیں ہوگی۔ دہشتگردی، انتہاپسندی کے خاتمہ کیلئے نیشنل ایکشن پلان کے مکمل 20نکات پر عملدرآمد ضروری ہوچکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد(جی پی آئی) چارسدہ یونیورسٹی کے طلباء و اساتذہ اور ان کے لواحقین کے ساتھ اظہار یکجہتی اوردعائے مغفرت کے لیئے جامعہ قاسمیہ اور قاسمیہ کالج آف کامرس اینڈ سائنسز فار ویمن میں دعایہ تقریب۔دہشت گردی اور انتہاء پسندی کے خلاف ممبر و محراب کے وارث میدان میں آئیں۔ آپریشن ضرب عضب کو کامیاب بنانے کے لیئے مساجد ،مدارس کے علماء کمر بستہ ہو جائیں ۔ پوری قوم دہشتگردی کے خاتمے کے لیئے حکومت اور پاک فوج کے شانہ بشانہ کھڑی ہیپاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی نے کہا کہ پاکستان کے خلاف جو قوتیں متحرک ہیں ان کاراستہ روکنے میں علماء اپنا کردار ادا کریں دہشت گردی کا خاتمہ اتحاد ہی سے ممکن ہے اسلام کا دہشتگردی سے کوئی تعلق نہیں ہے جن لوگوں نے باچا خان یونیورسٹی چارسدہ پر حملہ کیا ہے یہ تعلیم پر حملہ ہے دہشت گردوں کی یہ حرکت انہتائی افسوس ناک ہے اور قابل مذمت ہے کسی بھی مسلمان سے اس قسم کی شر انگیزی کی توقع نہیں کی جا سکتی جامعہ قاسمیہ کے نائب مہتمم صاحبزادہ خالد محمود قاسمی ،مولانا حق نواز خالد،مولانا منظور احمد،مولانا سلیم نواز،مولانا رب نواز،مولانا عبد الواحد قاسمی ،مولانا عمر فاروق،قاری مشتاق،قاری عبد الجبار،محمد رفیق قاسمی،ناظم حفیظ الرحمن،مولانا اللہ بخش نے بھی دعایہ تقریب میں شرکت کی خلیفہ مجاز حضرت سید نفیس الحسینی شاہ صاحبزادہ خالد محمود قاسمی نے سانحہ چارسدہ کے شہداء کے لیئے دعا ئے مغفرت کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) تمام مکاتب فکر کی مذہبی و سیاسی جماعتیں مدارس اور مساجد کل ملک بھر میں انتہاء پسندی ، دہشت گردی ، سانحہ چارسدہ کے خلاف ”یوم مذمت ” منائیں گے۔دہشت گردی اور انتہاء پسندی کے خلاف محراب و منبر ، مدارس اور مساجد ، حکومت اور افواج پاکستان کے ساتھ ہیں۔ بے گناہ انسانیت کو قتل کرنے والوں کا اسلام اور انسانیت سے کوئی تعلق نہیں ہے ۔ بے گناہ انسانیت کو قتل کرنے والوں کا ٹھکانہ قرآن و حدیث کے مطابق ہمیشہ ہمیشہ کیلئے جہنم ہے ۔ یہ بات پاکستان علماء کونسل کے زیر اہتمام مختلف مکاتب فکر کے علماء کے اجلاس کے بعد دارالعلوم حنفیہ لبرٹی مارکیٹ گلبرگ میںمشترکہ پریس کانفرنس سے خطاب کرتے ہوئے چیئرمین پاکستان علماء کونسل حافظ محمد طاہر محمود اشرفی ، مولانا زاہد محمود قاسمی ، مولانا اسد اللہ فاروق ، مولانا محمد مشتاق لاہوری ، مولانا حافظ محمد شعیب ، جمعیت علماء پاکستان کے مولانا محمد خان لغاری ، سنی اتحاد کونسل سواد اعظم کے مولانا پیر محفوظ مشہدی ، جمعیت علماء اہلحدیث کے مولانا غلام اللہ خان ، مولانا عبد القیوم ، مولانا محمد اسلم ،مولانا اسید الرحمین ، پیر نعیم اللہ فاروقی اورشیعہ رہنما حافظ کاظم رضا نے کہی ۔ انہوں نے کہا کہ دہشت گردوں اور انتہاء پسندوں نے پورے عالم اسلام کو یرغمال بنایا ہوا ہے اور سن 2016ء کے آغاز سے لے کر اب تک مختلف اسلامی ممالک میں مسلسل دہشت گردی کے واقعات مسلم قیادت کو فکری ، عسکری اتحاد کی دعوت دے رہے ہیں۔ انہوں نے کہا کہ حکومت پاکستان کو افغان حکومت کے ساتھ واضح انداز میں بات کرنی چاہیے ۔ افغانستان سے آنے والے دہشت گردوں نے پاکستان کے امن اور سکون سے کھیلنا شروع کر رکھا ہے اور پاکستانی قوم ہندوستان اور افغانستان کے خفیہ اداروں کے اس کھیل کو مزید برداشت نہیں کرے گی ۔ انہوں نے کہا کہ دہشت گردی اور انتہاء پسندی کے خلاف مدارس کے طلباء ، علماء ، اساتذہ میدان میں نکلیں گے ۔ ہم پاک فوج اور حکومت کے شانہ بشانہ دہشت گردی اور انتہاء پسندی سے ہر سطح پر مقابلہ کریں گے ۔ قرآن و سنت ہمیں واضح طور پر اس بات کا حکم دیتی ہیں کہ بے گناہ انسانیت پر ظلم کرنے والے ظالموں کے خلاف میدان میں نکلا جائے ۔ علماء ، مفکرین ، سیاست دانوں ، مذہبی قائدین کو اب سیاسی مصلحتوں سے باہر نکلنا ہو گا اور پاکستان کی بقاء اور سلامتی، بے گناہ انسانیت کو قتل عام سے بچانے کیلئے اپنا کردار ادا کرنا ہوگا۔ انہوں نے کہا کہ کل ملک بھر میں تمام مکاتب فکر کی مساجد میں جمعتہ المبارک کے اجتماعات میں سانحہ چارسدہ کی بھر پور مذمت کی جائے گی، شہداء اور ان کے لواحقین کے ساتھ اظہار یکجہتی کیا جائے گا۔پاکستان علماء کونسل کے مرکزی چیئرمین حافظ محمد طاہر محمود اشرفی نے کہا کہ 10 فروری 2016ء کو اسلام آباد میں ”پیغام اسلام کانفرنس ” میں ملک بھر سے پانچ ہزار علماء شریک ہوں گے اور دہشت گردی اور انتہاء پسندی کے خلاف قومی اور عالمی سطح پر لائحہ عمل کا اعلان کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے باچا خاں یونیورسٹی میںدہشت گردوں کے حملے کی شدید مذمت کی ہے اور دہشتگردی واقعہ میں قیمتی جانوں کے نقصان پر افسوس کا اظہار کرتے ہوئے جانی نقصانات پر گہرے غم کا اظہار اور اسے قومی سانحہ قرار دیتے ہوئے کہا ہے کہ سانحہ چار سدہ میں بیرونی ہاتھ ملوث ہے۔انہوںنے کہا کہ دہشت گردوں کے واقعہ میں فوری فوجی کارروائی کے باعث قیمتی جانوں کو بچایا گیا ،دہشت گردی کے خلاف جنگ میں پوری قوم پاک فوج کے ساتھ سیسہ پلائی دیوار بن کر کھڑ ی ہے ۔انہوںنے کہا کہ دہشت گردی کے موجودہ کارروائیاں ملک دشمن عناصر کی آپریشن ضرب عضب کو کمزور کرنے کی ناکام کوشش ہے۔ دہشت گردی کا خاتمہ قومی نصب العین ہے۔پوری قوم دہشت گردوں کا مکمل قلعہ قمہ اور ملک میں امن وامان چاہتی ہے ۔