گجرات (جی پی آئی) چیئرمین CPLC سٹیزن پولیس لائزن کمیٹی چوہدری اختر علی چھوکر کلاں نے کہا ہے کہ نونہالان وطن کی بہتر تعلیم و تربیت وقت کی اہم ضرورت ہے اور دی ایگزا سکول سسٹم یہ خدمت احسن طریقے سے سرانجام دے رہا ہے۔ کیونکہ قائد اعظم کے اصول ایمان’ اتحاد ‘ تنظیم اور یقین محکم بچوں میں پیدا کیا جا رہا ہے اور مجھے خوشی ہے کہ آج ننھے منے بچوں نے بہت ہی احسن انداز میں اپنی کارکردگی کا مظاہرہ کیا ہے۔ چھوٹی سی عمر میں بچوں کا اس طرح سٹیج پر آنا انکی شاندار کارکردگی کی علامت ہے۔ اور میں ضیغم ثناء وڑائچ اور انکی ٹیم کو خراجِ تحسین پیش کرتا ہوں کہ وہ بچوں کو اچھے انداز میں تربیت کر رہے ہیں۔ ممبر صوبائی اسمبلی چوہدری محمد اشرف دیونہ نے کہا ہے کہ علامہ محمد اقبال کے افکار کے مطابق نوجوانوں کی تربیت سے ان میں اچھے انسان کی صلاحیتیں پیدا کی جا سکتی ہیں۔ اور ہمیں ضرورت اچھے نوجوانوں کی ہے جو ملک و قوم کی ترقی کیلئے قربانیاں دے سکیں۔ موجودہ حکومت پرائیویٹ سیکٹر کی ترقی کیلئے اقدامات کر رہی ہے اورہمارا تعاون ہمیشہ جاری رہے گا۔ DSP شاہد نواز وڑائچ نے کہا کہ اچھے آفیسر بننے کیلئے پہلے اچھا طالبعلم بننا ضروری ہے۔ جس طرح دی ایگزا سکول میں بچوں کی تربیت ہو رہی ہے اس سے ثابت ہوتا ہے کہ یہ بچے آگے جا کر اچھے آفیسر بنیں گے اور ملکی ترقی میں اپنا کردار ادا کریں گے۔ چوہدری ضیغم ثناء وڑائچ نے کہا کہ مجھے خوشی اس و قت ہو گی جب یہ ننھے منھے بچے اعلیٰ آفیسر بن کر بطور مہمان خصوصی میرے ادارے میں آئیں گے اس وقت میں اپنا سر فخر سے بلند کروں گا کہ میں نے اپنی سوچ کو بہتر اندا زمیں پروان چڑھایا ہے۔ میری سوچ یہ ہے کہ میرے ادارے سے اعلیٰ فوجی افسران’ ڈاکٹرز’ انجینئرز’ پولیس افسران اور حکمران پیدا ہوں جو کہ ملک و قوم کی خدمت کا جذبہ لے کر میدان میں آئیں اور دی ایگزا سکول سسٹم کی تمام برانچوں میں اسی طرح بچوں کی تربیت ہو رہی ہے۔ اس موقع پر چوہدری محمد زاہد خواص پور’ ناصر محمود ناصر’ محمد یٰسین بٹ’ شاہد رضوان’ نوید کھوکھر’ محمد انور بٹ’ منور حسین کوٹلہ ‘ چوہدری محمد ریاض کوٹلہ’ چوہدری رخسار احمد ‘ ڈاکٹر رزاق احمد غفاری و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دی ایگزا سکول سسٹم لالہ موسیٰ کیمپس کی سالانہ تقریب تقسیم انعامات منعقد ہوئی۔ اس سلسلہ میں رنگا رنگ اور پر وقار تقریب کی صدارت ڈائریکٹر دی ایگزا سکول سسٹم چوہدری ضیغم وڑائچ نے کی۔ جبکہ مہمان خصوصی ممبر صوبائی اسمبلی چوہدری محمد اشرف دیونہ’ چیئرمین CPLC چوہدری اختر علی چھوکر کلاں’ DSP چوہدری شاہد نواز وڑائچ و دیگر موجود تھے۔ بچوں نے خوبصورت انداز میں ٹیبلو ‘ ملی نغمات اور معاشرتی ترقی میں کردار کے حوالہ سے پروگرام پیش کئے۔ کلام اقبال ممتاز گلوکار استاد غلام عباس گجراتی اور استاد دونی خاں کی نگرانی میں پیش کئے گئے جسے حاضرین نے بے حد سراہا۔ ننھے منھے فرشتوں نے پروگرام میں حاضرین کے دل جیت لئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) شاندار تعلیمی خدمات کے 14 سال مکمل ہونے پر دی ایجوکیٹرز سکول بارہ دری کیمپس نے صحافیوں کے بچوں کو فیس میں 50 فیصد رعایت دینے کا اعلان کیا ہے۔ ڈائریکٹر شہزاد شفیق شرقپوری نے کہا ہے کہ گجرات پریس کلب سے منسلک ورکنگ صحافیوں کے تمام بچوں کو فیس میں 50 فیصد رعایت دی جائے گی۔ جبکہ انگلش میڈیم پرائیویٹ فرنچائز سکول سسٹم کے بچوں کیلئے نئے سال کا تعلیمی تحفہ دیا گیا ہے کہ اگر وہ کسی بھی ایجوکیٹرز کی برانچ سے بارہ دری کیمپس میں داخلہ لینا چاہتے ہیں تو انہیں مستقل طور پر فیس میں 50 فیصد رعایت دی جائیگی۔ جبکہ اگر کسی دوسرے فرنچائز سکول سسٹم سے دی ایجوکیٹرز بارہ دری کیمپس میں داخل ہونگے تو انہیں فیس میں 25 فیصد رعایت دی جائے گی اور یہ رعایت مستقل بنیادوں پر ہو گی۔ داخلہ میرٹ پر ہو گا اور 20 مارچ تک داخل ہونیوالے بچے اس رعایت کے حقدار ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز ماہر تعلیم وائس چیئرمین آل پاکستان پرائیویٹ سکولز مینجمنٹ ایسوسی ایشن شہزاد شفیق شرقپوری نے کہا ہے کہ پرائیویٹ تعلیمی ادارے فروغ تعلیم میں اہم کردار ادا کر رہے ہیں۔ وہ گزشتہ روز جناح سکالرز پبلک سکول کی تقریب تقسیم انعامات کے موقع پر خطاب کر رہے تھے۔ انہوں نے کہا کہ جناح سکالرز پبلک سکول کی کاوشیں قابل تحسین ہیں۔ اور بچوں نے جس طرح خوبصورت انداز میں اپنی صلاحیتوں کا مظاہرہ کیا ہے وہ قابل تحسین ہے۔ محدود وسائل اور کم فیس پیکیج میں علاقہ کے غریب و مستحق طلباء کو تعلیم فراہم کرنا قابل تحسین ہے۔ میں اس سلسلہ میں چیئرمین چوہدری انصر اور انکی ٹیم کو خراجِ تحسین پیش کرتا ہوں جو دن رات فروغ تعلیم کیلئے کام کر رہے ہیں۔ انہوں نے کہا کہ جناح سکالرز پبلک سکول کی انتظامیہ اور بچوں کو بہترین کارکردگی پر خراجِ تحسین پیش کرتے ہیں۔ حکومت پاکستان کو چاہئے کہ وہ ان تعلیمی اداروں کی بہتری کیلئے اقدامات کرے جو کہ ایسے علاقہ میں واقع ہیں جہاں پر مزدور طبقہ رہائش پذیر ہے۔ انہوں نے کہا کہ آل پاکستان پرائیویٹ سکولز اینڈ مینجمنٹ ایسوسی ایشن تعلیمی اداروں کے حل کیلئے کوشاں رہے گی۔ چیئرمین چوہدری محمد انصر نے کہا کہ ہم علاقہ کی عوام کے خدمت کے تحت کام کر رہے ہیں تاکہ علاقہ کے بچوں کو بہترین تربیت کے مواقع مل سکیں۔ پرنسپل پنجاب سکول آف سائنسز محمد احسان نے کہا کہ ہم شاندار کارکردگی پر سکول انتظامیہ کو خراجِ تحسین پیش کرتے ہیں اور اُمید ظاہر کرتے ہیں کہ یہ ادارہ اسی طرح علاقہ کے عوام کی خدمت کے مشن کے تحت کام کر تا رہے گا۔ اس موقع پر مسز غفاری نے خطاب کرتے ہوئے کہا کہ یہ ادارہ بلا شبہ علاقہ کے عوام کی بہترین خدمت کر رہا ہے اور مجھے امید ہے کہ اسی طرح خدمت کا سلسلہ جاری رہے گا۔ اس موقع پر بچوں نے مختلف ٹیبلو’ ملی نغمات بھی پیش کئے۔ مہمانان گرامی نے بچوں کی کاوشوں کو بے حد سراہا اور بچوں میں انعامات تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ سروری قادری نے قافلہ کے ہمراہ غازی ممتاز حسین قادری شہید کی نماز جنازہ میں شرکت کی ۔