گجرات (جی پی آئی) دی ایجوکیٹرز بارہ دری کیمپس بچوں کی بہترین تعلیم و تربیت کا مشن لے کر کام کر رہا ہے۔ ان خیالات کا اظہار ایڈمنسٹریٹر دی ایجوکیٹرز بارہ دری کیمپس شہزاد شفیق نقشبندی نے دی ایجوکیٹرز بارہ دری کیمپس میں آکسفورڈ یونیورسٹی سے میتھ کے سپیشل سٹوڈنٹس فیضان عامر شیخ کے دورہ کے موقع پر کیا۔ انہوں نے کہا کہ ہم اپنے بچوں کی تعلیم و تربیت کے مشن کو بہتر انداز میں آگے بڑھائیں گے اس سلسلہ میں مختلف ماہرین کو مدعو کیا جاتا ہے جو کہ بچوں کو لیکچر دیتے ہیں۔ میتھ ایک خصوصی مضمون ہے جس میں بچوں کو بہتر سے بہتر انداز میں پڑھانے کیلئے ماہر اساتذہ کرام اپنا فریضہ احسن طریقے سے سرانجام دے رہے ہیں۔ انہوں نے کہا کہ اس سپیشل بچے کو بلانے کا مقصد یہ تھا کہ ہم اپنے بچوں کو میتھ کے حوالہ سے دنیا بھر میں ہونے والے کام سے آگاہ کر سکیں۔ تاکہ وہ محنت کر کے اپنا اور ملک و قوم کا نام روشن کر سکیں۔ اس موقع پر خطاب کرتے ہوئے ایڈمنسٹریٹر حافظ محمد طاہر نے کہا کہ سپیشل بچے قوم کا قیمتی اثا ثہ ہوتے ہیں۔ اور سپیشل بچے ملکی ترقی کا باعث بن سکتے ہیں۔ اس لئے ہمیں بچوں کی حوصلہ افزائی کرنی چاہئے۔ اس موقع پر سپیشل بچے فیضان عامر شیخ نے خطاب کرتے ہوئے کہا کہ مجھے خوشی ہے کہ میں اتنے اچھے ادارے میں آیا ہوں اور یہاں کے بچوں سے ملاقات کر رہا ہوں۔ اور میں آپ لوگوں سے درخواست کرتا ہوں کہ آپ اپنی صلاحیتیں ملکی ترقی کیلئے صرف کریں کیونکہ پاکستان کی ترقی سے ہی ہم دنیا میں بہتر مقام حاصل کر سکتے ہیں۔ اور دی ایجوکیٹرز بارہ دری کیمپس بلا شبہ ایک ایسا ادارہ ہے جس میں بچوں کی بہترین تعلیم و تربیت کا بندوبست کیا گیا ہے۔ اور میری دعا ہے کہ یہ بچے دنیا و آخرت میں کامیاب ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آستانہ عالیہ غوث یگانہ چھالے شریف میں سالانہ عرس مبارک کے موقع پر شاندار حفاظتی انتظامات کئے گئے۔ پولیس کے ساتھ ساتھ دربار کے خادمین اور غوث یگانہ فائونڈیشن کے رضا کاروں نے اپنے فرائض احسن طریقہ سے سرانجام دئیے۔ اس موقع پر شاندار انتظامات کرنے پر سجادہ نشین صاحبزادہ پیر سید انتصار الحسن شاہ سروری قادری اور زیب سجادہ نشین صاحبزادہ پیر سید اسرار الحسن شاہ اور سید ابرار الحسن شاہ کو علاقہ کی اہم شخصیات نے مبارکباد پیش کی ہے۔ اور دعا کی ہے کہ یہ آستانہ عالیہ دن دگنی رات چوگنی ترقی کرے۔ اس موقع پر حاضرین کیلئے حسب روایت بہترین لنگر کا بھی اہتمام کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اولیاء کرام کے آستانے محبت اور امن کا پیغام دیتے ہیں۔ ان خیالات کا اظہار سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ سروری قادری نے عرس مبارک کی تقریبات کے دورا ن کیا۔ انہوں نے کہا کہ موجودہ حالات میں ضرورت اس امر کی ہے کہ ہم اولیاء کرام کی تعلیمات سے مستفید ہو کر دنیا میں امن کا درس دیں۔ جب تک ہم صحیح معنوں میں اسلام کی تعلیمات اور اولیائے کرام کے افقار سے اپنے دلوں کو منور نہیں کریں گے تب تک ترقی نا ممکن ہے۔ اسلام دنیا کا واحد مذہب ہے جس میں امن و بھائی چارے کا درس دیا گیا ہے۔ پیر سید منور حسین شاہ جماعتی نے کہا ہے کہ ہم دنیا بھر میں امن کا پیغام لے کر جاتے ہیں اور ہمیں بزرگوں کی دعائیں کی وجہ سے اسلام کی تعلیمات پھیلانے کا شرف حاصل ہوا ہے۔ اور ہم دن رات اپنی کاوشیں اسلام کی سر بلندی کیلئے صرف کر رہے ہیں۔ انہوں نے کہا کہ میں آستانہ عالیہ چھالے شریف کے تمام رفقاء کار کو مبارکباد پیش کرتا ہوں کہ انہوںنے اس دور میں اتنا شاندار پروگرام منعقد کیا۔ خطیب پاکستان مرکزی ناظم اعلیٰ جماعت اہل سنت پاکستان پیر سید ریاض حسین شاہ نے خطاب کرتے ہوئے کہا کہ اسلام کی اصل تعلیم برداشت اور تحمل مزاجی ہے ۔ ہمیں اسلام کی تعلیمات کی ترویج و اشاعت کیلئے کام کرنا ہے۔ صوبائی ناظم اعلیٰ جماعت اہل سنت پنجاب مفتی محمد اقبال چشتی نے کہا ہے کہ اللہ کی راہ میں جو صدق دل سے کام کرتا ہے اسے کامیابی حاصل ہوتی ہے۔ اور ہم خوش قسمت ہیں کہ ہمیں اللہ کے دین کیلئے کام کرنے کا موقع ملا۔ صاحبزادہ پیر سید شمس الرحمن مشہدی نے خطاب کرتے ہوئے کہا کہ آستانہ عالیہ غوث یگانہ چھالے شریف دنیا بھر میں محبت و اخوت کا پیغام لیکر کام کر رہا ہے۔ میں پیر سید انتصار الحسن شاہ اور ان کے رفقاء کار کو مبارکباد پیش کرتا ہوں کہ وہ احسن طریقے سے اپنے فرائض سرانجام دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ، ڈی پی او رائے ضمیر الحق نے اے پلس کیٹگری میں شامل تعلیمی اداروں یونیورسٹی آف لاہور چناب کیمپس، ہولی روزری سکول، لاہور گرائمر ، دی روٹس سکول، فوجی فائوندیشن سکول، سٹی سکول، کیتھڈرل ہائی سکول، ، سینٹ اینڈریو ہائی سکول ،گورنمنٹ کرسچئین ہائی سکول، گورنمنٹ مشن ہائی سکول، بحریہ فائونڈیشن ہائی سکول شادیوال ، بیکن ہائو س کٹھالہ چناب اور دیگر تعلیمی اداروں کا اچانک دورہ کیا اور ان سکولوں میں سکیورٹی انتظامات،سی سی ٹی کیمروں کے کنٹرول رومز اور دیگر انتظامات کا جائزہ لیا، ای ڈی او ایجوکیشن طاہر کاشف بھی انکے ہمراہ تھے۔ ڈی سی او لیاقت علی چٹھہ نے پرنسپلز اور سربراہان کو ہدایت کی کہ سکولوں کی بہتر سکیورٹی کے لئے صحت مند سکیورٹی گارڈز تعینات کئے جائیں ، یقینی بنایا جائے کہ گارڈز وردی میں ملبوس، بہتر اسلحہ سے لیس بوقت ضرورت اسلحہ چلانے میں مہارت بھی رکھتے ہوں اور ان سے ہرگز کوئی دیگر ڈیوٹی نہ لی جائے۔ ڈی سی او نے ہدایت کی کہ سکولوں کے ایمرجنسی الارم ہر صورت چالو رکھے جائیں،تمام کمروں میں ہنگامی نمبرز آویزاں کئے جائیں، سی سی ٹی وی کیمروں کو ہر صورت فنکشنل رکھا جائے اور انکا ایک ہی کنٹرول روم ہو اور مسلسل مانیٹرنگ اور یقینی بنائی جائے نیز داخلی دروازوں پر بیئرز لگانے کے ساتھ واک تھرو گیٹ کی موجودگی یقینی بنائی جائے۔انہوںنے ہدایت کی کہ اے پلس تعلیمی اداروں کی انتظامیہ ہمسایوں کے ساتھ رابطہ رکھیں اور اگر کوئی مشکوک شخص قرب و جوار میں مقیم ہو تو اسکے بارے متعلقہ پولیس آفیسر کو اطلاع دی جائے۔ڈی پی او رائے ضمیر الحق نے ہدایت کی کہ اے پلس تعلیمی اداروں کے سربراہان ان اداروں میں گیٹ پر تعیناتی کے ساتھ چھت پر بھی مسلح سکیورٹی گارڈز کی تعیناتی یقینی بنائے ، پولیس بھی ان سکولوں کی سکیورٹی کے لئے اہلکاروں کے تعیناتی یقینی بنائے گی۔ انہوںنے ہدایت کی کہ سی سی ٹی وی کیمروں کی مانیٹرنگ کے ساتھ یقینی بنایا جائے کہ یہ ہر صورت فنکشنل ہوں اور مناسب بیک اپ موجود ہو۔ انہوںنے ہدایت کی کہ سکولوں کی انتظامیہ گارڈز کی تربیت کے ساتھ زیر تعلیم طلبہ و طالبات کی ہنگامی صورتحال سے نمنٹنے کے لئے ٹریننگ یقینی بنائے نیز کسی بھی ایمرجنسی کی صورت میں طلبہ و اساتذہ کے محفوظ انخلا کے لئے متبادل انتظام ہونا چاہیے۔ ڈی پی او نے کہا کہ پولیس بھی ہر طرح کی صورتحا ل سے نمنٹنے کے لئے پوری طرح چوکس ہے اور اس امر کو یقینی بنانے کے لئے پرعزم ہے کہ عوام کے جان ومال کی حفاظت اورتعلیمی اداروں سمیت تمام پبلک مقامات کی سکیورٹی کے لئے ہمہ تن تیار ہے۔ اس سے قبل ای ڈی او ایجوکیشن طاہر کاشف نے بتایا کہ تمام سکولوں میں حکومت اور ضلعی انتظامیہ کی ہدایات کے مطابق سکیورٹی اہلکار تعینات کئے گئے ہیں، سرکاری سکولوں میں سی سی ٹی وی کیمروں کے تنصیب اور مانیٹرنگ کے ساتھ انکی مرمت کا بھی انتظام کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ایڈیشنل ڈسٹرکٹ کلکٹر عرفان علی کاٹھیا سے پاکستان میڈیکل ایسویسی ایشن گجرات کے صدر ڈاکٹر مقصود زاہد کی قیادت میں پی ایم اے کے وفد نے ملاقات کی اور انہیں گذشتہ دنوں ضلع منڈی بہائوالدین میں ایک ڈاکٹر کے قتل کے افسوسناک واقعہ بارے اپنے تحفظات سے آگا ہ کیا۔ اے ڈی سی عرفان علی کاٹھیا نے یقین دلایا کہ اس افسوسناک واقعہ بارے ضلع گجرات کے ڈاکٹرز کے تحفظات اور مطالبات کے حوالے وہ حکومت پنجاب اور ڈی سی او گجرات کو آگاہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسپیشل پرائس مجسٹریٹ/ ایڈیشنل ڈسٹرکٹ کلکٹر عرفان علی کاٹھیانے گرانفروشی پر ایک دوکاندار کے خلاف مقدمہ درج کرا دیا جبکہ پانچ دوکانداروںپر 8800روپے جرمانہ عائد کر دیا ہے۔ ڈی سی او لیاقت علی چٹھہ کی ہدایت پر کریک ڈائون کے دوران اے ڈی سی نے دودھ مہنگے داموں فروخت کرنے پر افضال کے خلاف تھانہ لاری اڈہ میں مقدمہ درج کرا دیا جبکہ نوید، عارف، افضل، خرم ، امداد پر جرمانہ عائد کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) شہریوں میں ڈینگی سے بچائو کے حوالے سے شعور فراہم کرنے کے لئے آگاہی واک آج صبح ساڑھے 9بجے نارمل سکول سے ضلع کونسل تک ہوگی ، ڈی سی او لیاقت علی چٹھہ ، منتخب عوامی نمائندے واک کی قیادت کریں گے ۔ بعد ازاں ضلع کونسل ہال میں سیمینار کا انعقاد ہوگا جس سے مہمان خصوصی ڈی سی او لیاقت علی چٹھہ ، محکمہ صحت کے افسران اور ڈاکٹرز خطاب کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) وزیر اعلی پنجاب کی طرف سے تعلیمی اداروں کے سکیورٹی انتظامات چیک کرنے کے لئے بنائی گئی خصوصی ٹیم کے سربراہ سیکرٹری کوآپریٹوز بابر حیات تارڑ نے گجرات کا دورہ کیا اور یونیورسٹی آف گجرات، بیکن ہائوس سکول کھٹالہ اور اے پلس کیٹگری میں شامل دیگر تعلیمی اداروں کا دورہ کیا اور سکیورٹی انتظامات کا جائزہ لیا، ڈی سی او لیاقت علی چٹھہ، ڈی پی او رائے ضمیر الحق بھی اس موقع پر انکے ہمراہ تھے۔ یونیورسٹی آف گجرات اور دیگر تعلیمی اداروں کے سکیورٹی فوکل پرسنز نے انہیں بریفنگ دی۔ سیکرٹری کوآپریٹوز بابر حیات تارڑ نے کہا کہ وزیر اعلی پنجاب میاں شہباز شریف کی ہدایات کے مطابق تعلیمی اداروں میں طلبہ و اساتذہ کی سکیورٹی یقینی بنانے کے لئے اقدامات حکومت پنجاب کی ترجیحات ہیں۔ انہوں نے ہدایت کی کہ تعلیمی اداروں کے سربراہان کو ہدایت کی کہ حکومت کی ہدایات کے مطابق اپنے زیر کنٹرول اداروں کی سکیورٹی کے لئے ہر ممکن وسائل بروئے کار لائے جائیں۔ انہوںنے ضلعی انتظامیہ اور پولیس کو تعلیمی اداروں کی سکیورٹی انتظامات کی نگرانی کی ہدایت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) پاکستان تحریک انصاف چوہدری ضیغم علی ٹوپہ نے کہا ہے کہ تحر یک انصاف عوامی طاقت سے حکمرانوں کو ظالمانہ پالیسیاں ترک کرنے پر مجبور کر دے گی۔ مسلم لیگ ن کی حکومت مر کز اور پنجاب میں مکمل طور پر ناکام ہو چکی ہیں اور انکی پا لیساں ملک میں کر پشن ‘لوڈشیڈ نگ ‘مہنگائی اور بے روزگاری جیسے مسائل پیدا کر رہی ہے جسکی وجہ عوام حکمرانوں کے خلاف نفرت کا اظہار کرتے ہوئے سڑکوں پر آرہی ہے ۔ انہوں نے کوئٹہ میں ہونے والے حملے کی شدید الفاظ میں مذمت کرتے ہوئے کہا کہ مسلم لیگ ن کی حکومت اندرونی اور بیرونی محازوں پر بُری طرح ناکام ہو گئی ہے انہوں نے حملے سے جاں بحق ہونے والوں کے لئے دعا کی اور لواحقین کے ساتھ اظہار ہمدردی کرتے ہوئے کہا کہ اللہ اُن کو صبر جمیل عطا کرے تحریک انصاف مشکل کی اس گھڑی میں اُن کے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) راہنما مسلم لیگ ن الحاج چوہدری اصغر بہبلی نے کوئٹہ میں ایف سی اہلکاروں پر خود کش حملے کو دشمن کی بزدلانہ کارروائی قراردیتے ہوئے کہا ہے کہ فوج کی کارروائیوں سے بوکھلاہٹ کے شکار دہشت گرد آخری سانسیں لے رہے ہیں۔ پاک چین اقتصادی راہداری کی کامیابی اور بلوچستان میں بہتر ہوتا ہوا امن بھی ملک دشمنوں کی نظروں میں کھٹک رہا ہے۔ اسی لئے دہشت گردی کے واقعات کروائے جارہے ہیں۔انہوںنے کہا کہ ملک دشمن شرپسند وں کے سوائے تمام بلوچ عوام محب وطن پاکستانی ہیں۔ جنہوںنے ملکی تعمیر و ترقی میں ہمیشہ اہم کردار ادا کیا ہے۔ انہوںنے کہا کہ بلوچ عوام کو بیوقوف نہیں بنایا جاسکتا۔ سکیورٹی اہلکاروں پر حملے کرکے دہشت گرد قوم کو خوفزدہ کرنا چاہتے ہیں، مگر یہ ناکام رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) انجمن تاجران کھاریاں،محکمہ ہائی وے اورTMAکے نمائندگان نے اسسٹنٹ کمشنر میاں اقبال مظہر کی خصوصی ہدایات پر حد بندی کرتے ہوئے ناجائز تھڑوںکو3دن کے اندر اندر ختم کرنے کی ہدایت کر دی کسی بھی شیڈ زمین پر نہیں ہونگے فولڈنگ یااپنی دیوار استعمال کریں گے 3دن میں عملدرآمدنہ کرنے کی صورت میں مورخہ10فروری بروزبدھ کو آپریشن کیا جائے گا بعد میں انتظامیہ کسی قسم کے نقصان کی ذمہ دار نہ ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) تحصیل ہیڈ کوارٹر کھاریاں میں لیڈی ڈاکٹر مریم رانا گائنی کالوجسٹ کی تعیناتی سے عوام کو ریلیف ملنا شروع ہوگیا ہے عوامی حلقوں میں ان کی تعیناتی سے خوشی کی لہر دوڑ گئی ہے ان کا کہنا ہے کہ ڈاکٹر مریم رانا تحصیل ہیڈکوارٹر میں خدمات سرانجام دی رہی ہیں عوام کو ریلیف مل رہا ہے ڈاکٹر مریم رانا انتہائی فرض شناس اور محنتی ڈاکٹر ہیں اگر اسی طرح سارے ڈاکٹر اپنی ڈیوٹی سرانجام دیتے رہے تو مریضوں کو مشکلات کا سامنا نہیں کرنا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) راہنما پاکستان تحریک انصاف ہالینڈ محمدیوسف مرزا گذشتہ روز نجی دورہ پر پاکستان پہنچ گئے اُن کاایئرپورٹ پرشانداراستقبال کیا جن میں کرنل محمد طاہر،میجر طارق،صوبیدار(ر) فیاض حسین،ارشد محمود،ابرار حسین،محمداصغر،محمدسلیم،مہر فیاض،سعد فیاض اور دیگر موجود تھے اس دورے کے دوران وہ سابق گورنر پنجاب چوہدری غلام سرور،سابق وزیر اعظم آزادکشمیر برسٹر سلطان محمود اور دیگر پارٹی راہنما ئوں سے پارٹی امور پر تبادلہ خیال کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں کی صحافی برادری کی طرف سے کوٹلہ پریس کلب کی نومنتخب کابینہ صدر ذوالفقار اکبر بٹ اور جنرل سیکرٹری چوہدری علی اصغر ککرالی اورلالہ موسیٰ کے معروف اور متحرک صحافی شفاقت علی مرزا کی سعادت حاصل کرنے پر مبارکباد۔ مبارک باد دینے والوں میں حاجی عبدالرئوف صدرKPC، آفتاب احمد نذر جنرل سیکرٹریKPC،، جبار ساگر فنانس سیکرٹریKPCسینئر صحافی سید تنویر نقوی، چیئرمین تعمیراتی کمیٹی K.P.C، سینئر صحافی نصراللہ چوہدری ایڈووکیٹ، اعجاز مرزا، عبدالعزیز گوندل کوارڈی نیٹرKPC، ایم عمر سیکرٹری اطلاعات KPC،سینئر نائب صدر حافظ محمد عمران خلجی،نائب صدرحکیم غلام شبر،سینئر صحافی شہزاد احمد، صحافی الیاس بٹ، صحافی قربان گجر، صحافی عرفان عباس جنجوعہ ، عتیق لال سیکرٹری سپورٹسKPC’ چوہدری محمد یوسف سونو، شہزاد احمد، محفوظ احمد بٹ، نیئر صدیقی، محمد سجاد اکرم، طاہر رشیداور دیگر شامل ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکومت PIA ملازمین کا معاملہ جلد حل کرے گی پرامن احتجاج پر ایک کا جمہوری حق ہے مگر اس حق کا غلط استعمال بھی جمہوریت توہین ہے احتجاج کی آڑ میں سرکاری اور قومی نقصان بھی ہرگز برداشت نہیں کیا جا سکتا۔ PIA ملازمین کی ہڑتال پر سیاست چمکانے والوں کو بھی جلد منہ کی کھانا پڑے گی حکومت قومی مفاد میں ہی فیصلے کر رہی ہے ان خیالات کا اظہارمشترکہ طور پر ایم این اے چوہدری عابد رضا اور ایم پی اے چوہدری شبیر احمد کوٹلہ نے کیا۔ انہوں نے کہا کہ PIA قومی ادارہ ہے جو کہ خسارے میں جا رہا ہے ہر ماہ اربوں روپے کا نقصان قوم کو ہی ہو رہا تھا اگر ان حالات میں نج کاری ہوتی ہے تو وہ قومی اور ملکی مفاد میں ہے کچھ لوگ اپنی سیاست چمکانے کے لئے ان ہڑتالی ملازمین کو اپنے مزموم مقاصد کے لئے استعمال کر رہے ہیں جو کہ شرمناک فعل ہے انہوں نے مزید کہا کہ حکومت PIA ملازمین کے معاملے کو جلد مذاکرات یا اپنے طریقہ سے حل کرلے گی سیاست چمکانے والوں کو کچھ نہیں ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکومت PIA ملازمین کے ساتھ غیر انسانی سلوک کرنا بند کرے اور مذاکرات کے ذریعے معاملہ حل کرے PTI حکمرانوں کی من مانیاں ہرگز نہیں چلنے دے گی عوامی حقوق کے لئے آواز بلند کرتے رہیں گے ان خیالات کااظہار راہنماپاکستان تحریک انصاف میاں جمیل اصغرنے کیا۔ انہوں نے کہا کہ عوام کے جان و مال اور عزت کے ساتھ ساتھ حقوق کی حفاظت بھی اسٹیٹ کے ذمہ ہوتی ہے مگر پاکستان میں گنگا الٹی بہہ رہی ہے حکمران طاقت اور اقتدار کے نشے میں دھت خود ہی ملازمین کا استحصال کر رہے ہیں PIA کے ہڑتال ملازمین ملکی اثاثوں کو اونے پونے فروخت کرنے کے خلاف سراپا احتجاج ہیں اور حق سچ کی آواز بلند کر رہے ہیں PTI اس حق سچ کی آواز کے لئے PIA ملازمین کے شانہ بشانہ ہے انہوں نے مزید کہا کہ حکمران مذاکرات کے ذریعے معاملات حل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ضلع گجرات کی سرکاری مشینری ناکام ناجائز منافع خوروں نے عوام کو دونوں ہاتھوں سے لوٹنا شروع کر دیا اس میں ضلعی انتظامیہ بھی برابر کی شریک ہے ڈی سی او گجرات نے گذشتہ چند دن قبل اشیاء خورد و نوش کی قیمتوں میں کمی کرنے کی بجائے اضافہ کر کے عملی ثبوت دیا ہے کہ وہ عوام کے ساتھ نہیںبلکہ ناجائز منافع خوروں کا بھرپور ساتھ دے رہے ہیں بڑے گوشت کی قیمت میں یک دم 20 روپے فی کلو اضافہ کر کے مہنگائی میں اضافہ کیا گیا عوامی حلقوں نے دیگر اشیاء کی قیمتوں میں اضافے کو مسترد کرتے ہوئے مطالبہ کیا ہے کہ عوام کو مہنگائی سے ریلیف دینے کی بجائے DCO گجرات نے ریٹ بڑھا کر مہنگائی کو خود بڑھایا ہے جوکہ عوام کے ساتھ سراسر ظلم و نانصافی ہے عوامی حلقوں نے وزیراعلیٰ پنجاب میاں شہباز شریف نے از خود نوٹس لینے کی اپیل کرتے ہوئے کہا ے کہ پیٹرولیم مصنوعات کی قیمتوں میں کمی کے ساتھ مہنگائی کم ہوتی ہے مگر ضلع گجرات میں سرکاری افسران خود مہنگائی بڑھانے کا سبب بن رہے ہیں اصلاح و احوال کا فوری مطالبہ بھی کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) جنرل سیکرٹری کھاریاں پریس کلب آفتاب احمد نذر نے کہا ہے کہ صدر کھاریاںپریس کلب کی قیادت میں کلب کے سارے ممبران متحد ہیں اور ہمارا اتحاد مثالی ہیں انشاء اللہ رواں صحافیوں کی فلاح و بہبود، اتحاد ویکجہتی کے ساتھ مسائل بھرپور طریقے سے حل ہوں گے ان خیالات کا اظہار انہوں نے اپنے ایک بیان میں کیا ہے۔ انہوں نے کہا کہ کھاریاں کے اخبار نویس معاشرے میں پائی جانے والی برائیوں کے خلاف قلم کے ذریعے جہاد کر رہے ہیں اور یہ سلسلہ ہمیشہ جاری رہے گا اور کھاریاں کے صحافی مثبت صحافت کے فروغ کے لئے اپنا کردار ادا کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سینئر نائب صدر حافظ محمد عمران خلجی نے گذشتہ روز فاریسٹ پارک پبی میں عہدیداران اور ممبران کے اعزاز میں پرتکلف ظہرانہ دیا اس موقع پر کثیر تعداد میں صحافیوں اور معززین نے شرکت کی۔ ظہرانے میں صحافیوں کے ساتھ کھاریاں ممتاز سیاسی شخصیات چوہدری اللہ یار چاڑ،عظیم سرور بٹ بھی شریک تھے اس موقع پر صدر حاجی عبدالرئوف، جنرل سیکرٹری آفتاب احمد نذر،فنانس سیکرٹری جبار ساگر، سید تنویر نقوی چیئرمین تعمیراتی کمیٹی،کوارڈی نیٹرز اعجازمرزا، عبدالعزیز گوندل، چیئرمین مجلس عاملہ میاں ندیم، سیکرٹری اطلاعات ایم عمر، چوہدری محمد یوسف سونو، سید مغفور الحسنین، لیگل ایڈوائزر نصراللہ چوہدری ایڈووکیٹ،میاں محمد صفدر، چوہدری انور چوہان، عتیق لال سیکرٹری سپورٹس، نائب صدر حکیم غلام شبر، قربان گجر، وقاص رئوف، جوائنٹ سیکرٹری طاہر رشید، حکیم نیئر صدیقی، محمد سجاد اکرم، نواز مغل ملکہ، سہیل کامران سیکرٹری تقریبات، محفوظ احمد بٹ، مشیر امجد حسین امجد، چیئرمین سیکروٹنی مرید جعفری سمیت دیگر نے شرکت کی۔ حافظ محمد عمران خلجی نے تمام شرکاء کا شکریہ ادا کرتے ہوئے کہا کہ انشاء اللہ کھاریاں پریس کلب کے تمام صحافی اپنی قلم اور کیمروں کے ذریعے معاشرتی مسائل کو اجاگر کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ممبرصوبائی اسمبلی حلقہPP115چوہدری شبیر احمدکوٹلہ نے کہا ہے کہ پی آئی اے حساس قومی ادارہ ہے، پی آئی اے پر سیاست چمکانے کے بجائے اس کی حالت زار کو بہتر بنانے کی تجاویز لائی جائیں۔ جن لوگوں نے پی آئی اے کو انتظامی اور مالی لحاظ سے تباہی سے دوچار کیا آج وہی اس پر سیاست چمکا رہے ہیں، ن لیگ نے اپنے گذشتہ دور حکومت پی آئی اے کو منافع بخش ادارہ بنایا، مسلم لیگی راہنماء کے مطابق قومی ایئرلائن کو دوبارہ منافع بخش بنانے کے لئے انتظامی و مالی لحاظ سے جامع اصلاحات کی ضرورت ہے۔ انہوں نے کہاکہ بعض عناصر کو خوف ہے کہ پی آئی اے میں اصلاحات کے نتیجے میں ان کی بدعنوانیاں سامنے لائی جا سکتی ہیں، موجودہ حکومت کی جانب سے قومی ادارے میں کسی کو ناحق تنگ کیا جا رہا ہے اور نہ ہی کسی کو بے روزگار، تاہم ادارے کی بحالی کے لئے جامع حکمت عملی اور بدعنوانیوں کا احتساب ضروری ہے۔ نجکاری اور شراکت داری میں زمین آسمان کا فرق ہوا کرتا ہے، بعض عناصر چاہتے ہیں کہ قومی اداروں سیاسی نوازشات کا ذریعہ بنا کر رکھا جائے جبکہ حکومت نے متعلقہ اسٹیک ہولڈرز سے مشورہ کئے بغیر نجکاری کا سوچا تک نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) ڈی پی او گجرات رائے ضمیر الحق نے دی ایگزا سکول سسٹم کنجاہ کا افتتاح کردیا ۔ اس موقع پر ملک کے نامور مزاحیہ شاعر سید سلمان گیلانی بھی موجود تھے ۔ افتتاحی تقریب میں مہمانوں کا استقبال انچارج ضیغم ثناء اﷲ اور رانا اورنگ زیب نے کیا ۔ افتتاحی تقریب میں سابق چیئرمین وسابق ناظم کنجاہ رانا مقصود احمد ، مسلم لیگ ن کنجاہ کے صدر میر صلاح الدین ، مسلم لیگ ن کے نامزد امیدوار برائے چیئرمین چوہدری مدثر وڑائچ ، کونسلران میں احسان الحق مغل ایڈووکیٹ ، طارق محمود بٹ ، چوہدری آصف عرفان گوندل ، کنجاہ پریس کلب کے سابق صدر یاورعباس، جنرل سیکرٹری احسان الحق مغل ایڈووکیٹ ، استاد الشعراء منیر صابری کنجاہی ، لیاقت گڈگور جھیورانوالی ، چوہدری احسان گوندل ، تحریک منہاج القرآن ضلع گجرات کے امیر مرزا محمد طارق بیگ، کنجاہ کے صدر فضل کریم جان ، حاجی محمد یونس چشتی ، اختر محمود رحمانی ، چوہدری عاطف پوانجی ، چوہدری ظفر اﷲ خاں ہجن ، قاری منیر انجم قادری ، قاری محمد اعجاز رحمانی ، میر شکیل احمد ، حکیم پیر سلیم رضا جعفری ، چوہدری اورنگ زیب مہرانہ ناگریانوالہ ، مرزا عادل ، منیر حسین چشتی ، سعید اختر سعید، محمد اشرف بزمی سمیت دیگر اہم شخصیات نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) ملک گیر ادبی تنظیم الفانوس پاکستان کے زیر اہتمام شریف کنجاہی لائبریری غنیمت ہال کنجاہ میں ایک بھرپور اور خوبصورت نعت و سلام کے حوالے سے محفل مشاعرہ کا انعقاد کیا گیا ۔ جس کی صدارت نامور شاعر ذکاء اﷲ اثر حافظ آباد نے کی جبکہ مہمان خصوصی دلشاد احمد سمبڑیال سیالکوٹ تھے ۔ مہمانان اعزاز میں سیف اﷲ باجوہ (حافظ آباد؟)، قاسم کیلانی (حافظ آباد)، منیر حسین چشتی کنجاہی تھے ۔ اس موقع پر جن دیگر شعراء کرام نے شرکت کی ان میں امجد جاوید (شیخوپورہ)، ڈاکٹر طاہر تنہا (جلالپوربھٹیاں )، محمد اشرف نازک ، ڈاکٹر وسیم رضا سیال ، احسان فیصل کنجاہی ، یاورعباس ، علی احمد جھنڈیوال شامل ہیں ۔ نقابت کے فرائض شہنشاہ نقابت اظہر حسین مدنی (حافظ آباد) نے سرانجام دئیے ۔ میزبانی کے فرائض علی احمد مرکزی جنرل سیکرٹری الفانوس پاکستان نے سرانجام دئیے ۔ محفل مشاعرہ کے اختتام پر شرکائے مشاعرہ کے اعزاز میں کھانا پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) محلہ قلعہ کنجاہ پر واقع دربار پیر ٹھیکریاں والی سرکار کا مزار انتظامیہ ، اہل محلہ اور عقیدت مندوں کی بے حسی کے باعث خود بخود شہید ہورہا ہے ۔ مزار کی حالت بہت خراب ہورہا ہے ۔ خدشہ ہے کہ کہیں یہ مزار منہدم نہ ہوجائے ۔ انتظامیہ اور عقیدت مندوں کو بھی اس کی فکر لاحق ہونی چاہیے ، اہل محلہ کو بھی چاہیے کہ وہ اپنی مدد آپ کے تحت دربار کی تعمیر و مرمت کا کام شروع کردیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) معروف سیاسی وسماجی شخصیت ، دانشور ڈاکٹر شکور احمد ڈائریکٹر (ر) زرعی ترقیاتی بینک آف پاکستان نے گزشتہ روز میڈیا سے گفتگو کرتے ہوئے کہاکہ اجتماعی مفادات کی خاطر اہل کنجاہ کو متحد ہوجانا چاہیے ۔ انہوںنے کہا کہ معاملہ کنجاہ کی تعمیر و ترقی کا ہو یا پھر کوئی قومی ایشو سب جماعتوں اور تنظیموں کے سربراہان کو ایک پلیٹ فارم پر اکٹھا ہوجانا چاہیے انہوںنے کہا کہ جب تک ہم اکٹھے ہوکر کسی معاملہ پر آواز نہیں اٹھائیں گے تب تک ہمارے مسائل حل نہیں ہونگے ۔ انہوں نے کہا کہ اس وقت ملک و قوم کو بھی اتحاد و اتفاق کی بہت سخت ضرورت ہے آئیے مل کر کوشش کریں اور اس کی ابتداء اپنے قصبہ کنجاہ سے کریں تاکہ یہ ملکی سطح پر ایک مثال بن جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) گورنمنٹ اسلامیہ ہائی سکول کنجاہ کے اساتذہ انصر محمود، میر محمد رزاق ، مفتی محمد الیاس ، غلام سرور ملہی، سید توقیر حسین شاہ ، محمد عظمت قریشی ، محمد احسان ، نعیم شریف نے اپنے ایک مشترکہ بیان میں کنجاہ پریس کلب کے نومنتخب صدر محمد صدیق بٹ ، جنرل سیکرٹری احسان فیصل کنجاہی اور دیگر عہدیداران کو دلی طور پر مبارکباد دی ہے ۔ انہوںنے کہا کہ کنجاہ پریس کلب کی پوری ٹیم تجربہ کار صحافیوں پر مشتمل ہے ۔ صحافت ایک مقدس فریضہ ہے صحافی لوگ اپنے قلم کی طاقت سے لوگوں کے حقوق آواز بلند کریں ۔ جہاں پر ظلم و جبر اور زیادتی ہورہی ہو اس کی نشاندہی کرنا اور مظلوم کی آواز کو بلند کرنا اپنا قومی فریضہ سمجھیں انہوںنے کہا کہ کنجاہ پریس کلب کے ارکان کافی باشعور ہیں اور اپنے فرائض کو بخوبی جانتے ہیں اور سمجھتے ہیں کنجاہ کے مسائل پر ان لوگوں کی بخوبی نظر ہے ان کو بہتر انداز سے حل کرانے کی بھرپور کوشش کرتے رہتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ (جی پی آئی) دربار سائیں الف سرکار پر ہر جمعرات کو لنگر شریف کا خصوصی انتظام جاری و ساری ہے ۔ سجادہ نشین آستانہ عالیہ سائیں الف سرکار حکیم پیر سلیم رضا جعفری نے بتایا کہ دربار پر عقیدت مندوں کا کافی رش ہوتا ہے اور ہر جمعرات کو بالخصوص ان کی خدمت کے لیے لنگر شریف کا خصوصی انتظام کیا جاتا ہے تاکہ زائرین کی خدمت کی جاسکے ۔ اس وقت کنجاہ کے تمام درباروں میں جمعرات کے روز دربار سائیں الف سرکار اور دربار حضرت پیر سید معصوم شاہ پر لوگوں کا رش دیدنی ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) ملک عابد اعوان آف لمے کی والدہ محترمہ انتقال کر گئیں ،نماز جنازہ آبائی قبرستان موضع لمے میں ادا کر دی گئی ہے ۔ملک غلام مصطفی اعوان ۔پوسٹ ماسٹرملک مظہر اعوان ۔ملک طارق مصطفی اعوان ملک ثناء اللہ اعوان ،زاہد مصطفی اعوان اور دیگر افراد نے ملک عابد سے تعزیت کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) ویٹرنری ہسپتال منگلیہ کا عملہ بے لگام ۔آنے کا وقت مقرر نہ جانے کا وقت مقرر ہے ۔تفصیل کے مطابق ویٹرنری ہسپتال منگلیہ میں ڈاکٹر کی تعیناتی گزشتہ ماہ کی گئی تھی ،لیکن ویٹرنری ہسپتال منگلیہ کے حالات سنور نہ سکے ۔اور بیمار جانوروں کا علاج ممکن نہ ہو سکا ،کیوںکہ ڈاکٹر سمیت تمام عملہ گیارہ بارہ بجے سے پہلے ویٹرنری ہسپتال منگلیہ میں حاضر نہیں ہوتا ،لوگ کہاں اپنے بیمار جانوروں کا علاج کروائیں ،ضلعی حکومت پر سوالیہ نشان بنی ہوئی ہے ۔عوام الناس نے ڈی سی او گجرات سے مطالبہ کیا ہے کہ ویٹرنری ہسپتال منگلیہ کے عملہ کی حاضری کو یقینی بنایا جائے اور ادویات کی دستیابی بھی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکہ(جی پی آئی) )اے سی کھاریاں نے 111سرکل کے پٹواریوں کے تبادلے کر دئیے ۔ملکہ سرکل میں چوہدری یا سین کی جگہ امجد پٹواری ہوں گے ۔اہلیان ملکہ سرکل نے اے سی کھاریاں سے مطالبہ کیا ہے کہ پٹوار خانہ ملکہ میں شفٹ کیا جائے ۔تاکہ لوگوں کو در بدر کی ٹھوکریں نہ کھانی پڑیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جمعیت علماء اسلام نے این اے101 ضمنی انتخاب میں حصہ لینے کا اعلان کر تے ہوئے محمد رفیق عابد علوی کو امیدوار نامزد کر دیا۔جامعہ حنفیہ کوٹ خضری میں مولانا افضال الحق کھٹانہ کی زیر صدارت میں اجلاس منعقد ہوا جس کے مہمان خصوصی مولانا قاضی کفایت اللہ تھے جس میں امیدورا رکا اعلان کیا گیا اجلاس میں قاری محمد شفیق،قاری سعید احمدفاروقی،حکیم کوثر چشتی،ریاض شاہد مظہر حسین قاسمی،خلیل الرحمن کھٹانہ،عثمان قادر ،مولانا وقاص اور حافظ عدیل اسد بھی شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ضمنی انتخابات این اے101 میں کامیابی ہمارے قدم چومے گی۔کارکن اپنی صفوں میں اتحاد قائم رکھتے ہوئے شہید رانی بے نظیر بھٹو کا پیغام گھر گھر پہچانے کی خاطر کمر کس لیں ان خیالات کا اظہار امیدوار قومی اسمبلی اعجاز احمد چیمہ نے انتخابی اجتماع سے خطاب کرتے ہوئے کیا اس موقع پر چچا منشائ،خالد اللہ والے،سہیل افضل۔محمد بشیر جنجوعہ،احمد علی سندھو،عامر مغل ،سکندر چیمہ سمیت کارکنوں کی کثیر تعداد موجود تھی۔انہوں نے کہا پارٹیاں اور بہروپ بدل کر عوام کو دھوکہ دینے والوں کا انجام قریب ہے۔ (
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جماعت اسلا می وزیرآبادزون کی شوریٰ کے انتخابات مکمل ،سٹی وزیرآبادسے محمدمشتاق بٹ،صابر حسین بٹ،محمدشاکربٹ،سوہدرہ سے عمران منیربٹ،گھکامیتروونوجوالی سے حاجی محمدعارف،حلقہ نمبر4سے ریاض احمدسہریا حلقہ نمبر5سے چوہدری سجاد حسین چیمہ رکن شوریٰ منتخب جبکہ وسیم شاہد اولکھ ،عبد الوکیل علوی اپنے عہدے کی وجہ سے رکن شوریٰ ہیں۔زونل امیرناصر محمودکلیرنے حلف لے لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) رہنماء مسلم لیگ(ن)ملک شہبا زنے اپنے بیان میںکہا ہے قانون کی عدالت میں سیاہ روہونے والے عوام کی عدالت میں سرخ رو نہیں ہوسکتے،سابق ایم این اے انتخابی سیاست میں توسیع نہ لیںوہ حلقہ کے عوام کا اعتماد کھو چکے ہیں،کھانے اور چھپانے والا عوام کا نمائندہ نہیں ہوتا شہر سے کسی متحرک اور سیاسی سوجھ بوجھ رکھنے والے شخص کو ٹکٹ دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سینئر رہنماء پی ٹی آئی سمیع اللہ بٹ نے کہا ہے حامد ناصر چٹھہ کی پی ٹی آئی میں شمولیت سے پارٹی کے ورکروں میں نیا جوش و جذبہ پیدا ہوگیا اس سے پارٹی مزید مستحکم ہو گئی۔پی ٹی آئی ورکرز انہیں خوش آمدید کہتے ہیں اب حلقہ این اے101 سے حکمران جماعت کے امیدوار کو شکست فاش دینگے۔اس موقع پر قاسم علی اعوان۔ندیم مشتاق بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان کے صدر پیر اعجاز احمد ہاشمی نے مرکزی مجلس عاملہ کا اجلاس 14۔ فروری کو ملتان میں طلب کرلیا ہے۔ جس میں پنجاب، سندھ، بلوچستان، خیبر پختونخواہ، گلگت بلتستان اور آزاد کشمیر سے اراکین عاملہ سمیت صوبائی صدور، سیکرٹریز اور مرکزی کابینہ کے اراکین شریک ہوں گے۔ مرکزی سینیر نائب صدر محمداحمد میاں کی میزبانی میں ہونے والے اجلاس میں ملکی سیاسی صورت حال، تنظیمی معاملات، بلدیاتی اداروں میں مخصوص نشستوں پرانتخابات، مذہبی جماعتوںکے سیاسی اتحاد، مساجد اور مدارس پر پولیس چھاپے،سیکولر طبقے کا پراپیگنڈ ہ ، اتحا د اہل سنت اور دیگر معاملات کو زیر بحث لایا جائے گا۔ دریں اثنا ،پیر اعجاز احمد ہاشمی نے لاہور کے مقامی چینل سٹی 42 پر ہونے والی فائرنگ کے واقعہ کی شدید مذمت کرتے ہوئے کہا ہے کہ میڈیا ہاوسز پر ہونے والے جمہوریت پسندوں کے لئے تشویشناک ہیں۔ انہوںنے محسن نقوی اور چینل کی انتظامیہ اور سٹاف سے اظہار یکجہتی کرتے ہوئے انہیں تعاون کی یقین دہانی کروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) والڈ سٹی آف لاہور اتھارٹی کے ڈائریکٹر جنرل کامران لاشاری نے کہا ہے کہ فوٹو ٹورازم ایک منفرد طرز کا آئیڈیا ہے جس سے سیاحت کو فروغ ملے گا۔ ہم اندرون لاہور کی خوبصورتی کو بین الاقوامی سطح پر متعارف کروا رہے ہیں۔ان خیالات کا اظہار انہوں نے گزشتہ روز والڈ سٹی آف لاہور اتھارٹی کی جانب سے منعقدہ تصویری نمائش ویکھ لاہور سیزن 3کا افتتاح کرتے ہوئے کیا۔ اس موقع پر اتھارٹی کی ترجمان تانیہ قریشی ، ڈائریکٹر مارکیٹنگ آصف ظہیر ، اسسٹنٹ ڈائریکٹر مارکیٹنگ ضمیر الحسن اور مارکیٹنگ آفیسر اویس رضا موجود تھے جبکہ مقامی یونیورسٹی کے وائس چانسلر عبید بن زکریا سمیت دیگر مہمانوں نے بھی شرکت کی۔