سید بلال شیرازی نے کہا کہ تعلیمی اداروں پر حملے کرنا اور معصوم اور نہتے طلباء کو شہید کرنا غیر اسلامی اور غیر انسانی فعل ہے انہوںنے کہا کہ دہشت گردی کے واقعات قوم کے حوصلے پست نہیں کرسکتے آخری دہشت گرد تک قوم حالت جنگ میں رہے گی انسانیت کے ان دشمنوں کو کسی صورت میں معاف نہیں کیا جا سکتا دہشت گردوں اور ملک دشمن عناصر کو سمجھ لینا چاہئے کہ پوری قوم ان کیخلاف متحد ہے ان کو نہ تو دنیا میں اور نہ ہی آخرت میں چھپنے کے لئے جگہ ملے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) وفاق المدارس الشیعہ پاکستان کے صدر آیت اللہ حافظ سید ریاض حسین نجفی، نائب صدر علامہ نیاز حسین نقوی اور سیکرٹری جنرل علامہ محمد افضل حیدری نے سانحہ باچا خان یونیورسٹی پر افسوس کا اظہار کرتے ہوئے کہا ہے کہ نیشنل ایکشن پلان پر عملدرآمد کی رفتار کا جائزہ لے کر قوم کو حالات سے آگاہ کیا جائے۔ مذہبی طبقے کو دبانے کی بجائے دہشت گردی کے خاتمے کی طرف توجہ دی جاتی تو کوئٹہ، جمرود اور چارسدہ کے سانحات رونما نہ ہوتے۔ جامعتہ المنتظر میں تعزیتی اجلاس میں باچا خان یونیورسٹی کے شہدا کے لئے فاتحہ خوانی اور دعائے مغفرت کرتے ہوئے سوگوار خاندانوں سے اظہار یکجہتی کیا گیا ۔ اس موقع پر حافظ ریاض نجفی نے کہا کہ پوری قوم شہداکے ورثا کے غم میں برابر کی شریک ہے۔ طلبا و طالبات صرف اپنے والدین کے ہی بچے نہیں،پوری قوم کے بچے اور پاکستان کا مستقبل تھے۔انہوں نے کہا کہ دہشت گرد اسلام اور انسانیت کے دشمن ہیں۔ ان کے ساتھ کسی قسم کی رعایت نہیں کرنی چاہیے۔ دہشت گردوں نے پاکستان کی ریاست کو عدم استحکام سے دو چار کرنے کے لئے کوئی کسر نہیں چھوڑی ،افواج پاکستان بھی ان کے خاتمے میں کسی قسم کی کوتاہی نہیں کررہیں۔ وہ آخری سانسیں لے رہے ہیں۔ان کا کہنا تھا کہ دہشت گرد آسانی کے ساتھ افغانستان سے آکر کارروائیاں کرتے ہیں، مگر ہماری حکومتوں کی توجہ مساجد سے لاوڈ اسپیکرز اتارنے اور مذہبی طبقے کو دبانے پرہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی) حضر ت شیخ عبد القادر جیلانی رضی اللہ عنہ کی سیرت و تعلیمات ملت اسلامیہ کے لئے مینارۂ نور ہیں۔آپ رضی اللہ عنہ نے تصوف و فقہ پر قلم اٹھا کر ملت اسلامیہ کی تربیت و اصلاح کا جامع دستو العمل دیا ۔سیدناعبد القادرجیلانی رضی اللہ عنہ اسلام میں شدت پسندی کے قائل نہ تھے بلکہ محبت و رواداری آپ کی تقریر و تحریر سے عیاں ہے ۔ چار سدہ یونیورسٹی پر دہشت گردوں کا بزدلانہ حملہ علم پر حملہ ہے ۔دہشت گرد ملک و قوم کے مجرم ہیں جن کا تعلق چاہے کسی بھی ملک ، مدرسہ یا مسلک سے ہو ان کو کڑی سزا ملنی چاہئے ۔بزدل دہشت گرد پاکستانی فوج کے سامنے تو پائوں پر کھڑے نہ ہو سکے بے گناہ طلباء اور اساتذہ کو شہید کر کے جہنم خرید لی ۔چار سدہ یونیورسٹی میں ظلم و بربریت کا مظاہرہ کیا گیا۔ پاک فوج چاروں صوبوں سمیت ہر جگہ دہشت گردوں کے خلاف آپریشن کرے پوری قوم پاک فوج کے ساتھ ہے ۔سانحہ چار سدہ یونیورسٹی سے عالمی سطح پر باور کرایا گیا کہ دہشت گرد، طالبان اور ان کے حمایتی علم دشمن ہیں ۔ سانحہ چار سدہ یونیورسٹی میں شہید ہونے والے اساتذہ و طلباء پوری قوم کا سرمایہ ہیں ۔ان کے لہو سے چراغ علم روشن ہوں گے جس سے دہشت گردی کی تاریکی کا خاتمہ ہو گا۔ ان خیالات کا اظہار قائد تحریک اویسیہ پاکستان علامہ پیر محمد تبسم بشیر اویسی نے موضع کوٹلی پلاٹ میں منعقدہ محفل غوث پاک اور سانحہ چار سدہ یونیورسٹی کے شہداء کیلئے ایصال ثواب کیلئے محفل پاک سے خطاب کرتے ہوئے کیا ۔ اس موقعہ پر ملک طارق محمود اعوان، چوہدری محمد یعقوب اویسی ایڈووکیٹ اورمحمد محسن اویسی مہمانان خصوصی تھے ۔ علامہ پیر محمد تبسم بشیر اویسی نے کہا کہ طلباء اور پروفیسرز صاحبان کی شہادت نے پوری قوم کو سوگوار بنا دیا ۔ اس بد ترین سانحہ سے وطن عزیز کی بد نامی ہوئی مگر ہم چراغ علم روشن کر کے وطن سے نفرتوں کی تاریکیاں دور کریں گے ۔ اس موقعہ پر سینکڑوں قرآن حکیم، درود پاک اور کلمات و اذکار کو سانحہ میں شہید ہونے والے اساتذہ اورطلباء کی روح کو ایصال ثواب کیا گیا جبکہ آپریشن ضرب عضب میں شہید ہونیوالے پاک فوج کے جوانوں کیلئے بھی خصوصی دعا کی گئی ۔ محمد اصغر ڈرائیور کی والدہ مرحومہ کیلئے بھی ایصال ثواب کیا گیا ۔اس موقعہ پر حافظ محمد عرفان اسلام اویسی ،محمد عمران نقیبی، اصغر علی ،اکبر علی اور دیگر نے بھی خطاب و ہدیہ نعت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان کے مرکزی صدر پیر اعجاز احمد ہاشمی نے سانحہ باچا خان یونیورسٹی کی مذمت کرتے ہوئے کہا ہے کہ دہشت گردی کے خاتمے کے لئے پوری قوم پر عزم ہے۔ شہادتیں ہمارے حوصلے پست نہیں کرسکتیں۔ میڈیا سیل کی طرف سے جاری بیان میں پیر اعجاز ہاشمی نے کہا کہ قوم دہشت گردوں کے خلاف متحدہوچکی ہے اور چاہتی ہے کہ امن و سکون قائم رہے۔ انہوں نے کہاکہ طلبا و طالبات قوم کا مستقبل ہیں ، انہیں تباہ کرنے کی اجازت نہیں دیں گے۔ ہمیں ہر صورت اپنی آئندہ نسل اور ارض وطن کے چپے چپے کی حفاظت کرنی ہے۔ جس کے لئے سیاسی مذہبی جماعتیں، حکومت اور فوج ایک پیج پر ہیں۔ ان کا کہنا تھا کہ آرمی پبلک سکول کے سانحہ کے بعد باچا خان یونیورسٹی میں بھی ہمارے مستقبل کو نشانہ بنایا گیا اور دہشت گردوںکے رابطے افغانستان سے تھے۔ اس سے بھارتی وزیر دفاع کے پٹھان کوٹ کے حملے پر دھمکی آمیز بیان کو نظر انداز نہیں کرنا چاہیے۔ اداروں کو تحقیقات کرکے ملوث ملزمان کو بے نقاب کرنا چاہیے ۔ جبکہ حکومت بھارت کے ساتھ معذر ت خواہانہ رویہ اختیار کرنے کی بجائے د و ٹوک بات کرے۔ افغانستان کے ذریعے بھارت بلوچستان میں بھی دہشت گردی کروا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) سینئر سیاستدان وسابق صوبائی مشیر ریلیف حلیم عادل شیخ نے پاکستان تحریک انصاف کے سربراہ عمران خان سے ملاقات کے بعدPTIمیں باضابطہ شمولیت کا اعلان کردیا ہے۔تفصیلات کے مطابق پاکستان مسلم لیگ قائداعظم سندھ کے سابق صدر وسابق صوبائی مشیر ریلیف حلیم عادل شیخ نے PTIکے سربراہ عمران خان سے ملاقات کے بعد مخدوم شاہ محمود قریشی،عارف علوی اور دیگر سندھ کے وفد آغا ارسلان،پپو خان چاچڑ،ڈاکٹر علی عباس چاچڑ،خاوند بخش جوہیجو،دیوان سچل،اظہار الحسن کے ہمراہ پریس کانفرنس کے دورا ن PTIمیں شامل ہونے کا اعلان کردیا ہے ۔حلیم عادل شیخ نے اپنے بیان میں کہا ہے کہ پیپلزپارٹی نے سندھ میں عوام کو یرغمال بناکر رکھا ہوا ہے اسے ہم آزادکروائینگے۔آج میں نے 1993کے بعد مسلم لیگ سے پاکستان تحریک انصاف میں شمولیت کا فیصلہ کیاہے ،مسلم لیگ میں رہتے ہوئے 23سال قبل جس سیاست کوشروع کرنے سے پہلے میں نے جوخواب دیکھا تھا کہ اپنی سیاست کے ذریعے عام آدمی کی زندگی میں تبدیلی لیکر آئونگا!گو کہ اس سلسلے میں میں نے کچھ عرصہ سرکاری حیثیت سے عوام کے ایشوز پر کا م کیا اور اپنی آوازاپنا قدم اور قلم اٹھایا!امیں نے جس بھرپور سیاست کا آغاز کیا تھا اس کا مقصد فلاحی سیاست (سوشل پولیٹیکس) تھی مگر میں اپنے خواب کو پایہ تکمیل تک نہ پہنچا سکا ۔ ہیٹ اسٹروک ہو ،سیلاب کے دن ہو یا دیگر قدرتی آفات ہو! عام آدمی سے زیادتی کا معاملہ ہوتھرکا مسئلہ ہویاکہیں بھی بھوک اور افلاس کا ایشو ہو میں نے ہر جگہ پہنچ کر اپنا کرداراداکیا ہے ۔ اس دوران میں نے سوچا کہ مجھے اس پارٹی کا انتخاب کرنا ہوگا جو ملک سے ناانصافی کے خاتمے کی بات کرتی ہے ،جو اس ملک میں ایک عرصہ سے جاری فرسودہ نظام کے خلاف ہو جو عام آدمی کے حقوق کی بات کرتی ہوتو مجھے یہ تمام باتیں پاکستان تحریک انصاف میں دکھائی دی ہیںاورآپ جانتے ہیں کہ اس پارٹی کے لیڈرعمران خان صاحب خود بھی نڈر اور دلیر سیاستدان ہیں جوملک میں جاری تمام ایشوزپر اپنی آواز بلند کرتے ہیں مجھے ان کی یہ ادا بہت اچھی لگی ہے جس پر میں یہ سوچنے پر مجبور ہوا کہ جو مشن میراادھورارہ گیا ہے اسے میں PTIکے پلیٹ فارم پر رہتے ہوئے ضرور پوراکرسکوں گاکیونکہ میں یہ بات اچھی طرح جانتا ہوں کہ فلاحی کاموں کے لیے طاقت کی ضرورت ہوتی ہے جو کسی بڑے سیاسی سسٹم سے ہی پوری ہوسکتی ہے ۔میں بہت پرامید ہوں کہ اس نئے پلیٹ فارم پر رہتے ہوئے ہم بہت جلد قائداعظم محمدعلی جناح اور علامہ اقبال کے خوابوں کے مطابق اس ملک کو ضرورفلاحی ریاست بنانے میں کامیاب ہونگے ۔حلیم عادل شیخ کے سیاسی کئیریر کے حوالے سے بات کی جائے تو حلیم عادل شیخ سیاست کا سورج1990سے طلوع ہوایہ کامیابیاں انہیں ہمیشہ گراس روٹ لیول کی سیاست کرنے سے ملی۔۔حلیم عادل شیخ کو ن لیگ میں یوتھ ونگ کا سینٹرل جوائنٹ سیکرٹری مقرر کیا گیا،وہ 1995سے1999تک ضلع ملیر کے صدر رہے ۔