گجرات (جی پی آئی) پاکستان علماء کرام اور مشائخ عظام کی شبانہ روز کاوشوں سے معرضِ وجود میں آیا اور قائداعظم محمد علی جناح کو مشائخ عظام کی دعائوں کی بدولت پاکستان ملا۔ اللہ تعالیٰ نے دنیا بھر کے مسلمانوں کو اسلام کا قلعہ ”پاکستان” عطا فرمایا۔ ان خیالات کا اظہار سلسلہ سیفیہ کے روحِ رواں اخند زادہ پیر سیف الرحمن مبارک کے جانشین ملک کے ممتاز عالم دین اور راہنما صاحبزادہ پیر محمد حمید جان سیفی نے گزشتہ روز آستانہ عالیہ نظامیہ سیفیہ بلال ٹائون بادشاہی روڈ گجرات میں عظیم الشان علماء و مشائخ کنونشن کے موقع پر اپنے صدارتی خطبہ کے دوران کیا۔ جس کے مہمان خصوصی ممبر قانون ساز اسمبلی آزاد کشمیر پیر سید علی رضا شاہ بخاری سیفی اور ایم ایل اے چوہدری جاوید اختر وڑائچ تھے۔ اس موقع پر ضلع کی مختلف ضلعی کونسلوں کے چیئرمین وائس چیئرمین کی کثیر تعداد شریک تھی۔ صاحبزادہ محمد حمید جان نے اپنے خطاب میں کہا کہ جب اُمت علماء کرام اور مخیر حضرات اپنا اپنا کردار احسن طریقے سے سرانجام دیں اور ایک دوسرے کے حقوق کی حفاظت کا خیال رکھیں تو مملکت صحیح معنوں میں مثالی بن سکتی ہے۔ انہوں نے کہا کہ اس وقت پاکستان کو اندرونی بیرونی محاذوں پر مختلف چیلنجز کا سامنا ہے۔ انڈیا ، پاکستانی محازوں پر دست دے رہا ہے اور پاکستان میں فرقہ واریت کا رجحان عروج پر ہے اور ایسے میں ہم سب کا فرض ہے کہ ہم اپنے اپنے فرائض احسن طریقے سے انجام دیں تاکہ پاکستان میں استحکام ممکن ہو اور اسلام کی تعلیمات پر صحیح معنوں میں عمل کیا جائے۔ سلسلہ سیفیہ کے تمام ارادت مند مشائخ عظام اور مریدین اپنی اپنی سطح پر استحکامِ پاکستان کیلئے کوشاں ہیں۔ انہوں نے کہا کہ جو لوگ اولیاء کرام کے مسکن پاکستان کے خلاف سازشوں میں مصروفِ عمل ہے وہ کسی بھی طرح کامیاب نہیں ہو سکتے کیونکہ جب تک اسلام کے ماننے والے موجود ہیں استحکام پاکستان کے خلاف کوئی سازش کامیاب نہیں ہو سکتی۔ میں پیر حکیم جواد الرحمن نظامی سیفی اور پیر فاروق سیفی کو خراجِ تحسین پیش کرتا ہوں جنہوں نے اس پلیٹ فارم میں عظیم گلدستہ جمع کیا ہے۔ جس میں ہر رنگ اور ہر خوشبو کے پھول موجود ہیں۔ ہم نو منتخب ایم ایل اے صاحبان اور اراکین اسمبلی کو مبارکباد پیش کرتا ہوں اور اُمید ظاہر کرتا ہوں کہ وہ لوگ اپنے فرائض احسن طریقے سے نبھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممبر قانون ساز اسمبلی حاجی جاوید اختر نے آستانہ عالیہ نظامیہ سیفیہ میں علماء مشائخ کے عظیم الشان کنونشن پر خطاب کرتے ہوئے کہا کہ پاکستان جن حالات سے گزر رہا ہے ایسے میں ہمیں اتحاد اور مفاہمت کی ضرورت ہے۔ میں صاحبزادہ حکیم جواد الرحمن نظامی سیفی اور پیر محمد فاروق کو خراجِ تحسین پیش کرتا ہوں کہ جنہوں نے اس تقریب کا انتظام کیا ہے۔ پاکستان کے استحکام کیلئے ملکر کام کرنا ہے۔ جس طرح اس آستانہ پر حکیم جواد الرحمن نظامی سیفی دن رات ایک کر کے محنت کر رہے ہیں۔ ہم بطور ایم ایل اے اپنے فرائض احسن طریقے سے سرانجام دیں گے اور عوام کی خدمت کو ترجیح بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممبر قانون ساز اسمبلی آزاد کشمیر صاحبزادہ پیر سید علی رضا شاہ بخاری سیفی نے آستانہ عالیہ نظامیہ سیفیہ بلال ٹائون گجرات میں منعقدہ عظیم الشان استحکام پاکستان علماء و مشائخ کنونشن کے موقع پر خطاب کرتے ہوئے کہا کہ کشمیر پاکستان کی شہ رَگ ہے اولیاء کرام کی دعائوں اور کشمیری مسلمانوں کی دعائوں سے کشمیر پاکستان کا حصہ بنے گا۔ استحکام پاکستان سے ہی کشمیر کے مسلمانوں کا تحفظ ہے۔ ہم اپنی اپنی سطح پر پاکستان کے استحکام اور عوام کی فلاح و بہبود کیلئے کوشاں ہیں۔ سلسلہ سیفیہ پیر سیف الرحمن مبارک کی تعلیمات پر عمل کرتے ہوئے پاکستان کے استحکام کیلئے کوشاں ہیں۔ پاکستانی مسلح افواج اپنے فرائض احسن طریقے سے سرانجام دے رہی ہے۔ انہوں نے کہا کہ صاحبزادہ پیر حکیم جواد الرحمن نظامی سیفی ‘ محمد فاروق سیفی کی کاوشیں قابل تحسین ہیں۔ انہوں نے تمام مکاتب فکر کو ایک پلیٹ فارم پر جمع کیا ہے جو کہ پاکستان کے استحکام کیلئے یکجہتی اور افہام و تفہیم پیدا کرنے کی ضرورت ہے۔ یہ سب صاحبزادہ حکیم جواد الرحمن نظامی سیفی اور ان کے خلفاء اور پیر محمد فاروق سیفی کی وجہ سے ایک ولی ٔ کامل کی سنگت نصیب ہوئی ہے۔ اللہ کے ولیوں کے پاس بیٹھنے سے ان کی صحبت سے حالات درست ہو جاتے ہیں۔ چاہے وہ طابی ہوں یا چاہے ظاہری۔ دونوں میں مثبت تبدیلی آ جاتی ہے اور انسان مشکلات کی دلدل سے باہر آ جاتا ہے۔ صاحبزادہ حکیم جواد الرحمن نظامی سیفی نے یہ محفل سجا کر دنیا کو یہ پیغام دیا ہے کہ اتحاد اور یکجہتی سے تمام چیلنجز کا مقابلہ کیا جا سکتا ہے۔ میری کامیابی میں میرے پیرو مرشد کی روحانی طاقت میرے سنگ تھی۔ تو میں اس مقام پر پہنچا ہوں اور میں بلا مقابلہ ایم ایل اے منتخب ہوا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز روحانی شخصیت سرپرست اعلیٰ علماء مشائخ بورڈ ضلع گجرات نے آستانہ عالیہ نظامیہ سیفیہ میں پیر محمد حمید جان سیفی کی زیر صدارت عظیم الشان علماء مشائخ کنونشن سے خطاب کرتے ہوئے کہا کہ پاکستان کے قیام سے لیکر استحکام پاکستان پاکستان تک علمائو مشائخ اہل سنت کی شبانہ روز کاوشیں اور دعائیں شامل حال ہیں۔ پاکستان کے خلاف کوئی بھی سازش سلسلہ سیفیہ کے تعلق رکھنے والے جانثاران کامیاب نہیں ہونے دیں گے اور ہر سطح پر پاکستانی مسلح افواج اور قانون نافذ کرنے والے اداروں کے ہاتھ مضبوط بنائیں گے۔ آج میں خود کو کتنا خوش نصیب قرار دوں کم ہے آج میرے مرشد کریم کے لخت جگر اور سلسلہ سیفیہ کی پہچان تشریف لائی ہے۔ میں صاحبزادہ پیر محمدحمید جان سیفی کا جتنا بھی شکریہ ادا کروں کم ہے۔ اور میری دعوت پر علماء کرام اور مشائخ عظام اور سیاسی و سماجی شخصیات تشریف لائی ہیں ان سب کا شکر گزار ہوں۔ میں آج جو کچھ بھی ہوں اپنے مرشد ِ کریم کی نظر کرم اور اپنے والدین کی دعوائوں کی بدولت ہوں۔ جس طرح ہم اپنے پیرو مرشد کی روحانی اولاد ہیں۔ اسی طرح میری روحانی اولاد جو یہاں موجود ہے وہ سب پاکستان اور استحکام کے استحکام کیلئے قربانی دینے کیلئے تیار بیٹھی ہے۔ انہوں نے کہا کہ میں پیر محمد فاروق سیفی جنہوں نے میرے شانہ بشانہ اس پروگرام کو کامیابی بنایا اور تمام اراکین بلدیاتی ممبران کو بھی خوش آمدید کہتا ہوں۔ ہمارا یہ عظم ہے کہ ہم سلسلہ سیفیہ کے پلیٹ فارم سے استحکام پاکستان کیلئے کوشاں رہیں گے۔ ہم ضلعی انتظامیہ اور پولیس کے بھی بہت شکر گزار ہیں جنہوں نے بے حد تعاون کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز روحانی شخصیت صاحبزادہ پیر محمد فاروق سیفی نے آستانہ عالیہ نظامیہ سیفیہ میں منعقدہ عظیم الشان استحکام پاکستان علماء و مشائخ کنونشن سے خطاب کرتے ہوئے کہا کہ مٹھی بھر شر پسند عناصر پاکستان کی ترقی و استحکام میں رکاوٹ نہیں ڈال سکتے کیونکہ درود شریف اور یا رسول اللہ ۖ کہنے والے ہمیشہ کی طرح استحکام پاکستان کیلئے سینہ سپر ہیں۔ پاکستانی مسلح افواج اور قانون نافذ کرنے والے اداروں کی دن رات محنت سے پاکستان میں امن وامان اور استحکام پیدا ہوا ہے سلسلہ سیفیہ کے ماننے والے ہمیشہ کی طرح آج بھی پاکستان کا تحفظ اور لاالا اللہ کا پرچم بلند کرنے کیلئے کوشاں ہیں۔ میں ضلعی انتظامیہ کو خراجِ تحسین پیش کرتا ہوں انہوں نے بھر پور تعاون کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلع گجرات کی ممتاز شخصیت قاریٔ قرآن قاری محمد محسن رضا سروری قادری نیشنل پیس کونسل ضلع گجرات کے چیئرمین منتخب۔ مرکزی چیئرمین نیشنل پیس کونسل غلام مصطفی انصاری نے لاہور میں منعقدہ کنونشن کے دوران نوٹیفیکیشن دیا۔ اس موقع پر اور امید ظاہر کی کہ ضلع گجرات میں نیشنل پیس کونسل کی سرگرمیوں کو اجاگر کرنے کیلئے دن رات کام کریں گے۔ اس موقع پر خطاب کرتے ہوئے مرکزی چیئرمین غلام مصطفی انصاری نے کہا کہ نیشنل پیس کونسل دنیا بھر میں امن و امان کے قیام ‘ دہشتگردی کے خاتمہ اور لوگوں کو انصاف کی فراہمی کیلئے کوشاں ہے اور ہمارا قافلہ پاکستان بھر میں اپنے فرائض احسن طریقے سے سرانجام دے رہا ہے۔ نو منتخب چیئرمین نیشنل پیس کونسل گجرات قاری محسن رضا سروری قادری نے کہا کہ پاکستان کے حالات جن جگہ پر چل رہے ہیں ایسے میں ہمیں اتفاق و اتحاد کی ضرورت ہے اور یہ کام ہم اکیلے نہیں کر سکتے پاکستان کے تمام ذی شعور شہریوں کو ہمارا ساتھ دینا ہو گا۔ میں اپنی ٹیم کے ساتھ نیشنل پیس کونسل کے پلیٹ فارم سے امن وامان کے قیام کیلئے کام کروں گا۔ اس موقع پر نیشنل پیس کونسل کے پاکستان بھر سے آئے ہوئے اراکین نے بھی خطاب کیا۔ کوارڈی نیٹر ٹو محترمہ مریم نواز بیگم خدیجہ شیخ سفیان و دیگر اراکین بھی موجود تھے۔ بعد ازاں شرکاء کے اعزاز میں پر تکلف ظہرانہ دیا گیا اور اچھرہ لاہور میں نیشنل پیس کونسل کے دفتر کا افتتاح بھی کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلع گجرات آستانہ عالیہ نظامیہ سیفیہ بلال ٹائون میں استحکام پاکستان کیلئے عظیم و الشان کنونشن کا انعقاد کیا گیا جس کی صدارت خوشبو پیرارجی و خراسانی مبارک پیر محمد حمید جان سیفی نے کی جبکہ مہمان خصوصی نو منتخب ایم ایل اے پیر سید علی رضا شاہ بخاری سیفی اور چوہدری اختر ممبر قانون ساز اسمبلی تھے۔ مہمانوں کا پرتپاک استقبال آستانہ عالیہ کے متعلقین مریدین اور خلفاء نے کیا۔ شرکاء میں چیئرمین میاں ریاض احمد آف بانیاں چیئرمین چوہدری ظہیر عباس مچھیانہ’ چیئرمن چوہدری غلام فرید آف کوٹلہ سارنگ خان’ چیئرمین چوہدری محمد نواز آف ماچھیوال ‘ چیئرمین چوہدری محمد عتیق آف ڈوگہ’ چیئرمین چوہدری قیصر محمود ساہی آف باگڑیاں والہ’ وائس چیئرمین چوہدری محمد توقیر آف چکوڑی بہلووال’ وائس چیئرمین چوہدری محمد افضال چماں’ وائس چیئرمین چوہدری طارق آف مٹونوانوالہ’ چوہدری محمد اختر دھکڑ’ وچہدری محمد زاہد خواصپور لالہ موسیٰ ممبر ضلع کونسل چوہدری محمد عارف خواصپور ‘ چوہدری محمد اشفاق ٹھیکریاں’ چوہدری عظمت ٹھیکریاں’ چوہدری امانت علی مارکیٹ کمیٹی چیئرمین ‘ چیئرمین چوہدری عبدالرحیم اسلام آباد’ جناب پیر فیض رسول سیفی ‘ پیر ڈاکٹر اختر نواز پیر عبدالستار لالہ موسیٰ’ پیر عبدالمنان سیفی’ چیئرمین چوہدری عمر زمان آف مکیانہ ‘ چوہدری محمد امین آف شیر گڑھ ‘ ڈاکٹر محمد جاوید اقبال شیر گڑھ’ پیر محمد حسن رضا سیفی اسلام آباد ‘ پیر محمد افضل سیفی’ صاحبزادہ مقصود احمد کیانی آف اسلام آباد’ پیر عمر فاروق سیفی ‘ پیر فاروق انور سیفی ‘ پیر ڈاکٹر منیف سیفی اور کثیر تعداد میں علماء و مشائخ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) مزار انور دربار عالیہ حکیم الامت حضرت علامہ مفتی احمد یار خان نعیمی قادری ‘ جگر گوشہ حکیم الامت حضرت علامہ مفتی مختار احمد نعیمی’ جگہ گوشہ حکیم الامت حضرت علامہ مفتی اقتدار احمد نعیمی پیر صاحبزادہ علامہ مولانا عبدالقادر خان نعیمی قادری’ حاجی عمران ظفر MPA ‘ حافظ حسنین ظہیر’ حاجی وارث نقشبندی’ صاحبزادہ عمیر نعیمی’ شکیل جنجوعہ ‘ حاجی عقیل اور دیگر شخصیات چادر پوشی اور دعا کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) آستانہ عالیہ مہمدہ شریف عرس کی تقریبات کے سلسلہ میں دربار شریف کو غسل دینے کی پر وقار تقریب منعقد ہوئی۔ جس میں زیب سجادہ نشین صاحبزادہ پیر رضوان منصور آوانی نے اپنے دست مبارک سے دربار شریف کو غسل دیا۔ اس موقع پر ملکی ترقی و سلامتی کیلئے دعائیں کی گئیں۔ اس موقع پر خالد محمود’ ڈاکٹر جمال انور صمدانی’ جنید صمدانی’ اکبر صمدانی’ مجتبیٰ احسان’ سید انور علی شاہ’ سید ذیشان شاہ’ حافظ سلیمان’ صاحبزادہ عبدالرحمن’ میاں جمال صفدر’ عدنان احمد’ عارف شاہد گوندل’ میاں خاں’ بھائی محمد اقبال’ بھائی محمد اقبال صراف’ بھائی غلام رسول’ چوہدری محمد انصر و دیگر مریدین اور دینی شخصیت موجود تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اور سید حماد اللہ شاہ انگلینڈ کی والدہ محترمہ کی وفات پر گہرے رنج و غم کا اظہار کیا گیا۔ اجلاس میں ذوالفقار علی باجوہ’ عامر چوہدری’ یاسر وریاء اور عمران کمبوہ’ عبدالغفار چوہدری نے شرکت کی۔ شرکاء نے مرحومہ کی روح کے ایصال ثواب کیلئے فاتحہ خوانی بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اسلامی یکجہتی کونسل کے زیر اہتمام فرقہ واریت ، ہندو انتہا پسندی اور مذہبی دہشت گردی کے خلاف چیرمین قاضی عبدالقدیر خاموش کی زیر صدارت تجدید عزم کنونشن کے اعلامیے میں بھارتی جنگی جنون کا عالمی برادری سے نوٹس لینے اور کشمیریوں کو حق خوداردیت دینے ، فرقہ واریت کے خاتمے کے لئے ایران اور سعودی عرب سے آنے والی مالی امداد کو وزارت مذہبی امور سے کے ذریعے استعما ل کروانے کے مطالبات اور دہشت گردوں کے شناختی کارڈز بحال کرنے کے فیصلے پر تشویش کا اظہار کرتے ہوئے زوردیا گیا کہ آسیہ بی بی کیس میں عدالت پر دباو بڑھانے اور مذہبی ہیجان پیدا کرنے کی بجائے سپریم کورٹ کے فیصلے کا انتظار کیا جائے۔لاہور پریس کلب میں منعقد ہونے والے کنونشن سے سابق وزیر خارجہ سردار آصف احمد علی،پیپلز پارٹی کے رہنما پروفیسر اعجاز الحسن،سہیل اختر ملک، جمہوری وطن پارٹی کے رہنما روف ساسولی ، عبدالقادر شاہین،جمعیت علما پاکستان نورانی کے رہنما پیر محفوظ مشہدی، بشپ سیموئیل عذرایا اور دیگر رہنماوں نے خطاب کیا۔کنونشن کے اعلامیہ میں 1980ء کی دہائی میں جنرل ضیا الحق کی مارشل لاء کے دوران قانون سازی کومعاشرے میں فرقہ وارانہ تقسیم کو مزید گہرا کرنے کا ذمہ دار قراردیتے ہوئے ان میں فی الفور ترامیم کا مطالبہ کیا گیا۔نیز دہشت گردی اور خونریزی کے لئے اسلام سے جواز لینے والی قوتوں کو فکری محاذ پر شکست دینے اور معاشرے کے اندر حقیقی اسلام کی تعبیر کو پیش کرنے کی ضرورت پر زوردیا گیا۔ حکومت سے ریاستی سطح پر ایسے اقدامات کا بھی مطالبہ کیا گیا کہ ٹھوس بنیادوں پرکالعدم قراردی جانے والی دہشت گرد تنظیمیں کسی اور نام سے معاشرے میں متحرک نہ ہوسکیں۔اعلامیے میں کہا گیا کہ غیر ریاستی عناصر پاکستان کے لئے عالمی سطح پر سنگین مسائل کا سبب بن رہے ہیں، یہ کسی قسم کی نرمی کے مستحق نہیں، انہیںقانون کے آہنی شکنجے میں لے کر ان کی منفی سوچ اور تخریبی اقدامات سے نئی نسل کو بچایا جائے ۔ اعلامیے کے مطابق کنونشن میں دو اسلامی ممالک ایران اور سعودی عرب کی مذہبی حلقوں میں سرمایہ کاری کو فرقہ واریت کے فروغ کا ایک بڑا سبب قراردیا گیا اور مطالبہ کیا گیا کہ ان ممالک کے سفارت کاروں کی سرگرمیوں کو محدود اوربیرون ملک سے آنے والی مالی امداد کو وزارت مذہبی امورکے ذریعے ہی استعمال کرنے اور آڈٹ کا پابند کیا جائے، نیزوزارت مذہبی امور ہر تین ماہ بعد رپورٹ پیش کرے کہ کن ممالک سے، کن اداروں کو، کونسی اور کتنی مدد مل رہی ہے؟ یہ بھی کہا گیا کہ اگر جنگی بنیادوں پر فرقہ واریت اور مذہبی تشدد کے رجحانات کے سد باب کے لئے اقدامات نہ کئے گئے تویہ پورے پاکستان کے لئے ایسا ناسور بن جائے گا، جس کا علاج ناممکن ہوگا۔ کنونشن میں نیشنل ایکشن پلان کے تحت دہشت گردی میں ملوث افراد کے نام فورتھ شیڈول میں شامل کرنے، ان کے شناختی کارڈ معطل ا وربینک اکاونٹس منجمد کرنے کو احسن اقدام قراردیا گیا۔ اور تشویش کا اظہار کیا گیا کہ وفاقی وزیر داخلہ چودھری نثار علی خان یہ فیصلہ واپس لے کر دہشت گردی کے خلاف جنگ میں رکاوٹ اور دہشت گردوں کے سہولت کار بن رہے ہیں۔ نیزمتعلقہ اداروں کو نوٹس لینا چاہیے کہ اگر شناختی کارڈبغیر تحقیقات کے غلط طور پرمعطل کئے گئے تھے ، تو ذمہ داروں کے خلاف کارروائی ہونی چاہیے اور اگر صحیح تھے تو چودھری نثار علی خان کے خلاف ایکشن لیا جانا چاہیے، جو دہشت گردوں سے ملتے ، ان کو سہولیات فراہم کرتے اور ان کی مشکلات حل کرتے ہیں۔ اعلامیہ میںواضح کیا گیا کہ پاکستان میں توہین رسالت کے حوالے سے کی گئی قانون سازی کی موجودگی میں کسی فرد، گروہ یا تنظیم کو حق نہیں پہنچتا کہ وہ کسی ملزم کو توہین رسالت کا مجرم نامزد کرکے از خود اس کی سزا کا تعین بھی کرے ۔ضلع شیخوپورہ کی آسیہ بی بی کے سپریم کورٹ میں زیر سماعت کیس کے حوالے سے تجدید عزم کنونشن کے شرکا نے واضح کیا کہ اس پر عدلیہ کو دباو میں لانے یاسوسائٹی میں مذہبی ہیجان پیدا کرنے سے گریز کیا جائے۔ کیونکہ اس طرز عمل سے پہلے ہی کئی قیمتی جانیں ضائع ہوچکی ہیں۔سپریم کورٹ کے فیصلے کا انتظار کیا جائے ،قانون کو ہاتھ میں لیا جائے اورنہ ہی اداروں پر کسی قسم کا سیاسی، مذہبی یا عوامی دباو ڈالنا چاہیے۔کنونشن کے شرکا نے ہندوستان پر واضح کیا کہ پاکستان بھوٹان یا نیپال نہیں، مضبوط ایٹمی قوت اور ایک پروفیشنل فوج رکھنے والا غیر ت مند ملک ہے۔مودی اپنے احمقانہ جذبات پر قابورکھیں ، جنگی جنون پیدا کرنے کی بجائے ، سارک ( SAARC )پلیٹ فارم کو موثر بنایا جائے ۔یہ بھی کہا گیا کہ بھارتی جنگی جنون عالمی امن کے لئے شدید خطرہ بن سکتا ہے۔ عالمی برادری مقبوضہ کشمیر میں بھارتی مظالم بندکروائے اور کشمیریوں کو اقوام متحدہ کی قراردادوں کے مطابق ان کا حق خود ارادیت دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) کمشنر گوجرانوالہ ڈویژن کیپٹن (ر) محمد آصف نے ہدایت کی ہے کہ قائد اعظم ڈویژنل پبلک سکول گوجرانوالہ کی انتظامیہ لالہ موسیٰ کیمپس سمیت تمام کیمپسزمیں کوالٹی ایجوکیشن ، نصابی و ہم نصابی سرگرمیوں کی نگرانی کرے جبکہ ان کے انتظامی امور متعلقہ اضلاع کے حوالے کر دیے جائیں۔ ان خیالات کا اظہار انہوںنے قائد اعظم ڈویژنل پبلک سکول لالہ موسیٰ کے دورہ کے موقع پر اجلاس سے خطاب کرتے ہوئے کیا، ڈی سی او لیاقت علی چٹھہ ، اسسٹنٹ کمشنر کھاریاں ذوالفقار علی باگڑی، پرنسپل قائد اعظم ڈویژنل پبلک سکول گوجرانوالہ ساجد جمال، ایڈمنسٹریٹر رانا یعقوب ، پرنسپل جناح پبلک سکول ترنم ریاض، پرنسپل لالہ موسیٰ کیمپس مصبا ح امتیاز، کنٹریکٹر و دیگر بھی موجود تھے۔ کمشنر گوجرانوالہ نے قائداعظم ڈویژنل پبلک سکول لالہ موسیٰ کیمپس مین بلاک کے تعمیراتی کام کا معائنہ کیا اور مختلف کلاسوں میں طلبہ و طالبات کی تدریسی سرگرمیوں کا بھی جائزہ لیا۔ ڈی سی او لیاقت علی چٹھہ نے کمشنر گوجرانوالہ ڈویژن کو بریفنگ دیتے ہوئے بتایا کہ قائد اعظم ڈویژنل پبلک سکول لالہ موسیٰ کیمپس میں کلاسز کا آغاز رواں سال مارچ میں کیا جاچکا ہے اوراسوقت ادارے میں نرسری سے پنجم تک تیرہ مختلف سیکشن میں 281طلبہ و طالبات زیر تعلیم ہیں جنکی تدریس کیلئے اعلی تعلیم یافتہ اساتذہ کرام کا تقرر کیا گیا ہے، سکول میں تدریسی سرگرمیوں کے آغاز کیلئے پرانی عمارت کی تزئین وآرائش کی گئی ہے ۔ڈی سی او لیاقت علی چٹھہ نے بتایا کہ 9کروڑ روپے لاگت سے قائد اعظم ڈویژنل پبلک سکول مرکزی بلڈنگ کی تعمیر شروع کر دی گئی ہے ، عمارت میں ایک بلاک طلبہ ، ایک طالبات کیلئے جبکہ تیسرا بلاک انتظامی ہوگا۔ انہوںنے بتایا کہ عمارت کیلئے 105پلرز کی تعمیر تیزی سے جاری ہے اور چودہ اگست 2017تک تعمیراتی کام مکمل کرنے کا ہدف مقرر کیا گیا ہے۔ کمشنر گوجرانوالہ ڈویژن کیپٹن (ر) محمد آصف نے قائد اعظم ڈویژنل پبلک سکول میں تعلیمی سرگرمیوں کو سراہا اور انہیں مزید بہتر بنانے کی ہدایت کی ۔ انہوںنے پرنسپل قائد اعظم ڈویژنل پبلک سکول گوجرانوالہ کو ہدایت کی کہ اضلاع میں تعمیر ہونیوالے کیمپسز کو ورکنگ کی حالت میں لانے کے بعد انتظامی امور متعلقہ اضلاع اور سکولز کی انتظامیہ کے حوالے کر دیے جائیں تاہم ان تمام کیمپسز کے لئے نصاب، ٹیچرز کی ٹرنینگ، بھرتیوں ، ایجوکیشن پلان کی تیاری، ہم نصابی سرگرمیوں کی نگرانی کا عمل جاری رکھا جائے اور یقینی بنایا جائے کہ تما م کیمپسز میں معیار تعلیم یکساں اور معیاری ہو۔ انہوںنے کہا کہ قائد اعظم ڈویژنل پبلک سکول کیمپسز کے قیام کا مقصد ریونیو کا حصول نہیں اور ہدایت کی کہ والدین کی سہولت کیلئے تمام کیمپسز میں فیس بڑے پرائیویٹ اداروں کی نسبت کم از کم پچاس فیصد کم رکھی جائے۔کمشنر نے ہدایت کی کہ قائد اعظم ڈویژنل پبلک سکول لالہ موسیٰ کمپس کی مقررہ مدت میں تکمیل یقینی بنانے کیلئے تعمیراتی پلان پر عمل درآمد اور اعلی کوالٹی میٹریل کا استعمال یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) کمشنر گوجرانوالہ ڈ ویژن کیپٹن (ر) محمد آصف نے ڈی سی او لیاقت علی چٹھہ کے ہمراہ عزیز بھٹی شہید ہسپتال، کلیفٹ ہسپتال کا دورہ ،اور زیب میٹرو بس سروس کے منصوبے کا بھی معائنہ کیا، ای ڈی او ہیلتھ ڈاکٹر الطاف چوہدری، ڈی ایچ او ڈاکٹر محمد علی مفتی، ایم ایس ڈاکٹر شیر علی نیازی، سیکرٹری آر ٹی اے کامران اکبر،انچارج کلیفٹ ہسپتال ڈاکٹر اعجاز بشیر، ذیشان ذیب بٹ بھی انکے ہمراہ تھے۔ عزیز بھٹی شہید ہسپتال کے دورہ کے موقع پر کمشنر گوجرانوالہ نے ایمرجنسی وارڈ کا معائنہ کیا اور مریضوں کو فراہم کی جانیوالی سہولیات کا جائزہ لیا۔ کمشنر گوجرانوالہ نے ہدایت کی کہ ایمرجنسی وارڈ سمیت تمام شعبہ جات میں مریضوں کو علاج معالجہ کی بہترین سہولیات اور مفت ادویات کی فراہمی یقینی بنائی جائے،نیز ہسپتال انتظامیہ صفائی کا نظام بہتر بنانے پر توجہ رکھے۔کمشنر گوجرانولہ نے ہدایت کی کہ ایمرجنسی میں آنیوالوں کی سہولت کیلئے مناسب مقامات پر سائن بورڈ لگائے جائیں اسی طرح ڈاکٹرز کے کمروں کے باہر بھی بورڈز لگائے جائیں۔ ڈی سی او لیاقت علی چٹھہ اور ایم ایس ڈاکٹر شیر علی نیازی کی نشاندرہی پر کمشنر گوجرانوالہ نے کہا کہ ہسپتال کیلئے ادویات کے بجٹ میں اضافہ اور شعبہ ایمرجنسی کیلئے پوسٹوں کی منظوری کیلئے وہ خود حکومت پنجاب سے رابطہ کریں گے۔ زیب میٹرو سروس کے معائنہ کے موقع پر کمشنر گوجرانوالہ ڈویژن کو بتایا گیا کہ ابتدائی طور پر ائیر پورٹ چوک سے کٹھالہ نزد پی ایس او پمپ تک 10گاڑیاں چلائی جائیں گی ، 22کلو میٹر طویل روٹ پر 14سٹاپ ہونگے جبکہ فکس کرایہ 20روپے ہوگا۔ کمشنر گوجرانوالہ کیپٹن (ر) محمد آصف نے منصوبے کو سراہا اور کہا کہ اس سروس کے آغاز سے مختلف شعبہ جات سے وابستہ افراد کو بھرپور سہولیات میسر ہوں گے۔ کمشنر گوجرانوالہ نے کلیفٹ ہسپتال کے مختلف شعبہ جات کا معائنہ کیا اور مریض بچوں ، ڈاکٹر ز سے ملاقات کی۔ اس موقع پر ڈاکٹر اعجاز بشیر نے کمشنر کو بتایا کہ ہسپتال میں کٹے تالو اور ہونٹ کے بلامعاوضہ آپریشن کئے جاتے ہیں اس مقصد کیلئے ماہر ڈاکٹرز خدمات سرانجام دے رہے ہیں۔ انہوںنے بتایا کہ کٹے تالو اور ہونٹ کے علاج کے ساتھ مریضوں کو سپیچ تھراپی سمیت مختلف خدمات فراہم کی جاتی ہیں۔ کمشنر گوجنرانوالہ نے ڈاکٹر اعجاز بشراور انکی ٹیم کی خدمات کو زبردست خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) کمشنر گوجرانوالہ ڈویژن کیپٹن (ر) محمد آصف نے ڈی سی او لیاقت علی چٹھہ کے ہمراہ شہباز شریف پارک سے ملحقہ شوٹنگ کلب کے لئے مجوزہ اراضی کا معائنہ کیا ، اے ڈی سی عرفا ن علی کاٹھیا، ٹی ایم او خرم محمود ، عظمت فرید، عدنان خان و دیگر بھی موجود تھے۔ ڈی سی او لیاقت علی چٹھہ ، اے ڈی سی عرفان علی کاٹھیا نے بریفنگ دیتے ہوئے کمشنر کو بتایا کہ شوٹنگ کلب کا انتظام جمخانہ گجرات چلائے گا جس کے تمام ممبران شوٹنگ کلب کے بھی ممبر ہوں گے جبکہ دیگر افراد کو بھی ممبر شپ دی جائے گی۔ انہوںنے کہا کہ شوٹنگ کلب گجرات کے ساتھ وزیر آباد، سیالکوٹ، منڈی بہاوالدین کے اس کھیل سے وابستگی رکھنے والے افراد کیلئے بھی بہترین سہولت ہوگی ۔ انہوںنے بتایا کہ کلب میں شوٹنگ کے دو نیٹ لگانے کے ساتھ ممبران کے آرام کیلئے کمرہ اور واک کیلئے ٹریک بھی بنایا جائے گا۔ کمشنر گوجرانوالہ نے پراجیکٹ کو سراہا اور امید کا اظہار کیا کہ شوٹنگ کلب کے قیام سے اس کھیل کو بھرپور فروغ ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے خبردار کیا ہے کہ مویشی منڈی ساروکی میں کسی بھی فرد کو ناجائز وصولیوں اور اوورچارجنگ کی اجازت نہیں دی جائے گی، اسسٹنٹ کمشنر اور ٹی ایم او خود منڈی میں موجود رہیں گے اور کسی بھی شکایت کی صورت میں قانون ہاتھ میں لینے والوں کے ساتھ سختی سے نمٹا جائے گا۔ ان خیالات کا اظہار انہوںنے مویشی منڈی کے بیوپاریوں کے وفد سے بات چیت کرتے ہوئے کیا، اے سی گجرات نورالعین بھی اس موقع موجود تھیں۔ ڈی سی او لیاقت علی چٹھہ نے بیوپاریوں کی طرف سے اوورچارجنگ اور بعض افراد کی طرف سے ناجائزوصولیوں کی شکایات کا سخت نوٹس لیا اور واضع کیا کہ حکومت پنجاب نے کسانوں اور بیوپاریوں کی سہولت کیلئے منڈیوں کے ٹھیکہ جات اور ہر طرح کی فیسوں کا خاتمہ کر دیا ہے اور ان منڈیوں کے انتظامات بہتر طریقے سے چلانے کیلئے کیٹل مارکیٹ کمپنی قائم کر دی ہے ۔ انہوںنے کہا کہ مویشی منڈی ساروکی کو ماڈل بنانے کیلئے منصوبہ بندی کی جارہی ہے اور جلد اس منصوبہ پر کام کا آغاز ہوگا ۔ انہوں نے اے سی گجرات اور ٹی ایم او کو ہدایت کی کہ منڈی کے روز موقع پر موجود رہیں اور کسی بھی ناجائز وصولی، پارکنگ فیس کی اوور چارجنگ یا کسی ڈنڈہ بردار کی موجودگی کی اطلاع پر فوری ایکشن لیتے ہوئے ذمہ داروں کو کیفر کردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) گجرات ہومیوپیتھک ایسوسی ایشن اورEDO ہیلتھ ڈیپارٹمنٹ ملکرکام کریں گے ان خیالات کا اظہار ای ڈی ہیلتھ ڈاکٹر الطاف حسین نے گجرات ہومیوپیتھک کمیونٹی کے ایک وفد سے ملاقات میں کیا ۔ وفد میں پاکستان ہومیوپیتھک ڈاکٹرز کمیونٹی کے صدر ہومیوپیتھک ڈاکٹر انجم نوردین، طاہر ہومیوپیتھک میڈیکل کالج کے چیرمین ہومیوپیتھک ڈاکٹر سید طاہر عباس، پنجاب ہیلتھ کیئر کمیشن کی ہومیوپیتھک کور گروپ کمیٹی کے رُکن ہومیوپیتھک ڈاکٹر لیاقت علی مہر اور گریجوایٹ ہومیوپیتھک ڈاکٹرز ایسوسی ایشن کے کوارڈینٹر ڈاکٹر ماس شامل تھے۔ اس موقع پر ہومیوپیتھک کمیونٹی کے صدر ڈاکٹر انجم نوردین نے ڈاکٹر الطاف حسین کی بطور ای ڈی او ہیلتھ خدمات کو سراہا اور کہا کہ ضلع گجرات کے چار ہزار سے زائد ہومیوپیتھک ڈاکٹرز آپ کی فورس ہیں اور آپ کے دست بازو ہیں جو حکومت پنجاب کی ہیلتھ پالیسیز کو ضلع گجرات میں نافذ کرنے اور عوام میں آگاہی کیلئے اپنی خدمات رضاکارانہ پیش کرتے ہیں ۔ ڈاکٹر سید طاہر عباس نے کہا کہ ہم پہلے بھی ای ڈی او ہیلتھ گجرات اور سرکاری شعبہ صحت کے ساتھ ملکر وزیر اعلیٰ پنجاب کی ہدایت کی روشنی میں ڈینگی آگاہی واک گجرات میں کروا چکے ہیں اور آئندہ بھی اگر ای ڈی او ہیلتھ ڈیپارٹمنٹ کو عوامی سطح پر حکومتی صحت عامہ کی پالیسزپر عمل درآمد کیلئے کسی بھی سطح پر تعاون کی ضرورت ہوگی تووہ ہومیوپیتھک کمیونٹی گجرات مہیا کرے گی۔ اس سلسلے میں خسرہ، ٹی بی ، ڈینگی یا کوئی وبائی مرض پر طاہر ہومیوپیتھک میڈیکل کالج ای ڈی او ہیلتھ ڈاکٹر الطاف حسین کی مشاورت سے مفت لٹریچر چھاپ کر تقسیم کرگے گا۔ ڈاکٹر لیاقت علی مہر نے کہا کہ ہم پہلے بھی ضلع گجرات میں ہیلتھ کیئر کمیشن پنجاب کا منظور کردہ ہومیوپیتھک کلینکل سٹینڈرڈ MSDS اپنی سطع پر عمل درآمد کروا رہے ہیں تاکہ ضلع گجرات سے عطائیت کاخاتمہ کیا جاسکے۔ انہوں نے کہا کہ ہمیں فخر ہے ہم ڈاکٹر الطاف حسین کے شاگرد ہیں اور انکی رہنمائی ہمارے لئے مشل راہ ہے۔ انہوں نے اس موقع پر عوام میں زاتی جسمانی صفائی، علاقے سے بیماریوںکے خاتمے اور صحت مند رہنے کے اصولوں پر مبنی اپنا تحریر کردہ بروشر پیش کیا اور کہا کہ ای ڈی او ہیلتھ جو بھی اس میں اضافہ یا تحریف کرنا چاہیں وہ اسکی منظوری دیں ہم اس بروشر کرو ضلع گجرات کے سکولوں کے طالب علموں میں نہ صرف خود چھاپ کر مفت تقسیم کریں گے بلکہ خود جاکر ویڈیولیکچر کے ذرئیے بیماریوں سے بچائو کی حفاظتی تدابیر بھی بتائیں گے۔ ڈاکٹر ماس نے اس اہم میٹنگ میں ای ڈی او ہیلتھ ڈاکٹر الطاف حسین کو بتایا کہ وہ یونیورسٹی آف گجرات کی ہومیوپیتھک ڈگری کورس BHMS کی فزیبلیٹی کمیٹی کے رُکن بھی ہیں ہم چاہتے ہیں کہ گجرات یونیورسٹی میں ہومیوڈگری کورس کو جلد شروع کیا جائے تاکہ ہومیوپیتھی کے تعلیمی نظام کو مزید بہتر کرکے ایسے مستند اور قابل ہومیوپیتھک ڈاکٹرز پیدا کیئے جائیں جو اپنی توجہ اور بہتر کاردیگی سے عوام کی خدمت اور مریضوں کا علاج کرکے حکومت پنجاب اور ضلعی انتظامیہ صحت کی معاونت کرسکیں۔ انہوں نے بتایا کہ گجرات شہر کے ایم پی اے حاجی عمران ظفر اور لالہ موسیٰ ڈنگہ کے ایم این اے چوہدری جعفر اقبال کی کوششوں سے یہ کیس فائنل منظوری کیلئے یونیورسٹی کی سینڈیکٹ کمیٹی میں پہنچ چکا ہے۔ میٹنگ کے اختتام پر ای ڈی او ہیلتھ گجرات ڈاکٹر الطاف حسین نے کہا کہ کوئی بھی طریقہ علاج غلط نہیں ہوتا سب طریقہ علاج انسانیت کی خدمت اور فلاح وبہبود کیلئے ہیں۔ ضرروت اس امر کی ہے کہ طریقہ علاج مستند ہو اور حکومت سے منظور شدہ ہو۔ ہومیوپیتھک طریقہ علاج اچھا طریقہ علاج ہے اور وہ خود کبھی کبھار ہومیوپیتھک ادویات بھی استعمال کرتے ہیں۔ ہومیوپیتھک ڈاکٹرز صرف ہومیوپیتھک ادویات کی پریکٹس کریں، اپنے کلینکس کو حکومت کے منظورشدہ سٹینڈرڈ کے مطابق ہی چلائیں۔ غیرقانونی، غیر رجسٹرڈ اور سمگلڈشدہ ادویات یا زائدالمعیاد Expired میڈیسن سٹور پر نہ رکھیں۔ انہوں نے کہا کہ پنجاب حکومت نے عطائیت کے خاتمہ کیلئے سخت پالیسی بنائی ہے۔ عطائیت کے خاتمے کیلئے اپنے علاقے پر نظررکھیں جو بھی غیر قانونی پریکٹس میں ملوث ہو اسکی نشاندی کی جائے تاکہ قانونی اور رجسٹرڈ طبیب ، حکیم اور ہومیوڈاکٹرز کو قانونی تحفظ فراہم کیا جاسکے اور یہ افراد دوسرے عطائیوں کی وجہ سے بدنام نہ ہوں۔ انہوں نے گجرات ہومیوپیتھک کمیونٹی کی قومی سطع پر ہومیوپیتھک طریقہ علاج کی ترقی و ترویج کیلئے مہیا کردہ خدمات کو از حدسراہا اور کہا کہ ای ڈی او ہیلتھ ڈیپارٹمنٹ ہومیوپیتھک کمیونٹی کے ساتھ تعاون کے ساتھ عوام الناس میںپائی جانے والی بیماریوں کے خاتمہ اور ان سے بچائو کیلئے کام بھی کرے گا۔ انہوں نے کہا کہ وہ اپنی سطح پر گجرات یونیورسٹی میں ہومیوپیتھک ڈگری کورس کے جلد اجراء کیلئے بات بھی کریں گے کیونکہ علم حاصل کرنا ہر شخص کا بنیادی حق ہے اور ہر شخص کوپڑھائی کے یکساں مواقع مہیا ہونے چاہیں۔ انہوں گجرات ہومیوپیتھک ایسوسی ایشن کا شکریہ ادا کیا اور آئندہ بھی ملکر مختلف پروجیکٹس پر ملکر کام کرنے کی یقین دہانی کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) یونین کونسل بھگوال کی تعمیر و ترقی اوّلین ترجیح ہے عوام نے ووٹ دے کر جو ذمہ داری سونپی تھی اس کو نبھانے کے لئے سرگرم عمل ہیں اپنی وارڈ لمے شریف اور پنڈی ہاشم کو عوام کی حدمت کے لئے ہر وقت حاضر ہوں ان خیالات کا اظہار کونسلر حافظ ساجد حسین ملک لمے شریف نے کیا۔ انہوں نے کہا کہ پہلے بھی M.N.A چوہدری عابد رضا اورMPA چوہدری شبیر احمد کوٹلہ کی گرانٹ سے ترقیاتی کام کروائے اور انشاء اللہ آئندہ بھی کوٹلہ برادران کی گرانٹ سے ہی باقی ماندہ کام مکمل کروائیں گے انہوں نے مزید کہا کہ ہم عملی سیاست پر یقین رکھتے ہیں اور یہی منشور ہماری جماعت مسلم لیگ(ن) کابھی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) 2نومبر کو چوہدری ناصر احمد چھپر کی قیادت میں بڑے قافلے کے ہمراہ اسلام آباد پہنچیں گے اور اپنی سابقہ تاریخ کو بھی دہرائیں گے نوجوان ہر قسم کے حالات سے نمٹنے کے لئے تیار ہیںبھر پور مقابلہ کیا جائے گا ان خیالات کا اظہار سابق جنرل سیکرٹری PTI کھاریاں چوہدری نصیر احمد گوندل نے کیا۔ انہوں نے کہا کہ ڈیرہ چوہدری ناصر احمد چھپر سے بڑے قافلے کے ہمراہ اسلام آباد پہنچیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) M.Dلیڈز گروپ آف کالجز کھاریاں کیمپس عمران اکبر پنجوڑیاں کے سسر مولانا غلام رسول شوق خطیب مسجد خلافت راشدہ کوٹلہ کی وفات پر دوست احباب کا اظہارِ تعزیت۔ مرحوم کی مغفرت اور پسماندگان کے لئے صبر جمیل کی دعا بھی کی گئی۔ مشترکہ طور پر کہا گیا کہ غم کی اس گھڑی میں ہم سب دوست احباب عمران اکبر اور دیگر سوگواران کے ساتھ برابر کے شریک ہیں تعزیت کرنے والوں میں سینئر ٹیچر سید ظہیر عباس نقوی لمے شریف، صحافی نواز مغل، سینئر ٹیچر صہیب مرزا، سینئر ٹیچر راجہ طاہر اقبال (صحافی) کھاریاں اور دیگر شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) 2نومبر کو نوجوان اپنے لیڈر چوہدری مختار احمد ڈھل کی قیادت میں پوری تیاری کے ساتھ اسلام آباد پہنچیں گے ان خیالات کا اظہار وائس پریذیڈنٹ کینٹ بورڈ کھاریاں راہنما PTI مسعود احمد چوہان نے کیا۔ انہوں نے کہا کہ لاہور کی طرح2نومبر کو بھی اسلام آباد میں نئی تاریخ رقم کریں گے نوجوان حسب سابق ہراوّل دستے کا کردار نبھائیں گے اور مکمل تیاری کے ساتھ تمام رکاوٹیں عبور کرتے ہوئے اسلام آباد پہنچیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) میونسپل کمیٹی کھاریاں وارڈ نمبر3سے PTIکے ضمنی الیکشن میں کامیاب کونسلر چوہدری سلطان احمد چھپر نے گذشتہ روز حلف اٹھا لیا۔ ریٹرننگ آفیسر ڈاکٹر عابد غوری نے تحصیل ہیڈکوارٹر ہسپتال کھاریاں میں ان سے حلف لیا اس موقع پر PTI کے منتخب کونسلرز، مقامی راہنمائوں اور کارکنان کی کثیر تعداد بھی موجود تھی اس موقع پر چوہدری سلطان احمد چھپر نے کہا کہ انشاء اللہ تعالیٰ حلف کی پاسداری کروں گا اور عوامی خدمت میں کوئی کسر باقی نہ چھوڑوں گا۔ خصوصی نشستوں کے انتخابات میں بھی PTI کامیاب ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کوٹلہ برادران MNA چوہدری عابد رضا کوٹلہ اور MPA چوہدری شبیر احمد کوٹلہ قیادت میں چیئرمین یوسی ڈوگہ ملک محمد اشفاق اعوان اور وائس چیئرمین راجہ فضل الرحمن بھرپور محنت اور پوری ایمانداری کے ساتھ اپنی خدمات سرانجام دے رہے ہیں اور تعمیر و ترقی کا کام بھی کروا رہے ہیں یوسی ڈوگہ کی مثالی تعمیروترقی کے لئے ہم کوٹلہ برادران کے بے حد مشکور ہیں اور خدمت کی تاریخ رقم کرنے پر چیئرمین اور وائس چیئرمین کو خراج تحسین پیش کرتے ہیں ان خیالات کا اظہار نوجوان سیاسی سماجی شخصیت میاں طاہر الرحمن رڑیالہ نے کیا۔ انہوں نے کہا کہ ہم مخصوص نشستوں کے انتخابات میں یونین کونسل ڈوگہ سے مسلم لیگ(ن) کے تمام امیدواروں کو بلامقابلہ کامیاب ہونے پر مبارکباد پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) فخر جہلم محمد سلیمان قادری نوشاہی کا ”کوہِ نور”ٹی وی چینل پر ”گوشۂ نعت” میں میزبان ابوبکر سلطانی کے ساتھ پروگرام۔ تفصیل کے مطابق فخر جہلم ،ثناء خوانِ مصطفی، شاگرد خاص عالمی شہرت یافتہ نعت خواں خورشید احمد(مرحوم) کراچی محمد سلیمان قادری نوشاہی کا ”کوہِ نور” ٹی وی چینل کے مشہور و معروف پروگرام ”شب نور” کے گوشۂ نعت میں میزبان ابوبکر سلطانی کے ساتھ آج سوموار رات12بجے تا1بجے تک پروگرام نشر ہو رہا ہے۔ ضلع جہلم اور گجرات کے صوفیائے عظام کے علاوہ مختلف شعبہ ہائے زندگی سے تعلق رکھنے والی شخصیات نے خوشی کا اظہار کرتے ہوئے محمدسلیمان قادری کو مبارکباد کے فون بھی کئے۔ معززین شہریوں اور صحافی برادری نے مشترکہ بیان کہا کہ محمد سلیمان قادری نے شعبۂ صحافت کے ساتھ ساتھ نعت خوانی میں جو مقام حاصل کیا ہے اس کی مثال نہیں ملتی۔ یاد رہے کہ محمد سلیمان قادری کا ایک ماہ میں اپنا چینل ٹی وی پر میزبان فلم سٹار بابر علی کے ساتھ اور ON TV پر مرحبا پروگرام میں میزبان اکمل منشاء کے ساتھ کیا اس کے علاوہ پنجاب ٹی وی چینل، دن نیوز، لبیک چینل، رائل ٹی وی چینل، اپنا نیوز ٹی وی چینل کے علاوہ FM95 اورFM97 پربھی کامیاب پروگرام کر چکے ہیں عوام نے محمد سلیمان قادری نوشاہی کے نعت خوانی میں منفرد انداز کو بے حد پسند کیا ہے کیونکہ ان بین القوامی شہرت یافتہ نعت خوان الحاج خورشید احمد کی نمایاں جھلک نظر آتی ہے ان کی شہرت کی کے چرچے ملک بھر میں عام ہو چکے ہیں اور بے شمار محافل نعت کے مقابلوں میں انعامات حاصل کر چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) راہنما پی ٹی آئی حلقہ پی پی 115چوہدری ناصر احمد چھپر ایڈووکیٹ غر ملکی دورہ کے بعد گذشتہ روز وطن واپس پہنچ گئے ایئر پورٹ پر پرتپاک استقبال کیا گیا اس دورہ کے دوران وہ یورپ اور دیگر ممالک میں گئے۔ تقریبات میں شرکت کی جرمن میں منعقدہ کشمیر کے حوالہ سے تقریب میں مرکزی راہنما پی ٹی آئی چوہدری سرور کے ہمراہ مہمانِ خصوصی کے طور پر شریک ہوئے کامیاب دورہ پر کارکنوں اور مقامی پارٹی راہنمائوں نے مبارکباددی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سپریئر کالج کھاریاں میں طلباء و طالبات کے مابین مقابلہ حسن نعت کا اہتمام کیا گیا۔ الگ الگ محافل میں مقابلہ جات کروائے گئے۔ طالبات کے مقابلہ میں مہمانِ خصوصی مسز عدنان خان تھیں جبکہ مہمانانِ اعزاز کے طور پرAC کھاریاں ذوالفقار علی باگڑی، پروفیسر سید باقر شاہ، سینئر صحافی سید تنویر نقوی، ڈاکٹر طارق سلیم ضلعی امیر جماعت اسلامی، مفتی عزیز اللہ اور دیگر نے شرکت کی جبکہ طلباء کی محفل کے مہمانِ خصوصی عدنان خان ڈائریکٹر ادارہ ہذا تھے جبکہ مہمانان اعزاز کے طور پر انسپکٹر شمریز،SHO تھانہ صدر کھاریاں شہباز ہنجرا، ڈاکٹر راجہ شہزاد (صحافی)، ڈاکٹر نعیم اور دیگر نے شرکت کی۔ مہمانوں کو پرنسپل محمد علی نے ویلکم کیا۔ نمایاں پوزیشنیں حاصل کرنے والے طلبائ، طالبات میں ٹرافیاں، میڈلز اور دیگر انعامات بھی تقسیم کئے گئے۔ جبکہ مقابلہ حسن نعت کے آرگنائزرز، اساتذہ اور طلبائ، طالبات کی بھی حوصلہ افزائی کی گئی اس موقع پر پرنسپل محمد علی ملک نے اپنے خطاب میں شرکاء اور معزز مہمانوں کا شکریہ ادا کرتے ہوئے کہا کہ سپریئر کالج کھاریاں میں نصابی، ہم نصابی اور غیر نصابی سرگرمیوں کا باقاعدہ اہتمام کیا جاتا ہے تاکہ طلباء طالبات اپنی صلاحیتوں کو نکھار سکیں اور عملی زندگی کو کامیابی سے گزارنے کا تجربہ بھی حاصل کر سکیں انہوں نے کہا کہ ہم اپنے ڈائریکٹر عدنان خان کی قیادت میں یہ سفر ہمیشہ جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) اپنی مددآپ کے تحت پاکستانی عوام کی امداد کرنے والی ایک جرمن تنظیم (اپنی مدد آپ) کے ممبران مکمل ٹیم کے ہمراہ آج کل کھاریاں کے نواحی علاقہ پنڈی ہاشم کے دورہ پر ہے اور وہ آج سے فری ایئر کیمپ کا آغاز کریں گے جوکہ 3نومبر تک ہاشم ویلفیئر ہسپتال پنڈی ہاشم میں لگایا جائے گا اس کیمپ میں ماہر ڈاکٹر مائیکل مریضوں کا معائنہ کریں گے جبکہ ان کے ساتھ ٹیکنیشنمسز ہائنکا، آڈیالوجسٹ مسٹر مائیکل اور بہرے بچوں کے جرمن ٹیچر مسٹر ہنس بھی خدمات سرانجام دیں گے یاد رہے کہ اسی ٹیم نے گذشتہ سال موضع ڈوگہ میں کیمپ لگایا تھا اس کیمپ میں یہ ٹیم سابقہ کیمپ کے باقی ماندہ مریضوں کو یہاں مدعو کر کے انہیں آلہ سماعت دے گی اس سلسلہ میں تنظیم کے چیئرمین کرنل (ر) جاسم گربر نے صحافی سید تنویر نقوی اور صحافی ڈاکٹر ذکاء اللہ صدیق سے گفتگو کرتے ہوئے بتایا کہ گذشتہ کیمپ ڈوگہ میں752 مریضوں کا معائنہ کیا گیا۔ 450 مریضوں کی سکریننگ کی گئی۔ 43 مریضوں کو کانوں کی مشینری فراہم کی گئی جبکہ72مریضوں کو آلہ سماعت فراہم کیا گیا اس کیمپ میں باقی رہ جانے والے مریضوں کو اب ہاشم ویلفیئر ہسپتال میں آلہ سماعت فراہم کیا جائے گا اس کے ساتھ ساتھ ہاشم ویلفیئر ہسپتال کو 2عدد ایئر چیکنگ کرسیاں بھی عطیہ کی جائیں گی تنظیم کی جانب سے ہسپتال متذکرہ میں ENT کے شعبہ کو قائم کرنے اور چلانے میں بھی معاونت فراہم کی جائے گی۔ کرنل (ر) جاسم گربر نے مزید کہا کہ پاکستان میں رفاعی کاموں کے لئے جرمن حکومت اور ہم سب اپنی مدد آپ کے تحت فنڈز اکٹھے کر کے خدمات سرانجام دے رہے ہیں یہ سلسلہ 2006ء سے جاری ہے یاد رہے کہ یہ تنظیم ہاشم ویلفیئر ہسپتال کے سٹاف کے دو ممبران کو ایئر چیکنگ کی ٹریننگ بھی دے گی۔ اس موقع پر صدر ہاشم ویلفیئر ایسوسی ایشن ڈاکٹر ادریس اعوان، فنانس سیکرٹری عامر نواز ملک اور انجینئر عمیر ذکاء بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) صدر ہاشم ویلفیئر ایسوسی ایشن (رجسٹرڈ) پنڈی ہاشم ڈاکٹر ادریس اعوان نجی دورہ پر گذشتہ روز انگلینڈ سے پاکستان پہنچ گئے اس دورہ کے دوران وہ جہاں نجی کام سرانجام دیں گے وہاں پر ایسوسی ایشن کے مقامی عہدیداران سے میٹنگ اور سالانہ جنرل اجلاس سے خطاب بھی کریں گے اور اس اجلاس میں وہ آئندہ کے منصوبوں بارے اور سابقہ کارکردگی رپورٹ بھی پیش کریں گے اس کے ساتھ ساتھ جرمن تنظیم کی جانب سے لگائے گئے فری ایئر کیمپ کی نگرانی بھی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سرائے عالمگیر کے صحافی مرزا وسیم کی اہلیہ کو کھاریاں کی صحافی برادری کی جانب سے بلا مقابلہ اپنی یوسی میں لیڈیز ممبر منتخب ہونے پر مبارکباد اور نیک تمنائوں کا اظہار۔ مبارکباد دینے والوں میں سید تنویر نقوی، حکیم غلام شبر، شہباز احمد، راجہ آفتاب حسین، قیصر اسماعیل، اعجاز مرزا، عبدالعزیز گوندل، جبار ساگر، ایم عمر، الیاس بٹ، قربان گجر، عرفان عباس جنجوعہ، شہزاد احمد، مغفور الحسنین، زمان احسن، بلال بٹ اور دیگر شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) پی ٹی آئی کی اعلیٰ قیادت کا چیئرمین یوسی106 بدر مرجان ملک وحید سرور پر عدم اعتماد، مخصوص نشستوں پر امیدواروں کے ٹکٹ وائس چیئرمین اجمل حسین پیارا کے حوالے کر دیئے۔ وائس چیئرمین پر اعتماد کے اظہار کا عملی مظاہرہ کیا گیا۔ ٹکٹ صدر پی ٹی آئی سنٹرل پنجاب عبدالعلیم خان کے دستخطوں سے جاری ہوئے جبکہ آرگنائزر حلقہ این اے107 محمد الیاس چوہدری نے چوہدری اجمل حسین پیارا کے حوالے کئے۔ مخصوص نشستوں پر چوہدری اجمل حسین پیارا کا حمایت یافتہ یوتھ ممبر پہلے ہی بلامقابلہ کامیاب ہو چکا ہے جبکہ چیئرمین ملک وحید سرور کے حمایت یافتہ یوتھ ممبر کے امیدوار نے کاغذات واپس لے لئے تھے یہ بھی وائس چیئرمین چوہدری اجمل حسین پیارا کی اخلاقی اور سیاسی جیت ہے جبکہ پی ٹی آئی بدرمرجان کی مقامی قیادت اور راہنمائوں کی مکمل حمایت بھی اجمل حسین پیارا کو حاصل ہے۔ یاد رہے کہ چیئرمین ملک وحید سرور پارٹی سے الگ تھلگ ہو کر مسلم لیگ(ن) کے ساتھ ملے تھے اور انہوں نے مسلم لیگ(ن) لیڈی ممبر کی امیدوار کی درخواست کو بحیثیت چیئرمین تصدیق بھی کیا تھا اس فارم کی کاپیاں پی ٹی آئی کی قیادت اور میڈیا کے نمائندوں کو بھی مل چکی ہیں۔ مخصوص نشستوں کے ٹکٹ پارٹی کی اعلیٰ قیادت نے علاقائی صورتحال کو مدنظر رکھتے ہوئے وائس چیئرمین چوہدری اجمل حسین پیارا پر اعتماد کرتے ہوئے ان کے حوالے کئے ہیں چوہدری اجمل حسین پیارا کا کہنا ہے کہ پہلے بھی پارٹی قیادت کے اعتماد پر پورا اتر چکے ہیں آئندہ بھی انشاء اللہ کامیابی حاصل کر کے قیادت کے اعتماد پر پورا اتروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)اسلا م کی سربلندی اورحق کے پرچم کوبلندکرنے کے لئے شہزادہ جنت حضرت امام حسین نے اپنی اوراپنے پیاروںکی جانیںقربان کرکے ہمیںسبق دیاکہ باطل اورجابر حکمرانوںکے سامنے کلمہ حق بلندکرنے سے نہ رکوچاہے اس کے لئے تمہاری جان ہی کیوںنہ چلی جائے۔خانوادہ رسولۖ کے شہزادے نے اپنے جان سجدے کی حالت میںاپنے خالق حقیقی کے سپردکرکے بھی مسلمانوںکے لئے راہ متعین کردی کہ نمازکسی صورت بھی مسلمان نہیںچھوڑسکتا۔آپ نے نمازکی اہمیت کومیدان کربلا میںاجاگرکیا۔ان خیالات کا اظہارپیرمحمدعارف ہزاروی نے مسجد گلزارمدینہ ونجووالی وزیرآبادمیںمحفل ذکر حسین سے خطاب کرتے ہوئے کیا۔