گجرات کی خبریں 20/7/2015

Eid ul Fitr

Eid ul Fitr

گجرات (جی پی آئی) ملک بھر کی طرح گجرات میں بھی عید الفطر عقیدت و احترام کیساتھ منائی گئی۔ امام بارگاہ فرزند علی شاہ میں انجمن امامیہ رجسٹرڈ گجرات کے زیر اہتمام عید الفطر کی نماز کا اہتمام کیا گیا۔ ممتاز عالم دین علامہ نوید مہدی نے نماز پڑھائی۔ و خطاب کیا۔ انجمن امامیہ کے عہدیداران جاوید اقبال شاکر و دیگر نے تمام مہمانوں کا استقبال کیا۔ نماز کیلئے شاندار انتظامات کئے گئے۔ شیعہ کمیونٹی کی کثیر تعداد نے نماز عید الفطر ادا کی اور انجمن امامیہ کو حراجِ تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جامع مسجد فضل غوثیہ بھمبر روڈ گجرات میں چاند رات کو سالانہ محفل ختم قرآن کا انعقاد کیا گیا۔ جس کی صدارت ممتاز عالم دین علامہ اورنگ زیب نورانی نے کی’ خصوصی خطاب صاحبزادہ علامہ محمد انوار الحق علوی نے کیا ۔ مہمان خصوصی حافظ محمد ایوب صراف’ آستانہ عالیہ چڑیاوالہ شریف ‘ اور محمد الماس بٹ تھے۔ اس موقع پر صاحبزادہ محمد جنید ایوب چوراہی’ بلال ایوب’ ملک عمر سرور’ حسن رضا علوی’ فرخ شہباز بٹ’ خرم شہزاد’ غلام مصطفی سیفی’ اکمل دریائی’ علی نوری’ نے ہدیہ نعت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)آستانہ عالیہ مہمدہ شریف میں عید الفطر کی نماز ادا کی گئی۔ زیب سجادہ نشین آستانہ عالیہ مہمدہ شریف وآوان شریف صاحبزادہ رضوان منصور آوانی نے امامت کروائی’ جبکہ سجادہ نشین آستانہ عالیہ ‘ مہمدہ شریف و آوان شریف صاحبزادہ قاضی منصور الحق آوانی نے ملکی ترقی و سلامتی کیلئے خصوصی دعائیں کیں۔ اس موقع پر سنگیوں کے لئے ناشتہ کا بھی اہتمام کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)انجمن امامیہ رجسٹرڈ گجرات کے صدر جاوید اقبال شاکر نے عید الفطر کے موقع پر امام بارگاہ فرزند علی شاہ میں خطاب کرتے ہوئے کہا کہ عید تحفہ ہے رمصان المبارک میں کی جانے والی عبادتوں و ریاضتوں کا ۔ کیونکہ رمضان المبارک کے دوران صدق دل سے اپنے رب کو یاد کرتے ہیں اور عبادت کرتے ہیں اسی طرح اللہ تعالی ٰ بھی انہیں انعام و کرام سے نوازتا ہے۔ ہمیں چاہئے کہ ہمیشہ صدق دل سے اللہ سے توبہ کریں اور نیک اعمال کریں امام بارگاہ فرزند علی شاہ میں رمضان المبارک کے دوران خصوصی انتظامات کئے گئے۔ سحری و افطاری کرائی گئی۔ جس میں شیعان علی نے بڑھ چڑھ کر تعاون کیا۔ انہوں نے کہا کہ انجمن امامیہ کے عہدیداران گجرات کے انتظامیہ ‘ ڈی سی او ‘ ڈی پی او اور ایس ایچ او تھانہ بی ڈویژن کے شکر گزار ہیں کہ انہوں نے رمضان المبارک اور عید الفطر کے موقع پر بھر پور انتظامات کئے جبکہ گجرات کے میڈیا کے بھی شکر گزار ہیں جنہوں نے رمضان المبارک کی تقریبات و مجالس کی کوریج کی۔ ہم آئندہ بھی اسی تعاون کے خواہش مند ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی ) TMA گجرات کی ناقص کارکردگی علی پورہ روڈ کے رہائشی عید بھی سکون سے نہ منا سکے۔ گزشتہ کئی ہفتوں سے علی پورہ چوک ‘ علی پورہ روڈ ‘ شالیمار ٹائون’ گلبرک کالونی و دیگر علاقوں میں سیوریج کا گندا پانی کھڑا ہیں جس سے لوگوں کو نماز کی ادائیگی میں بھی مشکلات کا سامنا رہا۔ TMA کو بارہا آگاہ کیا لیکن پانی کے نکاس کا کوئی انتظام نہیں کیا جا سکا۔ علاقہ کے مکینوں نے کہا کہ اگر پانی کے نکاس کا انتظام نہ کیا گیا تو اہل علاقہ احتجاج کرنے پر مجبور ہو جائیں گے۔ TMO اور ایڈمنسٹریٹر خود نوٹس لیں۔ علاقہ کا دورہ کر کے مسئلہ کو حل کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)امام بارگاہ حسینیہ گجرات میں عید الفطر کی نماز ادا کی گئی، ممتاز عالم دین آغا مبارک علی موسوی نے نماز عید کی امامت کی اور اپنے خطاب میں فلسفہ عید اور ہماری ذمہ داریوں پر تفصیل سے روشنی ڈالی۔ اس موقع پر ضلع بھر سے شیعہ برادری کے نمائندگان کثیر تعداد میں موجود تھے۔ صدر شیعہ علماء کونسل سید الطاف عباس کاظمی’ صدر حسینیہ ٹرسٹ چوہدری منظور وڑائچ’ جنرل سیکرٹری پروفیسر سرفراز حسین جعفری’ ممبر حسینیہ ٹرسٹ جواد حسین جعفری’ و دیگر نے مہمانوں کا استقبال کیا۔