گجرات کی خبریں 31/8/2016

Gujrat

Gujrat

گجرات (جی پی آئی) صدر حسینیہ ٹرسٹ گجرات و سابق پرنسپل ایلیمنٹری کالج گجرات چوہدری منظور حسین وڑائچ اور پرنسپل چناب انسٹی ٹیوٹ آف ٹیکنالوجی چوہدری ذاکر حسین وڑایچ کی والد محترمہ104سال کی عمر میں انتقال کر گئیں۔مرحومہ کو ان کے آبائی گائوں موجوکی میں سپرد خاک کردیا گیا۔نماز جنازہ میں اہم شخصیات نے شرکت کی ۔نماز جنازہ آغا مبارک علی موسوی نے پڑھائی ۔علامہ اصغر یزدانی خطاب کیا ،اس موقع پر علامہ زمان حسین حسینی،ڈاکٹر تنویر حسین،علامہ ناظم حسین جعفری،سید الطاف عباس کاظمی،ماسٹر فاضل حسین شاہین،ڈاکٹر رزاق احمد غفاری،علامہ اشتیاق کاظمی،سید سجاد حسین،سید شفقت حسین،میر ثقلین اکبرو دیگر نے شرکت کی ختم قل بروز جمعرات مورخہ یکم ستمبرصبح 10بجے امام بارگاہ حسینیہ میں ہوگا دعا 11بجے ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) یونیورسٹی آف سائوتھ ایشیا ایجوکیٹرز بارہ دری کیمپس کے ہونہار طلبہ و طالبات کو سکالر شپ دیگی۔ تاکہ وہ صحیح طریقہ سے اپنی تعلیم حاصل کر سکیں۔ ان خیالات کا اظہار وائس چانسلر سائوتھ ایشیا یونیورسٹی میاں عمران مسعود نے دی ایجوکیٹرز بارہ دری کیمپس میں منعقدہ تقریب تقسیم انعامات سے خطاب کرتے ہوئے کیا۔ انہوں نے کہا کہ ہمیں خوشی ہے کہ گجرات کا یہ ادارہ تعلیم کے میدان میں نمایاں خدمات سرانجام دے رہا ہے۔ اور ہم اس ادارے کے ہونہار طلبہ کو ہر ممکن سہولیات فراہم کریں گے۔ تعلیم کا فروغ ہماری اولین ترجیح ہے چاہے ہم اقتدار میں ہوں یا اپوزیشن میں تعلیم کے فروغ کیلئے کام کرتے رہیں گے۔ والدین کا فرض ہے کہ وہ اپنے بچوں کی تعلیم کی جانب توجہ دیں اور ان سے رابطہ رکھیں۔ بچوں کے مسائل کو سمجھیں والد کا بچوں کیساتھ رابطہ بے حد ضروری ہے اور والدین کے تعاون سے ہی اساتذہ بچوں کی بہتر انداز میں تربیت کر سکتے ہیں۔ شہزاد شفیق شرقپوری نے کہا کہ ہم میاں عمران مسعود کے شکر گزار ہیں کہ انہوں نے اس ادارے کے طلباء کی حوصلہ افزائی کیلئے اقدامات کئے ہیں اور ہم جماعت نہم کے ہونہار طلبہ و طالبات جنہوں نے سکول میں نمایاں پوزیشنیں حاصل کی ہیں ان کے لئے سالانہ فیسیں معاف کرنیکا اعلان کرتے ہیں۔ وہ مکمل طور پر تعلیم ادارے کی جانب سے حاصل کریں گے۔ ہمارے ادارے کا ہر طالبعلم جو بورڈ میں نمایاں پوزیشن حاصل کرے گا اسکو ہم فری تعلیم کے ساتھ ساتھ سکالر شپ اور دیگر انعامات بھی دیں گے۔ اس موقع پر طلبہ و طالبات اور انکے والدین کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) بزم غلامان گھمکول شریف کے زیر اہتمام ماہانہ محفل میلاد مصطفی ۖ و ذکر 2 ستمبر بروز جمعتہ المبارک بعد از نماز عصر تا مغرب منعقد ہو گی۔ جس کی صدارت سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ سروری قادری کریں گے۔ چوہدری افتخار ملہی نے کہا ہے کہ عامر الیکٹرونکس پر منعقد ہونے والی اس محفل ذکر میں ضلع بھر سے اہم شخصیات شریک ہوں گی۔ سیکورٹی کیلئے بھرپو رانتظامات کئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) IKMC انٹرنیشنل کینگرو میتھ کنٹسٹ دنیا کے 100 سے زائد ممالک میں مقابلہ میں دی ایجوکیٹرز بارہ دری کیمپس کے بچوں کی شاندار پوزیشنیں۔ دُعا فاطمہ کلاس ون نے پاکستان میں چھٹی پوزیشن حاصل کر کے سلور میڈل کے ساتھ سرٹیفکیٹ اور 1 ہزار روپے نقد انعام حاصل کیا۔ عیشال فاطمہ کلاس ٹو نے پاکستان میں چٹھی پوزیشن حاصل کر کے سلور میڈل کے ساتھ سرٹیفکیٹ اور 1000 روپے نقد انعام حاصل کیا۔ محمد طہٰ نے کلاس تھری نے پاکستان میں چھٹی پوزیشن حاصل کر کے کانسی کے تمغہ کے ساتھ سرٹیفکیٹ سکول کی طرف سے تعریفی سند اور 1 ہزار روپے نقد انعام حاصل کیا۔ ایمن اویس کلاس فور نے پاکستان میں چھٹی پوزیشن حاصل کر کے کانسی کا تمغہ سرٹیفکیٹ اور سکول کی طرف سے تعریفی سند اور ایک ہزار روپے نقد انعام حاصل کیا۔ چاروں بچوں کو کینگرو شرٹس بھی دی گئی۔ اس موقع پر میتھ کے اساتذہ سونیا تبسم’ معصومہ زینب’ عائشہ گلریز’ سدرہ بٹ’ تابندہ مختار’ عائشہ افضل’ حمیرا سردار’ شمسہ ‘ کرن’ حافظ ارسلان اور سمیرا وقار کو بھی نقد انعامات اور تعریفی اسناد دینے کے علاوہ مسز سعدیہ سلیمان پرائمری ایریا ہیڈ کو نقد انعام اور سرٹیفکیٹ د ئیے گئے۔ سکول ایڈمنسٹریٹر اور میتھ کوارڈینیٹر حافظ محمد طاہر کو دس ہزار روپے کیش ‘ سرٹیفکیٹ اور تعریفی سند دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) صاحبزادہ پیر سید حسن محمود شاہ گجراتی آستانہ عالیہ شہنشاہ ولایت نے کہا ہے کہ پاکستان ہماری پہچان ہے۔ اور پاکستان کی سلامتی اور سا لمیت کے خلاف باتیں کرنیوالے پاکستان کے مخلص نہیں ہو سکتے۔ پاکستان علمائے اہل سنت نے حاصل کیا۔ اور اس کیلئے قربانیاں دیں۔ جو لوگ آج بھی پاکستان کا کھاتے ہیں اور پاکستان کو گالیاں دیتے ہیں ان کے خلاف کارروائی وقت کی اہم ضرورت ہے۔ ایم کیو ایم جیسی دہشتگرد تنظیموں کو فوری طور پر بین ہونا چاہئے۔ پیر سید حسن محمود شاہ گجراتی نے کہا کہ ہمارے اسلاف نے یہ ملک اپنی جانوں کا نذرانہ کر کے حاصل کیا۔ ہم پاکستان آرمی کے شانہ بشانہ ہیں ۔ آرمی کو چاہئے کہ ایسے بد بختوں کی زبانیں کھینچ لے جو پاکستان کی سالمیت کو نشانہ بنا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) عوام میں کتاب اور مطالعے سے دوری کا بنیادی سبب ادبی محفلوں کی کمی ہے۔ اگر لوگوں میں کتاب سے محبت اور مطالعے کا شوق پیدا کرنا ہے تو اس کے لئے ضروری ہے کہ ادبی محافل کا باقاعدہ انعقاد کیا جائے۔ ان خیالات کا اظہار سہ ماہی پنجابی جریدے کانگاں اور ماہنامہ روزن انٹرنیشنل کے ایڈیٹر افضل راز نے گزشتہ اتوار کوروزن ادبی فورم اور ورلڈ پنجابی فورم کے تحت اتواری ادبی نشست میں گفتگو کرتے ہوئے کہا۔انہوں نے مزید کہا کہ ادبی محفلوں میں شرکت سے بہت کچھ سیکھا جا سکتا ہے۔ اور اس وقت جو ادب پر جمود طاری ہے اسے ختم کیا جا سکتا ہے۔ اس اتواری نشست کی صدارت وائس آف جلالپور جٹاں کے ایڈیٹر محمد اشفاق ایاز نے کی۔ انہوں نے گفتگو میں حصہ لیتے ہوئے کہا کہ کتاب سے رشتہ ایسا ہی ہے جیسے کسی اچھے دوست سے ہوتا ہے۔ مطالعہ کبھی ضائع نہیں جاتا۔ اس سے نہ صرف ذہنی بلوغت حاصل ہوتی ہے بلکہ انسانی کردار میں بھی مثبت تبدیلیاں پیدا ہوتی ہیں۔ کتاب سے دوستی انسان کو تنہائی کا شکار نہیں ہوتے دیتی۔محفل میں شریک استاد اور شاعر جناب خموش چیچیانوی نے گجرات کے معروف اور مرحوم شاعر شاکر چیچیانوی کی شاعری پر گفتگو کی۔ اور کہا کہ شاکر کی شاعری پنجابی زبان و ادب کا قیمتی سرمایہ ہے۔ افسوس اس بات کا ہے کہ شاکر پی آر کے فن سے ناآشنا تھے۔ یہی وجہ ہے کہ ان کی شاعری اور ادبی خدمات پس پردہ چلی گئی ہیں۔ پنجابی کے معروف شاعر محمد اقبال بالم گجراتی نے ٹھیٹھ پنجابی ثقافت پر مبنی اپنی تازہ ترین نظمیں سنا کر داد وصول کی۔اس اتواری نشست کا آغاز انس احمد اسماعیل کی تلاوت اور محمد عبدالرحمن ارشد کی نعت رسول مقبول ۖ سے ہوا۔ محفل کے دیگر شرکاء میں وقار عظمت، محمد عبداللہ، توقیر بوبی، وسیم عباس، ذیشان سندھو، محمد ارشدمنظور کے نام قابل ذکر ہیں۔