تصویری نمائش 10فروری تک جاری ہے گی۔ افتتاح تقریب میں میڈیا سے گفتگو کرتے ہوئے کامران لاشاری کا کہنا تھا کہ ایسے شائقین جو اندرون لاہور ابھی تک نہیں دیکھ سکے اس تصویری نمائش کے ذریعے نہ صرف وہ اندرون لاہور کی تاریخی یادگاروں کو دیکھ سکیں گے بلکہ گلی محلوں کا کلچر اور طرز زندگی بھی اس نمائش میں موجود تصاویر میں عکس بند کیا گیا ہے۔ اتھارٹی کی ترجمان تانیہ قریشی کا کہنا تھا کہ اتھارٹی کی جانب سے اس تصویری نمائش کا انعقاد اس سے قبل بھی دو مرتبہ کیا جا چکا ہے اور ہمیں ہر مرتبہ کی طرح اس بار بھی شاندار ریسپانس مل رہا ہے۔ انہوں نے بتایا کہ ہمیں 1300کے قریب تصاویر موصول ہوئی تھیں جن میں سے ہم نے نمائش کے لئے 453تصاویر لگائی ہیں ۔ یہ تمام تصاویر پروفیشنل فوٹوگرافرز کی نہیں بلکہ تصویر سازی اور سیاحت کے شوقین افراد کی ہیں۔اس نمائش کے ذریعے ہم نے فوٹو ٹورازم کو بھی فروغ دیا ہے۔ان کا کہنا تھا کہ نمائش میں بچوں ، بڑوں اور بوڑھوں سمیت ہر شعبہ ہائے زندگی سے تعلق رکھنے والے افراد نے حصہ لیا۔نمائش میں مقابلہ جیتنے والوں کو انعام بھی دیئے جائیں گے ۔ اتھارٹی کے ڈائریکٹر مارکیٹنگ آصف ظہیر کا کہنا تھا کہ سیاحت کو فروغ دینے کے لئے ہم متعدد سرگرمیوں کا آغاز کر چکے ہیں۔ ویکھ لاہور تصویری نمائش ہمارا ایک کامیاب پراجیکٹ ہے جس کو ہر سطح پر پذیرائی ملتی ہے۔ انہوں نے تقریب کے سپانسرز کا بھی شکریہ ادا کیا اور کہا کہ ہر سال کی طرح اس سال بھی یہ تصویری نمائش سیاحت کے فروغ میں اہم کردار ادا کرے گی ۔ مقابلہ جیتنے والوں میں پہلا انعام عمر فاروق، عبدالرحیم ، شہروز حیدر، دوسرا انعام محمد حسنین محمود، سید نجم الحسن، ایمز شاہ، تیسرا انعام نعمان شیخ، شہریار کھوکھر، طیب سہیل جبکہ چوتھا انعام شیر محمد، عدیل چشتی اور ہاشم اسلم نے حاصل کیا۔ جیتنے والوں کو کیش انعامات ،فریج اور اوون سمیت دیگر انعامات دیئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پیغام اسلام کانفرنس میں شرکت کیلئے مفتی اعظم فلسطین ، مشیر اوقاف قطر ، مشیر مذہبی امور سعودی عرب ، نائب مفتی بوسینیا ، مصر ، ترکی اور ایران سے وفود آج 9 فروری کو صبح اسلام آباد پہنچیں گے ۔ مفتی اعظم فلسطین کا پاکستان کا یہ پہلا دورہ ہے ۔ پیغام اسلام کانفرنس کا اسلام کی بنیادی تعلیمات کو عام کرنا اور دہشت گردی اور انتہاء پسندی کے خاتمے کیلئے جدوجہد کو مربوط بنانا ہے ۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے کنونشن سنٹر اسلام آباد میں پیغام اسلام کانفرنس کے انتظامات کے سلسلہ میں ہونے والے اجلاس کے بعد ذرائع ابلاغ کے نمائندوں سے بات چیت کرتے ہوئے کہی ۔ انہوں نے کہا کہ پیغام اسلام کانفرنس کے انتظامات مکمل کر لیے گئے ہیں اور انتظامی کمیٹی کے سربراہ پاکستان علماء کونسل کے مرکزی سیکرٹری جنرل صاحبزادہ زاہد محمود قاسمی کے مطابق کانفرنس میں ملک بھر سے پانچ ہزار سے زائد علما ء و مشائخ ، آئمہ اور خطباء کی شرکت یقینی ہے ۔ کانفرنس میں پاکستان کی مختلف مذہبی و سیاسی جماعتوں کے قائدین ، مختلف مکاتب فکر او ر مذاہب کے نمائندے بھی شریک ہوں گے۔ حافظ محمد طاہر محمود اشرفی کے مطابق مفتی اعظم فلسطین آج صبح اسلام آباد پہنچیں گے جہاں پر وزارت خارجہ کے حکام ، پاکستان علماء کونسل کے ذمہ داران اور فلسطینی سفیر ان کا استقبال کریں گے۔دریں اثناء پاکستان علماء کونسل اسلام آباد کے صدر مولانا عبد الحمید صابری ، مولانا طاہر عقیل ، مولانا نعمان حاشر ، مولانا حفظ الرحمن ، قاری محمد شہباز ، مولانا نائب خان نے آج مختلف مکاتب فکر اور مذاہب کے قائدین سے ملاقات کی اور پیغام اسلام کانفرنس کے سلسلہ میں مختلف مکاتب فکر اور مذاہب کی قیادت کی شرکت کی دعوت دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) وفاق المدارس الشیعہ پاکستان کے صدر آیت اللہ حافظ سید ریاض حسین نجفی، نائب صدر علامہ نیاز حسین نقوی اورسیکرٹری جنرل علامہ محمد افضل حیدری نے ذرائع ابلاغ کی ان اطلاعات پر تشویش کا اظہار کیا ہے کہ سعودی حکمران آیت اللہ باقرالنمر شہید کے بھتیجے علی النمر کو بھی جھوٹے الزامات میں سزائے موت دینے کا پروگرام رکھتے ہیں۔میڈیا سیل کی طرف سے جاری اعلامیہ میں انہوں نے اقوام متحدہ اور انسانی حقوق کی تنظیموں سے سعودی عرب میں شیعہ مسلمانوں پر ہونے والے مظالم کا نوٹس لینے کا مطالبہ کیا ہے۔ ان کا کہنا تھا کہ نوجوان علی النمر 2012ء سے سعودی حکام کی قید میں ہیں۔ جن پر سیاسی حقوق کا مطالبہ کرنے کے الزامات کی بنیاد پر مقدمات قائم کئے گئے۔ آیت اللہ ریاض نجفی نے خبردار کیا کہ سعودی حکام کو ظلم کا راستہ اختیار کرنے کی بجائے تحمل اور بردباری کا مظاہرہ کرتے ہوئے علی النمر اور دیگر شیعہ رہنماوں کو فی الفور رہا کردینا چاہیے۔ انہوں نے کہا کہ ناحق خون سے سعودی حکام کی بداعمالیوں میں مزید اضافہ ہوگا ، جس کی اللہ کے ہاں پکڑ ہوگی اور امت مسلمہ مزید تقسیم کا شکار ہوگی۔ اس لئے سعودی بادشاہو ں کو کسی ایسے اقدام سے گریز کرنا چاہیے جس سے مزید کشیدگی پیدا ہو،کیونکہ کوئی مسلمان اپنے کلمہ گو بھائی پر ہونے والے ظلم پر خاموش نہیں رہ سکتا۔ اگر خدانخواستہ علی النمر کو بھی شہید کیا گیا تو امت مسلمہ سراپا احتجا ج ہوگی اور آل سعود کے بارے میں مسلمانوں کے دلوں میں مزید نفرت پیدا ہوگی۔ اس لئے سعودی حکام سزائے موت دینے کی بجائے عوام کو ان کے سیاسی جمہوری حقوق اور اقتدار میں حصہ دیں۔ اسلام میں بادشاہت کا کوئی تصور نہیں۔ سعودی بادشاہت حجاز مقدس کو اپنی ملکیت نہ سمجھیں۔واضح رہے کہ سعودی حکام نے 2۔ جنوری 2016ء کو شیعہ عالم دین آیت اللہ باقرالنمر کو شہید کردیا تھا ، جس کے بعد سعودی عرب اور ایران کے درمیان کشیدگی سمیت سعودی بادشاہت کے شیعہ اکثریتی علاقوں میں بھی حالات کشیدہ رہے ۔وفاق المدارس الشیعہ کے رہنماوں نے سٹی 42 چینل پر فائرنگ کے واقعہ کی شدید مذمت کرتے ہوئے حکومت سے ملزمان کی گرفتاری اور صحافیوں کے تحفظ کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کے سینئر رہنما انجینئر یاسر گیلانی نے کہا ہے کہ حکمران عوم کو ریلیف دینے کو تیار نہیں۔ عوام کی مشکلات میں دن بدن اضافہ حکمرانوں کے لئے اچھا سائن نہیں۔ تحریک انصاف کے چیئرمین عمران خان نے جو مطالبات کئے ہیں وہ عوام کے دل کی آواز ہیں۔ ان خیالات کا اظہار انہوں نے گذشتہ روز یو سی 4 کے عہدیداران میاںطاہر رشید، عمر دراز، عبدالحنان گجر، میاں عبدالوحید، ملک راحت، راحت خان، میاں عدنان، ارشاد سیٹھی، محمد زاہد، میاں بلال ایڈووکیٹ، راشد بیگ، ریاض گادھی، میاں علی، حافظ زاہد رشید ندیم شیخ، رضا شاہ اور شیخ نعیم کے ہمراہ اجلاس سے خطاب کر تے ہوئے کیا، اجلاس میں مذکورہ یونین کونسل کی سیاسی و تنظیمی صورتحال کا جائزہ لیا گیا انہوں نے مزید کہا کہ حکمرانوں نے اگر عوام کے مسائل کی طرف توجہ نہ دی تو عمران خان کی نصیحت پر عمل کرتے ہوئے بھرپور احتجاج کیا جائے گا۔ جس کے بعد حکمرانوں کو گھر جانا پڑے گا یا جدہ روانہ کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کی رکن پنجاب اسمبلی سعدیہ سہیل رانا نے کہا ہے کہ میاں برادران نے اپنوں کو نوازنے کی پالیسی ترک نہیں کی پچھلے ادوارِ حکومت میں بھی قومی اداروں کی نجکاری میں اپنوں کو نوازا گیا پی آئی اے کے مسئلے کی وجہ سے مسافروں کو شدید مشکلات کا سامنا ہے، نوازشریف اگر مسئلے کو صحیح طرح ہینڈل کرتے تو یہ نقصان نہ ہوتا۔ اگر معاملہ پارلیمنٹ میں آتا تو ڈیڈ لاک نہ ہوتا۔ پی آئی اے کی نجکاری کے بجائے اس کی انتظامیہ کو ٹھیک کیا جانا چاہیے ان خیالات کا اظہار انہوں نے اپنے آفس میں کارکنوں سے گفتگو کرتے ہوئے کیا انہوں نے مزید کہا کہ پی آئی اے سمیت دیگر قومی اداروں کی نجکاری کسی صورت برداشت نہیں کی جائیگی۔ پی آئی اے کے ملازمین کیساتھ ہونی والی ناانصافیاں موجود حکومت کی نااہلی کا ثبوت ہے نجکاری، مہنگائی اور دیگر ملکی مسائل کے خلاف پاکستان تحریک انصاف بھرپور آواز اٹھائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علما کونسل پنجاب کی صوبائی کابینہ کا اجلاس 14۔ فروری (اتوار) کو طلب کرلیا گیا ہے۔ علامہ سید سبطین حیدر سبزواری کی زیر صدارت لاہور میں ہونے والے اجلاس میں مولانا موسیٰ رضا جسکانی، مولانا مشتاق حسین ہمدانی، میاں فرزندعلی چھچھر، ایم ایچ نقوی سمیت اسلامک ایمپلائز،اسلامک لائرز،عزاداری کونسل اور سیاسی سیل کے مسئولین بھی شریک ہوں گے۔ صوبائی جنرل سیکرٹری مولانا مشتاق حسین ہمدانی کے مطابق اجلاس میں بلدیاتی انتخابات، عزاداری سیدالشہدا میں رکاوٹیں، ملی یکجہتی کونسل کے فیصلے، تنظیمی کارکردگی، جعفریہ کونسل کا اجلاس، خالی عہدوں پر تعیناتیاں ، تنظیم نو، ملکی اور بین الاقوامی سیاسی صورت حال پر بحث کرکے آئندہ کا لائحہ عمل تیار کیا جائے گا۔دریں اثنا، علامہ سبطین حیدر سبزواری نے چینل C-42 پر دہشت گردوں کے حملے کی شدید مذمت کرتے ہوئے اسے آزاد میڈیا کو دھمکانے کی سازش قراردیا ہے اور واضح کیا ہے کہ پاکستانی عوام میڈیا کے ساتھ ہیں۔ دہشت گردوں کو فوج اپنے انجام تک پہنچائے گی۔ انہوں نے مطالبہ کیا کہ حکومت میڈیا ہاوسز کو مکمل سکیورٹی فراہم کرے۔ اے آروائی نیوز، دن اور جیو نیوز کے بعد سٹی چینل پر حملہ افسوسناک اور حکومت کی آنکھیں کھولنے کے لئے کافی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بنوں(جی پی آئی) کوہاٹ یونیورسٹی کے نادر شاہی بزر جمہوروں نے میرے روشن مستقبل کو اندھیروں کو دھکیل دیا،6ماہ با قاعدگی سے یونیورسٹی میں حاضری لگاتی رہی سمسٹر کے بعد کہاگیا کہ آپ کو یونیورسٹی سے نکال دیا گیا ہے ، اس امتیازی سلوک کا گورنر خیبر پختونخوا شفاف انکوائری کرکے مجھے انصاف فراہم کریں، اس امر کا اظہار یونیورسٹی آف سائنس اینڈ ٹیکنالوجی کوہاٹ کے کیمسٹری ڈیپارٹمنٹ کی سابقہ طالبہ غزل جاوید نے میڈیا کو تفصیلات بتاتے ہوئے کیا انہوں نے کہا کہ میرے مستقبل کے ساتھ کوہاٹ یونیورسٹی کے نادر شاہی حکام نے کھلواڑ کرکے مجھے ذہنی پریشانی میں مبتلا کرنے کے ساتھ ساتھ میرے قیمتی اوقات،والد کے خون پسینے کی کمائی اور والدین کی میرے مستقبل بارے خواہشات کو ٹھیس پہنچایا ہے جس کی وجہ سے میری ماں جو پہلے سے ہی موذی بیماری کا شکار ہے سے ڈوبتے کو تنکے کا سہارا بھی یونیورسٹی کے بزر جمہوروں نے چھین لیا ہے انہوں نے کہا کہ نادر شاہی حکام کا یہ کہنا ہے کہ کی GPAتین سمسٹرز میں2سے کم آئی ہے حالانکہ اسی یونیورسٹی میں ایسے کئی طلباء ہیں جن کی GPAتین سمسٹرز میں2سے کم ہے جس کا ثبوت بھی فراہم کر سکتی ہوں انہوں نے کہا کہ میری 6ماہ تک باقاعدگی سے یونیورسٹی میں حاضری لگتی رہی جب چوتھے سمسٹر کا امتحان دیا تو مجھے بتایا گیا کہ آپ کو یونیورسٹی سے نکال دیا گیا ہے یہ امتیازی قانون سب پر لاگو ہوتا ہے یا صرف اس قانون میں میرے لئے ہنگامی حالت میں ترمیم کی گئی ہے غزل جاوید نے مزید کہا کہ اگر مجھے یونیورسٹی سے فارغ ہی کرنا تھا تو تیسرے سمسٹر کے بعد مجھے یونیورسٹی میں کیوں رکھا گیا انہوں نے کہا کہ میری والدہ موذی بیماری کا شکار ہے والد صاحب سکول ٹیچر ہے والدہ کی بیماری کی وجہ سے گھر کا خرچ چلانا مشکل ہو گیا ہے ایسے میں اگر یونیورسٹی کے نادر شاہی حکام میرے بارے میں پہلے ہی کوئی آخری فیصلہ کر لیتے تو مجھے اور میرے والدین کو یہ اذیت ناک دن برداشت نہ کرنے پڑتے اور والد صاحب مجھ پر خرچ کر نے کی بجائے خون پسینے کی کمائی کو میری والدہ کے علاج پر خرچ کرتے غزل جاوید نے وزیر اعظم پاکستان میاں محمد نواز شریف، وزیر اعلیٰ خیبر پختونخوا پرویز خٹک، گورنر خیبر پختونخوا سردار مہتاب احمد خان عباسی اور چیف جسٹس پشاور ہائیکورٹ مظہر عالم میاں خیل سے پر زور درخواست کی ہے کہ اس معاملے کی شفاف طریقے سے جانج پڑتال کرکے میرے ساتھ ہونے والی نا انصافی کا ازالہ کرکے واقعہ میں ملوث کرداروں کو کیفر کردار تک پہنچاکر تعلیمی درسگاہوں کو کالی بھیڑوں سے پاک کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر کی سرپرستی میں ہمدم ویلفیئر آرگنائزیشن کے زیر اہتمام مقامی ہوٹل میں ”غوثیہ کانفرنس” منعقد ہوئی جس کے میزبان اقبال چاند’ روبینہ شاہین اور عزیز صدیقی تھے جبکہ مہمان خصوصی میمن کمیونٹی کے معروف سماجی رہنما بشیر لاٹھی والا تھے جبکہ اس کانفرنس کی صدارت ماہر قانون وروحانی تصانیف نگار الطاف حسین ایڈوکیٹ نے کی ۔تقریب میں معروف کمپیئر اقبال موٹلانی ‘ فنکار علی مرزاد ‘ گلوکارہ لبنیٰ غزل ‘سماجی رہنما عرفان فاروق کمال ‘ ہارون حسین کعبہ والیہ’حاجی اقبال ہنگورہ ‘ یحییٰ خانجی تنولی ‘ نورمحمد غازی ‘ دوست محمد انجینئر ‘ ابراہیم ابو بھائی ‘یونس شیخ ‘ سید مشتاق علی عرف چنو بھائی ‘ اکمل پراچہ ‘عرفان رضوی ‘ عارف زہری ‘ خالد بھائی ‘ رشید بھائی ‘ماہر قانون صدیق بلوچ ایڈوکیٹ ‘ معروف روحانی شخصیت سید یاسین شاہ بابا ‘ خواتین سیاسی و سماجی رہنما سپنا خان ‘ فرح ناز ‘ سکینہ میمن ‘ سیدہ صبا ‘ آفرین صدیقی و دیگر نے شرکت کی ۔ تقریب کے اختتام پر روحانی تصانیف نگار الطاف حسین ایڈوکیٹ کی نئی تصنیف ”افضال حسین چشتی المعروف خواجہ بابا”کی رونمائی بھی کی گئی جبکہ مصنف نے اپنی اس نئی تصنیف کی تازہ کاپی جی کیو ایم سربراہ و سرپرست اعلیٰ”غوثیہ کانفرنس ” گجراتی سرکار امیر سولنگی عرف پٹی والا المعروف سورٹھ ویرکی خدمت میں اپنے دست مبارک سے پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان تحریک انصاف کے رہنما حلیم عادل شیخ نے کہاہے کہ حکومت میں ایسے لوگوں کی اجارہ داری ہے جن کی دولت کا بیشتر حصہ ملک سے باہر ہے ،وزیر خزانہ نے آئی ایم ایف سے کامیاب مزاکرات کی نوید دی ہے جس کہ بعد یہ ملک مزید ساڑھے پانچ ارب ڈالر کا مقروض ہوگیاہے ،نواز لیگ کے دور حکومت میں اچھی نوکری اس کو ملتی ہے جو حکام اعلیٰ کا خدمت گزار ہوتا ہے ۔حکومت نے ملکی اداروں میں نالائق اور سفارشی لوگوں کو بڑے عہدوں پر لگاکرخود ہی اداروں کو نقصان پہنچایا ہے ،ان لوگوں نے ہمیشہ بے روزگاروں کو حالات بہتر بنانے کے خواب دکھائے ،عوام کو ریلیف دینے کی بجائے اپنے ذاتی خزانوں کو بھرا جاتا ہے، کیونکہ عوام کے اس پیسے کی وجہ سے ان کے غیر ملکی دورے اور دیگر شاہانہ اخراجات پورے ہوتے ہیں۔موجودہ حکومت نے اپنے ناجائز پیسے کو جائز کرنے کے لیے مختلف ناموں سے اسکیمیں متعارف کروائی ہیں ۔اس طرح پاکستانی ریاست غریب اور حکام امیر سے امیر ہوتے جارہے ہیں۔ محمد علی سوسائٹی میں واقع تحریک انصاف کے آفس سے جاری بیان میں انہوں نے کہا کہ حکمران ملکی اداروں کو اونے پونے داموں بیچنے کی بجائے اس کی مینجمنٹ کو بہتر بنائے،ملکی اداروں میں کارکردگی بہتر ہوگی تو ملکی خزانے کو نقصان ہونے کا سوال ہی پیدا نہیں ہوتا، یہ لوگ غیرملکی قرضوں کا بوجھ عوام پر منتقل کرکے ان کو رسوا کرتے رہتے ہیں ۔