گجرات (جی پی آئی) راجہ عمر آفتاب آف راجہ ہیئر ڈریسر کے والد محترم راجہ محمد آفتاب رضائے الٰہی سے انتقال کر گئے ہیں۔ مرحوم کو سینکڑوں سوگواروں کی موجودگی میں قبرستان خواجگان میں سپردِ خاک کر دیا گیا۔ مرحوم کی نماز جنازہ میں اہم شخصیات نے شرکت کی۔ مرحوم کا ختم قل کل بروز اتوار صبح 10 بجے جامع مسجد خواجگان قبرستان میںمنعقد ہوگا دعا ٹھیک 11 بجے ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اٹلی میں مقیم ممتاز مذہبی شخصیت خاور بشیر بٹ گولڑوی نے راجہ عمر آفتاب کے والد محترم کی وفات پر ٹیلی فون پر اظہارِ تعزیت کرتے ہوئے گہرے رنج و غم کا اظہار کیا اور مرحوم کے ایصال ثواب کیلئے فاتحہ خوانی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز روحانی شخصیت حضرت بابا بلدر سرکار کا عرس مبارک عقیدت و احترام کیساتھ منایا گیا۔ ڈیرہ گجراں پر عظیم الشان محفل میلاد النبی ۖ منعقد ہوئی جس کی صدارت چوہدری محمد اعظم گجر نے کی جبکہ خصوصی خطاب ممتاز عالم دین حضرت علامہ پیر سید ذوالقرنین شاہ گیلانی آستانہ عالیہ حافظ آباد نے کیا۔ مہمان خصوصی DSP غلام مصطفی گیلانی تھے ۔ اس موقع پر شیر دل کمانڈر چوہدری علیم اللہ وڑائچ’ چوہدری یاسر بلو شیر گروپ ‘ راجہ عمر آف امریکہ’ ڈاکٹر شیخ ثوبان شاہد ‘ عبدالمصطفیٰ سیالوی’ چوہدری عثمان گجر’ حافظ بلال ایوب’ چوہدری فیضان گجر’ چوہدری اویس احمد’ چوہدری اخلاق رنیاں’ چوہدری عمران جوڑا’ چوہدری فہد گجر’ ‘سید عبداللہ شاہ امریکہ ‘ عمیر سیٹھی صنعتکار’ نعمان ظہیر بٹ’ چوہدری بابر وڑائچ’ مرزا معظم’ SHO لاری اڈا عدنان شہزاد’ و دیگر اہم شخصیات موجود تھیں۔ جبکہ علاقہ میں سجاوٹ کا خصوصی انتظام کیا گیا ۔ نقابت کے فرائض عمران چشتی نے سرانجام دئیے۔ ممتاز ثناء خوان رسول اکمل دریائی ‘ محسن رضا قادری نے ہدیہ نعت پیش کیا۔ لنگر کا خصوصی انتظام کیا گیا۔ ملکی ترقی و سلامتی کیلئے خصوصی دعائیں کی گئیں۔ سیکورٹی کے بھر پور انتظامات کئے گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سیکرٹری دفاع لیفٹیننٹ جنرل (ر) عالم خٹک، اعلی فوجی افسران مسعود اکرم آغا، بریگیڈئر اقبال، ڈی سی او لیاقت علی چٹھہ نے میجر جنرل ملک فدا حسین اعوان ، ملک امجد، ملک علی ، ملک غضفر اعوان کے والد محترم ملک محمد حسین اعوان کے انتقال پرگہر ے رنج و غم اور تعزیت کا اظہار کیا ہے۔ انہوںنے میجر جنرل ملک فدا حسین اعوان کے گھر جا کر انکے والد مرحوم کی مغفرت ، بلندی درجات اور پسماندگان کے لئے صبر جمیل کی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سیکرٹری ماحولیات اقبال چوہان نے ممکنہ سیلاب سے بچائو کے لئے دریائے چناب کے شہباز پور، بہلول پور، شام پور اورکالو وال حفاظتی بند اور نالہ بھمبر کے حفاظتی بند کا معائنہ کیا ، انہوںنے بارشوں کی صورت میں شہر سے پانی کے نکاس کے انتظامات کا بھی جائزہ لیا، ایڈمنسٹریٹر ٹی ایم اے /اے ڈی سی عرفان علی کاٹھیا، محکمہ انہار کے افسران شعیب اکبر بٹر، ایس ڈی او اللہ رکھا گوندل اور دیگر افسران بھی انکے ہمراہ تھے۔ سیکرٹری ماحولیات اقبال چوہان نے محکمہ انہار کے افسران کو ہدایت کی کہ سیلاب سے بچائو کے لئے انتطامات میں مزید بہتری لائی جائے۔انہوںنے ہدایت کی کہ حفاظتی بند مضبوط بنانے کے لئے جاری سکیمیوں پر کام کی رفتار تیز کی جائے، افسران ان منصوبوں پر کام کی خود نگرانی کریں خصوصا جن حفاظتی پشتہ جات کے ساتھ پتھر لگایا جا رہا ہے ان منصوبوں کو کسی بھی سیلابی صورتحال سے قبل مکمل کیا جائے۔ سیکرٹری ماحولیات نے ہدایت کی کہ ٹی ایم اے اور دیگر محکمہ جات شدید بارش کی صورت میں نکاسی آب کے لئے تمام میشنری کو چالو حالت میں رکھا جائے تاکہ بروقت پانی کا نکاس کرکے شہریوںکو مشکلات سے محفوظ رکھا جا سکے۔ اس سے قبل ایڈمنسٹریٹر ٹی ایم اے عرفان علی کاٹھیا نے سیکرٹری ماحولیات کو اندورن شہر پانی کے نکاس اور ایکسئین انہار نے حفاظتی بند مضبوط بنانے کے لئے اقدامات بارے بریفنگ دی۔ ایڈمنسٹریٹر ٹی ایم اے نے بتایا کہ شہر کے تمام سیوریج نالوںکی صفائی مکمل کی جا چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سپرنٹنڈنٹ ڈسٹرکٹ جیل کی پریس ریلیز کے مطابق تھانہ سٹی جلالپور جٹاںکے مقدمہ قتل کے مجرم گلفام عرف گلو ولد محمد یوسف، قوم مغل سکنہ محلہ لوہاراں جلالپور جٹاںکو 29جولائی2015بروز بدھ صبح ساڑھے 4بجے پھانسی دی جائے گی۔ مجرم کے خلاف تھانہ سٹی جلالپور جٹاں میں مقدمہ نمبر 155/2001زیر دفعہ 302/34درج ہوا تھا جس میں عدالت نے اسے سزائے موت کا حکم سنایا تھا۔
بلدیاتی انتخابات میں مسلم لیگ ن بھاری اکثریت سے کامیابی حاصل کرے گی۔ محمد عرفان ناگرہ
جوڈیشنل کمیشن نے تحریک انصاف کی جھوٹ کی سیاست کا پردہ چاک کر دیا۔ زبیر احمد