اس موقع پرعلامہ منشاء قادری،علا مہ شبیرعثمانی،علا مہ علی رضا اورحافظ محمدساجد نے بھی خطاب کیا۔ انہوںنے کہا کہ اہل بیت ہمارے ایمان کاحصہ ہیں،اہل بیت کی محبت ہمیںآپس میںر واداری،براداشت اورصبروتحمل کادرس دیتی ہے۔جوکہ وقت کی اہم ضرورت ہے کہ تمام آل اسلا م حضرت امام حسین کی سیرت پرعمل کرتے ہوئے وطن عزیزکی حفاظت کے لئے بھی ہرقربانی دینے کے لئے تیار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ممتاز عالم دین وجماعت اسلا می کے رہنماپروفیسرعرفان احمدچوہدری نے کہا ہے کہ قرآن کی تعلیمات تمام انسانوںکی فلا ح ورہنمائی کے لئے ہیں۔سیرت رسول ۖ کاپیغام امن،محبت اوراخوت ہے۔حضورۖ کی بعثت کامقصددنیاسے فاسق نظام ختم کرکے اسلا م کاعادلانہ ،منصفا نہ نظام کاقیام تھا۔وہ جماعت اسلا می کے زیراہتمام ماہانہ درس قرآن سے خطاب کررہے تھے۔انہوںنے کہا کہ طاغوتی قوتوںکی سازشوںکے باوجوداسلام تیزی سے پھیل رہا ہے ۔قرآن مجید انسانی کی راہنمائی کے لئے نسخہ کیمیا ہے۔امت مسلمہ قرآنی تعلیمات پرعمل کرکے دنیا وآخرت میںکامیابی حاصل کرسکتی ہے۔دنیا کاحقیقی امن نظام مصطفی ۖ سے مشروط ہے۔قرآنی علوم کے نورس ے تاریکیاںاجالوںمیںبدلی جاسکتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)پی ٹی آئی کے رہنمامحمداحمدچٹھہ نے کہا ہے کہ پاکستان میںقانون کی بالا دستی اورکرپشن کے خاتمہ کے لئے پی ٹی آئی کااسلام آبادمیںدھرناوقت کی اہم ضرورت ہے۔ملک کے طول وعرض سے دھرنے میںشرکت کرنے والوںکوکوئی طاقت نہیںروک سکتی۔پی ٹی آئی کے ورکر،جانثاردھرنے میںشرکت کے لئے ہررکاوٹ کوپس پشت ڈال دینگے۔وہ لالہ زار کالونی میںپی ٹی آئی کے دفترکی افتتاحی تقریب سے خطاب کررہے تھے۔اس موقع پر راجہ عثمان اللہ خان ایڈووکیٹ،محمدخالد مغل،چوہدری محمدیوسف،باور بشیر،محمدافضل چوہان،شعیب نومی،صغیر چٹھہ،میاںنعیم الحق،میاں جواد یعقوب،وقاص احمدنے بھی خطاب کیا۔انہوںنے کہا کہ اسلا م آباددھرنے کی تاریخ نزدیک آنے سے حکمرانوںکی نیندیں حرام ہورہی ہیںپی ٹی آئی کے قائدین اورکارکنوںکے عزم وہمت کوکوئی کمزورنہیںکرسکتا۔پی ٹی آئی کے کارکن ہررکاوٹ دورکرکے اپنے قائد عمران خاںکی آوازپرلبیک کرتے ہوئے اسلا م آبادپہنچیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)مسلم لیگی رہنماالطاف احمدہاشمی نے کہا ہے کہ وزیراعظم نوازشریف کی قیادت میںملک ترقی کی را ہ پرگامزن ہے۔عمران خاںکااسلا م آبادکوبندکرنے والا اعلان حقیقت نہیںبن سکتا۔قوم کے قیمتی126دن ضائع کرنے والے ٹولے کوملکی ترقی ہضم نہیںہورہی۔انہوںنے کہا کہ دھرنا گروپ وزیراعظم نوازشریف کے عزم کوکمزورنہیںکرسکتاتبدیلی کے کھوکھلے نعرے لگا نے والوںنے خیبرپختونخواہ کوتباہی سے دوچار کردیا ہے۔انکے پاس ملکی مسائل کے حل کاکوئی پروگرام نہیں۔مسلم لیگ (ن)کے جھنڈے تلے ترقی کاکارواںچلتا رہے گا۔الطاف احمدہاشمی کودوبارہ پاکستان مسلم لیگ (ن)ممبر صوبائی کونسل پنجاب منتخب ہونے پراکابرین مسلم لیگ نے مبارکباد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیالکوٹ(جی پی آئی)صو فیائے امت نے حضور اکرم ۖ کی صفتِ رحمت سے حصہ وافر پایا ہے۔پیر واصف بڈیانوی رحمة اللہ علیہ ایک ہی وقت میں پایۂ کے صوفی ، اعلیٰ شاعر، با کردار سماجی فرد، با اخلاق مبلغ اور درویش منش انسان تھے ۔ آج پاکستان میں صوفیاء کی تعلیمات کو فروغ دے کر ہی امن کے چراغ روشن کئے جا سکتے ہیں ۔ اولیاء اللہ کو ماننے والے دہشت گرد نہیں ہوتے ۔آج بھی محب وطن غلامان اولیاء پاک فوج کی حمایت میں کھڑے ہیں تاکہ اولیاء کا فیضان پاکستان ترقی کرے ۔ولایت محبتِ رسول ۖ کے بغیر ممکن نہیں ۔ شریعت و طریقت کی روح عقیدۂ تحفظ ناموس رسالت ۖ ہے ۔ اولیاء امت نے عشقِ رسول ۖ کے فروغ اور ملت اسلامیہ کے اتحاد کے لئے ناقابلِ فراموش خدمات سر انجام دیں ۔ باباجی شیر محمد قادری قلندری رحمة اللہ علیہ نے ملتِ اسلامیہ کو سلطان الشعراء پیر واصف بڈیانوی رحمة اللہ علیہ جیسے سپوت دے کر صدقۂ جاریہ اور سربلندیٔ عقیدہ عشقِ رسول کو پروان چڑھایا۔ان خیالات کا اظہارپیر محمد ظہو ر واصف بڈیانوی سجادہ نشین واصفی آستانہ بڈیانہ شریف ،چیئرمین ادارہ تاجدار یمن پاکستان علامہ پیر محمد تبسم بشیر اویسی سجادہ نشین مرکز اویسیاں نارووال،صاحبزادہ محمد صائم واصف بڈیانوی اور علامہ محمد ریاض الدین صدیقی نے واصفی آستانہ بڈیانہ پر حضرت بابا جی شیر محمد قادری قلندری رحمة اللہ علیہ کے 87ویں سالانہ عرس مبارک کے اجتماع سے خطاب کرتے ہوئے کیا۔انہوں نے کہا کہ فروغِ عشقِ مصطفےٰ ۖ سے ہم دنیا میں امن و آشتی کے چراغ روشن کر سکتے ہیں ۔ سیدنا ابو بکر صدیق رضی اللہ عنہ نے دفاعِ قصرِ نبوت ۖ کے لئے جہاد کیا ۔امام حسین علیہ السلام نے میدان کربلا میں نکل کر یزیدی فکر کا خاتمہ فرمایا۔آج خانقاہوں کے سجادگان اسلاف کے روشن کردار کو مشعل راہ بنا کر رسم شبیری ادا کریں ۔ قوم مسلم میں وہ اولیاء اللہ موجود رہے اور موجود ہیں جو نگاہ سے ولی بنا دیتے ہیں ۔آج ہمیں اتحاد و یکجہتی کی ضرورت ہے ۔ صوفی کے دربار پر فرقوں کو نہیں دین کو فروغ ملتا ہے ۔اس موقعہ پر محمد عاصم بشیر اویسی ،خلیفہ محمد عدنان واصفی ،قاری محمد یوسف بٹ نقشبندی، محمد زین واصفی ،محمد احمد واصفی،صوفی اللہ دتہ واصفی،صاحبزادہ علی احمد اویسی اور دیگر نے بھی ہدیہ عقیدت پیش کیا ۔اس موقعہ پر محفل سماع کا انعقاد کیا گیا اور اختتام پر ملک و ملت کی سلامتی اور استحکام کیلئے اور بابا جی شیر محمد رحمة اللہ علیہ کے بلندیٔ درجات کیلئے دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)مسلم سٹوڈنٹس فیڈریشن ملاکنڈ ڈویژن کے صدر وقار بابا خیل نے کہاہے کہ پاکستان مسلم لیگ نواز ضلع سوات کے جنرل سیکرٹری انجینئر عمر فاروق کو صوبائی جنرل سیکرٹری مقرر کیا جائے تاکہ سوات کے محروم لیگی کارکنان کی محرومیوں کاازالہ ہوسکے ان خیالات کا اظہار انہوںنے گزشتہ روز اخبار ی نمائندوں سے بات چیت کرتے ہوئے کہا کہ انجینئر عمر فاروق کی صورت میں سوات کی لیگی کارکنان مسیحا مل گئے انہوںنے کہاکہ ہم پارٹی قائدین اور رہنمائوں سے مطالبہ کرتے ہیں کہ وہ انجینئر عمر فاروق کو صوبائی جنرل سیکرٹری مقرر کرنے میں اپنا کردار ادا کرتے ہوئے سوات کے لیگی کارکنان کے محرومیوں کے ازالے میں اپنا کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)لا سونہ ارگنائزیشن کے جانب سے آئیوڈین کی کمی کے حوالے واک کا اہتمام کیا گیا جس میں کبل ہسپتال کے انچارج ڈاکٹر شرافت بلند ، لاسونہ ارگنائزیشن کے اہلکاران ، پولیو ورکرز ، میل ،فی میل سمیت کبل ہسپتال انتظامیہ شریک تھے شرکاء کے ہا تھوں میں پلے کارڈزاور بینرز تھے جس پر آئیوڈین کی کمی کے حوالے مختلف قسم کے الفاظ درج تھے جس میں آئیوڈین کی کمی نا مولود بچوں کی موت کا سبب بن سکتے ہیں آئیوڈین کی کمی کے وجہ سے ہر سال 30لاکھ بچے ذہنی طور پر مفلوج پیدا ہو تے ہیںآئیوڈین ذہنی نشونما کے لئے بہت ضروری ہے آئیوڈین کی کمی بچوں میں ذہنی کمزوری کا باعث بنتا ہے اور تعلیمی میدان میں ان بچوںکا مقابلہ نہیں کر سکتا جن میں آئیوڈین کی کمی نہ ہو آئیوڈین کی کمی صحت کا مسائل کا سبب بنتا ہے آئیوڈین ملا نمک استعمال کریں اور معاشرے کو صحت مند بنائے جیسے الفاظ درج تھے شرکاء نے کبل ہسپتال میں واک ختم کر دیا ڈاکٹرشرافت بلند نے کہا کہ آئیوڈین کی کمی کے وجہ سے دما غ، بال ، سکین(جلد) ، بیشاب متا ثرہ ہو تے ہیں بچوں کے نشونما میں آئیوڈین ملا نمک اہم کردار اد ا کر تا ہے جس کا استعمال کرنا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)سوات کے علاقہ تیرات کے رہائشی امیر خان نے کہا ہے کہ ان کے بیٹے اور بھانجے کے مفرور قاتل طبعی موت مرنے کے بعد انکے گلے میں پھندا ڈال کر قتل کا رنگ دیا گیا ہے اور ہم پر من گھڑت دعویداری کرکے قتل کا رنگ دیا جارہا ہے ، اعلیٰ حکام اس موت کی اعلیٰ سطح پر تحقیقات کر کے ہمیں انصاف دلایا جائے ، سوات پریس کلب میںاپنے چچا ذاد بھائی محمد کے ہمراہ پریس کانفرنس کرتے ہوئے کہا کہ گذشتہ سال بیلا در اس کے بھائی شیبر اور بیٹوں طاہر اور مختار نے پشتے کے تعمیر پر ہم پر حملہ کرکے نویں جماعت میں پڑھنے والے میرے بیٹے ولی خان اور بھتیجے سید محمد کو قتل کردیا جبکہ میں شدید زخمی ہوا تھا ، انہوں نے کہا کہ ملزمان بیلادر اور طاہر کو گرفتار کرلیا گیا ہے جبکہ مختار اور شیبررپوش تھے ، انہوں نے کہا کہ گذشتہ روز مفرور ملزم مختار گھر پر طبعی موت پر مرگیا جسے پورے گاؤں نے دیکھا ہے لیکن ایک سازش کے تحت متوفی مختار کے گلے میں پھنداڈال کر اب