گجرات (جی پی آئی) کاروان مالک اشتر پرائیویٹ لمیٹڈ کے حجاج کرام کامیاب قیام مکہ و مدینہ شریف کے بعد فریضہ حج کی ادائیگی کیلئے بخیریت و عافیت منیٰ میں پہنچ گئے۔ منیٰ میں سید اظہر حسین نقوی اور سید محمد علی نقوی کی قیادت میں ایک رات قیام کے بعد حج کے رکن اکبر ، قیام عرفات کیلئے آج صبح میدان عرفات میں پہنچیں گے۔ جہاں مناسک حج کی ادائیگی کے ساتھ ساتھ دعائے مغفرت و ملت اسلامیہ خصوصاً پاکستان کیلئے خصوصی دعائیں بھی کی جائیں گی۔ قیام عرفات کے بعد آج شام حجاج حج کے دوسرے رکن کی ادائیگی کیلئے عرفات سے مزدلفہ جہاں رات کھلے آسمان تلے قیام کے بعد دیگر مناسک حج کی ادائیگی کیلئے حجاج منیٰ میں دو دن قیام کریں گے۔ اس سلسلہ میں حکومت سعودیہ و وزارت مذہبی امور پاکستان کی ہدایات اور تعاون سے کاروان مالک اشتر نے تمام انتظامات مکمل کر لئے ہیں۔ تاکہ حجاج کرام صحیح طریقے سے مناسک حج ادا کر سکیں۔ حجاج کی سہولت کیلئے کئے گئے اقدامات کو خصوصی طور پر حجاج کرام نے اور وزارت مذہبی امور کے نمائندگان نے کاروان مالک اشتر کی انتظامیہ کو خراجِ تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سٹی صدرپاکستان مسلم لیگ ق گجرات محمد حنیف حیدری نے میڈیا سے گفتگو کرتے ہوئے کہا کہ عدالت میں اشرف ریحانیہ پینل کیخلاف اعتراضات جمع کرادیئے ہیںعوام کی عدالت سے بھی انکو ناک آئوٹ کرائینگے بلدیاتی الیکشن میںعوام سرکاری امیدواروں کو مسترد کردینگے، ان خیالات کا اظہارانہوں نے گزشتہ روز یوسی 1سے ن لیگ کے امیدوار برائے چیئرمین اشر ف ریحانیہ اور ان کے پینل کے خلاف ایپلیٹ اتھارٹی کی عدالت میں اعتراضات داخل کرانے کے بعدمیڈیا سے گفتگوکرتے ہوئے کیا،انہوں نے کہا ہے چوہدری اشرف ریحانیہ سمیت تمام پینل کے امیدواران کے کاغذات نامزدگی درست نہیں اسکے علاوہ وہ ڈیفالٹرزبھی ہیں اور انہوں نے اثاثہ جات بھی درست ظاہر نہیں کئے جبکہ انکے پینل کے تمام امیدواروں کے کاغذات نامزدگی بھی درست نہیں،محمد حنیف حیدری نے کہا کہ ہم نے نہ کبھی کرپشن کی اور نہ ہی اپنے اثاثہ جات چھپائے ہیں جبکہ مخالفین جھوٹ کی بنیاد پرعوام کی آنکھوں میں دھول جھونکنا چاہتے ہیںمگر عقل سے عاری یہ لوگ اس بات سے بے خبرہیں کہ عدلیہ کے بعد عوام کی عدالت بھی ہے جو ہمیشہ کی طرح حق اور سچ کا ساتھ دیکر مسلم لیگ ق کے نامزد امیدواروں کو کامیاب کروائیں گے انہوں نے کہا کہ ہمارا کردار عوام کے سامنے کھلی کتاب کی طرح ہے ہم بلدیاتی انتخابات میں عوام کی محبت اور ووٹ کے سہارے کامیابی حاصل کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) اے سی کھاریاں میڈم افشاں رباب نے لالہ موسیٰ اور خواص پور میں کاروائی کرتے ہوئے 3عطائی ڈاکٹر و ں کے کلینک سیل کر دیے ہیں ۔ ڈ ی سی او گجرات کی ہدایت پر کریک ڈائو ن کے دوران اے سی کھاریاں افشاں رباب نے ڈرگ انسپکٹر جاوید اقبال کے ہمراہ لالہ موسیٰ کے علاقہ میں کاروائی کرتے ہوئے عطائی ڈاکٹر محمد اسلم اور عمر وحید کا محلہ سردار پورہ میں کلینک سیل کردیا بعد ازاں انہوں نے خواص پوربازار میں عطائی ڈاکٹر خا لد حسین کا بھی کلینک سیل کردیا جبکہ تینوں کے چالان کرکے مزید قانونی کاروائی شروع کر دی ہے۔ قائمقام ڈی سی او عرفان علی کاٹھیا نے کامیاب کریک ڈائون پر اے سی کھاریاں اور انکی ٹیم کو شاباش دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) امید وار برائے چیئر مین کاشف رضاحیدی اور امید وار برائے وائس چیئر مین چوہدری قاسم جبار نے اپنے مشترکہ بیان میں کہا ہے کہ یو نین کونسل نمبر1 سے ن لیگ کے امیدوار برائے چیئر مین کو مالیخولیا ہو گیا ہے وہ اپنی سابقہ روایات کے مطابق اوٹ پٹانگ بیان دے کر دل کو جھوٹی تسلیاں دے رہے ہیں جب وہ مسلم لیگ ق میں تھے تو جھوٹے اشتہارات لگواکر لوگوں کو ورغلانے کی کوشش کرتے رہے، اب ن لیگ میں جانے کے بعد بھی انکی طبیعت میں کوئی تبدیلی نہیں آئی،گزشتہ روز ایک مقامی اخبار میں شائع ہونے والا اشتہار بے بنیاد ہے جس میں موصوف نے انتہائی غلط بیانی کرتے ہوئے ایک من گھڑت اشتہار شائع کروایا،جسطرح ق لیگ کے ٹکٹ کا خود ساختہ اعلان کرکے اپنی عزت افزائی چوہدری برادران سے کروائی تھی،اب ن لیگ میں بھی ویسی ہی حرکات کررہے ہیںاوربہت جلد ان کی کاٹھ کی ہنڈیاٹوٹ جائے گی کیونکہ سچائی سرچڑھ کر بولتی ہے جبکہ جھوٹ ومکروفریب کو ہمیشہ شکست ہوتی ہے،ویسے بھی عوام ن لیگ اور ان کے حواریوں سے تنگ آچکے ہیںانشاء اللہ تعالیٰ بلدیاتی الیکشن میں سرکاری چھتری کے نیچے بیٹھ کر الیکشن لڑنے والوں کو عوام عبرت ناک شکست دیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) گجرات اور گردو نواح میں رات سے مسلسل جاری بارش نے گجرات شہر کے ڈوبو کر رکھ دیا ہے ٹی ایم اے گجرات کی جانب سے کیے گئے تمام دعوے دھرے کے دھرے رہ گئے ہیں ،بارش سے پورا گجرات وینس کا نقشہ پیش کر تا رہااور سڑکوں پر کئی کئی فٹ پانی کھڑا ہو نے سے سینکڑوں کی تعداد میں گاڑیاں اور موٹر سائیکل پانی میں پھنس گئے لوگ سارا دن دھکہ لگاتے رہے ،رات سے جاری بارش سے نالیاں اور نالے ندیوں کا روپ دھار گئے تاہم بارش سے نشیبی علاقے بھی زیر آب گئے ،تیز رفتار بارش سے ریلوے روڈ ،سرگودہا روڈ ، جیل چوک، کچہری چوک،رامتلائی چوک،پرنس چوک ،جناح روڈ ،شاہ فیصل گیٹ، چوک نواب صاحب ،میں کئی کئی فٹ تک بارش کا پانی کھڑا ہو گیا جس سے شہریوں کو گزرنے میں انتہائی مشکلات کا سامنا رہا ،جبکہ دوسری طرف بارش کا پانی سرکاری دفاتر میں بھی داکل ہو گیا ڈی پی او اور ڈی سی او آفس میں بھی کئی کئی فٹ بارش کا پانی جمع ہو گیا بارش سے تمام سرکاری اور نیم سرکاری اداروں مین ملازمین کی حاضری بھی انتہائی کم رہی جبکہ بارش کے جمع شدہ پانی میںدرجنوں لوگ نالوں میں گر کر شدید زخمی بھی ہوئے
والدین اللہ تعالیٰ کی طرف سے انسان کے لئے ایک بڑی نعمت ہیں، ملک محمد جمشید اعظم
قربانی اللہ رب العزت کے قرب کا بہترین ذریعہ ہے۔ صوفی مسعود احمد صدیقی