گجرات کی خبریں 26/8/2016

Gujrat

Gujrat

گجرات (جی پی آئی) دی ایجوکیٹرز بارہ دری کیمپس کا جماعت نہم کا شاندار رزلٹ۔ ایمن ہمایوں نے 497 نمبر لیکر پہلی پوزیشن ۔ جبکہ عیشاء تنویر 491′ شامیر اظہر 491′ نور العین سلیمی484′ عیشاء فاطمہ484′ احتشام علی 483′ محمد احمد خالد483′ سیدہ سعدیہ گیلانی 473′ ہدالئیق 467′ محمد آمیش طفیل 467’فجستہ بنت مظہر 466′ زینب ناصر ڈار464′ سید مرتضی گیلانی 461′ محمد عبداللہ فاروق456′ عائشہ صدیقہ 455′ عائشہ افتخار454′ زوہیب وقاص 453 ‘ محمد احسن 452′ جنت زیب میر450′ علیشہ جمشید 450′ زینب اشفاق 449′ خیام احمد448′ تحریم شاہد446′ ایمان شہزاد445′ اسماء اکبر 441′ زینب ممتاز441′ حلیمہ ذوالفقار437′ عبداللہ عرفان 436’ عظمی عاصم 436 نمبر لیکر نمایاں رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈائریکٹر دی ایجوکیٹرز بارہ دری کیمپس شہزاد شفیق نقشبندی شرقپوری نے کہا ہے کہ دی ایجوکیٹرز بارہ دری کیمپس فروغ تعلیم کیلئے دن رات کوشاں ہے۔ اور اس سلسلہ میں محنتی اور تربیت یافتہ سٹاف تعینات کیا گیا ہے تاکہ تعلیم کا معیار بہتر ہو سکے۔ دیگر اداروں کے برعکس ہمارے ادارے میں طلبہ اور طالبات کی دینی ضروریات کو بھی مد نظر رکھا جاتا ہے اور انہیں دینی تعلیم بھی دی جاتی ہے ہم معاشرہ کو اچھے انسان دینا چاہتے ہیں۔ اس لئے ہماری کوشش ہے کہ تربیت یافتہ با اخلاق اساتذہ اپنے فرائض سرانجام دیں تاکہ نوجوان نسل کی بہترین تعلیم و تربیت کا سلسلہ جاری رکھ سکیں۔ شہزاد شفیق نے کہا کہ اللہ تعالیٰ کا فل و کرم ہے کہ ہم اپنے بچوں کے والدین اور اساتذہ کے سامنے سرخرو ہو رہے ہیں ۔ اللہ عزوجل ہمیں ہماری محنت کا بہترین انعام دے رہا ہے۔ دی ایجوکیٹرز بارہ دری کیمپس میں بچوں کی اخلاقی تربیت کا بھی اہتمام کیا جاتا ہے سائیکاٹرسٹ اور دیگر ڈاکٹرز بھی تعینات ہیں تاکہ ہر شعبہ ہائے زندگی میں بچوں کو راہنمائی مل سکے۔ میں اپنے تمام سٹاف کا شکر گزار ہوں جن کی محنتوں کی وجہ سے آج ہمارے بچوں کے شاندار نتائج آئے ہیں۔ ہم اس مشن کو جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز مسلم لیگی رہنما مسز نزہت نئیر نے مطالبہ کیا ہے کہ پاکستان مردہ باد کہنے والوں پر بغاوت کا مقدمہ قائم کر کے برطانیہ سے پاکستان واپس لاکر تختہ دار پر لٹکایا جائے پاکستان مردہ باد کے نعرے کسی طور پر بھی قابل قبول نہیں ”را” کے ایجنٹوں کے خلاف بزدلانہ کاروائی کرنے کی بجائے دلیرانہ فیصلے کیے جائیں ۔ دشمن ملک کے ہاتھوں استعمال ہونے اور ان کی فنڈنگ کے ذریعے وطن کے خلاف کام کرنے والی تنظیم کو بین کیا جائے۔انھوں نے کہا کہ ان ہی لوگوں نے منی پاکستان کراچی کی رونقوں کو تباہ ، برباد کیا وہاں قتل وغارت کا بازار گرم کیا آئے روز کی قتل وغارت نے وہاں کے عوام کا جینا دوبھر کردیا کراچی شہر جو ایم کیو ایم کے قیام سے قبل دنیا میں جنت کا نقشہ پیش کرتا تھا آج انسانوں کی قتل گاہ بن چکا ہے۔ رہنمائوں نے کہا کہ میڈیا کے دفاتر پر حملہ کرنے والے دہشت گردوں ،قاتلوں اوربھتہ خوروں کو کیفرکردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) نیو ٹیک کے زیر اہتمام فاران گروپ آف ٹیکنیکل انسٹی ٹیوٹس میں نوجوانوںکی ووکیشنل ٹریننگ کے سلسلہ میں خصوصی کورسز کا اہتمام کیا گیا ہے۔ 4 شعبہ جات جس میں الیکٹریشن ڈرافٹس مین پلمبر ‘ یو پی ایس سولر سسٹم شامل ہیں۔ گزشتہ روز نیو ٹیک کے زیر اہتمام اس تربیتی ورکشاپ کے طلبہ کے درمیان فنی مہارت کے مقابلہ جات کا انعقاد کیا گیا۔ جس میں طلبہ نے مختلف پراجیکٹ بنائے ۔ اس تقریب کے مہمان خصوصی ڈائریکٹر پنجاب نیو ٹیک میاں محمد اعظم اور صدر گجرات چیمبر میاں محمد اعجاز تھے۔ اس موقع پر بچوں میں اسناد ‘ انعامات اور سکالر شپ کے چیک تقسیم کئے گئے۔ 150 طلبہ نے اس کورس میں حصہ لیا ہے یہ کورس نومبر تک جاری رہے گا۔ ڈائریکٹر نیو ٹیک میاں محمد اعظم اور صدر گجرات چیمبر میاں محمد اعجاز نے بچوں میں انعامات تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) بیروزگار پڑھے لکھے نوجوانوں کو با عزت روزگار کی فراہمی خوش آئند ہے۔ جب تک نوجوانوں میں فنی تربیت نہ ہو وہ ترقی نہیں کر سکتے۔ ان خیالا ت کا اظہار ڈائریکٹر نیو ٹیک پنجاب میاں محمد اعظم نے فاران گروپ آف ٹیکنیکل انسٹی ٹیوٹ میں نوجوانوں کے فنی مقابلہ کی تقریب تقسیم انعامات کے موقع پر خطاب کرتے ہوئے کیا۔ انہوں نے کہا کہ نیو ٹیک پاکستان کا مقصد نوجوانوں کو فنی تربیت اور امداد فراہم کرنا ہے۔ یہ کورسز مختلف سرکاری و پرائیویٹ فنی اداروں میں ہو رہے ہیں۔ جسکا مقصد صرف اور صرف نوجوانوں کی بہتری اور راہنمائی ہے۔ ہم کسی بھی تعلیمی ادارے میں کورسز الاٹ کرنے سے قبل تعلیمی ادارے کی قابلیت اسااتذہ کی قابلیت دیکھتے ہیں ہمیں خوشی ہے کہ فاران گروپ آف ٹیکنیکل انسٹی ٹیوٹ بلا شبہ بہترین ادارہ ہے جس میں بچوں کی تربیت کیلئے تمام مواقع میسر ہیں۔ صدر گجرات چیمبر میاں محمد اعجاز نے کہا کہ نیو ٹیک اور فاران گروپ آف ٹیکنیکل انسٹی ٹیوٹس کی انتظامیہ مبارکباد کی مستحق ہے جس نے شاندار اقدامات کئے اور بچوں کو سیکھنے کے مواقع مل رہے ہیں۔ جب تک نوجوان نسل کی صحیح راہنمائی نہ کی جائے وہ ترقی نہیں کر سکتے۔ گجرات چیمبر آف کامرس اینڈ انڈسٹری فنی تربیت دینے والے اداروں کی کاوشوں کو سراہتی ہے اور اس سلسلہ میں ہمارا تعاون جاری رہے گا۔ طارق جاوید چوہدری اور انکی ٹیم کی کاوشیں قابل تحسین ہیں۔ مینیجنگ ڈائریکٹر فاران گروپ آف ٹیکنیکل انسٹی ٹیوٹس طارق جاوید چوہدری نے کہا کہ ہمارا مقصد نوجوان نسل کی راہنمائی ہے ا س سلسلہ میں ان کورسز کا انعقاد کیا گیا ہے ہم اپنی سطح پر بچوں کی بہترین تعلیم و تربیت کا مشن لے کر آگے بڑھ رہے ہیں۔ نہ صرف نیو ٹیک بلکہ دیگر شعبوں میں بھی ہماری کاوشیں جاری رہیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلع گجرات کے ممتاز تعلیمی ادارے ILM نے اپنا وعدہ پورا کر دیا۔ یونیورسٹی آف گجرات میں بی کام میں پہلی پوزیشن حاصل کرنے والی طالبہ ثناء انصر کو کالج کی جانب سے 50ہزار روپے کیش اور لیپ ٹاپ کا تحفہ دیا گیا۔ پرنسپل آئی ایل ایم کالج گجرات سید سلیمان حیدر’ اور وائس پرنسپل جواد رضا کنجاہی نے تقریب کے دوران یہ انعام ثناء انصر کے حوالے کیا۔ اس موقع پر ثناء انصر کے والد انصر محمود اور والدہ سمیت میڈیا و دیگر طلباء بھی موجود تھے۔ اس موقع پر سید سجاد حیدر نے کہا کہ اگر طلباء کی بہترین حوصلہ افزائی کی جائے تو ان میں آگے بڑھنے کا جذبہ پیدا ہوتا ہے اور ثناء انصر نے یونیورسٹی میں ٹاپ کر کے ہمارا سر فخر سے بلند کیا ہے ہمیں اس پر بہت خوشی ہے۔ ہمارے کالج کی جانب سے ثناء انصر کیلئے مفت تعلیم کی آفر ہے۔ ہم طلبہ کی راہنمائی کا سلسلہ جاری رکھیںگے۔ اور ذہین طلبہ کی حوصلہ افزائی کی جائے گی۔ جبکہ ہونہار طلبہ کو تعلیم میں مکمل معاونت کی جائے گی۔ اس موقع پر طالبہ ثناء انصر کے والد نے کالج کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز مذہبی شخصیت صدر انجمن نوجوانان اسلام چوہدری فیاض احمد مہر کے والد محترم عاشق رسول الحاج مہر غلام حسین کا ختم چالیسواں پڑھا گیا۔ جس کی صدارت ممتاز عالم دین مفتی محمد اشرف القادری نے کی۔ جبکہ مہمان خصوصی صوبائی جنرل سیکرٹری جمعیت علمائے پاکستان ڈاکٹر جاوید اختر تھے۔ اس موقع پر ممتاز مذہبی و روحانی شخصیات نے شرکت کی جن میں مفتی عبدالرحمن ‘ حکیم افتخار نورانی’ چوہدری فیاض حسین ‘ قاری محمد جمیل اعظمی مہتمم اشرفیہ گجرات’ حافظ محمد یعقوب داتار’ ڈاکٹر منور حسین’ صاحبزادہ محمد ابوبکر غزالی’ قاری محمد فیاض چشتی’ مرزا محمد عظیم’ صاحبزادہ خالد بن منور’ رضا مصطفی سلیمی’ کے علاوہ سینکڑوں JUP کے کارکنان اور خادمین نے شرکت کی۔اس موقع پر علماء و مشائخ نے حضرت امام شاہ احمد نورانی کی ختم نبوت کی خدمات کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) تبلیغ دین کی عالمی تنظیم تبلیغ اسلامی کے زیر اہتمام گیارہویں تین روزہ اسلامی تربیت شروع ہو گئی۔ 26′ 27’28 کو مرکز تبلیغ اسلامی نزد دربار سائیں کانوانوالی سرکار میں یہ تربیتی کلاسیں منعقد ہو رہی ہیں۔ جس میں مختلف موضوعات پر مبلغین خطاب کر رہے ہیں ‘ آخری بیان تبلیغ دین کی ضرورت بروز اتوار کو دن 12 بجے ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ ق کے ممتاز راہنما اور چیئرمین یونین کونسل چھ چوہدری سلیم کمبوہ نے ایک بیان میں کہا ہے کہ پاکستان مخالف نعرے بازی اور الطاف حسین کی اشتعال انگیز تقریر کے بعد اب کوئی شک نہیں رہا کہ ایم کیو ایم ایک دہشت گرد اور فاشسٹ جماعت ہے، جوکہ طالبان سے زیادہ خطر ناک شکل اختیار کرچکی ہے ،انہوں نے کہا کہ قومی سلامتی کے خلاف ایم کیو ایم کی نفرت اور اشتعال انگیزی کے بعد اسے سیاسی جماعت کے طور پر زندہ رکھنے کا کوئی جواز نہیں، اب مہاجروں کو ان سے اظہار لاتعلقی اختیار کرلینی چاہیے۔ انہوںنے کہا کہ بھارت کے ساتھ گٹھ جوڑ کی بنا پر اس کے خلاف ایکشن لیا جانا ضروری ہوچکا ہے، حکومت بہانے بازیوں سے باز آجائے، اس کے لئے ضروری ہے کہ قانونی راستہ اختیار کیا جائے۔ ان کا کہنا تھا بھتہ خوری اور قتل وغارت گری کے ملزم الطاف حسین کو وطن واپس لاکر اس کا عدالتی ٹرائیل کیا جائے۔ چوہدری سیلم کمبوہ نے کہا کہ اب ایم کیو ایم کی سیاسی حثیت بھی ختم ہو چکی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ایڈمنسٹریٹر ٹی ایم اے عرفان علی کاٹھیا نے کہا ہے کہ ٹانڈہ چوک جلالپور جٹاں سے تجاوزات کے خاتمہ کے بعد چوک کو کھلا کرنے اور یہاں سڑک کی تعمیر کا کام شروع کر دیا گیا ہے۔ ان خیالات کا اظہار انہوںنے ڈی سی او لیاقت علی چٹھہ کو بریفنگ دیتے ہوئے کیا، ای ڈی او فنانس چوہدری اصغر ، ڈی او روڈز محمد شریف، ٹی ایم او خرم محمود اور دیگر افسران بھی انکے ہمراہ تھے۔ ایڈمنسٹریٹر ٹی ایم اے عرفان علی کاٹھیا نے بتایا کہ چوک کو کھلا کرنے کے لئے سڑک کی تعمیر کے ساتھ دونوں اطراف سیوریج نالے کی تعمیر اور ٹف ٹائلز بھی لگائی جائیں گی اور چوک میںایل ای ڈی لائٹس کی تنصیب بھی کی جائے گی۔ انہوںنے بتایا کہ تجاوزات کے خاتمہ سے ٹانڈہ چوک میںٹریفک کے بہائو میں بہتری آئی ہے اور تعمیراتی کاموںکی تکمیل کے بعد صورتحال مزید بہتر ہوجائے گی۔ ڈی او روڈز نے ڈی سی و کو بتایا کہ منصوبے پر 15دن میںکام مکمل کر لیا جائے گا۔ ڈی سی او لیاقت علی چٹھہ نے ہدایت کی کہ شہریوںکی فلاح و بہبود کے اس منصوبے پر کام تیزی سے مکمل کیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈیسنٹ ویلفیئر سوسائٹی کے نومنتخب عہدے داروںنے حلف اٹھا لیا ہے، اس سلسلے میںمنعقدہ تقریب کے مہمان خصوسی ڈی سی او لیاقت علی چٹھہ تھے جبکہ ڈی او سوشل ویلفیئر امجدکلیر، ڈاکٹر اعجا ز بشیر و دیگر بھی ہمراہ تھے ۔ اس موقع پر خطاب کرتے ہوئے ڈ ی سی او لیاقت علی چٹھہ نے کہا کہ خدمت خلق ہی حقیقی مقصد حیات ہے، دکھی انسانیت کے کام آنا دین اسلام کی تعلیمات کا خلاصہ ہے۔ انہوںنے ڈیسنٹ ویلفیئر سوسائٹی کی فلاحی خدمات کو خراج تحسین پیش کیا اور امید کا اظہار کیا کہ نومنتخب عہدیداران خدمت خلق کا سفر جاری رکھیں گے۔ اس سے قبل ڈی سی او لیاقت علی چٹھہ نے ڈیسنٹ ویلفئیر سوسائٹی کے زیر اہتما م فنی تعلیمی ادارے کے مختلف شعبہ جات کا دورہ کیا اور وہاں زیر تعلیم طلبہ و طالبات سے تدریسی سرگرمیوں اور مستقبل کے پلاننگ کے حوالے سے دریافت کیا۔ ڈی سی او کو بتایا گیا کہ ادارے میں 900طلبہ زیر تعلیم ہیں جنہیں14مختلف شعبہ جات میں بلامعاوضہ فنی تعلیم دی جارہی ہے اور انہیں حکومت پنجاب محکمہ زکواة کی طرف سے ماہانہ وظیفہ بھی دیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) انڈیا میں آذان پر پابندی نہیں لیکن اسلام کے نام پر بننے والے ملک کے صوبہ پنجاب میں چار اطراف اللہ اکبر کہنے پر پابندی کیوں ہے؟ جبکہ کے پی کے اور ملک کے دیگر صوبوں میں آج بھی چار اطراف سپیکر پر آذان ہو رہی ہے اور وہاں کوئی حکومتی روک رکاوٹ نہیں۔ ان خیالات کا اظہار سنی تنظیمات، مساجد کمیٹیوں اور مشائخ وعلماء کے مشترکہ اجلاس میں کیا گیا۔ مقررین نے کہا کہ سپیکر کا دیگر استعمال پہلے ہی بند ہے لیکن چار طرف آذان دینے پر پابندی کسی صورت قابل عمل نہیں لہذا ضلعی انتظامیہ جائز مطالبہ کو فی الفور تسلیم کرے اور حسب سابق آذان پر کسی قسم کی کوئی پابندی نہ لگائے۔ علماء مشائخ اور سنی رہنماوں نے کہا ہے کہ نیشنل ایکشن پلان میں آذان پر پابندی کا ذکرموجود نہیں۔ انہوں نے مزید کہا کہ پنجاب میں لگائی گئی چار اطراف آذان پر پابندی کسی صورت قابل قبول نہیں اور اگر یہ پابندی ختم نہ کی گئی تو زبردست تحریک چلائی جائیگی اور کسی قربانی سے دریغ نہیں کیا جائیگا اور حالات کی ذمہ دار حکومت اور انتظامیہ پر ہوگی۔ جبکہ مصدقہ ذارئع سے معلوم ہوا ہے کہ گجرات کے تمام مسالک نے نہ صرف متفقہ طور پر آذان پر پابندی کی مخالفت کردی ہے بلکہ ضلعی انتظامیہ سے ملاقات کرکے چار اطراف آذان پر پابندی واپس لینے کا مطالبہ کیا ہے۔ دوسری جانب ضلعی انتظامیہ نے سوموار کو حتمی فیصلہ سے آگاہ کرنے کا وعدہ کیا ہے جس پر علماء کرام کی جانب سے سوموار تک احتجاج ملتوی کردیا گیا ہے اور آئندہ کے لائحہ عمل کا اعلان سوموار کے بعد کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سول ہسپتال جلالپور جٹاں کو ماڈل طبی ادارہ بنانا ہدف ہے، ہسپتال میں آئی سپشلسٹ اور گائناکالوجسٹ تعینات ، مریضوں کو مفت ادویات کی فراہمی کیلئے 35لاکھ روپے مختص کر دیے گئے ہیں۔ ان خیالات کا اظہار ڈی سی او لیاقت علی چٹھہ نے سول ہسپتال کی ہیلتھ کونسل کے اجلاس سے خطاب کرتے ہوئے کیا، اے سی گجرات نورالعین، ای ڈی او فنانس چوہدری اصغر، ای ڈی او ہیلتھ ڈاکٹر الطاف حسین، سینئر میڈیکل آفیسر ڈاکٹر بشارت، کونسل کے ممبران شیخ شاہد انور، حاجی ریاض ابراہیم، سید ضمیر الحسن، میڈم تسنیم و دیگر بھی موجود تھے۔ ڈی سی او لیاقت علی چٹھہ نے سول ہسپتال جلالپور جٹاںکے ایمرجنسی وارڈ ، میڈیکل وارڈ اور سرجیکل وارڈ کا بھی دورہ کے اور مریضوں سے مفت ادویات ، ڈاکٹرز و عملہ کے رویہ سمیت دیگر سہولیات بارے دریافت کیا۔ سینئرمیڈیکل آفیسر ڈاکٹر بشارت نے بتایا کہ رواں ماہ سول ہسپتال کی ایمرجنسی وارڈ میں 406مریضوں کا علاج کیا گیا ہے، او پی ڈی وارڈ میں 7200سے زائد مریضوں کا چیک اپ کیا گیاجبکہ 50ڈیلیوری کیس ڈیل کئے گئے۔ ڈی سی او لیاقت علی چٹھہ نے ادارے کی پرفارمنس پر اطمینان کا اظہار کیا ، انہوں نے کہا کہ جلالپور جٹاں کو تحصیل کا درجہ دینے کا اعلان جلد متوقع ہے جس کے بعد ہسپتال کو ٹی ایچ کیو کا درجہ دے دیا جائے گا جبکہ یہاںمزید ڈاکٹرز کی تعیناتی کے لئے نئی پوسٹیں بھی منظور کرائی جائیں گی۔ انہوںنے ہدایت کی کہ ادارے کی انتظامیہ ٹی ایچ کیو ہسپتال لیول کے مطابق ہی ہیلتھ کونسل تشکیل دے اور کونسل میں درد دل رکھنے والے اور مخیر حضرات کو شامل کیا جائے۔ انہوں نے بتایا کہ آئی سپپشلسٹ کی ڈیمانڈ کو مد نظر رکھتے ہوئے جدید طبی آلات بھی جلد فراہم کردیے جائیں گے ۔ انہوں نے بتایا کہ سول ہسپتال میں ایکسر ے فیس ختم کر دی گئی ہے ، مختلف وارڈز میں اے سی لگوا دیے گئے ہیں جبکہ مریضوں اور انکے لواحقین کے بیٹھنے کیلئے جلد 10اسٹیل بنچ فراہم کر دیے جائیں گے۔ انہوں نے ہدایت کی کہ سول ہسپتال جلالپور جٹاںمیں 24گھنٹے ڈاکٹر کی موجودگی یقینی بنائی جائے ۔ انہوںنے بتایا کہ پبلک پرائیویٹ پارٹنر شپ کے تحت نشے کے عادی افراد کی بحالی اور علاج کے مرکز کا بھی جلد آغاز کر دیا جائے گا جہاںمریضوں کو ماہر ڈاکٹرز کی خدمات فراہم کی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے ریلوے روڈ پر ڈیسنٹ ویلفیئر ہال کے ساتھ قائم دیوار مہربانی کا دورہ کیا اپنی طرف سے کپڑے اور جوتے عطیہ کئے، ڈی او سوشل ویلفیئر امجد کلیر ، ڈاکٹر اعجاز بشیر، نواز ریحانیہ، نثار الدین ساجد راٹھور و دیگر بھی انکے ہمراہ تھے۔ اس موقع پر ڈی سی او کو بتایا گیا کہ دیوار مہربانی کے قیام سے 12روز کے دوران 394مستحق افراد نے اپنے اور اپنی فیملی کیلئے 800جوڑے کپڑے جبکہ 100افراد نے جوتے حاصل کئے، اس دوران درجنوں افراد نے کپڑے اور جوتے دیوار مہربانی کیلئے عطیہ بھی کئے ہیں۔ ڈی سی او لیاقت علی چٹھہ نے دیوار مہربانی کے کامیابی سے انعقاد پر اطمینان کا اظہار کیا اور کہا کہ مستحق افراد کو اس حوالے سے زیادہ سے زیادہ آگاہی فراہم کرنا چاہیے تاکہ وہ یہاں آکر نہایت عزت و آبرو کے ساتھ اپنی ضرورت کے مطابق کپڑے اور جوتے حاصل کر سکیں اس کے ساتھ مخیر حضرات کی بھی حوصلہ افزائی کی جائے تاکہ وہ اپنی ضرورت سے زائد کی اشیاء یہاں عطیہ کر سکیں۔ ڈی سی او نے دیوار مہربانی کے انعقاد کیلئے بہتر انتظامات پر ڈیسنٹ ویلفئرسوسائٹی کے عہدے داروں اور ممبران کو بھی سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جعلی کھادوں ، زرعی ادویات کی فروخت روکنے، کھادوں، زرعی ادویات کی مصنوعی مہنگائی کی روک تھام کیلئے قائم ٹاسک فورس کا اجلاس زیر صدارت ڈی سی او لیاقت علی چٹھہ منعقد ہوا جس میں ڈی او سی نواز گوندل، ای ڈی او زراعت محمد جمیل، ڈی او زراعت محمد رفیق، ڈسٹرکٹ پبلک پراسکیوٹر بابر جاوید، ڈپٹی ڈسٹرکٹ پبلک پراسکیوٹر رانا سعادت علی، ڈی او لائیو سٹاک ڈاکٹر واجد ارشد، ڈی ڈی او سید سجاد بخاری، اطہر عطاری اور کسان نمائندوں ڈاکٹر علی احمد طاہر، عقیل نثار، تصور حسین، اشفاق انور ودیگر نے شرکت کی۔ اس موقع پر بریفنگ دیتے ہوئے ڈی او زراعت توسیع نے بتایا کہ رواں سال کریک ڈائون کے دوران 95مقامات سے کھادوں کے نمونہ جات چیکنگ کے لئے بھجوائے گئے جبکہ گرانفرشی، جعلی کھاد فروخت کرنیوالوں کے خلا ف 4مقدمات بھی درج کرائے گئے۔ انہوںنے بتایا کہ ادویات کے 81نمونہ جات چیکنگ کیلئے لیبارٹری بھجوائے گئے جبکہ 6کے خلاف مقدمات درج کرائے گئے۔ انہوںنے بتایا کہ جعلی کھادوں اور ادویات کے 27مقدمات مختلف عدالتوں میں زیر سماعت ہیں ۔ ڈی سی او لیاقت علی چٹھہ نے ہدایت کی کہ ٹاسک فورس جعلی کھادوں اور ادویات کا دھندہ کرنیوالوں کے خلاف سخت ترین کریک ڈائون کرے اور ایسے عناصر کو عبرتناک سزائیں دلوائی جائیں۔ انہوںنے کہا کہ حکومت نے کسانوںکی بہبود کیلئے کھادوںکی قیمت میں سبسڈی دی ہے ، ٹاسک فورس یقینی بنائے کہ کوئی بھی ڈیلر اوورچارجنگ نہ کرے ۔ انہوںنے ہدایت کی کہ ڈی او لائیو سٹاک کھل بنولہ کا وزن یقینی بنائیں نیز مضر صحت را میٹریل سے کھل بنولہ تیار کرنیوالوںکو قانون کی گرفت میںلایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) کامیابی پُر عزم اور جواںہمت لوگوں کی داستان ہے۔ تجسّس تمام علوم کا منبع اور کامیابی کا راہنما ہے۔ کامیاب لوگوں کی زندگی پر غوروفکر کرنا اورکامرانی کے اسرارورُموزکی کھوج لگانا طلبہ کی نسلِ نو پر واجب ہے۔ زندگی کی ناکامیوں میں ہی اصلاً کامیابی کا راز پوشیدہ ہوتا ہے۔ ہمت ہار جانا بزدلی کی علامت اور ہمت کو متواتر برسرِ کار رکھنا ہی دراصل کامیابی ہے۔ ان خیالات کا اظہارممتاز ڈیٹا سائنسدان اور چیف ٹیکنالوجی افسرQUARRIOکارپوریشن ڈاکٹر ذیشان الحسن عثمانی نے جامعہ گجرات میں سٹارٹ اَپ کہانی کے عنوان سے منعقدہ سیمینار کے شرکاء سے خطاب کرتے ہوئے کیا۔ اس سیمینار کا اہتمام بزنس انکوبیشن سنٹر کے ایکسپرٹBICمحمد حیدر معراج اور ان کی ٹیم کی جانب سے کیا گیا تھا۔ سیمینار کا مقصد نوجوان طلبہ کے ذہن و فکر کو اختراع و جدت اور جوش و ولولہ کے شعور سے روشناس کرواتے ہوئے انٹر یپر ینئر شپ کے حوالہ سے ان میں خود اعتمادی کے جذبات کو فروغ دینا تھا۔ محمد حیدر معراج نے شرکاء سے ڈاکٹر ذیشان کا تعارف کرواتے ہوئے کہا کہ جامعہ گجرات اپنے پُر عزم وائس چانسلر کی راہنمائی و قیادت میں طلبہ میں خود انحصاری اور خود اعتمادی کے شعور کو فروغ دینے میں کوشاں ہے۔BICکا قیام اور کامیابی انٹر یپرینیئرشپ اور سلیف بزنس کی تربیت کی جانب ایک اہم قدم ہے۔ قوموں کی تشکیل میں افراد اہم کردار ادا کرتے ہیں۔ ہمارے طلبہ روشن ترقی یافتہ پاکستان کے ضامن اور ہمارے قومی مستقبل کے معمار ہیں۔ ان کی معیاری تعلیم و تربیت میں ہی ہماری قومی کامیابی کا راز پنہاں ہے۔ ڈاکٹر عثمانی مختلف عالمی اداروں میں خدمات سرانجام دیتے ہوئے پاکستان کا نام روشن کر رہے ہیں۔ ڈاکٹر ذیشان الحسن عثمانی نے طلبہ کے سوالوں کا جواب دیتے ہوئے کہا کہ سوال اُٹھانا بنیادی انسانی حق ہے۔ سوال اُٹھائے بغیر ہم علم کی سیڑھیوں پر قدم نہیں رکھ سکتے۔ کسی مسئلہ کے حل کی تلاش میں اعداد و شمار اور بنیادی ڈیٹا تک رسائی میں ہی اس کا حل چھپا ہوتا ہے۔ کسی مسئلہ پر وسیع پیمانہ پر ڈیٹا کا اکٹھا ہونا اور پھر اس ڈیٹا کا تجزیہ بھی انسانیت کی خدمت ہے۔ ڈیٹا کا دیانتدارانہ تجزیہ ہمیں کئی آفات سے بچانے میں مددگار ثابت ہوتا ہے۔ بعد ازاں ڈاکٹر ذیشان الحسن عثمانی نےBICجامعہ گجرات کا دورہ کیا اور وہاں پر کام کرنے والی ٹیموں کے کام کا جائزہ لیتے ہوئے مفید تجاویز پیش کیں۔ اُنہوں نےBICٹیموں کے سرپرستوں کے ساتھ بھی ایک ملاقات کی اور انہیں طلبہ کی بہترین راہنمائی کے سلسلہ میں اپنے پیشہ وارنہ تجربات سے مستفید کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) معروف ڈیٹا سائنسدان اور چیف ٹیکنالوجی افسرQUARRIOکارپوریشن ڈاکٹر ذیشان الحسن عثمانی نے وائس چانسلر پروفیسر ڈاکٹر ضیاء القیوم کے ساتھ جامعہ گجرات میں ایک ملاقات کی۔ اس موقع پر ایکسپرٹ بزنس انکوبیشن سنٹر محمد حیدر معراج بھی انکے ہمراہ موجود تھے۔ ڈاکٹر عثمانی فلوریڈا انسٹیٹیوٹ برائے ٹیکنالوجی کے فارغ التحصیل ہیں اور وہ کئی عالمی اداروں میں ڈیٹا ٹیکنالوجی کے حوالہ سے اپنی خدمات سر انجام دیتے ہوئے پاکستان کا نام بین الاقوامی سطح پر روشن کر رہے ہیں۔ ڈاکٹر عثمانی مختلف موضوعات پر انگریزی و اُردو میں ایک درجن سے زیادہ تحقیقی و سائنسی کتابوں کے مصنف ہیں۔ ڈاکٹر ضیاء القیوم نے ڈاکٹر عثمانی کا خیر مقدم کرتے ہوئے کہا کہ نوجوان طلبہ میں قائدانہ صلاحیتوں کو اُجاگر کرنا ایک بیش قیمت قومی فریضہ ہے ۔ معیاری تعلیم کے ساتھ بہترین اخلاقی و فکری تربیت اجتماعی کوششوں کے ذریعے ممکن ہے۔ جامعہ گجرات طلبہ کی نسل نو میں خود انحصاری کے جذبہ کو فروغ دینے کے لیے بزنس انکوبیشن سنٹر کا قیام عمل میں لائی ہے۔ یہ سنٹر کامیابی سے اپنے مقاصد کی تکمیل کی راہوں پر گامزن ہے۔ جامعہ گجرات کا اوّلین مقصد فارغ التحصیل ہونے والے طلبہ کے عملی مستقبل کو محفوظ کرنے کے لیے ہر سطح پر انکی راہنمائی ہے۔ طلبہ کی مختلف پیشوں کے حوالہ سے عملی تربیت اور استعداد کار میں اضافہ اعلیٰ تعلیم کا سب سے بڑا مقصد ہے۔ ڈاکٹر عثمانی نے جامعہ گجرات میں مدعو کیے جانے پر ڈاکٹر ضیاء القیوم کا شکریہ ادا کیا اور کہا کہ ٹیکنالوجی کا فروغ دورِ حاضر میں ترقی کا ہراوّل دستہ بن چکا ہے۔ موجودہ دور میں طلبہ کو مختلف شعبوں میں سائنسی بنیادوں کی حامل اعلیٰ تعلیم سے آراستہ کرنا جامعات کا بنیادی فریضہ ہے۔ جامعہ گجرات نے بزنس انکوبیشن سنٹر کا قیام عمل میں لا کر ایک اہم فریضہ کی تکمیل کی ہے۔ ہمارے قومی مستقبل کا انحصار طلبہ کی بہترین کوششوں کا مرہون منت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جامعہ گجرات میں مختلف شعبہ جات میں آن لائن ایڈمشن جاری۔5ستمبر تک درخواستیں جمع کروائی جا سکتی ہیں۔ تمام شعبوں میں مختلف پروگراموں و کورسز کے لیے تمام داخلہ جات آن لائن درخواستوں کے ذریعے ہونگے۔ آن لائن ایڈمشن کی راہنمائی کے لیے حافظ حیات کیمپس کے علاوہUOGسٹی کیمپس جی ٹی روڈ، UOGسٹی کیمپس مرغزار کالونی اورUOGسٹی کیمپس فاطمہ جناح گجرات میں ہیلپ سنٹر قائم کیے گئے ہیں۔آن لائن داخلہ کے لیے انٹرمیڈیٹ کے طلبہ و طالبات سال اوّل کے نتیجہ کی بنیاد پر درخواست جمع کروا سکتے ہیں۔ آن لائن ایڈمشن کا مقصد طلبا و طالبات کو غیر ضروری کاغذی کاروائی سے نجات دلاتے ہوئے انہیں داخلہ کے سلسلہ میں سہولیات مہیا کرنا اور داخلہ کے عمل میں میرٹ اور صرف میرٹ کو ترجیح دیتے ہوئے شفافیت کو مؤثر بنانا ہے۔ تمام آن لائن داخلہ جاتUOGکی ایڈمشن پالیسی2016ء کے تحت کیے جائیں گے۔ داخلہ کے خواہشمند تمام طلبا وطالبات اپنی درخواستیںجامعہ گجرات کی ویب سائٹwww.uog.edu.pkپر مقررہ آخری تاریخ5ستمبر2016ء تک لاگ ان ہو کر جمع کروا سکتے ہیں۔ داخلہ کے لیے درخواست کی پراسینگ فیس700روپے مقرر کی گئی ہے۔ یہ ناقابل واپسی فیس کمپیوٹر کے ذریعے حاصل کردہ چالان فارم پر حبیب بنک لمیٹڈ کی کسی بھی برانچ میں جمع کروائی جا سکتی ہے۔ فیس جمع کروانے کے بعد کمپیوٹر کے ذریعے ہی حاصل کی جانے والی ہر طرح سے مکمل درخواست کا پرنٹ آؤٹ معہ ضروری دستاویزات و اسناد وغیرہ اور چالان فارم بذریعہ کورئیر سروس یا دستی طور پر متعلقہ کیمپس میں جمع کروا دی جائے گی۔ مقررہ تاریخوں پر میرٹ لسٹ ویب سائٹ پر آویزاں کر دی جائے گی۔ آن لائن درخواست دینے کے لیے ہر امیدوار کا اپنا ای میل ایڈریس ہونا ضروری ہے تاکہ اُسے موقع بہ موقع ضروری اطلاعات کی ترسیل ممکن ہو سکے۔ امیدوار ویب پورٹل یاsmsکے ذریعے بھی اپنی درخواست کے سٹیٹس سے مطلع رہ سکیں گے۔ امیدوار اپنی درخواستوں کے متعلق معلومات کے لیےatadmission2016@uog.edu.pkپر رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان کے معرو ف دانشوروں اور ادیبوں راحت سعید اور ڈاکٹر بدرالد ین اُجّن نے جامعہ گجرات میں وائس چانسلر پروفیسر ڈاکٹر ضیاء القیوم سے ایک خصوصی ملاقات کی اور جامعہ گجرات میں جاری علمی و تحقیقی سرگرمیوں کے حوالہ سے اپنے تعاون کا بھرپور یقین دلایا۔ راحت سعید کئی کتابوں کے مصنف ہیں اور پاکستان بھر میں ایک روشن خیال و دانشور ادیب کی حیثیت سے انکی شہرت مسلّم ہے۔ ڈاکٹر بدر الدین اُجّن ایک محقق اور نامور قلمکار ہونے کے علاوہ ایک ماہر لسانیات اور مترجم کی حیثیت سے ملکی ادبی و علمی حلقوں میں قدر کی نگاہ سے دیکھے جاتے ہیں۔ راحت سعید اور ڈاکٹر بدر الدین اُجّن نے جامعہ گجرات کے مرکز برائے السنہ و علوم ترجمہ کی علمی سرگرمیوں کو بھرپور ستائش پیش کرتے ہوئے اس مرکز کو ملک بھر کی جامعات کے لیے قابل تقلید ادارہ قرار دیا۔ ڈاکٹر ضیاء القیوم نے ادیبوں کے ساتھ اپنی ملاقات میں کہا کہ لکھاری کسی بھی ملک کا قابل قدر سرمایہ ہوتے ہیں کیونکہ وہ اپنی تحریروں کے ذریعے معاشرہ کے مختلف طبقات میں باہمی ہم آہنگی کے روّیوں کو فروغ دیتے ہیں۔ ادیب اپنے وسیع تر مشاہدہ کو بروئے کار لاتے ہوئے سماج کی قیادت کے فرائض سر انجام دیتا ہے۔ ترجمہ ادب کی ایک بہت اہم صنف ہے۔ ترجمہ کی روایت کئی قوموں کی زندگی میں انقلابی اقدامات کو متعارف کرواتے ہوئے انہیں اقوام عالم کی صف میں اہم مقام دلا چکی ہے۔ جامعات کو صحیح معنوں میں علم کے مراکز میں ڈھالے بغیر ہماری تمام تعلیمی و علمی کوششیں بے سُود ہیں۔ ایک استاد کا اصل مرتبہ طلبہ میں علم و ادب کی سچی لگن کو پروان چڑھانا ہے۔ ڈائریکٹر میڈیا شیخ عبدالرشید اور کوآرڈینیٹرCeLTSڈاکٹر غلام علی نے بھی اس ملاقات میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں شہر میں صفائی کے حوالہ سے کسی قسم کی شکایت ہو تو عوام براہ راست رابطہ کرسکتے ہیں شکایت پر فوری ایکشن لیا جائے گا۔ عوام چور ملازمین کو سزائیں دی جا رہی ہیں متعدد کو نوکری سے برخاست بھی کیا گیا ہے ان خیالات کا اظہار چیف آفیسر شیخ وجاہت حفیظ صدیقی نے کیا انہوں نے کہا کہ شہر کے تمام گلی محلوں میں روزانہ دو شفٹوں میں صفائی کروائی جا رہی ہے اس کے ساتھ ساتھ ٹریکٹر ٹرالی کے ذریعے بھی مین روڈوں کی صفائی جاری ہے اس کے علاوہ ہفتہ صفائی منایا جاتا ہے انہوں نے کہا کہ ڈی سی او گجرات لیاقت علی چٹھہ کی ہدایات پر اور اے سی کھاریاں ذوالفقار علی باگڑی کی قیادت میں عوامی مسائل کو ترجیحی بنیادوں پر حل کیا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)سول ہسپتال کھاریاں کی کارکردگی کو بہتر سے بہتر بنانے کے لئے کوشاں ہیں ڈی سی او گجرات اور ای ڈی او ہیلتھ کی ہدایات کی روشنی میں کام جاری ہے روزانہ سینکڑوں مریضوں کا معائنہ کیا جا رہا ہے اور ادویات بھی دی جا رہی ہیں اس کے ساتھ ساتھ جنرل سرجری، گائنی کی سرجری اور ای این ٹی کی سرجری بھی جاری ہے موجود سہولیات بلاتفریق عوام کو فراہم کی جا رہی ہیں ان خیالات کا اظہار ایم ایس ڈاکٹر فاروق احمد بنگش نے کیا۔ انہوں نے کہا کہ مقامی سیاستدان عوامی نمائندگان اور مخیر حضرات کا تعاون بھی شامل حال ہے انشاء اللہ تمام شعبہ جات کی کارکردگی کو مزید بہتر بنایا جائے گا تمام ڈاکٹرز اور عملہ بھرپور محنت سے کام کر رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) گورنمنٹ گرلز ہایئر سیکنڈری سکول مین بازار کھاریاں میں چھٹی کے اوقات میں بونڈوں کا ہر وقت رش رہتا تھا طالبات کے والدین نے متعدد بار تھانہ صدر کھاریاں میں شکایات درج کروائیں لیکن کوئی شنوائی نہیں ہو رہی تھی اس کے ساتھ ساتھ چھٹی کے اوقات میں کیری ڈبوں، موٹرسائیکلوں، کاروں کا رش ہونے کی وجہ سے بھی طالبات کو شدید مشکلات کا سامنا کرنا پڑتا تھا ایس ایچ او تھانہ صدر کھاریاں چوہدری شہباز ہنجرا نے عوامی شکایات اور طالبات کی مشکلات کو مدنظر رکھتے ہوئے گذشتہ روز طالبات کو خود سیکورٹی دینے کا فیصلہ کیا دوران سیکورٹی تقریباً ڈیڑھ درجن آوارہ گرد بونڈوں کو گرفتار کر کے مین بازار سے گزارتے ہوئے تھانہ لے جا کر بند کر دیا۔ چوہدری شہباز ہنجرا کے ایکشن پر طالبات کے والدین اور عوامی سماجی حلقوں نے ایس ایچ او تھانہ صدر کھاریاں چوہدری شہباز ہنجرا کو زبردست الفاظ میں خراج تحسین پیش کیا اور کہا کہ چوہدری شہباز ہنجرا کے ایکشن سے طالبات کو حوصلہ ملا ہے اب انشاء اللہ کسی بھی آوارہ گرد کی طالبات کو تنگ کرنے کی جرات نہ ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)28اگست کے گجرات کے جلسہ کو کامیاب بنانے کے لئے تمام وسائل بروئے کار لائیں گے اور چوہدری مختار احمد ڈھل کی قیادت میں بڑے قافلے کے ہمراہ گجرات پہنچیں گے آنے والا دور پی ٹی آئی کا ہی ہے کارکنان بھرپور تیاری کریں اورجلسہ کو کامیاب بنائیں ان خیالات کا اظہار راہنما پی ٹی آئی سابق امیدوار چیئرمین یونین کونسل سہنہ چوہدری جاوید سہنہ نے کیا۔ انہوں نے کہا کہ حکمرانوں کی نیتوں کا بخوبی اندازہ ہو چکا ہے یہ ملک و قوم سے مخلص نہیں اپنی تجوریاں بھرنے اور آف شور کمپنیوں کے ذریعے اپنے اور بچوں کے بینک بیلنس بڑھانے میں مصروف ہیں 28اگست کو گجرات کے عوام ان حکمرانوں کے خلاف اور عمران خان کے حق میں فیصلہ دیں گے اور جلسہ کو کامیاب بنائیں گے انہوں نے کہا کہ چوہدری مختار احمد ڈھل کی قیادت میں جلسہ میں شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) دھرنے اور ریلیاں ملک کی ترقی میں رکاوٹ پیدا کرنے کے لئے ہیں عوام نے پہلے بھی مسترد کیا تھا اب بھی مسترد کریں گے عوام میاں نواز شریف کی قیادت میں ملک کو ترقی کرتا دیکھنا چاہتے ہیں جس کا ثبوت پہلے بلدیاتی الیکشن میں اور پھر آزاد کشمیر کے الیکشن میں بھی دیا گیا ان خیالات کا اظہار راہنما مسلم لیگ(ن) محمد ناصر ایوب سیٹھ رڑیالہ (کونسلر) نے کیا۔ انہوں نے کہا کہ مسلم لیگ(ن) ہی ملک کی تعمیر و ترقی اور عوام کی خوشحالی کی ضامن جماعت ہے حلقہ این اے107میں ایم این اے چوہدری عابد رضا کوٹلہ کی قیادت میں تعمیر و ترقی اور عوامی خدمت کا سلسلہ جاری رکھے ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)وزیرآباد میں دن دیہاڑے 37 لاکھ ڈکیتی کی واردات ۔تھانہ سٹی کے علاقہ ماڈل کالونی کا رہائشی احمد کامران یوسف حاجی پورہ چوک میں واقع فیصل بنک سے35 لاکھ روپے نکلوا کر چند گز کے فاصلے پر اپنے گھر جارہاتھا کہ گندا نالہ پر عقب سے آنے والے دو موٹرسائیکل پر سوار چار نامعلوم افراد نے زبردستی روک لیا اور گن پوائنٹ پر35 لاکھ روپے لوٹ کر فرار ہوگئے۔دوسری واردات میںتھانہ صدر کے علاقہ الہ آباد کے رہائشی بیرون ملک میں مقیم چوہدری انعام الہی کے گھر مسلح خواتین داخل ہوگئیں اور گن پوائنٹ پر 5 تولے طلائی زیورات،3 ہزار نقدی اور قیمتی پارچات لوٹ کر لے گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)جماعت اسلا می کے ضلعی امیرڈاکٹرمحمدعبید اللہ گوھر نے کہا ہے کہ جماعت اسلا می نے75سال اتحادامت،اقامت دین،غلبہ دین،انسانوںکی خدمت اورآئین ،آزادعدلیہ اورقانون کی بالا دستی کی مسلسل جدوجہدکی ہے۔وہ محلہ شیرومیںجماعت اسلا می کی 76ویںیوم تاسیس کے موقع پرخطاب کررہے تھے۔اس موقع پر صابر حسین بٹ،وسیم شاہد اولکھ،عبدالوکیل علوی،زمان حیدرچیمہ،ندیم بشیر،شیخ نعیم انور،محمدفاروق مرزا،عدنان انورکھرل،عنایت اللہ ،عقیل احمد،قیصر بٹ ودیگربھی موجودتھے۔انہوںنے کہا کہ جماعت اسلا می کی جدوجہدکامقصدکسی شخصیت پارٹی کی نہیںدین کی بالا دستی ہے اوراقامت دین کی جدوجہدآخری سانس اورخون کے آخری قطرے تک جاری رہے گی۔انہوںنے کہا کہ سراج الحق کی قیادت میںاسلا می پاکستان خوشحال پاکستان کی جدوجہدجاری رہے گی۔تقریب کے اختتام پرمہمان خصوصی نے یوم تاسیس کاکیک کاٹا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)تعلیم وہ راستہ ہے جس کواختیارکرکے قوموںکوترقی منزل کی جانب لے جایا جسکتا ہے۔تعلیم ہردورہروقت میںترقی کی پہلی سیڑھی رہی ہے۔خواندگی میںاضافہ کے لئے عوام الناس میںشعور اجاگرکرنے کے لئے حکومت اقدامات اٹھا رہی ہے۔حکومت پنجاب تعلیم اورصحت پراپنی خصوصی توجہ مرکوذکئے ہوئے ہے۔ان خیالات کااظہارڈپٹی ڈائریکٹرکالجزگوجرانوالہ محمداقبال کلویا نے مولاناظفر علی خان پوسٹ گریجویٹ کالج وزیرآبادمیںفروغ تعلیم سیمینارسے خطاب میںکیا۔تقریب کی صدارت پرنسپل پروفیسرڈاکٹرمحمدآصف ہزاروی نے کی۔اس موقع پرسابق صوبائی وزیر شاہنواز چیمہ،سعید احمدجوندہ ایڈووکیٹ، خواجہ محمدجمیل ایڈووکیٹ،میر ماجد علی سالار،ملک محمدشہبازکلیار،ملک محمدیوسف چاند،احمدیاروڑائچ،قاری سعید احمدارشد،حاجی حبیب الرحمن،عمران رسول بٹ،محمدارشد بخاری ،معاذارشد ،خالد حیات بلوچ،سیدرضا سلطان ،ملک انوربلوچ نے بھی خطاب کیا۔مقررین نے کہا کہ تعلیم کے زیورسے آراستہ افرادہی قوموںکی تقدیربدلنے کی طاقت رکھتے ہیں۔قائداعظم محمدجناح اورسرسیداحمدخاں نے تعلیمی اداروںکے ذریعے ہی مسلمان قوم میںآزادی کے جذبہ کی لہرجگائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)نائٹ پوسٹ آفس میںلوڈشیڈنگ سے کام میںدشواری کاسامنا۔