اور شہید کے چہرہ کی زیارت کی۔انھوں نے اس موقع پر چئیرمین رویت ہلال کمیٹی مفتی منیب الرحمٰن ،صاحبزادہ سید ریاض حسین شاہ،صاحبزادہ پیر سید منور حسین جماعتی،مفتی محمد اقبال چشتی،صاحبزادہ پیر نقیب الرحمٰن سے بھی ملاقات کی ۔بعد ازاں پیر سید انتصارلحسن شاہ نے عیدگاہ شریف میں ہونے والے حصوصی اجلاس میں بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)پا کستا ن پیپلز پا رٹی کے سٹی صدر چو ہدری ر ضو ا ن دلد ار نے کہا کہ پیٹر و لیم مصنوعا ت کی قیمتو ں میں20رو پے کی کمی ہو نی چا ہئے ،انہو ں نے کہا حکو مت نے پیٹر ول کی قیمت میں کمی کر کے کو ئی عو ام پر احسا ن نہیں کیا عا لمی سطح پر پیٹر ول کی قیمت میں بھا ر ی کمی ہو ئی ہے ،اور دیگر مما لک میں بھی سطح کے مطا بق کمی کی گئی ہے ،ر ضو ا ن دلد ار کا کہنا تھا پیپلز پا رٹی عو ام مخا لف حکو متی پا لیسی بر داشت نہیں کر ے گی ،حکو مت عو امی ر یلیف کیلئے اقد اما ت کر یں ،اور پیٹر و لیم مصنو عا ت کی کمی کیسا تھ عا م آدمی کو بھی بر اہ راست فا ئد ہ پہنچا یا جا ئے ، ٹر انسپو رٹ کے کر ایو ں میں کمی پر فو ر ی طو ر پر عمل کر وایا جا ئے تا کہ عو ام کو ر یلیف مہیا کیا جا سکے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او لیاقت علی چٹھہ نے اشیاء خورد و نوش کی قیمتوں کا از سر نو تعین کر دیا ہے انہوںنے پرائس مجسٹریس کو ہدایت کی ہے کہ نئی قیمتوں پر عملدرآمدیقینی بنایا جائے ۔ ضلعی حکومت کے جاری کردہ نوٹیفکیشن کے مطابق 20کلو گرام آٹے کے تھیلے کی قیمت 770روپے ، دال چنا باریک 110روپے فی کلو ، دال چنا موٹی 114روپے فی کلو ، کالے چنے 108روپے فی کلو ، سفید چنے سندھی 105 روپے فی کلو ، سفید چنے کینڈا110روپے فی کلو ، دال مونگ چھلکاباریک120روپے فی کلو ، دال مونگ دھلی ہوئی 130روپے فی کلو ، دال ماش باریک چھلکا225روپے فی کلو ، دال ماش باریک240 روپے فی کلو ، دال ماش موٹی چمن 245روپے فی کلو ، دال مسور باریک 160روپے فی کلو ، دال مسور موٹی 132روپے فی کلو ، سرخ مرچ 242 روپے فی کلو ، باسمتی چاول سپر 70روپے فی کلو ، چینی 64 روپے فی کلو ، بیسن 115 روپے فی کلو ، چھوٹا گوشت اوپن مارکیٹ 550روپے فی کلو ، چھوٹا گوشت ماڈل شاپ 650روپے فی کلو ، بڑا گوشت اوپن مارکیٹ 280روپے فی کلو ، بڑا گوشت ماڈل شاپ 320روپے فی کلو ، دودھ اوپن مارکیٹ 65 روپے فی لیٹر، دودھ ماڈل شاپ 70 روپے فی لیٹر، دہی اوپن مارکیٹ 70روپے فی کلو ، دہی ماڈل شاپ 75روپے فی کلو ، روٹی 100گرام 6روپے ، نان 100گرام 7روپے ، جبکہ سبزیوں ،پھلوں ، چکن اور انڈوں کے ریٹس مارکیٹ ریٹس کے مطابق روزانہ کی بنیاد پر مقرر کیے جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈسٹرکٹ کنزیومر کونسل برائے-19 2016کا قیام نوٹیفکیشن جاری ، صارفین کا عالمی دن 15مارچ کو جوش و جذبہ سے منایا جائیگا ، ضلعی تحفظ صارفین کونسل کے اسسٹنٹ ڈائریکٹر لیگل ندیم ساہی نے بتایا کہ ڈی سی او لیاقت علی چٹھہ اتھارٹی کونسل کی ذاتی