یاد رہے روزن ادبی فورم اور ورلڈ پنجابی فورم کے تحت ہر اتوار کو دن دو بجے روزن بلڈنگ گجرات میں ادبی نشست ہوتی ہے، جس میں ادب سے تعلق اور دلچسپی رکھنے والے افرادشرکت کرتے ہیں۔ اس اتواری ادبی نشست کا آئندہ اجلاس چار ستمبر کو دن دو بجے یوم دفاع پاکستان کے حوالے سے ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیر اعظم چودھری پرویزالٰہی گذشتہ روز چیئرمین میاں پرویز اختر پگانوالہ کے گھر گئے اور ان کے بھائی میاں وسیم اختر پگانوالہ کی وفات پر اظہار تعزیت اور فاتحہ خوانی کی۔ دریں اثناء وہ ڈاکٹر انصر کی رہائش گاہ پر بھی گئے اور ان کی ہمشیرہ کی وفات پر تعزیت اور دعائے مغفرت کی۔ اس موقع پر چیئرمین چودھری محمد اقبال آف سوک کلاں، چودھری مظہر نت سابق ناظم، چودھری محمد اصغر تیل والے سابق ناظم، مسلم لیگ یوتھ ونگ ضلع گجرات کے جنرل سیکرٹری زاہد عباس بھٹی، مسلم لیگ کے سٹی گجرات کے صدر چودھری حسنین اصغر، چودھری عمران گورالہ، مرکزی انجمن تاجران گجرات کے جنرل سیکرٹری افتخار احمد شاکر، ارشد وحید بٹ، امتیاز راٹھور، دلاور خان، عالمگیر بوبی پہلوان، قاضی خالد سیف اللہ، مہر ارشد بانی 61 گروپ و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے کہا ہے کہ ملک کو ترقی و خوشحالی کی مناز ل سے ہمکنا ر کرنے کیلئے معاشرے میں خود احتسابی کے کلچر کا فروغ دینا ہوگا ، ذمہ دار شہری کی حیثت سے ہر فرد کو سوچنا چاہیے پچھلے ایک سال میں اس نے ملک کی بہتری کیلئے کیا کام کیا ۔ ان خیالات کا اظہار انہوںنے جناح پبلک سکول و کالج میں یوم آزادی کی تقریب سے خطاب کرتے ہوئے کیا، انہوںنے میٹرک کے امتحانات میں اعلی کارکردگی کا مظاہر ہ کرنیوالے طلبہ و طالبات میں انعامات اور شیلڈز بھی تقسیم کیں، اے ڈی سی عرفان علی کاٹھیا، ای ڈی او فنانس چوہدری اصغر، ای ڈی او ایجوکیشن طاہر کاشف، پرنسپل ترنم ریاض، صدر پی ایم اے ڈاکٹر مقصود زاہد، شہزادہ عبدالمجید، نگہت قریشی، پرنسپل ڈی پی ایس لالہ موسیٰ مصباح امتیاز اور کثیر تعداد میں والدین، اساتذہ اور طلبہ نے شرکت کی۔ تقریب میں سکول کے طلبہ وطالبات نے ملی نغمے پیش کئے اور ٹیبلوز کے ذریعے چاروں صوبوں کی ثقافت اجاگر ، ملک کو درپیش مسائل کی نشاندہی کی اور حاضرین سے بھرپور داد حاصل کی۔ ڈی سی او لیاقت علی چٹھہ نے یوم آزادی کے حوالے سے بہترین تقریب کے انعقاد اور میٹرک امتحانات میں شاندار نتائج پر جناح پبلک سکول کے اساتذہ اور ہونہار طلبہ و طالبات کو مبارکباد ی اور کہا کہ اس ادارے کو قائد اعظم ڈویژنل پبلک سکول گوجرانوالہ، لاہور، فیصل آباد اور ان جیسے دیگر اداروں کے ساتھ اپنی کارکردگی کا موازانہ کرنا چاہیے۔ انہوںنے کہا کہ دنیا میں کسی بھی قوم نے راتوں رات ترقی نہیں کی ، آج ترقی یافتہ اور مہذب نظر آنیوالے معاشرے بھی ان تمام مشکلا ت سے گذرے ہیں جن کا ہم سامنا کر رہے ہیں تاہم ان قوموں نے مشکلات کا مقابلہ کیا اور ترقی کے سفر میں دیگر اقوام کو پیچھے چھوڑ گئے۔ ڈی سی او لیاقت علی چٹھہ نے کہا کہ تحریک آزادی پاکستان اگر جسم ہے تو اسکی روح دین اسلام ہے ، برصغیر میں مسلمانوںکو دین اسلام کی وجہ سے ہی الگ پہچان ملی اور بانی پاکستان نے بھی فرمایا کہ پاکستان اسی دن بن گیا تھا جس دن برصغیر میںپہلے غیر مسلم نے اسلام قبول کیا ہمیں اپنی نئی نسل کو تحریک آزادی اور حصول پاکستان کے اصل اغراض و مقاصد سے آگاہ کرنا ہوگا۔ انہوںنے جناح پبلک سکول کے طلبہ وطالبات کی نصابی سرگرمیوں کے ساتھ ہم نصابی سرگرمیوں کو بھی سراہا اور ہدایت کی کہ اس نوعیت کے پروگرامز میں زیادہ سے زیادہ طلبہ و طالبات کو شریک کیا جائے تاکہ انکے اعتماد میں اضافہ ہو سکے۔ اس سے قبل سکول کی پرنسپل ترنم ریاض نے امتحانات کے نتائج بارے ڈی سی او کو آگاہ کیا جبکہ تقریب میں شرکت کیلئے آمد پر طلبہ کے چاک و چوبند دستے نے انہیں سلامی دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ایڈیشنل سیشن جج محمد اسلم گوندل نے ڈسٹرکٹ جیل گجرات کا دورہ کیا اور معمولی نوعیت کے مقدمات کے 12ملزمان کو ذاتی مچلکوںپر رہا کرنے کا حکم دیا، سول جج محمد احمد حسنین بھی انکے ہمراہ تھے۔ فاضل ایڈیشنل سیشن جج نے جیل ہسپتال، خواتین ، نوعمر قیدیوںکی بارکوں اور کچن کا معائنہ کیا ، قیدیوں سے انکے مسائل سنے اور موقع پر حل کیلئے احکامات جاری کئے۔ ایڈیشنل سیشن جج نے جیل میں صفائی کے معیار کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جماعت اہلسنت تحصیل وزیرآبادکے زیراہتمام ختم نبوت کانفرنس مورخہ 2ستمبربروزجمعتہ المبارک بعداز نمازمغرب زیرصدارت امیرجماعت اہلسنت گوجرانوالہ حضرت علا مہ خالد حسن مجددی،زیرسیادت پروفیسرڈاکٹرمحمدآصف ہزاروی،زیرقیادت علامہ محمدرفیق رضوی قادری ناظم اعلیٰ جماعت اہلسنت گوجرانوالہ، زیرانتظام علا مہ محمدحمادالدین صدیقی جامع مسجد حنفیہ صدیقیہ بھٹی کے میںہوگی۔جسمیںخصوصی آمدپیرطریقت رہبرشریعت پیرسیدمحمدعرفان شاہ امیرآستانہ عالیہ رواتڑہ شریف،علا مہ محمدحنیف چشتی،علامہ محمداشرف رضاراہوالی سمیت پاکستان کے نامورعلماء ومشائخ شرکت کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)پاکستان تحریک انصاف کے راہنما راجہ عثمان اللہ خان ایڈووکیٹ نے کہا ہے کہ میڈیا ہائوسز پرحملہ آزادی اظہارپرحملہ ہے،بہادراورجانباز جرنیل ہمارافخر ہیں۔پاکستان کے خلاف بولنے والوںکونکیل ڈالی جائے۔مردہ باد کے نعرے لگانے والے اورسہولت کارکسی رعایت کے مستحق نہیں۔انہوںنے کہا کہ پاک فوج نے ملکی سلا متی کے لئے لازوال قربانیاںپیش کیںتمام سیکیورٹی فورسزکی خدمات کاخراج تحسین پیش کرتے ہیں۔ایم کیو ایم پرپابندی لگائی جائے اوراحتساب کیاجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ہسپتالوں کو لوڈ شیڈنگ سے بچانے کے لئے ڈبل سورس کنکشن دینے کے لئے حکومت کی طرف سے خصوصی ہدایات ۔تحصیل ہیڈ کوارٹر ہسپتال وزیرآباد کی فائل گیپکو آفس سے غائب ۔ہسپتال کا عملہ ڈیڑھ ماہ سے شٹل کاک بنا ہوا ہے ۔ایکسین ملتے ہیں نہ ہسپتال کی فائل۔ دونوں کی تلاش جاری۔وزیر اعلیٰ پنجاب نے ہسپتالوں کو لوڈ شیڈنگ سے بچانے اور جنریٹر تیل کے بھاری اخراجات بچانے کیلئے محکمہ ہیلتھ کو گیپکو سے بجلی کے ڈبل سورس کنکشن لینے کی ہدائت کی اور اس سلسلہ میں خصوصی نوٹیفیکیشن بھی جا ری کیا گیا ۔ حکومت کی خصوصی ہدایت کے پیش نظر تحصیل ہیڈ کوارٹر ہسپتال وزیرآباد کے ایم ایس ڈاکٹر افتخار احمد نے ڈبل سورس کنکشن کے لئے ایکس ای این گیپکو وزیرآباد کے پاس درخواست جمع کروادی جس کو ڈیڑھ ماہ گذر چکا ہے ۔ ہسپتال کو نظام آبادفیڈر سے کنکشن دینے کے لئے لاہوری دروازہ سے نظام آباد فیڈر کو ہسپتال تک بڑھایا جائے گا جس پر لاکھوں روپے کا تخمینہ ہے ۔ہسپتال کی جانب سے دی گئی ڈبل سورس کنکشن کی درخواست گیپکو کے دفتر سے غائب ہو گئی اور کوئی بھی افسر ذمہ داری قبول کرنے کے لئے تیار نہیں ہے۔ہسپتال کا عملہ روزانہ ایکس ای این آفس میں حاضری دیتا ہے لیکن ایکس ای این صاحب ملتے ہیں نہ ان کوکوئی تسلی بخش جواب دیا جاتا ہے اور عملے کی حالت شٹل کاک جیسی ہو گئی ہے۔