مشرف دور میں وہ مسلم لیگ ق کی جانب سے 2002سے2004تک کراچی ڈویژن کے صدر رہے ۔حلیم عادل شیخ کو ممبرسنٹرل ورکنگ کمیٹی بنایا گیا۔2005 سے 2009تک انفارمیشن سیکرٹری کی حیثیت سے فرائض انجام دیئے ۔جولائی 2009میں ان کو مسلم لیگ ق سندھ کا جنرل سیکرٹری بنادیا گیا ۔دسمبر2012میں ان کو صوبہ سندھ کا صدر نامزد کیا گیا۔جنوری سے دسمبر 2011تک وہ وزیراعلیٰ سندھ کے مشیر برائے کھیل رہے ۔2011میں سیلاب متاثرین کی مدد کے لیے اس سلسلے میں کردار ادا کیا۔جنوری 2012سے فروری2013میں ان کی کارکردگی پر محکمہ ریلیف کا قلم دان ان کو سونپا گیاجس میں انہوں نے وزیر اعلیٰ سندھ کے مشیر کی حیثیت سے زبردست انسانی خدمات انجام دی،اور دن رات غذائی قلت ،سیلاب زدگان کی مدد کی ۔حلیم عادل شیخ سندھ کے ان ان مقامات پر عوام کی داد رسی کے لیے پہنچے جس پر شاید آج تک کوئی بھی سیاستدان نہیں پہنچ سکا ہے ۔دسمبر 2015کو انہوں نے مسلم لیگ ق سے اپنے راستے الگ کرلیئے جو بعد میں پاکستان تحریک انصاف میں شمولیت کا باعث بنا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھمبر کی خبریں
بھمبر(جی پی آئی) الیکشن 2016میں آزاد کشمیر میں غیر ریاستی جما عتوں کی مدا خلت کی بجا ئے الیکشن کمیشن کو با اختیا ر بنا کر صا ف شفاف انتخابات کا انعقا د یقینی بنایا جا ئے تا کہ کشمیر ی قوم بغیر کی مداخلت کے آزادانہ طو ر پر اپنے نما ئندے چن سکے گلگت بلتستان ریاست جموں وکشمیر کا لازمی جزو ہے حکو مت پا کستان کی طرف سے گلگت بلتستان کو صو بہ بنا نے سے تحر یک آزادی کشمیر کو نقصا ن پہنچے گا ان خیا لا ت کااظہار سینئر نا ئب صدر کشمیر فر یڈ م مو ومنٹ حا جی محمد یٰسین نے بر طا نیہ سے میڈ یا نما ئندگا ن کیسا تھ ٹیلی فو نک گفتگو کر تے ہوئے کیا انہوں نے کہا کہ آزادکشمیر میں الیکشن سے قبل پا کستا نی سیاسی جما عتوں نے دھینگا مشتی مچا رکھی ہے اور کشمیر یوں کے عزت وقار پر حملے کر رہے ہیں جس سے کشمیر یوں اور پا کستان کے درمیا ن نفر تیں اور دو ریاں بڑ ھیں گئی انہوں نے کہا کہ پنجا ب کے حکمرا ن آزاد کشمیر نے اپنے اپنے فنڈز سے عوامی ضمیروں کا خر ید نے کیلئے خزانے کی بو ریاں کھو ل رکھی ہیں جو کہ افسوس نا ک عمل ہے تحر یک آزادی کشمیر کے اس نا م نہاد بیس کیمپ میں تحر یک آزادی کو فوقیت دینے کی بجا ئے ذاتی مفا دات کے حصول اور کرپشن کو مقصد بنالیا گیا ہے اور اب وزارت امو ر کشمیر اور ادارے آزاد کشمیر میں آمد ہ انتخابا ت پر حاوی ہو نے کیلئے بے جا مداخلت کے مر تکب ہو رہے ہیں انہوں نے کہا کہ گلگت بلتستان ریاست جموں وکشمیر کا حصہ ہے اور کسی کے جسم سے کوئی حصہ بخرا نہیں کیا جا سکتا حکومت پا کستا ن ریاست جمو ں وکشمیر کے جزو لازمی گلگت بلتستان کو