ہمارے کیس کو خراب کرنے کیلئے اسے قتل کی شکل دیدی ہے اور ہم پر دعویداری کی گئی جس میں کوئی صداقت نہیں ہے ، انہوں نے کہا کہ ہم اعلیٰ حکام سے مطالبہ کرتے ہیں کہ وہ اس ضمن میں اعلیٰ سطحی کمیٹی تشکیل دیکر ہمیں انصاف دلائیں ، انہوں نے کہا کہ ہم انتہائی غریب لوگ ہیں اور ہم کسی سے بدلہ لینے کا سکت اور طاقت نہیں رکھتے اس لئے ہماری اپیل ہے کہ ہمیں انصاف دلایا جا ئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پیرا میڈیکل ایسو سی ایشن سوات نے انتخابات کا اعلان کردیا ، انتخابات کے لئے پولنگ 29 نومبر کو ہوگی ، انتخابات کے لئے کاغذات نامزدگی 29 اکتو بر کو جمع کرائے جائیں گے ، ان خیالات کاا ظہار پیرا میڈیکل ایسو سی ایشن سوات کے صدر دحاجی بشیر احمد اور جنرل سیکرٹری جاوید اللہ نے کابینہ کے دیگر عہدیداروں کے ہمراہ سوات پریس کلب میں پریس کانفرنس کرتے ہوئے کیا ، انہوں نے کہا کہ صوبائی قیادت کی مشاورت سے پیرا میڈیکل ایسو سی ایشن کے نئے انتخابات کیلئے 5 رکنی ایکشن کمیٹی تشکیل دیدی گئی ہے ، جس نے صوبہ بھر میں الیکشن کا اعلان کیا ہے ، انہوں نے کہا کہ سوات میں بھی 29 نومبر 2016 کو انتخابات ہوں گے جس کے لئے 29 اکتوبر کو دوپہر 2 بجے تک کاغذات نامزدگی جمع کرائے جاسکتے ہیں جبکہ اعتراضات 31 اکتوبر ، کاغذات کی واپسی کی تاریخ یکم نومبر مقرر کی گئی ہے ، کاغذات جانچ پڑتال اور حتمی فہرست 2نومبر کو جاری ہوگی جبکہ پولنگ 29نومبر کو صبح 9 بجے سے دوپہر 3تین بجے تک ہوگی ، انہوں نے کہا کہ انتخابات کے لئے 6 پولنگ اسٹیشن قائم کئے جائیں گے ، اور 600 سے زائد پیرامیڈیکس مدین ، خوازہ خیلہ ، مٹہ ، منگلور ، بریکوٹ اور کبل کے اسپتالوں میں اپنا ووٹ کاسٹ کرسکیں گے ، انہوں نے کہا کہ سوات کے تمام رجسٹرڈ پیرامیڈیکس انتخابات میں حصہ لے سکتے ہیں اور اوہ اپنے کاغذات نامزدگی لیڈی ریڈنگ اسپتال پشاور میں ایسوسی ایشن کے صوبائی دفتر میں ایکشن کمیٹی کے پاس جمع کراسکتے ہیں ، انہوں نے کہا کہ انتخابات کا دورانیہ آئندہ 4 سال کیلئے ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)وائس چانسلر ڈاکٹر احسان علی کو بہتر تعلیمی خدمات پرگولڈ میڈل اور ایوارڈ سے نوازا گیا، اس سلسلے میں خپل کور فاؤنڈیشن میں ایک پروقار تقریب کا انعقاد کیا گیا جس میں سول سوسائٹی ، بلدیاتی نمائندوں ، سیاسی اور سماجی شخصیات نے شرکت کی ،سوشل ویلفیئر سوسائٹی /اصلاحی کمیٹی کانجو نے بہترین تعلیمی خدمات پر عبدالولی خان یونیورسٹی مردان کے وائس چانسلر ڈاکٹر احسان علی کو سول سائٹی تعلیمی ایوارڈ 2015 سے نوازا ۔ ڈاکٹر احسان علی خان تعلیمی میدان میں چھ یونیور سٹیوں اور گیارہ میوزیم کا بانی اور روح رواں رہا ہے اور انہوں انتہائی قلیل مدت میں یونیورسٹی آف ہزارہ ، عبدالولی خان یونیورسٹی مردان ، باچا خان یونیورسٹی چارسدہ ، یونیورسٹی آف صوابی کو تعلیمی معیار کے بلندیوں تک پہنچایا ، طلبہ اور طالبات کو بہترین تعلیمی ماحول میسر کیا اور اعلیٰ تعلیم کیلئے اندرونی اور بیرون ملک کئی طلبہ و طالبات کو بہترین یونیورسٹیوں میں تعلیم اور تحقیق کرنے کا موقع فراہم کیا ،ان کے تعلیمی خدمات کو ہر محاذ پر سراہا گیا ،سول سو سائٹی نے انکے تعلیمی خدمات کو سراہتے ہوئے ان کو خراج تحسین پیش کیا ، اس موقع پر تقریب سے خطاب کرتے ہوئے ڈاکٹر احسان علی نے سول سوسائٹی کی طرف سے اس اعزاز کو سراہا اور اس عہدکو دہرایا کہ وہ اپنے تعلیمی مشن کو جاری وساری رکھیں گے اور معاشرہ کو بہترین تعلیمی سہولیات فراہم کرنے میں کوئی کسر نہیں چھوڑیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پاک فوج مالا کنڈ ڈویژن میں امن و امان کے ساتھ ساتھ فلا حی اور بحا لی سر گرمیو ں میں بھی سر گرم عمل ہے۔انہی فلا حی سر گرمیوں کے ضمن میںبو نیر کے دور افتا دہ علا قے گو رنمنٹ ہائی سکول بانڈ ہ میں پاک فوج کے زیرِ اہتمام ایک روزہ مفت طبعی کیمپ کا انعقاد کیا گیا ہے۔تفصیلا ت کے مطابق جی او سی مالا کنڈ آرمی ڈویژن میجر جنرل آصف غفور کی ہدایت پر پاک فوج کے زیرِ ا ہتمام میڈیکل کیمپ کا انعقاد کیا گیا ہے۔ ڈاکٹرز پر مشتمل ٹیم نے خصوصی طور پر اپنی خدمات سر انجام دیں جن کا تعلق پاک آرمی اور سول سے تھا۔ایک روزہ فری میڈیکل کیمپ کے دوران 260مرد ،345عورتوں اور378بچو ں نے معائنہ کروایا۔کیمپ میں صبح آٹھ سے شا م د وبجے تک معائنہ اور ادویات کی فراہمی جا ری رہی۔اہلیان علاقہ کے علاوہ ارد گرد کے تمام دیہا ت کے لوگوں نے بھی اس فری میڈیکل کیمپ سے بھر پور استفادہ حا صل کیا۔اہلیان علاقہ نے طبعی کیمپ کے انعقاد پر پاک فوج کا شکریہ ادا کیا اور ایسی سر گرمیوںکو عوام کی فلاح و بہبود کیلئے انتہا ئی فائدہ مند قرار دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)آزادکشمیر کے سینئر وزیر و وزیر ہائوسنگ و فزیکل پلاننگ،زرعت ولائیوسٹاک چوہدری طارق فاروق نے کہا ہے کہ کشمیر بنے گا پاکستان ہماری اصل منزل ہے،قائد مسلم لیگ ن و وزیر اعظم پاکستان میاں محمد نواز شریف کی قیادت اور وزیر اعظم آزادکشمیر راجہ فاروق حیدر کی سربراہی میںآزاد خطہ کو انتظامی و معاشی لحاظ سے مضبوط اور تحریک آزادی کا حقیقی بیس کیمپ بنائیں گے۔تعلیمی اداروں میں اصل ماحول کو واپس لائیں گے ،کشمیری پر امن قوم ہیںاور اپنی حق خود ارادیت ،جدوجہد آزادی کے لیے لڑ رہے ہیں،دنیا کے ہر شخص کی طرح کشمیریوں کو بھی اپنی مرضی سے جینے کا حق حاصل ہے،تحریک آزادی کشمیر اور حق خود ارادیت کے حصول کے لیے اساتذہ اپنی ذمہ داریاں نبھائیںاور طلبہ کی رہنمائی کریں ،ان خیالات کا اظہار چوہدری طارق فاروق نے گورنمنٹ پائلٹ ماڈل ہائی سکول بھمبر میں یوم تاسیس کے موقعہ پر حق خود ارادیت اور ہماری ذمہ داریوں کے عنوان سے ضلعی سطح پر تقریری،ملی نغمہ جات اور عارفانہ کلام کے مقابلوںکے حوالے سے محکمہ تعلیم شعبہ مردانہ کی طرف سے منعقدہ ایک تقریب سے خطاب کرتے ہوئے کیا،تقریب سے ڈسٹرکٹ ایجوکیشن آفیسر چوہدری محمد اشرف،پرنسپل ادارہ چوہدری محمد رفیق ،شیخ صفدر حسین نے بھی خطاب کیا ۔چوہدری طارق فاروق نے کہا کہ تحریک آزادی کشمیر نیا رخ لے رہی ہے،ایک زمانہ تھا جب پاکستان کا پرچم مقبوضہ کشمیر میں لہرانا مشکل تھا،لیکن اب وہاں پاکستان کا یوم آزادی نہایت جوش و جذبے سے منایا جاتا ہے،اساتذہ اکرام طلبہ کوبتائیں،یوم تاسیس کیا ہے؟ بھمبر ، پونچھ ،مظفر آباد،کوٹلی کیسے فتح ہوئے ؟انہوں نے کہا کہ دشمن پاکستان کے ساتھ کئی محاذوں پرکئی انداز میں جنگ لڑ کر وطن عزیز کو کمزور کرنا چاہتا ہے ،یہ جنگ فکری ،علمی،تہذیبی ،تمدنی ،عسکری روپ میں ہے اور آج اس کا اہم روپ معاشی ہے،سی پیک منصوبے کی وجہ سے ہندوستان پاکستان پر چڑھائی کرنا چاہتا ہے ،کئی ممالک بھارت کے گھنائونے ایجنڈے کی تکمیل کے لیے اس کے ساتھ کھڑے ہو کر سازشیں کر رہے ہیں،مقبوضہ وادی میں بسنے والے اس کا پورا فہم رکھتے ہیں،اسی وجہ سے پیلٹ گنز سے انہیں مفلوج اوراندھا بنایا جا رہا ہے، لیکن ان کے اندر کی بینائی پاکستان کو ہی پہچانتی ہے اور اس کے ساتھ وابستہ رہنا چاہتی ہے،اساتذہ حکومت کے ساتھ تعاون کریں ،استاد کا مقام بہت بلند ہے کسی ایک کے عمل سے اسے کم نہیں کیا جا سکتا،انہوں نے کہا کہ ماضی پرست نہیں مگر ماضی کے اساتذہ کا فہم بہت تھا،موضوع کا انتخاب ،معلومات،تیاری کے دوران الفاظ کا چنائو ،اشعار کی ادائیگی اور طوالت سے پرہیز ان کا خاصا تھا،میری خواہش ہے یہاں کے طلبہ ملکی و قومی لیول پرعلمی مقابلوں ،مباحثوں میں حصہ لیں ،جس کے لیے بہت محنت درکار ہے،ہم نصابی سرگرمیاں بچے کی نشو ونمااور تربیت پر گہرا اثر چھوڑتی ہیں،پائلٹ سکول کو بڑے اداروں کے مقابلے میں کھڑا دیکھنا چاہتا ہوں،انہوں نے تاریخ پر گفتگو کرتے ہوئے کہا کہ برصغیر کی تقسیم میں سیاسی ،جغرافیائی،تمدنی ،تہذیبی ،دینی ور معاشی عوامل کارفرماء تھے،تہذیبوں کے درمیان ٹکرائو کی وجہ سے یہ خطہ تقسیم ہوا،تقسیم ہند کے دوران جموں وکشمیر سمیت کئی ریاستیں متاثر ہوئیں،حضرت قائد اعظم اور ان کے رفقاء نے بہت کام کیامسلمان اور ہندو اس خطہ میں سیاسی ،مذہبی ،دینی اور معاشی لحاظ سے اکٹھے نہیں رہ سکتے تھے،ریاست جموں وکشمیر میں مسلمانوں کی آبادی نمایاں تھی،مہاراجہ ہندو تھاہندوستانی افواج سری نگر میں آ گئیں،مادر وطن کے ان سپوتوں پر فخر جنھوں نے یہ آزاد خطہ اورجی بی کو لڑ کر آزاد کرایا،،اس میں بڑے لوگوں کے نام شامل ہیںجو رہنماء دنیا سے چلے گئے انہیں خراج عقیدت اور جو غازی بنے انہیں خراج تحسین پیش کرتے ہیں،چوہدری طارق فاروق نے کہا کہ پائلٹ سکول بھمبر میری مادر علمی ہے اسی بنا پرضلعی انتظامیہ کے پروگرام کی بجائے یہاں آنے کو ترجیح دی،اس ادارے سے ایک نسبت اور تعلق ہے،خواہش تھی جہاں تعلیم حاصل کی،جہاں اساتذہ سے سیکھاوہاں آ کر آپ سے مخاطب ہوں،تمام اساتذہ اور پوزیشن ہولڈرز طلبہ مبارکباد کے مستحق ہیں،پائلٹ سکول کے ہال کی بے حالی دیکھ کر دکھ اور شرمندگی ہوئی ،اگلے دو سال میں ضلع لیول کی ضروریات پوری کرنے کے لیے پائلٹ سکول میں آڈیٹوریم تعمیر کریں گے ،پائلٹ سکول گرائونڈ کی لیولنگ اور گرینری کے لیے سابقہ حکومت نے جو فنڈز دیے وہ صحیح استعمال نہیں ہوئے ،اس گرائونڈ کو منی اسٹیڈیم میں بدلیں گے ،انہوں نے تقریری ،ملی نغمہ جات اور عارفانہ کلام کے مقابلوں میں پوزیشن ہولڈرز طلبہ کے لیے ایک لاکھ روپے جبکہ پائلٹ سکول کے بینڈ دستہ کی طرف سے اچھی پرفارمنس پر 20ہزار روپے دینے کا اعلان کیا۔