دلچسپی کے باعث کنزیومر کونسل کا قیام برائے سہ سال 2016-19عمل میں آ چکا ہے اس کا نوٹیفکیشن جاری کیا جا چکا ہے نیز ہر سال کی طرح امسال بھی 15مارچ کو صارفین کا عالمی دن منایا جائیگا ، حسب معمول صارفین کو حقوق و ان کے تحفظ بارے آگاہی دی جائے گی نیز شکایات کیمپ بھی روٹین سے لگائے جا رہے ہیں اور صارفین کو ہر ممکن سہولت اور داد رسی کے حصول کیلئے مددفراہم کی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)پا کستا ن مسلم لیگ ن کے ضلعی جنر ل سیکر ٹر ی اورممبر پنجا ب اسمبلی حا جی عمر ان ظفر نے اپنے مشتر کہ بیا ن میں کہا کہ مسلم لیگ ن نے عو ام کے مفا د کو ہمیشہ مقد م ر کھا ہے ،حکو مت کی جا نب سے پیٹر و لیم مصنو عا ت کی قیمتو ں میں کمی حکو مت کا تا ر یخی کا ر نا مہ ہے،تیل کی قیمتو ں میں کمی سے عو ام کو بر اہ راست فا ئد ہ حا صل ہو گا ،انہو ں نے مذ ید کہا کہ پا کستا ن خطے میں واحد ملک ہے جس نے بین الا قو امی سطح پر پیٹر و لیم مصنو عا کی قیمتو ں میں کمی کا فا ئد ہ عو ام کو منتقل کیا ،مسلم لیگ ن کی حکو مت خلو ص د ل سے عو ام کی خد مت پر یقین ر کھتی ہے ،حا جی نا صر محمود اور حا جی عمر ان ظفر کا کہنا تھا گز شتہ آڑھا ئی سا ل میں لو ڈ شیڈ نگ میں واضح کمی آ ئی ہے انشا اللہ 2018تک ملک کو تر قی یا فتہ بنا ئے گئے ،تیل کی قیمتو ں میں کمی حکو مت کا ایک انقلا بی قد م ہے ،انشا اللہ عو ام کو ہر طر ح سے ر یلیف مہیا کر یں گئے ، انہو ں نے مذ ید کہا کہ ٹر انسپو رٹ کے کر ایو ں میں کمی آ ئے گی جس سے عو ام کو بڑ ا ر یلیف مہیا ہو گا ، مو جو د ہ حکو مت عو ام سے کیے تما م وعد وں کو عملی طو ر پر پو ر ا کر ر ہی ہے ،حا جی عمر ان ظفر کا کہنا تھا پیٹر ولیم مصنو عا ت کیسا تھ بجلی کی قیمتو ں میں بھی کمی کی جا ئے گی انشا اللہ تو انا ئی بحر ان پر جلد قا بو پا لیا جا ئے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)نوجوانان توحید و سنت ضلع گجرات کے ناظم علامہ حمید اللہ عثمانی ناظم اطلاعات حافظ شفقت علی مکھن نے جامع مسجد مہاجرین بھیرووال پھالیہ اورجامع مسجد یادگارکالوپورہ میںاجتماعات سے خطاب کرتے ہوئے کہا ہے مسلمان کادستورالعمل قرآن وسنت ہے ملت اسلامیہ کے زوال کاسبب قرآن وسنت سے دوری اورفرقہ پرستی ہے قرآن جیسی لازوال تعلیمات والی کتاب کی حامل امت کاشخصیت پرستی اور انتہاپسندی کاشکار ہوناکسی عذاب سے کم نہیں اسکا حل توحیدوسنت کی دعوت کوعام کرنے میں ہے اسی سلسلے کی کڑی نوجوانان توحید وسنت پنجاب کا سالانہ اجتماع ہے اس دوروزہ اجتماع 8 اور9 ْاپریل بروز جمعہ ہفتہ منعقدہوگا نوجوانان توحید و سنت کے سالانہ اجتماع عام کی شاندار کامیابی بیداری ملت کا ذریعہ ثابت ہو گی اجتماع کی کامیابی سے توحیدی جانبازوں کے حوصلے بلند ہوںگے وہ نئے عزم اور ولولہ سے توحید و سنت کی اشاعت اور شرک و بدعت کی سرکوبی کیلئے شہزادہ اہل سنت سید شفاء اللہ شاہ بخاری کی قیادت میں کردار اداکریں گے اجتماع عام کی کامیابی سے قافلہ تو حید و سنت کے