صو بہ بنا نے سے گر یز کر ے بلکہ آزادکشمیر اور گلگت بلتستان کے عوام کی اخلاقی اور سفا رتی سپو رٹ کر کے تحر یک آزادی کشمیر کو تقویت دینے میں کر دار ادا کرے پا کستان کی طرف سے گلگت بلتستان کو صو بہ بنا نے کے عمل سے کشمیر ی عوام اور پا کستا ن کت درمیان دو ریاں بڑھیں گی پا کستان تحر یک آزادی آزادی کے بیس کیمپ میں بے جا سیاسی مدا خلت سے بھی گریز کر ے اور کشمیر یوں کو اپنی مر ضی سے اپنے نما ئند ے منتخب کرنے کی آزادی ہو نی چا ہیے تا کہ عوام جس کو مینڈ یٹ دے وہ حکومت آزادانہ طو ر پر عوامی مسائل کے حل اور تحر یک آزادی کشمیر میں حقیقی رول ادا کر ے انہوں نے کہاکہ کشمیر فر یڈ م مو ومنٹ ریاست جموں وکشمیر کی مکمل آزادی بیس کیمپ کے کردار کی بحا لی اور کشمیر یوں کے حقوق کے حصول میں مصروف عمل ہیں اور ہماری یہ جدو جہد ہر حا ل میں جاری رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) حلقہ بر نا لہ چو ہدری پرو یز اشرف کا گڑ ھ ہے یو نین کو نسل ملوٹ میں ہو نیوا لی تعمیر وترقی چو ہدری پرو یز اشرف کا کا رنا مہ ہے کا رکر دگی کی بنیاد پر آئند ہ الیکشن میں یو نین کو نسل ملوٹ سے ایک با ر پھر بھاری اکثر یت سے کا میا ب کروائینگے ان خیا لا ت کااظہار پیپلز پا رٹی یونین کو نسل ملوٹ کے را ہنما ئوں چو ہدر ی عبدا لحمید پینٹٹرا ،چو ہدری فضل حسین نے میڈ یا نما ئند گا ن سے با ت چیت کرتے ہو ئے کیاانہوں نے کہا کہ چو ہدری پرو یز اشرف تعمیر وترقی کے ہیرو ہیں انہوں نے اپنے دور حکومت کے دوران حلقہ بر نا لہ اور با لخصوص یو نین کونسل ملوٹ میں سڑ کوں کے جا ل بچھائے جبکہ سکو لوں کی اپ گر یڈ یشن سمیت پینے کے صاف پا نی کی فرا ہمی کے منصوبوں اور ڈسپنسریوں کے قیا م سے علاقہ میں تعمیر وترقی کا انقلا ب بر پا ہو گیاہے چو ہدری پرویز اشرف نے یو نین کو نسل ملوٹ کے عوام کے دیے گئے مینڈ یٹ کاخوب حق نبھا یا ہے آمد ہ الیکشن میںایک با ر پھر چو ہدری پرو یز اشرف یو نین کونسل ملوٹ سے بھاری لیڈ لے کر حلقہ بر نا لہ سے بھر پور کا میا بی حا صل کر ینگے وہ آج بھی علاقہ کے ایم ایل اے اور کل بھی ایم ایل اے ہو نگے حلقہ بر نا لہ میں اب کو ئی ما ئی کا لا ل ان کا مقابلہ نہیں کر سکتا ان کی کا میا بی انشاا للہ کا ر کر دگی کی بنیاد پر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) چو ہدر ی اسامہ علی آرگنا ئزر یو تھ ونگ تحر یک انصاف بھمبر نے سا نحہ چا ر سدہ یو نیو رسٹی کی پرزور مذ مت کرتے ہو ئے کہا ہے کہ بزدل دشمن ہما رے حوصلوں کو پست نہیں کر سکتے ہم نو جوان اس ملک کا اثا ثہ ہیں انشااللہ ملک پا کستان کی جغرا فیا ئی اور نظر یا تی سر حدوں کی حفاظت کر ینگے اور ملک خدادا د پا کستا ن کی حفاظر کے لئے اس ملک کا نو جوا ن اپنے خون کا آخر ی قطر ہ تک بہا نے