انہوں نے کہا ملک دشمنوں کو پاکستان کے ترقی کرتے ہوئے ادارے ایک آنکھ نہیں بھاتے ملکی اداروں کو بیچنے کے پیچھے ان کی طویل سازشیں کارفرما ہیں کیونکہ یہ اچھی طرح جانتے ہیں کہ جیسے ہی ان کی حکومت ختم ہوگی یہ سب ملک سے باہر براجمان ہونگے جہاں ان کا پیسہ اور کاروبار موجودہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) پاسبان پاکستان کے مرکزی نائب صدر رفیق احمدخاصخیلی،سندھ کے آرگنائزر خلیل احمد پالاری اور سینئر رہنما محمد حسین خان نے کہا ہے کہ تھر میں معصوم بچوں کی ہلاکتوں کے واقعات پر جوڈیشنل کمیشن کا قیام خوش آئند ہے مگر تحقیقات کو مزید شفاف اور غیر جانبدار بنانے کیلئے سپریم کورٹ کے ججز پر مشتمل کمیشن کا قیام عمل میں لاکر اصل حقائق سے قوم باالخصوص سندھ کے عوام کو آگاہ کیا جائے مزید ہلاکتوں کی روک تھام کیلئے موثر اقدامات کئے جائیں ،ہلاکت ہونے والے معصوم بچوں کے ورثا کو معاوضہ فراہم کیا جائے اور شہیدبے نظیر بھٹو کی برسی کے موقع پر ہزاروں کی تعداد میں خون کے بوتلوں کے ضیاع کے واقع کا بھی نوٹس لیا جائے،عوام کی بڑی تعداد نے رضاکارانہ طور پر خون کے عطیات دیئے تھے جوکہ متعلقہ اداروں کی نااہلی کی وجہ سے خراب ہوئی اگر اس خون کے عطیات کو محفوظ کیا جاتا تو ہسپتالوں میں خون کی ضروریات کو پوری کرنے میں مدد ملتی اورباالخصوص ان معصوم بچوں کیلئے استعمال کیا جاتا جو خون کی بیماریوں کا شکار ہیں اوران کی زندگی کیلئے خون ضروری ہوگیا ہے،وہ پاسبان سندھ کے تنظیمی دورے کے موقع پر پاسبان کے ذمہ داران اور ورکرز سے ملاقات میں گفتگو کررہے تھے ، پاسبان رہنمائوں نے کہا کہ گذشتہ کئی عرصہ سے سندھ حکومت کی جانب سے قحط ذدہ علاقے تھر میں غذائی قلت پر قابو پانے اور علاج معالجے کی سہولیات کی فراہمی کے دعوے کئے جارہے ہیں جبکہ عملاً صرف فوٹو سیشن کیا جاتا آرہا ہے ، انہوں نے کہا کہ تھر کی صورتحال پر قابو پانے کیلئے غذائی قلت کے خاتمے اور ماں اور بچوں کو بہتر طبی سہولیات کی فراہمی کی ضرورت ہے ، انہوں نے مزید کہا کہ معصوم بچوں کی ہلاکتوں کے واقعات نا قابل برداشت ہیں تمام مذہبی ،سیاسی جماعتیں اور سماجی تنظیمیں تھر کے مظلوم عوام کیلئے آواز بلند کریں اور تھر کے اصل مسائل کو حل کرنے کیلئے اپنا کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) نیکسٹ جنریشن پروٹیکشن فاؤنڈیشن کے آرگنائزر و چیئرمین عمران چنگیزی ‘ جنرل سیکریٹری حاجی امیر علی خواجہ اور ایم آر پی چیئرمین امیر پٹی نے دنیا کے محفوظ و پر امن مستقبل اور دہشتگردی سے نجات کیلئے بین المذاہب ہم آہنگی کی ضرورت و اہمیت پر زور دیتے ہوئے کہا کہ اقوام عالم کے درمیان بڑھتی ہوئی نفرت ہی در اصل دہشتگردی وبد امنی’ ریاستوں و اقوام کیخلاف سازش اور جنگ و جدل کی وجہ ہے جس سے نجات کیلئے ضروری ہے کہ امن پسند قوتیں و مہذب اقوام وسیع البنیاد بین المذاہب ہم آہنگی اور بین المذاہب تعاون کے فروغ کیلئے اپنا ذمہ دارانہ کردار ادا کریں ۔دنیا سے بد امنی ‘ دہشتگردی ‘ نفرتوں ‘ مذہبی جنونیت ‘ تفرقہ و لسانیت اور منشیات و اخلاق باختگی کے خاتمے کیلئے مصروف عمل این جی پی ایف اپنے منشور کی تکمیل کیلئے انتہائی دیانتداری و جانفشانی سے اپنے فرائض کی تکمیل کی جدوجہد کررہی ہے اور معاشرے کو پر امن ‘ محفوظ اور مہذب بنانے کیلئے این جی پی ایف سے وابستہ ہر فرد شب و روز مصروف عمل ہے مگرسرکاری سطح پر پذیرائی و معاونت اور مقتدر و مخیر طبقات کی عدم دلچسپی کی وجہ سے معاشرے کی اصلاح و محفوظ مستقبل کے خواب کی تکمیل کی منزل خاصی دور محسوس ہورہی ہے مگر ہمارا عزم مضبوط اورحوصلے جواں ہیں ہم پاکستان اور دنیا کو محفوظ و پر امن بنانے کیلئے شعور و آگہی تقسیم کررہے ہیں جو ایک دن ضرور رنگ لائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) جمہوریت کی بنیاد انتخابات ہوتے ہیں اور انتخابات کی شفافیت کیلئے درست مردم شماری انتہائی اہمیت کی حامل ہوتی ہے لیکن افسوس کہ بلدیاتی انتخابات کی طرح حکومت مردم شماری کے حوالے سے بھی غیر سنجیدگی کا مظاہرہ کرتے ہوئے تاویلی وتاخیری حربے اختیار کرکے مردم شماری کو مؤخر کرنا چاہتی ہے جس کا ثبوت وفاقی وزیر خزانہ کا یہ بیان کہ ”مارچ میں مردم شماری نہیں ہوئی تو آسمان نہیں گرپڑے گا ” حکومتی نیت کو واضح کرنے کیلئے کافی ہے ۔ محب وطن روشن پاکستان پارٹی کے قائد و چیئرمین امیر پٹی نے کہا کہ بلدیاتی انتخابات کی طرح وقت مقررہ پر مردم شماری کا انعقاد بھی آئینی تقاضہ ہے مگر لگتا یوں ہے کہ حکمران طبقات نے آئین سے انحراف اور آئینی تقاضوں کی نظر اندازی و مفاداتی ترجیحات کی روایت اپنائی ہوئی ہے جو نہ تو جمہوری طرز عمل ہے اور نہ ہی پاکستان و عوام کے مفاد میں ہے اسلئے مطلوبہ تعداد میں فوجیوں کی عدم دستیابی کا بہانہ بنانے کی بجائے مطلوبہ فوجیوں کو مردم شماری عملے کے تحفظ کی ذمہ داری دیکر محکمہ تعلیم کے عملے کے ذریعے مقررہ وقت پر مردم شماری کرائی جائے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) استحصال مافیا کے اقتدار میں آنے کے بعد مخصوص و محدود افراد و طبقات کے مفادات کیلئے جس طرح عوامی و قومی مفادات کو فیلِ اقتدار کے پاؤں تلے روندا اور عوام کو مظالم کی چھری سے ذبح کئے جانے کی روایت نے فروغ پایا ہے اس کے بعد حادثات و سانحات کی بڑھتی ہوئی شرح ہر حادثے کے پس پردہ محرکات و مفادات کے جڑ و بنیاد تک پہنچنے اور پوشیدہ حقائق کو منظر عام پر لانے کی متقاضی ہے تاکہ عوام کے جان و مال اور قومی مفادات کا تحفظ ممکن ہوسکے مگر عوام جانتے ہیں کہ استحصالیوں پر مشتمل حکمرانوں سے اس کی توقع عبث ہے صرف عدلیہ یا فوج ہے جو تہیہ کرلے توعوام کے جان ومال اور قومی مفادات کے تحفظ کیلئے دیانتداری سے اپنا کردار ادا کرسکتی ہے۔ یہ بات پاکستان سولنگی اتحاد کے سینئر و برزگ رہنما امیر سولنگی ‘ سردار شبیر سولنگی ‘ سردار راحیل سولنگی ‘ سردار اکرم سولنگی ‘ سردار خادم حسین سولنگی و دیگر ٹھٹھہ میں کیٹی بندر کے قریب جھونپڑیوں پر مشتمل ماہی گیروں کی بستی میں لگنے والی آگ کے نتیجے میں ہلاک ہونے والے معصوم بچوں ‘ خواتین اور دیگر افراد کیلئے دعائے مغفرت اور زخمیوں کیلئے دعائے صحت کرتے ہوئے اعلیٰ عدلیہ سے مذکورہ واقعہ کا ازخود نوٹس لیکر واقعہ کی عدالتی تحقیقات کا مطالبہ کرتے ہوئے کہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ودیگرنے کہا ہے کہ پاکستان ایئرلائن یعنی پی آئی اے ‘ پاکستان اسٹیل ‘ پاکستان ریلوے اور دیگر قومی ادارے پاکستان کا سرمایہ اور ایسے اثاثے ہیں جو پاکستان کی شناخت و پہچان ہیں اور پاکستان کی شناخت فروخت کرنے کی کوشش یا اسے خریدنے کی سازش حکومتی استحقاق و حب الوطنی ہے یا اختیارات سے تجاوز و غداری کے ذمرے میں آتی ہے اس کا فیصلہ آئین و قانون کی روشنی میں عدلیہ ہی کرسکتی ہے البتہ پاکستانی حکمرانوں نے اپنے ہر دور اقتدار میں پاکستان کی شناخت و پہچان کہلانے والے ان اداروں پر اپنی سیاسی اجارہ داری کیلئے ملازمین کو باہم لڑانے ‘سیاسی بنیادوں پر نااہل ‘ نکمے اور گھوسٹ ملازمین بھرتی کرانے ‘اضافی مراعات و سہولیات دیکر ان اداروں کو اپنے منظور نظر افراد کے حوالے کرکے انہیں کرپشن کے بھرپور مواقع فراہم کئے جس کی وجہ سے آج یہ ادارے خسارے وزبوں حالی کے باعث افادیت سے محروم اور قومی خزانے پر بوجھ قرار دیکر نجکاری کے نام پر انہیں بیچنے یا خریدنے کی سازش کی جارہی ہے مگر مشرف کیخلاف علم بغاوت بلند کرکے آزاد کہلانے والی عدلیہ کی اس سازش و قومی شناخت کی فروختگی و خریداری پر خاموشی قوم کیلئے تعجب خیز و تشویشناک ہے کیونکہ آمریت و جمہوریت دونوں سے پریشان و بیزار عوام اب صرف عدلیہ پر ہی اعتماد کرتے ہیںا ور اگر عدلیہ سے بھی ان کا اعتماد اٹھ گیا تو پھر اس ملک کے مستقبل کا کیا ہوگا اس کا جواب شاید کسی کے بھی پاس نہیں ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) کراچی کے بجلی صارفین کو پاسبان کی آئینی و قانونی جدوجہد نے 16کروڑ روپے کا فائدہ پہنچایا ہے ۔ نیشنل الیکٹرک پاور ریگولیٹری اتھارٹی، اسلام آبادنے ”پاسبان ”کے ڈائریکٹر پبلک ایشوز ابوبکر عثمان کے تجویز کردہ نکات کو19 جنوری کی سماعت میںمنظور کرلیا تھا اور3فروری کو جاری کردہ 7صفحات پر مشتمل فیصلہ میں”کے الیکٹرک” کی جانب سے 57پیسہ فی یونٹ اضافہ کی پیش کردہ تجویز کو مسترد کردیا گیاہے ۔فیصلہ میں شامل پوائنٹ نمبر 10,9,8,7,6 میں”پاسبان ” کے نکات کو دیکھا جاسکتا ہے ۔ پاسبان پبلک ایشوز کمیٹی نے بجلی کمپنیوں کی لوٹ مار سے تنگ آئے ہوئے صارفین سے کہا ہے کہ وہ اپنی شکایات کو نوٹس لینے والے اداروں کو منظم اور مربوط طریقے سے تیار کرکے بھیجیں تو یہ ادارے کاروائی اور ایکشن پر مجبور ہوجاتے ہیں ۔پاسبان پریس انفارمیشن سیل سے جاری کردہ تفصیلات کے مطابق ابو بکر عثمان نے نیپرا سماعت میں اعتراض پیش کیا تھا کہ کے الیکٹرک کے معاملات سے متعلق اسلام آبادمیں نیپرا سماعت کا انعقادکراچی کے بجلی صارفین کے ساتھ زیادتی ہے۔