مخالفین کی نیندیں حرام ہو جائیںگی آنے والا کل توحید ی جانبازوں کا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ضلعی انتظامیہ اور گجرات چیمبر آف کامرس کے زیر اہتمام چھٹی سالانہ میڈ ان گجرات صنعتی نمائش کا آغاز آج سے ہوگا، اس مقصد کے لئے تیاریاں مکمل کرلی گئی ہیں ،ڈی سی او لیاقت علی چٹھہ ، اے ڈی سی عرفان علی کاٹھیا، صدر چیمبر آف کامرس میاں محمد اعجاز کے ہمراہ نے ظہور الٰہی اسٹیڈیم کا دورہ کیا اور نمائش کے انتظامات کا جائزہ لیا اس موقع مسلم لیگ ن اور شاہین گروپ چیمبر آف کامرس کے راہنما حاجی ناصر محمود ، چیئرمین نمائش آرگنائزنگ کمیٹی احمد حسن مٹو ، عرفان یوسف ، راجہ طاہر شیر ، میاں اکمل حسین ، ملک طارق بلال ، انجم ریاض سیٹھی ، ندیم بٹ، عظمت فرید و دیگر بھی موجود تھے ۔ اس موقع پر اجلاس سے خطاب کرتے ہوئے ڈی سی و لیاقت علی چٹھہ نے چیمبر آف کامرس انتظامیہ کو مبارکباد دی اور کہا کہ صنعتی نمائش نہ صرف ضلع گجرات بلکہ گوجرانوالہ ڈویژن کا اہم ترین ایونٹ بن چکا ہے جس میں بڑی تعداد میں لوگ آتے ہیں ، اسی جذبے اور لگن سے اس پروگرام کا انعقاد جاری رہا تو جلد یہ بین الاقوامی معیار کا پروگرام بن جائے گا۔ انہوں نے کہا کہ موجودہ صورتحال میں نمائش کی سکیورٹی پر بھرپور توجہ دینے کی ضرورت ہوگی، پولیس نفری کے ساتھ سول ڈیفنس کے رضا کار بھی نمائش کی سکیورٹی پر تعینات کئے جائیں گے، داخلی راستوں پر واک تھرو گیٹ نصب ہوں گے جہاں سے نمائش میں داخل ہونیوالے ہر مرد و خواتین کی تلاشی یقینی بنائی جائے گی اس مقصد کے لئے چیمبر آف کامرس بھی گذشتہ سال کی طرح اپنے رضا کار فراہم کرے۔ ڈی سی او لیاقت علی چٹھہ نے کہا کہ ضلعی انتظامیہ نے گذشتہ سال کی طرح اس سال بھی ایک قدم آگے بڑھ کر نمائش کے انتظامات کے لئے کردار ادا کیا ہے، اس مقصد کے لئے انہوںنے خود اور اے ڈی سی عرفان علی کاٹھیا نے چیمبر کے ساتھ مسلسل اجلاس بھی منعقد کئے تاکہ چیمبر آف کامرس سے تعاون میں کوئی کمی نہ رہے۔ انہوںنے کہا کہ گذشتہ سال کی طرح اس سال بھی ضلعی انتظامیہ نمائش کے بجلی کے تمام اخراجات برداشت کرے گی۔ایڈمنسٹریٹربلدیہ/ اے ڈی سی عرفان علی کاٹھیا نے اجلاس سے خطاب کرتے ہوئے کہا کہ بلدیہ کے متعلقہ تمام امور مکمل کر لئے گئے ہیں، بلدیہ کے تمام افسران اور انتظامیہ چیمبر کے ساتھ کھڑے ہیں۔ صدر چیمبر آف کامرس میاں محمد اعجاز اور نمائش آرگنائزنگ کمیٹی کے چیئرمین احمد حسن مٹو نے نمائش کے انعقاد کے لئے بھرپور تعاون پر ڈی سی او لیاقت علی چٹھہ اور ایڈمنسٹریٹر عرفان علی کاٹھیا کو زبردست خراج تحسین پیش کیا۔ انہوںنے کہا کہ نمائش کے تمام سٹالز تیار ہیں اور سٹال ہولڈرز کو آگاہ کر دیا گیا ہے کہ وہ اپنی مصنوعات ڈسپلے کرلیں۔ انہوںنے بتایا کہ گذشتہ نمائش کے دوران جو کمی کوتاہیاں رہ گئی تھیں انہیں پورا کرنے کی کوشش کی گئی ہے خصوصا شہر کے تمام اچھے ریسٹورنٹ نمائش میں اپنے سٹالز لگائیں گے۔
کوٹلہ ارب علی خان کی خبریں 1/3/2016
گجرات کی خبروں کی تصویری جھلکیاں