پبلک سیکٹرکے ڈیلنگ والے اداروںمیںرات کوجو کام کرتے ہیںان میںلوڈ شیڈنگ کے تدارک کے لئے روشنی کے دیرگانتظامات ہونے چاہیںیہ ادارہ بھی ریونیواکٹھا کرتا ہے۔سیا سی وسماجی حلقوں نے مطالبہ کیا ہے کہ وزیرآبادنائٹ پوسٹ آفس میںبجلی کے معطل ہونے سے سرکاری اہلکاروںاورعوام الناس کوسخت کوفت اورمشکلات کاسامنا کرنا پڑتا ہے۔جنریٹریا یو پی ایس کاانتظام ہونا چاہئے تاکہ کام کی روانی میںتعطل نہ ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)مسلم لیگی رہنماوکونسلر خواجہ محمدشعیب نے کہا ہے کہ غیرملکی شہری کوپاکستان میںانتشاراورانارکی پھلانے کی اجازت نہیںدینی چاہئے۔ارض پاک کوگالی دینے والوںسے ہمدردی اورتعلق رکھنا بھی غداری تصور کی جائے گی۔حکومت برطانیہ سے الطاف حسین کے خلاف ثبوتوںکے ساتھ بات کرکے اس کی سرگرمیوںپرپابندی لگوائی جائے۔ انہوںنے کہا کہ ایم کیو ایم کے رہنمائوںکاغلطیوںپرمعافی مانگناوطیرہ بن گیا ہے موجودہ غلطی پران کومعافی دینا18کروڑعوام کی دل شکنی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)جماعت اسلا می وزیرآبادزون کے زیراہتمام مورخہ26اگست بروجمعتہ المبارک بعدنمازجمعہ اسلامک سنٹر،بعدازنمازمغرب یونین کونسل الہ آباد،منظورآباد،سوہدرہ گھکامیتر بعدازنمازعشاء یونین کونسل 26/2 میںیوم تاسیسی کے کیک کاٹے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)تجمل منج انچارج ٹریفک وزیرآباد تعینات۔سٹی ٹریفک پولیس گوجرانوالہ آصف ظفر چیمہ نے ٹریفک وارڈن تجمل حسین منج کو انچارج ٹریفک وارڈن وزیرآباد تعینات کردیا جنہوں نے چارج سنبھال کر کام شروع کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے واضح کیا ہے کہ نظام مصطفی کانفاذہی ملکی مسائل کا ہے، جس کے لئے تمام مذہبی جماعتوں کو مشترکہ جدوجہد کے عزم کا اظہار کرنا چاہیے۔پاکستان کے خلاف نعرے لگانے والوں کے خلاف غداری کے مقدمات در ج کئے جائیں۔ ملک دشمن بھارتی ایجنٹ کسی رعایت کے مستحق نہیں۔جے یو پی نیازی پنجاب کی مجلس عاملہ کے اجلاس سے خطاب میں پیر معصوم نقو ی نے کہ کہا کہ پاکستان ہماری پہچان ہے، جسے بنانے کے لئے تمام قومیتوں اور طبقات نے قربانیاں دیں۔ انڈیا سے ہجرت کرنے والے قابل احترام ہیں، انہیں مہاجر کہلانے کی بجائے خود کو پاکستانی کہلوانا چاہیے۔ انہوںنے کہا کہ اتحاد اہل سنت صرف سنی عوام ہی نہیں، بلکہ ا س ملک کے ہرطبقہ فکر کے حقوق کے تحفظ کے لئے ضروری ہے۔ انہو ں نے کہا کہ جے یو پی سمجھتی ہے کہ دوسروں پر اپنی سوچ کو مسلط کرنے والے اسلام کے خیر خواہ نہیں، دین اسلام وسیع تر اتحاد اور احترام آدمیت سکھاتا ہے۔ہم کرتے ہیں کہ مقام مصطفی کا تحفظ ہمارا مشن اور جزو ایمان ہے ، اس پر کسی قسم کی لچک کا مظاہرہ نہیں کریں گے۔ اور اس راستے میں اپنی جان کی قربانی کو سعادت سمجھتے ہیں۔جے یو پی کے سربراہ نے کہا کہ اتحاد امت کو عالم اسلام کے مسائل کا حل سمجھتے ہیں اور یقین رکھتے ہیں کہ مسلکی بنیادوں پر مسلم ممالک کے دفاعی اتحاد سے فرقہ واریت پھیلے گی۔بلاتفریق مسلک و زبان تمام مسلمانوں کو دفاعی بلاک بنا کر اسلام دشمنوں کو اتحاد کا پیغام دینا چاہیے۔ انہوںنے کہا کہ او آئی سی ،سعودی عرب اور ایران کے تعلقات کو معمول پر لانے کے لئے اپنا کردار ادا کرے ، کسی ایک ملک کی پارٹی نہ بنے۔دونوں اسلامی ممالک کے اختلافات سے اتحاد امت کو شدید دھچکا لگا ہے۔پالیسیوں میں تبدیلی لاکر مسلم ممالک کی مزید تقسیم اور مشرق وسطیٰ میں تکفیری گرو ہ کی جاری سرگرمیوں کے خلاف مشترکہ لائحہ عمل مرتب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علماکونسل پنجاب کے صدر علامہ سید سبطین حیدر سبزواری نے کہا ہے کہ بھارت مقبوضہ کشمیر کو اٹوٹ انگ قراردینے کی رٹ چھوڑ کر اقوام متحدہ کی قراردادوں کے مطابق کشمیریوں کو حق خود ارادیت دے، کسی قوم کو زبردستی محکوم نہیں رکھا جاسکتا۔ حکمران بھی عقل کے ناخن لیں اور گلگت بلتستان کوآئینی صوبہ تسلیم کرلیں۔ 67۔ سال سے محب وطن لوگوں کے خطے کو سرزمین بے آئین رکھنا انصاف نہیں ۔سرگودھا، ساہیوال اور راولپنڈی کے دورے کے بعد لاہور میں مختلف وفود سے گفتگو میںعلامہ سبطین سبزواری نے کہا کہ نریندر مودی کو سفارتی آداب اور کا علم نہیں، جو بلوچستان اور گلگت بلتستان کے بارے میں بدزبانی اور ہرزہ سرائی کرتے ہیں۔انہوں نے کہا کہ کشمیریوں نے بھارتی تسلط کے خلاف ایک بار پھر فیصلہ دے دیا ہے کہ کشمیری اپنا آزاد وطن چاہتے ہیں، ناجائز بھارتی قبضے کو تسلیم نہیں کرتے ، مزید قربانیاں دینا پڑیں تو بھی اسے آزاد کروائیں گے۔ انہوں نے کہا کہ کشمیر تقسیم برصغیر کا نامکمل ایجنڈا ہے، بھارت اسے آزاد کرے تاکہ وہ پاکستا ن کے ساتھ الحا ق کرکے قومی دھارے کا حصہ بنیں ، اقوام متحدہ اورعالمی برادری کوبھی سمجھنا چاہئے کہ بھارت کے پاس اس کے سوا کوئی حل نہیں۔ ان کا کہنا تھاکہ اقوام متحدہ میں مسئلہ کشمیر خود بھارت لے کر گیا اور اسے متنازع علاقہ تسلیم کیا، جس میں کشمیری اور پاکستان ایک فریق ہیں۔ اور اب تک آنے والا ردعمل ظاہر کررہا ہے کہ کشمیر کو آزاد کئے بغیر خطے میں امن قائم کرنا ممکن نہیں۔ اس لئے بھارت ہوش کے ناخن لے۔علامہ سبطین سبزواری نے کہا کہ بلوچستان پاکستان کا صوبہ ہے، جس کے عوام محب وطن اور جفاکش ہیں، دہشت گردوں کا افواج پاکستان نے خاتمہ کردیا ہے، جو بچ گئے ہیں وہ بھی ختم ہوجائیں گے۔ انہوں نے کہا کہ حکومت گلگت بلتستان کو پانچواں صوبہ قرارد ے کر بھارت کا منہ بند کیا جائے۔ کیونکہ اس خطے کو ابھی تک آئینی حقوق نہیں دیے گئے۔ جس کے باعث ایک طرف محب وطن عوام میں تشویش ہے تو دوسری طرف بھارت جیسے شرارتی ممالک خرافات بکتے رہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تاجدارختم نبوت کانفرنس 27اگست کو جامع مسجد یارسول اللہ قینچی امرسدھوپر منعقد ہوگی