کیلئے پرازم ہیں انہوںنے کہا کہ ہم با چا خان یو نیو رسٹی چارسدہ پر دہشت گرد وں کے حملے کی پرزور مذ مت کر تے ہیں دہشت گرد تعلیم پر حملہ کر کے اس ملک کے نوجوانوں کے حو صلے پست نہیں کر سکتے ہم واقعہ میں شہید ہو نیوالے اساتذ ہ ،ملازمین اور طا لبعلموں کو خرا ج عقید ت پیش کر تے ہیں انشااللہ انکی قر با نیاں را ئیگاں نہیں جا ئینگی اور انکا خون رنگ لا ئیگا دہشت گردوں کو عبرتنا ک شکست ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) ریاست جموں وکشمیر چا ر حصوں میں تقسیم ہے جبکہ تین حصوں پر با قا عدہ حکومتی ڈھا نچہ مو جودہے لیکن یہ اسمبلیاں اور حکو متیں ریاست جموں وکشمیر کے عوام کے مستقبل کا فیصلہ کرنے کااختیا ر نہیں رکھتیں کیو نکہ ریاست جموں وکشمیر کے عوام نے حق خو دارا دیت کے ذریعے اپنے مستقبل کا فیصلہ کر نا ہے اس لئے ریاست کی وحدت کی بحا لی اور حق خود ارادیت کے ذریعے مستقبل کا تعین ہی ہما ری جدو جہد ہے کے بنیادی اصول ہیں ان خیا لا ت کااظہار انجینئر خالد پرویز بٹ صدر کشمیر فر یڈم مو ومنٹ نے آزادکشمیر ،مقبو ضہ اور گلگت بلتستان کی اسمبلیوں کے بارہ میں مستقبل کے حوالہ سے کر دار پرگفتگو کرتے ہو ئے کیا انہوں نے کہا کہ مقبو ضہ کشمیر حکومت پر ہندوستان اور آزاد کشمیر وگلگت بلتستان حکومتیں پرو پا کستا ن ہیں ان تینوں خطو ں میں قائم حکومتیں کبھی بھی ریاستی عوام کے حق خودارا دیت کا نعیم البدل نہیں بن سکتیں اگر ان کی پاس کر دہ قرا ر دادوں کی کوئی اہمیت ہے تو پھر مہا را جہ کی نام نہاد قرا ر داد الحاق ہندوستا ن کو بھی جوازبنا کر ہندوستان کے حوا لہ ہو جا نا چا ہیے تھا لیکن اقوام متحدہ کی قرا ر دادوں ہی کے ذریعے ریاست کے عوام کو اپنے مستقبل کا فیصلہ کر نا ہے با لآخر اقوام متحد ہ ہی کے ذریعے مسئلہ کشمیر کا حل ممکن ہو گا اس طر ح مسلم کا نفر نس کی طرف سے پاس کر دہ قرار داد الحاق پا کستا ن بھی کشمیر ی عوام کا فیصلہ نہیں تھا بلکہ شیخ عبداللہ اور شو ہدری غلا م عباس بھی کسی حد تک تقسیم کشمیر کے ذمہ دار ہیں ہمیں ان دو نوں لیڈروں ذاتی عناد نہیں ہے بلکہ ہم تو تاریخی حقا ئق کی روشنی میں اپنا نقطہ نظر پیش کر رہے ہیں انہوں نے کہا کہ مسئلہ کشمیر ،کشمیر ی عوام کی خواہشات اور امنگوں کے مطا بق حل کیا جائے پا کستان اور ہندوستان کے درمیان مذا کراتی عمل خوش آئند ہے مگر ان مذاکرا ت میں کشمیر ی عوام کی نما ئند گی لا زمی ہے بصورت دیگر مذا کرا تی عمل کا ر سعی لا حا صل رہے گا آزاد کشمیر اور مقبو ضہ کشمیر میں جملہ آمدورفت پر مو جود پا بند یوں کو ختم کیا جا ئے اور کشمیر ی عوام کے با ہم روابط کو بحا ل کیاجائے انہوں نے کہا کہ سپر یم کو رٹ با ر کے عہد یدارا ن کی پاس کردہ دس نکاتی قر داد کی کشمیر فریڈ م مو ومنٹ مکمل حمایت کر تی ہے۔