یوم تاسیس کی اس تقریب میں ممتاز ماہر تعلیم چوہدری خورشید احمد،اسسٹنٹ کمشنر راجہ طارق محمود،سابق ڈپٹی ڈی ای اوچوہدری طالب حسین ،سابق صدر معلم چوہدری عبدالستار،صدر معلم چوہدری طفیل احمد خاکی،ملک محمد باز،چوہدری طارق جاوید ایڈووکیٹ،سابق چئیرمین ضلع زکواة چوہدری محمد زبیر،حافظ اظہر حسین سمیت سینکڑوں افرادنے شرکت کی اس موقعہ پر مہمان خصوصی نے پوزیشن ہولڈرز طلبہ میں شیلڈز اور اسناد تقسیم کیں ۔اس سے قبل مہمان خصوصی چوہدیر طارق فاروق جب پائلٹ سکول گرائونڈ پہنچے تو ان کا پرتپاک استقبال کیا گیا ان پر پھولوں کی پتیاں نچھاور کی گئیں ،بینڈ اور رائفلز دستے نے سلامی پیش کی ،سکول کے طلباء نے پی ٹی شو پیش کیا اور حاضرین سے داد وصول کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)آزادکشمیر کا 69واں یوم تاسیس نئے جوش اور ولولے کیساتھ منایا جا رہا ہے یہ جوش و جذبہ آنے والے دنوں میں ریاست کے سیاسی ،اقتصادی اور سماجی استحکام کا راستہ ہموار کرے گا گزشتہ چند دنوں سے سرحد کے اس پار ہمارے بھائیوں بہنوں پر بھارت ظلم کے پہاڑ ڈھا رہا ہے 24اکتوبر کا دن مسرتوں کیساتھ ساتھ دکھ کے گہرے احساس کو بھی اپنے اندر سمیٹے ہوئے ہر سال 24اکتوبر کو مقبوضہ کشمیر میں قربانیاں دینے والوں کی یاد تازہ ہو جاتی ہے ان خیالات کااظہار ڈپٹی کمشنر مرزا ارشد محمود جرال نے سپورٹس اسٹیڈیم بھمبرمیں یوم تاسیس کے موقع پر میرپور سٹی اور بھمبر سٹی کی ٹیموں کے درمیان کھلے جانے والے کرکٹ میچ سے بحیثیت مہمان خصوصی خطاب کرتے ہوئے کیا اس موقع پر ڈسٹرکٹ سپورٹس آفیسر نے بھی خطاب کیا مرزا ارشد محمود رجرال نے کہاکہ زندہ قومیں اپنے محسنوں کو یاد رکھتی ہیں مقبوضہ کشمیر کے ہمارے بھائیوں نے اپنی جانوں کا نذرانہ پیش کرکے پاکستان اور کشمیر کا پرچم بلند رکھا ہے اور مقبوضہ کشمیر میں بھارتی غاصبوں کی جانب سے 108دنوں سے لگائے گئے کرفیو کی پرواہ نہ کرتے ہوئے اپنی جدوجہد آزادی کو جاری رکھے ہوئے ہیں انہوںنے کہاکہ کشمیری عوام کی اخلاقی سفارتی اورمالی مدد جاری رکھیںگے انہوںنے کہاکہ بھارت اقوام متحدہ کی قراردادوں سے انحراف کرکے مقبوضہ کشمیر میں نہتے کشمیریوں پر انسانیت سوز مظالم ڈھا رہا ہے عالمی طاقتوں نے اگر مسلہ کشمیرکے زمینی حقائق کو سامنے رکھتے ہوئے اسکاکوئی باوقار اور پرامن حل نکالا تو جنوبی ایشیاء کا امن تباہ و برباد ہو جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)ممتاز سیاسی و سماجی شخصیت راجہ اورنگزیب کے صاحبزادے راجہ احسام زیب کی شادی خانہ آبادی گزشتہ روز بخیر وخوبی انجام پائی دعوت ولیمہ میں میجر جنرل راجہ شاہد پرویز علی خان ،سابق وفاقی وزیر قمر الزمان کائرہ ،سینئر وزیر چوہدری طارق فاروق ،جسٹس سپریم کوٹ راجہ سعید اکرم ،سابق سپیکر چوہدری انوار الحق ،وزیر جنگلات مرزا محمد شفیق جرال ،سابق ممبر اسمبلی راجہ مقصود احمدخان ،ڈپٹی کمشنر مرزا ارشد محمود جرال ،ایڈمنسٹریٹر بلدیہ چوہدری محمد فیاض،سابق ا یڈمنسٹریٹر ضلع کونسل چوہدری ولید اشرف ،سابق ایڈمنسٹریٹر بلدیہ راجہ شاہد انور خان،سابق ایڈمنسٹریٹر سماہنی راجہ ظفر اقبال ،سابق ممبر ضلع کونسل چوہدری محمد یوسف درائیاں ،سابق چیئرمین ضلع زکوة چوہدری فضل علی ،سابق چیئرمین ضلع زکوة چوہدری محمد زبیر،مسلم لیگ ن کے راہنما چوہدری ظہیر الدین بابر ،راجہ شاہد اقبال ایڈووکیٹ ،ڈی ایس پی (ر) راجہ محمدصادق ،سابق چیئرمین راجہ محمد انور خان ،سابق وائس چیئرمین بار کونسل راجہ خالد خان ایڈووکیٹ ،اسسٹنٹ کمشنر راجہ طارق خان ،اسسٹنٹ کمشنر میرپور راجہ قیصر اورنگزیب ،تحصیلدار بھمبر سردار خالد محمود ،نائب تحصیلدار راجہ نثار احمد خان ،نائب تحصیلدار راجہ انصر ،صدر کشمیر پریس کلب راجہ نعیم گل ،مرکزی صدر انجمن پٹواریاں راجہ مظہر اقبال ،ضلعی صدر طارق بیگ ،سابق صدرکشمیر پریس کلب ناصر شریف بٹ ،جنرل سیکرٹری سنٹرل پریس کلب سماہنی چوکی امجد عزیز کاشر ،راشد راج ،سیدبدر السلام جعفری ،سی آئی اے انچارج نثار یوسف ،راجہ جاوید اکبر ،راجہ غلام ربانی ،راجہ خالد خان ،رینج آفیسر راجہ منیر احمدرینج آفیسر سمیت سول سوسائٹی ،عوام علاقہ اور عزیزواقارب کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)آزادکشمیر حکومت کی نیت ٹھیک نہیں مقبوضہ کشمیر میںجاری تحریک کی سپورٹ کرنے کی بجائے وزیر اعظم اور وزراء انتقامی تبادلوں اور آزادکشمیر کے وسائل کی بندر بانٹ کے منصوبے بنارہے ہیں مقبوضہ کشمیر کے عوام کو بے یار ومدد گار چھوڑ دیا گیا ہے مقبوضہ کشمیر کے عوام100روز سے زائد دنوں سے بد ترین کرفیو اور بھارتی مظالم کا سامنا کررہے ہیں اور آزادکشمیر کے بھائیوں کی طرف دیکھ رہے ہیں کشمیری عوام آزادکشمیر کی نام نہاد حکومت کی بے حسی سے نفرت کااظہار کرتے ہوئے مقبوضہ کشمیر کے بھائیوں کی مدد کیلئے آگے آئیں ان خیالات کااظہار کشمیر فریڈم موومنٹ دبئی کے صدر مبین چوہدری نے صحافیوںکیساتھ گفتگو کرتے ہوئے کیا انہوںنے کہاکہ موجودہ آزادکشمیر حکومت تحریک آزادی کشمیر میںکوئی کاوش نہ ہے وزیر اعظم فاروق حیدر اور انکی کابینہ صرف اخباری بیانات اور دلاسے تک محدودہے آزادی کے بیس کیمپ کی کمان کرنے والی موجودہ حکومت کا کردار انتہائی افسوس ناک ہے حکومت کے وزراء صرف اپنے اپنے حلقوں کے منصوبوں کی بندر بانٹ اور انتقامی تبادلوں تک محدود ہو کر رہ گئے ہیں حکومت آزادکشمیر کو چاہیے تھاکہ وہ اپنے وزراء پر مشتمل وفد بنا کر بیرون ممالک تک پہنچتے جو مقبوضہ کشمیر میںبھارتی مظالم سے دنیا کو آگاہ کرتے لیکن یہاں الٹی گنگا بہ رہی ہے انہوںنے کہاکہ کشمیر فریڈم موومنٹ آزادکشمیر اور بیرون ممالک میں تحریک آزادی کشمیر کے حوالے سے اپنی ذمہ داریاں احسن انداز سے نبھا رہی ہے کشمیری عوام نئے جذبے اور ولولے کیساتھ اٹھ کھڑے ہوں اور مقبوضہ کشمیر کے عوا م کیساتھ بھرپور اظہار یکجہتی کریں انہوںنے کہاکہ 27اکتوبر کو راولپنڈی میں اقوام متحدہ کے مرکزی مبصر مشن دفتر کے سامنے بھرپور مظاہرہ کریں گے اس سلسلہ میں کشمیر فریڈم موومنٹ آزادکشمیر نے اپنی تیاریاں مکمل کر لی ہیں کارکنان موومنٹ 27اکتوبر کو بھارتی قبضہ کیخلاف احتجاج میں بھرپور شرکت کو یقینی بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)بھمبر میں تجاوزات کی بھرمار گلیاں اور بازار سکڑ گئے شہری مشکلات کے شکار اندرون شہر مین بازار ،میلاد چوک ،سبزی چوک ،لاری اڈہ ،سماہنی چوک یا میرپور چوک ،کوٹھی موڑ پر جگہ جگہ رکشہ ،ریڑھی ،کنسٹرکشن میٹریل اور پھٹہ مافیا نے قبضہ جما رکھا ہے جس کا جہاں جی چاہتا ہے ریڑھی اور پھٹہ لگا کر دوکان سجا لیتا ہے جسکے باعث بازروں میں ٹریفک جام رہنا معمول بن چکاہے شہریوں کا بلدیہ بھمبر اور انتظامیہ سے نوٹس لینے کا مطالبہ تفصیلات کیمطابق بھمبرشہر میں بلدیہ بھر اور انتظامیہ کیطرف سے خاطر خواہ کارروائی نہ ہونے کی وجہ سے بھمبر شہر میں تجاوزات کی بھرمار ہے اندرون شہر جگہ جگہ ریڑھیاں ،دوکانوں کے آگے پھٹے رکشاؤں کی جگہ جگہ اسٹینڈ ،سڑکوں پر کنسٹرکشن میٹیریل کے جگہ جگہ ڈھیر شہریوں اور بازاروں سے گزرنے والوں کیلئے وبال جان بن چکے ہیں بلدیہ بھمبر اور انتظامیہ کے دعوے صرف دفاتر تک محدود ہیں عملاً تجاوزات کے خاتمہ کیلئے کوئی اقدامات نہیں اٹھائے جارہے ہیں بھمبر کے شہریوں اور عوام علاقہ نے ڈپٹی کمشنرمرزا ارشد محمود جرال ،اسسٹنٹ کمشنر راجہ طارق خان اورایڈمنسٹریٹر بلدیہ چوہدری محمد فیاض سے مطالبہ کیا ہے کہ بھمبر شہر سے تجاوزات ہٹانے کے احکامات صادر فرمائیں تاکہ عوام کے اندر پائے جانے والی بے چینی ختم ہو سکے۔
پاکستان فیڈرل کونسل آف کالمسٹ کے زیراہتمام آرٹس کونسل کراچی میں سینئر قلم کاروں کے ساتھ ایک نشت کا اہتمام
گجرات کی خبروں کی تصویری جھلکیاں