اس کنکشن میں چونکہ کسی کی مالی دلچسپی کا کوئی سامان نہیں ہے اس لئے کوئی بھی ذمہ داری کا مظاہرہ نہیں کرتا۔حکومت کا نوٹیفیکیشن بھی لال فیتے کی نذر کر دیا گیا ہے۔ایم ایس ہسپتال ڈاکٹر افتخار احمد کا کہنا ہے کہ انہوں نے حکومتی ہدائت کے مطابق بجلی کے ڈبل سورس کنکشن کے لئے بر وقت درخواست دائر کر دی تھی جس پر گیپکو کے عملہ کی غیر ذمہ داری کے باعث عمل در آمد نہیں ہو رہا ہے جبکہ ہسپتال لوڈ شیڈنگ سے متاثر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی)داروں کی ضرورت میں بھی اضافہ ہورہا ہے ان حالات میں زبیدہ آپا اور صبا اویس نے دعا ویلفیئر فاؤنڈیشن کی داغ بیل ڈال کر احسن اقدام کیا ہے ہمیں توقع ہے کہ وہ نیک نیتی کیساتھ اپنی پوری توانائیاں عوام کے مسائل کے حل کیلئے استعمال کرتے ہوئے دکھی انسانیت کی بھرپور خدمت کرینگی جبکہ انسانیت کی خدمت کے ہر عمل میں ہمارا بھرپور تعاون زبیدہ آپا ‘ صبا اویس اور دعا ویلفیئر فاؤنڈیشن کیساتھ رہیگا ۔یہ بات گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے اپنے دست مبارک سے لیاری ‘کھڈہ مارکیٹ یوسی 4میں دعا ویلفیئر فاؤنڈیشن کے مرکزی دفتر کا افتتاح کرنے کے بعد افتتاحی تقریب سے خطاب کرتے ہوئے کہی۔افتتاحی تقریب میں علی مراد ‘ محمد فیاض ‘ آفرین بیگ ‘ قادر میمن ‘ اکمل پراچہ’ مہرالنساء بانو ‘ فہمیدہ بانو ‘ ساجدہ بانو ‘ ساجد روشن ‘ سید محمدندیم ‘صابرہ بانو ‘ صدیق میمن زری والا ‘ محمد انور ‘ عبداللہ ‘ محمد رضوان ‘ شہنیلہ بانو ‘ وزیر علی ‘ شوکت علی ‘ ابراہیم گلیکسی ‘ محمد یوسف ‘ محمد نبی ‘ یونس سایانی ‘ فاطمہ میمن ‘ محترمہ گلشن ‘ روزینہ خان روزی ‘ محمد حسن و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)شیعہ علما کونسل پنجاب کے صدر علامہ سید سبطین حیدر سبزواری نے کہا ہے کہ مفتی جعفر حسین رحمتہ اللہ علیہ نے قوم کوجو شعوردیا ، شہید علامہ عارف حسین الحسینی اورقائد ملت جعفریہ علامہ سید ساجد علی نقوی نے اسے جاری رکھا۔ وہ بلند پایہ رہنما اور ادیب تھے۔ آج پاکستان کے طول وعرض میں اور دنیا بھر میں جو اتحاد و وحدت کی فضا قائم ہے، اور تشیع مضبوط ہے، یہ سب قومی پلیٹ فارم تحریک جعفریہ پاکستان کی وجہ سے ہے۔ اس میںشہدا کا مقدس خون کی تاثیر شامل ہے تو علما کی رہنمائی اور نوجوانوں کی محنتیںبھی ہیں۔ پنجاب حکومت ہوش کے ناخن لے، عزاداری سید الشہدا کو محدود کرنے کی سوچ رکھنے والے کسی بھول میں ہیں۔ ہماری جانیں عزاداری سید الشہدا کے تحفظ میں کام آجائیں تو اس سے بڑی کو ئی سعادت نہیں۔ وہ تنظیم شیعہ شہریان لاہور کے زیراہتمام کربلا گامے شاہ میں تحریک نفاذ فقہ جعفریہ پاکستان کے بانی قائد علامہ مفتی جعفر حسین کی 33ویں برسی سے قائد ملت جعفریہ علامہ ساجد علی نقوی کے نمائندہ خصوصی کی حیثیت سے خطاب کررہے تھے۔ مولانا حافظ کاظم رضا نقوی، مولانا وقارا لحسنین نقوی، پروفیسر ذوالفقار حیدر،اور دیگر نے بھی مرحوم قائد ملت جعفریہ کو خرا ج عقیدت پیش کیا۔ جن کا 29۔ اگست 1983ء میں انتقال ہوگیا تھا۔ اس حوالے سے ملک بھر میں قرآن خوانی کی محافل اور کانفرنسوں کاا ہتمام کیا گیا اور مرحوم کی خدمات کو خراج عقیدت پیش کیا گیا۔کربلا گامے شاہ میں مرحوم کے مزار پر فاتحہ خوانی کی گئی اور پھولوں کی چادر یں چڑھائی گئیں۔علامہ سبطین سبزواری نے کہا کہ عزاداری کسی مسلک کے خلاف نہیں، یہ مسلمہ رسم صدیوں سے چلی آرہی ہے اور شیعہ سنی کے اتحاد کا مرکز رہی ہے۔ چونکہ اہل سنت بھی اہل تشیع کی طرح محب اہل بیت ہیں، اور وہ عزاداری کے جلوسوں اور مجالس عزا میں شریک ہوتے ہیں۔ انہوںنے کہا کہ چند عاقبت نااندیش لوگ عزاداری کی مخالفت میں ملکی آئین پاکستان کو بھول کر اپنی سوچ کو مسلط کرنا چاہتے ہیں، ایسا ممکن نہیں۔ ہم قربانی دینا جانتے ہیں۔ ان کا کہنا تھاکہ وزیر اعلیٰ پنجاب گذشتہ محرم الحرام اور صفر المظفر کے دوران پولیس کی طرف سے بانیان مجالس کے خلاف کاٹی گئی ایف آئی آرز واپس لے لیں۔ عوام میں ان کے خلاف نفرت کا لاوا پک رہا ہے۔ وزیر اعلیٰ جانتے ہیں کہ ملت جعفریہ عزاداری پر کسی سمجھوتے کو تیار نہیں۔ کسی جلوس کے روٹ سے ایک انچ پیچھے ہٹیں گے اور نہ ہی پرمٹ کی ضرورت کو محسوس کرتے ہیں۔ ریاستی انتظامیہ کی ذمہ داری ہے کہ وہ عوام کو تحفظ فراہم کرے۔ فورتھ شیڈول کا ظالمانہ استعمال بھی چھوڑ دیا جائے۔ اس سے عام شہریوں کا جینا دوبھر ہو گیا ہے۔علامہ سبطین سبزواری نے کہا کہ قائد ملت جعفریہ اول علامہ سید محمد دہلوی کی وفات کے بعد طویل مایوسی کے بعد علامہ مفتی جعفر حسین نے بکھری قوم کو متحد کیا۔ پر 6۔ جولائی 1980ء کو وفاقی سیکرٹریٹ کے کامیاب پرامن گھیراو کے بعد مارشل لائی حکومت سے مذاکرات کے بعد ذکوٰة آرڈیننس میں فقہ جعفریہ کا نقطہ نظر تسلیم کیا گیا۔ ان کا کہنا تھاکوئی اگر اللہ تعالیٰ کی وحدانیت کا مطالعہ کرنا چاہتے ۔میڈیا سے گفتگو میں علامہ سبطین سبزواری نے کہا کہ2018ء کے انتخابات میں بھر پور حصہ لیں گے ، مذہبی جماعتوں کا اتحاد ترجیح ہوگا۔ متحدہ مجلس عمل کی بحالی اور فعالیت ہماری خواہش ہے، لیکن ایسے حالات نظر نہیں آرہے۔ پھر بھی ہم ناامید نہیں ہیں۔ لیکن ایم ایم اے کے قریب ترین جو بھی حالات ہوئے، اس کے لئے ہم تیار ہیں۔ مولانا حافظ کاظم رضا نقوی نے کہا کہ مفتی جعفر حسین کی دور اندیشی اور فعالیت نے ملت تشیع کو سر اٹھاکر چلنے کا ڈھنگ سکھایا۔ اسی لئے قوم میں تفریق پیدا کرنے کے لئے نام نہاد گروپ تشکیل دیے گئے۔انہوں نے کہا کہ قائد ملت جعفریہ کی ہدایت کے مطابق اتحاد و وحدت کی فضا ملک بھر میں موجود ہے۔ تکفیری گروہ اب دم دبا کر بھاگ رہا ہے، انشااللہ وہ نیست و نابود ہوگا۔مولانا وقار الحسنین نقوی نے کہاکہ علامہ ساجد علی نقوی نے مفتی جعفر حسین مرحوم اور قائد شہید علامہ عارف الحسینی کے مشن کو آگے بڑھایا ۔ وہی قائدین کی وراثت کے وارث ہیں۔ انہوںنے کہا کہ مفتی جعفر حسین نے اپنے آخری انٹرویو میں تحریک جعفریہ کی پالیسی کی وضاحت میں جمہوری نظام کی حمایت اور مارشل لا کو ضد اسلام قراردیا تھا۔ جس پر بعدازاں عمل ہوا اورسیاسی عمل جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)سوات کی عوام کی فلاح و بہبود کیلئے پاک فوج ٹریفک پولیس کے ساتھ مل کر بھر پور تعاون فراہم کر رہی ہے ان خیالات کا اظہارآفیسرکمانڈنگ ملٹری پولیس میجر ظفر نے آرمی سرکٹ ہاوس میں میڈیا بریفنگ کے دوران سوات پریس کلب کے صحافیوں سے کیا۔ انھوں نے کہا کہ پاک فوج کی کاوشوں سے ٹریفک کو کنٹرول کرنے کیلئے پولیس کے ساتھ مل کر مضبوط حکمت عملی تیار کی گئی ہے۔ بریفنگ دیتے ہوئے آفیسرکمانڈنگ ملٹری پولیس میجر ظفر نے کہا کہ ٹریفک کے مسئلے کو مد نظر رکھتے ہوئے ، سول انتظامیہ سے مل کر پاک فوج نے یہ جائزہ لیا کہ سوات میں ٹریفک سب سے بڑامسئلہ ہے ۔ اس مسئلے کا پاک آرمی نے نوٹس لیاہے اور یہ مسئلہ جنرل آفیسرکمانڈنگ مالاکنڈ آرمی ڈویژن میجر جنرل آصف غفور کے سامنے پیش کیا گیا ۔ اس مسئلے کا بغور جائزہ لیا گیااور پولیس ، سول انتظامیہ کو ساتھ ملاکر ایک ٹیم کی صورت میں مل کر ایک لائحہ عمل تیار کیا گیا ہے ۔ اس لائحہ عمل کو سامنے رکھتے ہوئے ٹریفک کے مسئلہ کو حل کرنے کیلئے ایک منصوبہ بندی کی گئی ہے۔پاک فوج کی کاوشوں سے ٹریفک کو کنٹرول کرنے کیلئے پولیس کے ساتھ مل کر مضبوط حکمت عملی تیار کی گئی ہے۔ پاک فوج اور پولیس کے باہمی اشتراک سے ٹریفک کو کنٹرول کرنے کیلئے ایک بڑا منصوبہ لائحہ عمل تیار کیا جاچکاہے تقر یباََ 2.5لاکھ سے 3لاکھ گاڑیاں سڑکوں پر چلتی ہیں جس کیلئے ٹریفک کو رواںرکھنے کیلئے منصوبہ بندی وقت کی اہم ضرورت ہے ۔ ناجائز رکشوں کے خلاف آپریشن کیا جائے گا اورلائسنس کے بغیر لوگوں کے خلاف آپریشن کیا جائے گا۔ لائسنس چیک کئے جائیں گے ۔چالیس سے زائد ٹریفک پولیس اہلکار وں کی ٹریننگ ملٹر ی پولیس کررہی ہے ۔ چند دنوں میں ٹریفک پولیس کی نفری ڈبل ہوجائے گی جس کی وجہ سے ہر چوک پر ٹریفک پولیس کی تعیناتی کی جاسکے گی ۔ پارکنگ کیلئے جگہیں مختص کی جارہی ہیں ۔ پاکستان کی فوج پاکستانی عوام کیلئے ہے۔ نیشنل ہائی وے کے ساتھ تعاون اورسڑکوں کو کشادہ کرنے کیلئے بھی انتظامات کئے جارہے ہیں ۔ ناجائز پارکنگ کرنے والوں کے خلاف قانونی کاروائی کی جائے گی۔پاک فوج یہ تمام انتظامات عوا م کی فلاح وبہبود کو مد نظر رکھ کر کررہی ہے ۔اس سلسلے میں شفارشات اور تجاویز پر بھی غور کیا جائے گااور اس لائحہ عمل کومزید بہتر بنایا جاسکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)وزیر اعلیٰ خیبر پختونخوا کے معاون خصوصی برائے لائیوسٹاک و فشریز محب اللہ خان نے کہا ہے کہ میرٹ پر بھرتی ہونے والے تعلیم یا فتہ، خوش اخلاق اور با اعتماد پولیس جوان اور آفیسر خیبر پختونخوا پولیس کے ماتھے کا جھومر ہیں جو رزم اور بزم دونوں میں بے مثال اور یکتا ہیں ۔ انھوں نے کہا کہ قیام امن کیلئے کے پی پولیس نے پاک فوج کے شانہ بشانہ جو قربانیاں دی ہیں وہ سنہری حروف کے ساتھ لکھی جائیں گی۔وہ منگل کے روز پولیس ٹرینینگ سکول، پولیس لائینزسوات مینگورہ میں سالانہ بزم ادب پروگرام کے موقع پر مہمان خصوصی کی حیثیت سے خطاب کر رہے تھے۔اس موقع پر کمانڈنٹ پی ٹی ایس مبارک خان اور ایس پی (ر) حق نواز خان کے علاوہ پولیس افسران ،جوانوں اور خواتین پولیس کے علاوہ مر د و خواتین ریکروٹس کی بڑی تعداد موجود تھی۔ محب اللہ خان نے کہا کہ کے پی پولیس کی قربانیوں اور جان نثاری کی بدولت صوبے کے امن میں نمایاں بہتری آئی ہے جس سے ترقی اور خوشحالی کے نئے دور کی نوید ملتی ہے کیونکہ ہر شعبہ زندگی میں بہتری اور ترقی کیلئے بنیادی ضرورت امن ہے۔انھوں نے کہا کہ کے پی پولیس ملک کی ایک مثالی پولیس بن چکی ہے جس کا سہرا موجودہ حکومت کے سر ہے کیونکہ حکومت نے پولیس کو ہر قسم کی مداخلت اور دبائو سے آزاد کر دیا ہے۔ محب اللہ خان نے کہا کہ دوسرے صوبوں سے پختونخوا میں داخل ہونے والوں کو ہماری پولیس فرشتہ صفت نظر آتی ہے اور دوسرے صوبوں کے سیاح یہاں سے پولیس کا بہترین تاثر لے کر جاتے ہیں۔ انھوں نے تاکید کی کہ عوام کے جان و مال کی حفا ظت عبادت سمجھ کر کریں ۔ انھوں نے بزم ادب میں بہترین تقاریر ،خاکوں اور دیگر مقابلوں میں حصہ لینے والے نوجوان ریکروٹس جن میں خواتین ریکروٹس بھی شامل تھیں کی صلاحیتوں کی تعریف کی اور کہا کہ خواتین کی شرکت کے بغیر معاشرہ کا کوئی بھی طبقہ آگے نہیں بڑھ سکتا۔اس موقع پر کمانڈنٹ مبارک خان نے بھی خطاب کیا اور سکول کیلئے تعاون کی گزارش کی۔ محب اللہ خان نے یقین دلایا کہ پولیس سکول سوات کی ترقی کیلئے تمام ممکن اقدامات کئے جائیں گے۔اس موقع پر محب اللہ خان نے بزم ادب میں نمایاں کر دار ادا کرنے والوں میں اسناد تقسیم کیں اور سکول کے مختلف حصوں کا معائینہ بھی کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)کبل واپڈا کی طرف سے صارفین کو بھاری بھاری بل ارسال کرنے کا سلسلہ بدستور جاری صارفین دفتر کے چکر لگانے پر مجبور میٹر ریڈر نجومی بن کر بغیر چیکنگ ریڈنگ لے کر بل ارسال کر دیتے ہیں جس کا پرسان حال کوئی نہیں صارفین کا واپڈا آفس میں فریاد ایکشن لینے کا مطالبہ سٹا ف کی شدید کمی ہے 34ہزار میٹر ہیں جبکہ میٹر ریڈر اہلکاروں کی تعداد صرف 9ہے جس کی وجہ سے ہمیں شدید مشکلا ت کا سامنا ہے SDOکبل واپڈا کا موقف تفصیلات کے مطابق سب ڈویژن کبل میں واپڈا کی طرف سے صارفین کو بھاری بھاری رقوم کی بلز ارسال کرنے کا سلسلہ بدستورجاری ہے جس کی وجہ سے صارفین شدید پریشانی میں مبتلا ہو چکے ہیں صارفین کا کہنا ہے کہ میٹر ریڈر بغیر چیکنگ بل ارسال کر کے ہمیں مزید مشکلات میں ڈال رہے ہیں انہوں نے مطالبہ کیا کہ حکومت اور متعلقہ ادارے کے افسران فوری طور پر ایکشن لے کر ملوث عنا صر کے خلاف انکوائری کر کے کاروائی کی جائے ادھر SDOکبل واپڈا محمد سہیل نے موقف اختیار کیا ہے کہ ہمیں سٹاف کی شدید کمی کا سامنا ہے سب ڈویژن کبل میں میٹروں کی تعداد 34ہزار سے زیادہ ہے جبکہ میٹر اہلکاروں کی تعدادصرف 9ہے سٹاف کمی پورا کر کے تمام مسائل حل ہو جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پاکستان مسلم لیگ کے سینئر رہنما رسول خان کی کوششوں سے ڈاکٹر خان شہید ڈگری کالج میں پانی کا سنگین مسئلہ حل 5لاکھ روپے لا گت سے پانی ٹیوب ویل پر کام زور و شعور سے جاری ہے آئندہ 2ہفتوں میں مکمل ہو جائینگے رسول خان کا کالج دورے کے دوران میڈیا سے با ت چیت تفصیلات کے مطابق ڈاکٹر خان ڈگری کالج کبل میں پانی مسئلے نے سنگین صورتحا ل اختیار کیا گیا تھا جو پاکستان مسلم لیگ کے سینئر رہنما نے اپنی وائف جو کہ تحصیل کو نسل میں خواتین ممبر ہے ان ہی کی پنڈ سے 5لاکھ روپے کی لا گت سے پانی ٹیوب ویل کی منظوری دی تھی جس پر کام بہت تیزی سے جاری ہے انہوں نے کہا کہ کالج میں پانی قلت کو مد نظر رکھتے ہوئے جلد کام پر آغاز کیا اور آئندہ 2ہفتوں میں اس پر کام مکمل ہو جائیگی اس موقع پر پرنسپل ڈگری کالج کبل PSFضلعی رہنما عجب خان انقلا ب اور دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)پاک آرمی کے زیر اہتمام مالاکنڈ سپورٹس گالاکا انعقاد کیا گیا ہے جس میںآج چینگ چی ریس کے مقابلے ظفر پارک بٹ خیلہ میں منعقد کئے گے ان مقابلوں میں مالاکنڈڈویژن کے ہر ضلع کی ٹیم نے شرکت کی۔ ان مقابلوں میں پاک آرمی اور سول انتظامیہ کے افسران کے علاوہ مختلف اضلاع سے عوام کی کیثر تعداد نے بھی شرکت کی ۔اس ریس میں پہلی پوزیشن حاصل کرنے والے کو دس ہزار10000 روپے ، دوسری پوزیشن والے کو سات ہزار7000اور تیسری پوزیشن حاصل کرنے والے کو پانچ ہزار5000روپے دئیے گے ۔کھیل کے دوران شائقین کا شو ق دیدنی تھا ۔ کھلاڑیوں نے میچ کے آخر میں کہاکہ پاک آرمی کی ان کاوشوں سے ہم یہ ثابت کر کے دکھائے گے کہ مالاکنڈ ڈویژن میں ٹیلنٹ کی کوئی کمی نہیں ہے اور یہاں پر گروانڈ آباد ہوتے ہیں وہاں ہسپتال ویران ہوتے ہیں ۔ کھلاڑیوں نے تقریب کے آخر میں پاک فوج زند ہ باد کے نعرے لگائے اور کہا کہ اس طر ح کے فیسٹول کے انعقاد پر ہم پاک فوج کے مشکور ہیں۔