گجرات کی خبریں 1/9/2015

Gujrat

Gujrat

گجرات (جی پی آئی) صدر گجرات پریس کلب عبدالستار مرزا ناروے میں جشن آزادی تقریب میں شرکت کے بعد اٹلی روانہ ہو گئے ۔ وہ آسٹریا’ فرانس’ فرینکفرٹ جرمنی بھی جائیں گے۔ جہاں وہ پاکستانی کمیونٹی سے ملاقاتیں کریں گے ۔ صدر عبدالستار مرزا اپنے دورہ کے دوران پاکستانی کمیونٹی سے ملاقاتیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دربار عالیہ شہنشاہ ولایت میں حضرت پیر سید حاجی احمد شاہ کا 35 واں عرس مبارک عقیدت و احترام کیساتھ منایا گیا۔ عرس مبارک کی تقریبات کی صدارت صاحبزادہ پیر سید علی حسین شاہ گجراتی نے کی۔ جبکہ خصوصی دعا پیر سید نذر حسین شاہ گجراتی نے کروائی۔ اس موقع پر نہ صرف گجرات بلکہ ملک بھر کے مختلف علاقوں سے آئے ہوئے پیران کرام ‘ علماء نے شرکت کی۔ جن میں ممبر اسلامی نظریاتی کونسل صاحبزادہ پیر سید سعید احمد شاہ گجراتی ‘ مرکزی راہنما ملی یکجہتی کونسل آغا پیر سید ذوالفقار شاہ’ پیر سید شوکت علی شاہ’ پیر سید خادم حسین شاہ’ سید جماعت علی شاہ’ سید بلال شاہ’ سید طلحہ شاہ ‘ سید فیض علی شاہ’ سید حسن محمود شاہ’ سید احمد حسین شاہ موجود تھے۔ جبکہ خصوصی خطاب علامہ محمد اشرف نقشبندی ‘ ماسٹر محمد نواز شاہد غفاری نقشبندی ‘ صوفی محمد منیر نقشبندی نے کیا۔ نقابت کے فرائض انجینئر محمود احمد نے سرانجام دئیے۔ نعت رسول ۖ سید عمران افگن شاہ ‘ سید منظور حسین شاہ’ سید انتظار الحسن شاہ’ محمد افضل ‘ محمد افضال’ محمد احمد’ قاری صفدر حسین نقشبندی’ قاری سیف اللہ نقشبندی’ محمد یوسف نقشبندی’ قاری مدثر حسین سخاوت حسین نے پیش کی۔ بھکڑیوالی ‘ سیالکوٹ’ ڈسکہ’ کھاریاں سے مریدین و عقیدت مندوں نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع گجرات کے ممتاز تعلیمی ادارے دی ایجوکیٹرز بارہ دری کیمپس میں جماعت نہم اور دہم میں پوزیشن ہولڈر طلباء و طالبات میں انعامات تقسیم کرنے کے سلسلہ میں خصوصی تقریب منعقد ہوئی۔ جس کی صدارت ڈائریکٹر شہزاد شفیق نقشبندی نے کی۔ جبکہ مہمان خصوصی ممبر صوبائی اسمبلی حاجی عمران ظفر’ AC اسسٹنٹ کمشنر کامونکی و گولڈ میڈلسٹ محمد بلال فیروز جوئیہ’ EDO ایجوکیشن محمد طاہر کاشف اور ایڈمنسٹریٹر حافظ محمد طاہر تھے۔ اس موقع پر شہزاد شفیق نقشبندی نے کلاس نہم اور دہم میں پوزیشن لینے والے چھ طلباء و طالبات کو ماہانہ سکالر شپ دینے کا اعلان کیا۔ جن میں زرش سلیمان’ حافظ ابوبکر لیاقت’ عبداللہ نواز’ احمد غیاث و دیگر شامل ہیں۔ اس موقع پر طلباء و طالبات نے مختلف خاکے پیش کئے۔ اچھی کارکردگی کا مظاہرہ کرنے والے اساتذہ کو کیش انعامات دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ملی یکجہتی کونسل کے رہنما آغا پیر سید ذوالفقار علی شاہ نے کہا ہے کہ پاکستان کو در پیش چیلنجز کا مقابلہ کرنے کیلئے ہمیں مل کر کام کرنا ہے۔ وہ گزشتہ روز ممبر اسلامی نظریاتی کونسل پیر سید سعید احمد شاہ گجراتی کی رہائشگاہ پر پریس کانفرنس کے دوران کیا۔ انہوں نے کہا کہ ملی یکجہتی کونسل کے پلیٹ فارم پر علماء کرام دینی مسائل اور ملکی یکجہتی کیلئے کام کر رہے ہیں۔ اور ہمیں چاہئے کہ ایک دوسرے کا ساتھ دیں۔ صاحبزادہ پیر سید سعید احمد شاہ گجراتی نے کہا کہ مستقبل کے چیلنجز کا مقابلہ کرنے کیلئے ہمیں اپنے بچوں کو بہتر سے بہتر تعلیم فراہم کرنی چاہئے تاکہ وہ اچھے مسلمان بن سکیں یورپ میں ایسے علماء کرام کی ضرورت ہے جو عربی ‘ اردو ‘ انگلش پر عبور رکھتے ہوں اور ہمیں ایسے علماء کرام تیار کرنے چاہئیں جو پاکستان کا نام روشن کر سکیں۔ اس موقع پر قاری کرامت علی نقشبندی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) الیکشن کمشن کی طرف سے بلدیاتی انتخابات کا شیڈول جاری کر دیا گیا ہے جبکہ کاغذات نامزدگی بارے ریٹرننگ افسران کے فیصلوں کے خلاف اپیلوں کی سماعت کے لئے اپیلٹ اتھارٹی کا بھی تقرر کر دیا گیا ہے۔ الیکشن کمیشن کی طرف سے جاری شیڈول کے مطابق ریٹرننگ افسران آج یکم نومبر 2015کو اپنے دفاتر کے باہر پبلک نوٹس آویزاں کریں گے امیدوران 7ستمبر سے 11ستمبر تک کاغذات نامزدگی جمع کروا سکتے ہیں ، کاغذات نامزدگی کی سکروٹنی 12ستمبر 17ستمبر تک ہو گی ریٹرننگ افسران کے فیصلوں کے خلاف اپیل دائر کرنے کی آخری تاریخ 22ستمبر ہو گی جبکہ ٹربیونل کی طرف سے اپیلوں پر فیصلے کی آخری تاریخ 30ستمبر ہے امیدوران یکم اکتوبر تک اپنے کاغذات نامزدگی واپس لے سکیں گے امیدواروں کی نظر ثانی شدہ فہرست 2اکتوبر کو آویزاں کی جائے گی جبکہ پولنگ 31اکتوبر کو ہو گی ۔ ریٹرننگ آفسران کے فیصلوں کے خلاف اپیل دائر کرنے کیلئے ایڈیشنل ڈسٹرکٹ اینڈ سیشن جج گجرات مسٹر ہمایوں سعیدتحصیل گجرات ، ایڈیشنل ڈسٹرکٹ اینڈ سیشن جج کھاریاںمسٹر محمد علی تحصیل کھاریاں اور ایڈیشنل ڈسٹرکٹ اینڈ سیشن جج سرائے عالمگیر مسٹر ملک علی ذوالقرنین اعوان تحصیل سرائے عالمگیر کیلئے ایپلٹ اتھارٹی مقرر کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے ہدایت کی ہے مضر صحت اشیائے خورد و نوش فروخت کرنیوالے ہوٹلوں، بیکریوں کے خلاف کریک ڈائون تیز کردیں، حرام جانوروں کا گوشت فروخت کرنے اور مضر صحت اجزاء سے جعلی دودھ تیار کرنیوالے عناصر کے خلاف سخت کاروائی یقینی بنائی جائے ، شہری بھی اس مقصد کے لئے انتظامیہ سے تعاون کریں ایسے عناصر کے بارے میں اطلاع دینے والے کو کامیاب ریڈ کی صورت میں ایک لاکھ روپے انعام دیا جائے گا۔ ان خیالات کا اظہار انہوںنے اعلی سطحی اجلاس سے خطاب کرتے ہوئے کیا، اے ڈی سی عرفان علی کاٹھیا، ڈی او سی وقار حسین اور دیگر افسران بھی اس موقع پر موجود تھے۔ ڈی سی او لیاقت علی چٹھہ نے کہا کہ کسی کو عوام الناس کو اجازت نہیں دی جائے گی کہ وہ شہریوں کو مردہ اور حرام جانوروںکا گوشت کھلائیں، اسی طرح مضر صحت کیمکلز کے ذریعے مصنوعی دودھ تیار کرنیوالے پلانٹس کسی صورت برداشت نہیں ایسے گھنائونے دھندے میں ملوث عناصر کے خلاف سخت ترین ایکشن ہوگا ۔ ڈی سی او نے اسسٹنٹ کمشنرز کو ہدایت کی کہ وہ اپنے علاقوں میں ہوٹلوں، بیکرز، سمیت کھانے پینے کی اشیا فروخت کرنیوالوں کے خلاف کریک ڈائون میں تیزی لائیں ۔ انہوںنے شہریوں سے بھی اپیل کی کہ وہ ایسے عناصر کے بارے میں انتظامیہ کو اطلاع دیں انکا نام صیغہ راز میں رکھا جائے گا جبکہ کامیاب ریڈ کی صورت میں اطلاع دینے والے کو ایک لاکھ روپے انعام دیا جائے گا۔ اس سے قبل اسسٹنٹ کمشنرز نے ڈی سی او کو اپنے علاقوں میں کاروائیوں کی تفصیلات سے آگاہ کیا۔