گجرات کی خبریں 2/5/2015

Gujrat

Gujrat

گجرات (جی پی آئی) گزشتہ روز آل پاکستان فیڈریشن آف یونائٹڈ ٹریڈ یونینز کی الحاقی یونین اتحاد ورکرز یونین آف ووڈ ورکنگ سروس سنٹر گجرات ریفرنڈم میں شاندار کامیابی حاصل کی۔ یاد رہے کہ یہ یونین گزشتہ 18 سال سے متواتر ریفرنڈم جیت رہی ہے۔ یفرنڈم میں شاندار کامیابی کے بعد اتحاد ورکنگ یونین کے ممبران نے ایک شاندار جلوس نکالا اور ڈھول کی تھاپ پر رقص کیا ۔ یہ ریفرنڈم محکمہ محنت ضلع گجرات کی نگرانی میں منعقد کیا گیا۔ جس میں محکمہ محنت کے سید بشیر حسین شاہ ، چوہدری جعفر اقبال، چوہدری رحمت علی اور چوہدری فیاض احمد نے پریذائڈنگ آفیسر، ڈپٹی پریذائڈنگ آفیسر اور پولنگ آفیسرز کی ڈیوٹی سر انجام دی۔ ریفرنڈم کے بعد ووڈورکنگ سروس سنٹر کے ملازمین نے اپنی یونین کے صدر سید صاجد حسین ، جنرل سیکرٹری سید علی رضا اور آل پاکستان فیڈریشن آف یونائٹیڈ ٹریڈ یونینز کے سیکریٹری پیرزادہ امتیاز سید کو کندھوں پر اٹھا لیا اور جی۔ ٹی روڈ پر بھنگڑا ڈالتے رہے۔ اس شاندار کامیابی پر ورکروں نے بے تحاشہ مٹھائی تقسیم کی اور جی ٹی روڈ پر جلوس نکالا۔یاد رہے کہ اس ریفرنڈم میں اتحاد ورکرز یونین کو ہرانے کے لئے حکومت پنجاب کی افسر شاہی نے پورا زور لگایا ۔ گجرات ٹٰ ایم اے کے افسران بھی دن رات اتحاد ورکرز یونین کو ہرانے کے لئے پورا زور لگاتے رہے اور ممبران کو طرح طرح کے لالچ دئے گئے اور بعض کو ملازمت سے فارغ کر دینے کی دھمکیاں بھی دی گئی۔ مگر ووڈ ورکنگ سنٹر کے ملازمین ثابت قدم رہے۔ ریفرنڈم میں شکست کھانے کے بعد ان سب کے چہرے اتر گئے جو اپنی پسندیدہ یونین کو جتانا چاہتے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)برصغیر پاک و ہند کی عظیم روحانی شخصیت غریب النواز حضرت قاضی سلطان محمود آوانی کا عرس مبارک۔ 2 مئی بروز ہفتہ کو سر زمین آوان شریف دربار عالیہ آوان شریف میں ہو گا۔ عرس سعید کا آغاز دن 11 بجے ہو گا۔ تقریب کی صدارت سجادہ نشین آستانہ عالیہ آوان شریف و مہمدہ شریف کریں گے اور زیب سجادہ نشین آستانہ عالیہ آوان شریف و مہمدہ شریف صاحبزادہ رضوان منصور آوانی عرس کے انتظامات کی نگرانی کریں گے اور آستانہ عالیہ ڈانگڑی شریف کے سجادہ نشین صاحبزادہ زکریہ نعمانی کا خصوصی خطاب ہو گا۔ اور ملک کے نامور نعت خواں حافظ محمد صدیق’ سید دلدار حسین شاہ ‘ عارف شاہد گوندل و دیگر اپنے مخصوص انداز میں نذرانہ عقیدت پیش کریں گے اور ممبر اسلامی نظریاتی پیر سید سعید احمد شاہ گجراتی’ پیر سید انتصار الحسن شاہ سروری قادری ‘ پیر سید زاہد صدیق شاہ’ پیر سید زاہدحسین شاہ ترمذی خصوصی شرکت کریں گے اور عرس تقریبات کی قیادت صاحبزادہ محمود الحق آوانی’ صاحبزادہ مسرور الحق ‘ نثار احمد نثاری (حلف الرشید صاحبزادہ مقصود الحق ) کریں گے۔ دربار عالیہ عالیہ آوان شریف کو خوبصورت جھنڈیوں’ برقی قمقموں سے سجا دیا گیا ہے۔ صاحبزادہ رضوان منصور آوانی کی قیادت میں تمام انتظامات تیزی کیساتھ مکمل کئے جا رہے ہیں۔ امسال عرس کی تقریب کو شایان شان منانے کیلئے نثار احمد نثاری ‘ صاحبزادہ عبدالرحمن’ صاحبزادہ حنان مجتبی’ صاحبزادہ حسنان محبوب و دیگر سنگی حضرات صاحبزادہ پیر رضوان منصور آوانی کی قیادت میں دن رات ایک کئے ہوئے مثالی انتظامات کر رہے ہیں۔ عرس کی آمد آمد پر پورے علاقہ میں خوشی کی لہر دوڑ گئی ہے تمام سنگی حضرات اپنی اپنی ڈیوٹی احسن انداز کے ساتھ نبھا رہے ہیں۔2 مئی کو تمام قافلے آوان شریف کی طرف رواں دواں ہونگے۔ عرس مبارک کی تقریب میں اندرون و بیرون ملک خصوصاً آزاد کشمیر ‘ فیصل آباد و دیگر علاقوں سے جوق در جوق قافلے شرکت کریںگے اور صاحبزادگان سے خصوصی ملاقاتوں کے ساتھ ساتھ دربار آوان شریف میں حاضری دینگے اور اپنی منتیں مرادیں مانگیں گے۔ تقریب کے اختتام پر تمام حاضرین کو خصوصی لنگر شریف بھی کروایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارہویں شریف پیر طریقت رہبر شریعت صاحبزادہ پیر سید محمود الحسن شاہ بخاری قادری الحسینی و الحسنی سجادہ نشین آستانہ عالیہ غوثیہ فضلیہ کھیپڑانوالہ شریف کی زیر صدارت منعقد ہوئی۔ تلاوت قرآن پاک کی سعادت پرنسپل دار العلوم جامعہ غوثیہ فضلیہ کھیپڑانوالہ شریف قاری شفقت اللہ قادری نے حاصل کی جبکہ ممتاز ثناء خواں مظہر عزیز قادری’ صوفی محمد احسان’ مظہر اقبال قادری اور حافظ علی وقار نے ہدیہ نعت پیش کیا۔ تلاوت و نعت کے بعد حضرت علامہ محمد مظفر نقشبندی نے خصوصی خطاب فرمایا۔ بعد ازاں ختم غوثیہ شریف پڑھا جس کے بعد صاحبزادہ پیر سید محمود الحسن شاہ بخاری قادری نے خصوصی دعا فرمائی اور لنگر شریف تقسیم کیا۔ محفل پاک میں سینکڑوں پیر بھائیوں’ مریدوں اور عقیدت مندوں نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع گجرات کے معروف تعلیمی ادارے دی ایجوکیٹرز بارہ دری کیمپس ماہانہ محفل گیارہویں شریف منعقد ہوئی۔جس کی صدارت صاحبزادہ پیر سید زمان شاہ آستانہ عالیہ کھیپڑانوالہ شریف نے کی جبکہ مہمان خصوصی علی نعیمی تھے۔اس موقع پر ممتاز شخصیات نے شرکت کی۔ سید عثمان شاہ آف مدینہ سیداں’ اور زین شہزاد نقشبندی نے ہدیہ نعت پیش کیا۔ شہزاد شفیق نقشبندی نے ملکی ترقی و سلامتی کیلئے دعائیں کی۔ حافظ محمد طاہر ‘ ڈاکٹر رزاق احمد غفاری’ شیراز احمد ‘ ذوالفقار علی باجوہ ودیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز سماجی شخصیت حاجی بلال نبی عمرہ کی سعادت حاصل کرنے کیلئے سعودی عرب روانہ ہو گئے۔ ممتاز شخصیات نے انہیں روانہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز سماجی شخصیت حاجی بلال نبی نے کہا کہ EDO ہیلتھ ڈاکٹر اعجاز عوام کے مسائل کے حل کیلئے کام کر رہے ہیں۔ صحت سے وابستہ لوگوں کے مسائل کا حل ان کی ترجیح ہے۔ ضلع گجرات میں عطائیت کے خاتمہ کیلئے انکی کاوشیں قابل تحسین ہیں۔ ان کی کاوشوں سے لوگوں کو ادویات کی فراہمی ممکن ہوئی ہے۔ اور ہماری دعا ہے کہ اللہ تعالیٰ انہیں مزید ترقی عطا فرمائے۔