گجرات (جی پی آئی) سابق ڈپٹی وزیراعظم چوہدری پرویز الٰہی نے کہا ہے کہ ہم نے ہمیشہ علماء کرام کی عزت و وقار میں اضافہ کیلئے کام کیا ہے اور ہر عالم دین کو اس کا مقام دیا ہے۔ وہ گزشتہ روز ممتاز عالم دین صاحبزادہ غلام بشیر نقشبندی کی رہائشگاہ پر ان کی والدہ کے ایصالِ ثواب کیلئے فاتحہ خوانی کے بعد گفتگو کر رہے تھے۔ انہوں نے کہا کہ ہماری حکومت نے علماء کرام کے مسائل کے حل کیلئے اقدامات کئے قرآن اکیڈمیاں اور علماء مشائخ بورڈز بنائے تاکہ علماء و مشائخ کے مسائل باآسانی حل ہو سکیں۔ اور ہم آئندہ بھی علماء کرام کی بہتری کیلئے اقدامات کرتے رہیں گے۔ جبکہ موجودہ حکومت نے صرف پرچوں پر زور رکھا ہوا ہے۔ شاید زیادہ FIR ہی انکی ترقی کا باعث بنے گی ۔ عوام الناس کو ذلیل و خوار کیا جا رہا ہے انہوں نے صاحبزادہ غلام بشیر نقشبندی کی خدمات کو بے حد سراہا کہ وہ دن رات دنیا کے مختلف کونوں میں جا کر اسلام کی تبلیغ و اشاعت کیلئے کام کر رہے ہیں۔ انہوں نے کہا کہ ہمیں ایسے علماء کرام کی حوصلہ افزائی کرنی چاہئے جو کہ مثبت انداز میں کام کر رہے ہیں۔ سابق وزیر تعلیم میاں عمران مسعود نے کہا کہ صاحبزادہ غلام بشیر نقشبندی دنیا بھر میں گجرات کا نام روشن کر رہے ہیں لوگ ان کے مداح ہیں کیونکہ وہ مثبت انداز میں اسلامی تعلیمات کو اجاگر کرتے ہیں۔ صاحبزادہ غلام بشیر نقشبندی نے تمام مہمانوں کا شکریہ ادا کیا جو ان کے ساتھ ہمدردی کیلئے تشریف لائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) دی ایجوکیٹرز بارہ دری کیمپس میں یوم بدر کے موقع پر عظیم الشان افطار ڈنر کا اہتمام کیا گیا۔ جو کہ چیئرمین محمد شہزاد شفیق نقشبندی کی طرف سے دیا گیا۔اس موقع پر خصوصی خطاب صاحبزادہ غلام بشیر نقشبندی زیب سجادہ نشین آستانہ عالیہ بائولی شریف نے کیا۔ اور یوم بدر کے سلسلہ میں بیان فرمایا۔ اس موقع پر ایم پی اے حاجی عمران ظفر ‘ AC کامونکی بلال فیروز جوئیہ’ سابق وائس چانسلر UOG ڈاکٹر فہیم ملک ‘ سابق وائس پریذیڈنٹ گجرات چیمبر آف کامرس سید آصف رضا نقوی’ ڈاکٹر رزاق احمد غفاری’ حافظ محمد طاہر ‘ مظہر اقبال و دیگر موجود تھے۔ اس موقع پر خواتین و حضرات کی کثیر تعداد موجود تھی۔ ملکی ترقی و سلامتی کیلئے دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جامع مسجد صدیق اکبر میں صاحبزادہ غلام بشیر نقشبندی روزانہ مختلف موضوعات پر درس قرآن دے رہے ہیں۔ روزہ داران اور عقیدت مندان کی کثیر تعداد ان کے درس سے مستفید ہوتی ہے۔ انتظامیہ کی جانب سے ایئر کنڈیشنڈ کا خصوصی انتظام کیا گیا ہے تاکہ شرکاء کو سہولت میسر آ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) دربار عالیہ شہنشاہ ولایت پر بلھے شاہ ویلفیئر سوسائٹی آف پاکستان کی طرف سے سالانہ افطار پارٹی و محفل میلاد النبی ۖ کا انعقاد کیاگیا جس کی صدارت صاحبزادہ پیر سید ولی حسین شاہ عرف بلھے شاہ گجراتی نے کی۔ اس موقع پر پاکستان بھر سے عقیدت مندوں نے ہزاروں کی تعداد میں شرکت کی۔ ملک کی ترقی و سلامتی کیلئے خصوصی دعائیں کی گئیں اور منظم انداز میں افطاری کرائی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)دنیابھر میں شیعیان حیدر کرار کوظلم وستم کانشانہ بنایاجارہاہے نہ صرف پاکستان بلکہ خلیجی عرب ممالک میں بھی شیعیان حیدر کرار کی مساجد اورامام بارگاہوں میں بم دھماکے اورخودکش حملے عالمی سازش کاحصہ ہیں ،ان خیالات کااظہار صوبائی صدر شیعہ علماء کونسل علامہ سید سبطین حید رسبزواری نے گزشتہ روز جامعتہ المجتبیٰ میں سالانہ جشن حضرت امان حسن کے موقع پر خطاب کرتے ہوئے کہا،انہوں نے کہا،جسکی صدارت علامہ محمدزمان حسینی نے کی جبکہ یہ تقریب علامہ سید ناظم حسین جعفری وائس پرنسپل جامعتہ المجتبیٰ نے منعقد ہوا ،جس میں خصوصی شرکت جوادحسین جعفری ،الطاف عباس کاظمی ،سید چن پیر ،سید ناصر شاہ عرف پیو شاہ غازی موڑز ،سرفراز جعفری ،علامہ سید مختار حسین نقوی ،علامہ سید اشتیاق کاظمی ،علامہ محمدافضل حیدری لاہور ،علامہ محمد حسین جلوی وزیرآباد ،سید نصیر نقوی گوجرانوالہ ،وقارالحسن ،علامہ سطبین سبزواری نے کہاکہ دنیا بھر میں ہونے والی دہشتگردی کی مذمت کرتے ہیں سید علامہ ساجد نقوی کی سربراہی میں شیعیان کرار کے تحفظ کیلئے کوشاں ہیں اورآج شہزادہ امن حضرت امان حسن نے امت میں اتحاد پیداکرنے اورامن کے قیام کیلئے ایک منفرد مثال پیش کی اور اپنی قربانی پیش کرکے اسلام کاسربلند کیا،علامہ محمدافضل حیدری لاہور نے کہاکہ ماہ رمضان المبارک میں انسان کوتوجہ کاموقع دیاہے اورانسان کوسربلند کیاہے لہذا اس کوکسی اور کے آگے نہیں جھکانا چاہئے صرف اللہ کے آگے جھکانا چاہئے ،علامہ محمد زمان حسینی نے کہاکہ یہ جشن امام حسن ہرسال منایاجاتاہے تاکہ عالم اسلام کو امن کاپیغام دیاجائے کہ امام حسن نے صلح کرکے بتایاکہ ہم امن چاہتے ہیں ہم اتحاد وحدت کادرس دیتے ہیں ،ممتاز عالم دین علامہ سید ناظم حسین جعفری نے کہاکہ جب تک امت کانفاق ختم نہیں ہوجاتا اس وقت تک دنیا میں ہونے والے ظلم وستم ختم نہیں ہوسکتا ،اوراجشن امام حسن مجتبیٰ کے انعقاد کامقصد ہی نفاق کاخاتمہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اسلامی یکجہتی کونسل کے چیرمین قاضی عبدالقدیرخاموش نے پاک فوج کی دہشت گردوں کے خلاف کارروائیوں کی حمایت کرتے ہوئے کہا ہے گرفتار ہونے والے عسکریت پسندوں کی ذہنی تربیت کے لئے بحالی مراکز کا قیا م بہت ضروری ہے۔ورنہ مطلوبہ مقاصد حاصل نہیں کئے جاسکیں گے۔ فاٹا سے علما کے وفد سے گفتگو کرتے ہوئے قاضی عبدالقدیر خاموش نے کہا کہ ملٹری آپریشن کبھی کسی سیاسی مسئلے کا حل نہی رہا۔ جہاد افغانستان کے نام پر جو نجی جہاد کیا گیا ۔ اس نے معاشرے پر بہت منفی اثرات مرتب کئے۔ جس کی وجہ سے ملک دہشت گردی کاشکار ہوا۔ انہوں نے کہا کہ ملٹری آپریشن کا استعمال کسی حد تک تو درست ہوسکتا ہے لیکن اس حد تک نہیں کہ بے گناہ بھی مارے جائیں۔ ان کا کہنا تھا کہ دہشت گردوں کو جو تربیت دی گئی ہے اس کا) (narrative بیانیہ نفرت ، خوف اور تخریب کاری پر مبنی ہے۔ جبکہ اسے امن، محبت رواداری میں تبدیل کرنے کے لئے محنت کرنا پڑے گی۔ یہ ایک دن کاکام نہیں۔ گرفتار ہونے والے دہشت گرد وں کی ذہنی حالت کو تبدیل کرنے کے لئے ضروری ہے کہ وہ تربیت کریں جو ان سے فکری ہم آہنگی رکھتے ہوں مگر امن کا درس دیتے ہوں ۔ ایسے تربیت کار نہیں ہونے چاہیں جنہیں کے وہ مخالف ہوں۔
پہلا آل کراچی منیارٹی فٹ بال چمپئن شپ کا کے جی اے گرائونڈ نمائش چورنگی پر آغاز
اصغر علی مشہوری فٹ بال ٹورنامنٹ میں مکران اسپورٹس اور جگو میموریل کی کامیابی