انہوں نے نومبر 2015 میں فرنس آئل کی قیمت27,388 روپے فی میٹرک ٹن شواہد کے ساتھ پیش کی تھی جس کی بنیاد پر فیصلے میں کے الیکٹرک کی جانب سے نومبر 2015 کیلئے فرنس آئل کی پیش کردہ قیمت 30,281 روپے فی میٹرک ٹن کو بوگس قرار دیا گیا تھا۔فیصلے میں کے الیکٹرک کی جانب سے پیداواری صلاحیت کے مطابق بجلی پیدا نہ کرنے کے اعتراض پر اعتراف کرتے ہوئے کہا گیا ہے کہ کے الیکٹرک این ٹی ڈی سی ے توانائی خریدنے پر زیادہ انحصار کرتے ہوئے اپنی بجلی پیدا کرنے کی صلاحیت کو معطل رکھنے کا مشاہدہ کیا گیا ہے۔پاسبان پاکستان پبلک ایشوز کے ڈائریکٹر ابوبکر عثمان نے نیپرا سماعت برائے فیول ایڈجسٹمنٹ نومبر 2015 کے فورََا بعد کے الیکٹرک کی درخواست پر 57 پیسے فی یونٹ کی منظوری کی غیرمصدقہ خبر میڈیا پرآنے پر بھی حیرت کا اظہار کرتے ہوئے کہا ہے کہ نیپرا کو اس بارے میں نوٹس لینا چاہئے کہ غیرمصدقہ فیصلے کی خبرمیڈیاکو کون جاری کررہا ہے۔نیپرا نے نومبر 2015 کے فیول ایڈجسٹمنٹ کے بارے میںسماعت 19 جنوری، 2016 کو اسلام آباد میں کی تھی اور فیصلہ 3 فروری ، 2015 کو جاری کیا ہے تو پھر 20 جنوری ، 2016 کے اخبارات میں کے الیکڑک کی درخواست پر 57 پیسے فی یونٹ بجلی کی قیمت میں اضافے کی منظوری کی غیرمصدقہ خبرکیسے جاری وشائع ہوگئی؟ جبکہ حقیقت یہ ہے کہ پاسبان کی جانب سے پیش کی جانے والی تجاویز کو منظور کرلیا گیا تھا اور کے الیکٹرک کی 57 پیسے فی یونٹ اضافے کی درخواست کو مسترد کردی گئی تھی اور ا ب 3فروری کو 44 پیسے فی یونٹ اضافہ کی ہدایت پر مشتمل فیصلہ جاری کردیا گیا ہے۔ جس سے کراچی کے بجلی صارفین کوبلوں میں 16 کروڑ روپے کا ریلیف حاصل ہوگا #
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) ڈی ایس پی سٹی صدیق اکبر خان اور ایس ایچ او مینگورہ اختر ایوب،سب انسپکٹر حمید اقبال کی کارروائی مسروقہ کار ابرامد جبکہ ایک او ر کارروائی میں منشیات فروش جاوید ولد دلام سکنہ تخت بائی مردان سے 430چرس برامد کرکے ملزم کو گرفتار کرلیاپولیس نے مقدمات درج کرکے مزید تفتیش شروع کردی تفصیلات کے مطابق ڈی ایس پی صدیق اکبر خان ،ایس ایچ او مینگورہ اختر ایوب اور سب انسپکٹر حمید اقبال نے کارروائی کرتے ہوئے نویکلے کے علاقے میں مسرقہ کار برامد کرلی جسے نامعلوم چور چھوڑکر فرار ہوگئے تھے پولیس نے اخباری نمائندوں کو تفصیلات فراہم کرتے ہوئے کہاہے کہ سوزوکی وی ایکس ار رنگ نیلا ماڈل 1998/99انجن نمبرF6A657CCچیسس نمبر HA125-601103ہے جو کہ پولیس بنڑ میں موجود ہے جبکہ ایک اور کارروائی میں ایس ایچ او مینگورہ نے منشیات فروش جاوید ولد دلارم سکنہ تخت بائی ضلع مردان کے قبضے سے 430گرام چرس برامد کرکے ملزم جاوید کو گرفتار کرلیا پولیس نے مقدمات درج کرکے مزید تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) بر ابا خیل کبل LSOلاسونہ ارگنائزیشن کے خلاف پھٹ پڑے خود ساختہ فیصلے نا منظور LSOکو اعتماد میں لے بغیر جو ترقیاتی کام ہوئے ہیں فوری طور پر بند کر کے معطل کیا جائے لاسونہNGOنے جو فنڈ مختلف قسم پروگراموں میں استعمال کے گئے ہیں ان سب کا ریکارڈ LSOکو پیش کی جائے ورنہ LSOہم قدم کے تمام عہد ادارران، ممبران ، VOs،COsسمیت لا سونہ ارگنائزیشن کے خلاف سڑکوں پر نکل کر شدید احتجاج کرنے پر مجبور ہو جائینگے لا سونہ NGOخود سا ختہ فیصلے کر کے برابا خیل کے LSOکو بدنام کر نے کے کوشش کر رہے ہیں جوکسی صورت قابل برداشت نہیں PPAFکے مشران فوری نوٹس لیں ورنہ تمام تر ذمہ داری PPAFاور لاسونہ ارگنائزیشن پر ہوگئی گزشتہ روز LSOکے طرف سے بلا یا گیا ہنگامی اجلاس میں فیصلے تفصیلات کے مطابق گزشتہ روز کبل میں LSOہم قدم کے زیر اہتمام ایک ہنگامی اجلاس زیر صدارت نیاز احمد خان منعقد ہوا جس میں LSOکے عہداداران اور ممبران نے کثیر تعداد میں شرکت کی جن میں LSOصدر نیاز احمد خان، GSمحمد رشید ڈنڈیل، فنانس عمر وہاب ، عبد السلام ، حا جی ہاشمی ، محمد حسین یا یا ، مصبا ح الدین ، سلیم سیف اللہ ، حسین احمد ، نوید احمد ، عمر گل ، ظہور خان ، فضل سبحان ، امتیاز احمد ، امجد علی، خائستہ روان ، شاہ بخت روان ، سید اصلا ح الدین کے علاوہ دیگر شریک تھے اجلاس سے خطاب کر تے ہوئے مقررین نے لاسونہ ارگنائزیشن پر شدید تنقید کر تے ہوئے کہا کہ یونین کونسل بر ابا خیل میں لو سونہ ارگنائزیشن جو کام کر رہے ہیں وہ سب خود سا ختہ فیصلے ہیں اور LSOکو بد نام کرنے کے کوشش ہے لہٰذا لا سونہ ارگنائزیشن جو بھی کام کرینگے LSOکو اعتماد میں لے کرکیا جائے اور اب تک جیتنے بھی ترقیاتی کام ہوئے ہیں یا مختلف پروگراموں کے مد میں فنڈ تقسیم کے گئے ہیں ان سب کا ریکارڈ فوری طور پر LSOکو پیش کیا جائے انہوں نے کہا کہ لا سونہ ارگنائزیشن نے LSOکے قانونی حیثیت کو نظر انداز کر کے اپنے من مانی اور پسند نا پسند میں مصروف عمل ہے PPAFاور لا سونہ ارگنائزیشن کے با لا حکام ان خودساختہ فیصلوں پر نوٹس لے ورنہ ہم شدید احتجاج پر مجبور ہونگے اور تمام تر ذمہ داری PPAFاور لا سونہ ارگنائزیشن کے بالا حکام پر عائد ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) وزیر اعلیٰ خیبر پختونخوا کے معائون خصوصی برائے ہائوسنگ ڈاکٹر امجد علی نے کہا ہے کہ تحصیل بریکوٹ کو ماڈل تحصیل بناکردم لیں گے اور علاقے کے گائوں گائوں کے مسائل حل کرکے آئندہ الیکشن میں ان کا غیر متزلزل اعتماد حاصل کریں گے۔وہ پیرکے روز ٹی ایم اے آفس بریکوٹ میں ایک اجلاس کے بعدکھلی کچھری کے موقع پر اظہار خیال کر رہے تھے۔اس موقع پر ایم پی اے عزیز اللہ خان گران ،ڈی پی او سلیم مروت ،تحصیل ناظم گوہر ایوب،اے سی بریکوٹ دلنواز خان وزیر،تمام سرکاری محکموں کے افسران کے علاوہ قومی وطن پارٹی کے ڈویژنل جنرل سیکرٹری صدیق علی خان اور عوام کی کثیر تعداد موجود تھی۔کچھری میں عوام نے زندگی کے مختلف شعبوں بشمول آبنوشی ،آبپاشی،صحت،زراعت،بجلی،گیس،سی اینڈ ڈبلیو،ٹی ایم اے او ر بلدیات کے دیگر شعبوں میں مسائل کی نشاندہی کی۔ان مسائل کا حوالہ دیتے ہوئے ڈاکٹرامجد علی نے کہا کہ گزشتہ کچھری میں جن مسائل کی نشاندہی کی گئی تھی ان میں سے بہت سے مسائل حل کئے جا چکے ہیں ۔آج پیش کئے گئے مسائل میں سے صوبائی حکومت کے زیر انتظام تقریباً تمام مسائل ترجیحی بنیادوں پرحل کرلیے جائیں گے تاہم مرکزی محکموں سے متعلق مسائل کے بارے میں ان کے افسرا ن کے ساتھ بات چیت کی جائے گی اور ان تمام مسائل کو حل کرنے کی کوشش کی جائے گی۔انھوںنے کہاکہ بریکوٹ ہسپتال میں کافی سہولیات موجود ہیں تاہم ان سہولیات میں مناسب اضافہ بھی کیا جائے گا۔انھوں نے کہا کہ بریکوٹ بازار میں پارکنگ کا مسئلہ حل کیا جا چکا ہے جبکہ بریکوٹ گرڈ سٹیشن گرمیوں کی آمد سے پہلے آپریشنل ہو جائے گا۔اسی طرح شموزئی اور کوٹہ کو اس ماہ چکدرہ فیڈر سے بجلی فراہمی کا انتظام کر دیا جائے گا۔انھوںنے بلدیاتی نمائندوں کو تاکید کی کہ وہ اپنے اپنے علاقوں کے مسائل کی بروقت نشاندہی کریں تاکہ انھیں بلاامتیاز پارٹی وابستگی کے بغیرترجیحی بنیادوں پر حل کیا جا سکے۔انھوںنے کہاکہ پی ٹی آئی کی حکومت نے سفارش کلچر کا خاتمہ کردیا ہے اور کوئی بھی شخص ان پر سفارش کا الزام نہیں لگا سکتا۔اس موقع پر بریکوٹ میں [پبلک لائبریری کے قیام ،پارڑئی اور ناگوہا میں پی ٹی سی ایل اور DSLسروس کی فراہمی،غالیگے گرلز ہائی سکول میں سائینس لیب کے قیام ،بلدیاتی نمائندوں کے دفاتر ، ٹی ایم اے بریکوٹ میں سٹاف میں اضافے،گورتئی میں ڈسپنسری فعال بنانے اور قبرستان کی چاردیواری کی تعمیراوردیگر مسائل کا حوالہ دیتے ہوئے صوبائی معائون خصوصی نے یقین دلایا کہ یہ تمام مسائل جلد ہی حل کر دئے جائیں گے ۔ڈاکٹر امجد علی نے اس موقع پر وفاقی حکومت سے تعلق رکھنے والے محکموں کے افسران کی سرد مہری پر افسوس کا اظہارکیا اور کہا کہ ان افسران کی عدم دلچسپی کے باعث عوام کے بہت سے مسائل کے حل میں د شواری پیش آتی ہے تاہم وہ کوشش کریں گے کہ ان افسران کو عوام کی خدمت پر قائل کریں۔
گجراں کبڈی کلب کے زیراہتمام سالانہ تقریب انعامات کارکردگی
گجرات کی خبروں کی تصویری جھلکیاں