گجرات (جی پی آئی) انجمن امامیہ رجسٹرڈ مرکز گجرات کے صدر چوہدری جاوید اقبال شاکر اور جنرل سیکرٹری اظہر عباس کاظمی نے پریس کانفرنس کے دوران کہا کہ سابقہ سالوں کی طرح اس سال بھی مرکزی مسجد امامیہ و امام بارگاہ سید فرزند علی شاہ میں روزے داروں کو شاندار طریقے سے افطاری کرائی جا رہی ہے۔ اور باقاعدہ نماز با جماعت کا اہتمام بھی ہے۔ مرکزی مسجد انجمن امامیہ سال بھر میں تمام ایام جس میں آئمہ اطہار کی ولات و شہادت ہے’ نہایت عقیدت و احترام سے بھی مناتی ہے۔ رمضان المبارک کے مقدس مہینے میں امام حسن علیہ السلام کو یوم ولایت ہے اور امام علی علیہ السلام کا یوم شہادت ہے۔ 15 رمضان کو ولادت جشن امام حسن علیہ السلام کی مناسبت سے ایک وسیع دستر خوان کا اہتمام کیا جا رہا ہے اور 20 رمضان کو امیر المومنین و خلیفة المسلمین حضرت علیہ علیہ السلام کی شہادت کے سلسلے میں مجلس عزاء اور ماتم داری کا اہتمام کیا گیا ہے انہوں نے مزید کہا کہ ہم مومنین کرام’ انتظامیہ اور میڈیا کے بھر پور تعاون کا شکریہ ادا کرتے ہیں۔ ہم اتحاد بین المسلمین اور دیگر مذاہب میں ہم آہنگی کے فروغ کے داعی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)جامعة المجتبیٰ سلطانہ آباد جی ٹی روڈ گجرات میں سالانہ جشن حضرت امام حسن مجتبیٰ 15 رمضان المبارک کو منعقد ہو گا۔ دن 3 بجے آغاز ہو گا قائد ملت جعفریہ علامہ ساجد نقوی خطاب کرینگے۔ اس موقع پر علامہ محمد افضل حیدری لاہور’ علامہ مختار حسین نقوی’ علامہ محمد حسنین کاظمی’ سید آغا مبارک علی موسوی’ سید تنویر رضوی’ علامہ محمد حسین جلوی و دیگر علماء کرام بھی خطاب کرینگے۔ جبکہ افطار ڈنر کا بھی اہتمام کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)شیعہ علماء کونسل سید الطاف عباس کاظمی کے زیر اہتمام امام بارگاہ حسینیہ میں افطار ڈنر کا اہتمام کیا گیا۔ جس میں ڈی ایس پی سٹی سید مصطفی گیلانی’ پروفیسر سرفراز جعفری’ آغا مبارک علی موسوی’ جواد حسین جعفری و دیگر مومنین کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)DSP سٹی سید مصطفی گیلانی نے کہا ہے کہ پولیس رمضان المبارک کے دوران امن و امان کے قیام کیلئے کوشاں ہیں اور دن رات اس سلسلہ میں اقدامات کئے جا رہے ہیں۔ وہ گزشتہ روز امام بارگاہ حسینیہ میں علماء کرام سے گفتگو کر رہے تھے۔ انہوں نے کہا کہ عوام الناس اور معززین کے تعاون سے سیکورٹی کے انتظامات بہتر بنائے گئے ہیں تاکہ عوام کی جان و مال کا تحفظ ہو سکے۔ انہوں نے کہا کہ تمام پولیس ملازمین اپنے اپنے فرائض احسن طریقے سے سرانجام دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی)ممبر اسلامی نظریاتی کونسل حکومت پاکستان صاحبزادہ پیر سید سعید احمد شاہ گجراتی تبلیغی دورے پر امریکہ پہنچ گئے۔ امریکہ پہنچنے پر دوست احباب نے انکا پرتپاک استقبال کیا۔ وہ اپنے دورہ کے دوران امریکہ کی مختلف ریاستوں میں تبلیغی اجتماعات اور پروگراموں سے خطاب فرمائیں گے۔
عشرئہ مغفرت، رب کے حضور گناہوں سے توبہ کا درس دیتا ہے، مفتی محمد نعیم
حسن اختر احسن اپنے والد کا گرانمایہ کلام پیش کر رہے ہیں