لاہور(جی پی آئی)تاجدارختم نبوت کانفرنس 27اگست بروزہفتہ کو جامع مسجد یارسول اللہ عیدگاہ قینچی امرسدھوپر منعقد ہوگی جس میں تلاوت قرآن پاک قاری محمدحامدعلی کریں گے،نعت رسول مولانا محمدعثمان نقشبندی پڑھیں گے،خصوصی خطاب سیدخرم ریاض شاہ کرینگے جبکہ دیگر مہمان گرامی حضرت علامہ مولانا پیرمحبوب الٰہی،حضرت مولانا غلام عباس فیضی اور حضرت علامہ حافظ حسن رضا قادری ودیگرہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) وفاق المدارس الشیعہ پاکستان کے نائب صدر علامہ قاضی نیاز حسین نقوی نے کہا ہے کہ مدارس کی رجسٹریشن کی قانون سازی سے پہلے اتحاد تنظیمات مدارس کو اعتماد میں لیا جائے۔جس میں پانچوں وفاق المدارس کی نمائندگی ہے۔ علما کے وفود سے گفتگو میں علامہ نیاز نقوی نے کہا کہ وزیر اعظم نواز شریف، وزیر مذہبی امور سردار یوسف ، وزیر تعلیم بلیغ الر حمان اور آرمی چیف جنرل راحیل شریف سے اتحاد تنظیمات مدارس کے رہنماوں کی ملاقات میں یقین دہانی کروائی گئی تھی کہ مدارس سے متعلق کسی قسم کی قانون سازی سے پہلے انہیں اعتماد میں لیا جائے گا۔ انہوں نے کہا کہ پانچوں وفاق المدارس کو اعتماد میں لئے بغیر کی گئی کسی قسم کی قانون سازی غیر موثر ہوگی، اس حوالے سے سندھ حکومت ہوش کے ناخن لے اور زبردستی کسی فیصلے کو ٹھونسنے کی جرات نہ کرے، اس سے حالات خراب ہوں گے۔ ان کا کہنا تھا کہ معاشرے کے تمام طبقات نے نیشنل ایکشن پلان کو نہ صرف قبول کیا تھا بلکہ اس کی حمایت بھی کی تھی، مگر افسوسناک بات ہے کہ اسے دہشت گردوں کے خلاف استعمال کرنے کی بجائے ، اسلامی مراکز مدارس،مساجد ،اور اما م بارگاہوں کے خلاف استعمال کیا جارہا ہے۔ مساجد میں لاوڈ سپیکر پر درووسلام پڑھنے، اورمجالس عزا کروانے پر ایف آئی آرز درج کی جاتی ہیں۔ جن کی جتنی مذمت کی جائے کم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)کنوینئر ورلڈ مینارٹیز الائینس اورآرگنائزر عوامی مسیحا پارٹی جے سالک نے تین روز قبل میڈیا ہاؤسز پر حملوں کی شدیدالفاظ میں مذمت کرتے ہوئے کہا ہے کہ میڈیا ہاؤسز عوام کی آواز اعلٰی ایوانوںمیں بیٹھے لوگوں تک پہنچانے اور عوام کے مسائل کو ہائی لائیٹ کرنے کے لئے ہمہ وقت تیار رہتے ہیں ، اقلیتوں کے حقوق کی بات آئے یا ملکی سلامتی کی بات ہو میڈیا سب سے آگے ہوتا ہے تو پھر میڈیا پر حملہ کس لئے کیا گیا۔ انہوں نے کہا کہ آئے روز میڈیا کے لوگوں پر حملے ہوتے ہیںاور میڈیا ہاؤسز کو نشانہ بنایا جاتا ہے جو کہ ناقابل قبول ہے ، میڈیا کی آزادی کی راہ میں کسی کو رکاوٹ بننے نہیں دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)شدت پسندی اور انتہاء پسندی کے خاتمے کیلئے حکومتوں کو اپنے رویے بدلنے ہوں گے ۔ سعودی عرب ، پاکستان میں دہشت گردی کرنے والوں کی سر پرستی حکومتیں کر رہی ہیں۔ مسلم نوجوانوں کو جان لینا چاہیے کہ مدینہ منورہ میں دھماکے کرنے والے مسلمانوں کے ہمدرد کیسے ہو سکتے ہیں؟ تمام آسمانی کتب اور مذاہب امن ، سلامتی ، محبت ، رواداری اور مکالمہ کا درس دیتے ہیں ۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے جامعہ مسجد معاذ بن جبل میں مدارس کے طلباء کے درمیان ہونے والے تقریری مقابلہ سے خطاب کرتے ہوئے کہی ۔ اس موقع پر مولانا عبد الحمید صابری ، مولانا طاہر عقیل ، مولانا نعمان حاشر ، مولانا حافظ محمد امجد، مولانا حفیظ الرحمن ، مولانا ثاقب منیر ، مولانا نائب خان ، حافظ محمد شہباز عالم فاروقی اور دیگر نے بھی خطاب کیا۔ حافظ محمد طاہر محمود اشرفی نے کہا کہ مدارس عربیہ کے طلباء کیلئے جدید تعلیم وقت کی اہم ضرورت ہے ۔ آج اسلام کے حوالے سے پھیلائے جانے والے شکوک و شبہات کا جواب دینے کیلئے دین اور دنیا کی تعلیم کا علم ہونا لازم ہے ۔ انہوں نے کہا کہ اسلام بین المذاہب و بین المسالک مکالمہ کی دعوت دیتا ہے اور دین اسلام تمام آسمانی مذاہب اور کتب کے احترام کا درس دیتا ہے ۔ بچیوں کی تعلیم اور خواتین کے حقوق کا تحفظ اسلام کا بنیادی حکم ہے۔ اسی طرح جہاد اور دہشت گردی میں فرق کیا جانا چاہیے اور علماء اور مدارس عربیہ کے طلباء کی ذمہ داری ہے کہ وہ جہاد اور دہشت گردی میں فرق عوام الناس کو بتائیں ۔ انہوں نے کہا کہ یورپی ممالک میں بے گناہ انسانوں پر حملہ کرنے والے اسلام اور مسلمانوں کی خدمت نہیں کر رہے بلکہ ان کی وجہ سے مسلمانوں کیلئے مسائل پیدا ہو رہے ہیں۔ بعض لوگ اسلام کا نام لے کر اسلام کو بدنام کر رہے ہیں ۔ انہوں نے کہا کہ پاکستان علماء کونسل مدراس عربیہ کے اندر تقریری و تحریری مقابلوں کا سلسلہ جاری رکھے گی تا کہ مدارس عربیہ کے طلباء اور اساتذہ حالات حاضرہ کی صورتحال سے نہ صرف آگاہ کیا جائے بلکہ ان کے نقطہ نظر سوچ اور فکر کو قرآن و سنت کی تعلیمات کے مطابق بنایا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد(جی پی آئی)کمشنر فیصل آباد مومن علی آغا سے علماء کونسل کے مرکزی سیکرٹری جنرل صاحبزادہ زاہد محمود قاسمی کی قیادت میں علماء کونسل کے وفد کی ملاقات۔وطن عزیز باکستان میں بڑھتے ہوئے عدم برداشت کے رویوں کو ختم کرنے کے لیئے علماء ممبر و محرا ب سے آواز اٹھائیں،کمشنر فیصل آباد مومن علی آغا۔علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی کی قیادت میں علماء کونسل کے وفد نے کمشنر فیصل آباد مومن علی آغا سے ملاقات کی ملاقات میں مساجد اورمدارس کی رجسٹریشن کے مرحلہ کو آسان بنانے اور عید الاظحیٰ کے موقع دینی مدارس کے لیئے قربانی کی کھالیں جمع کرنے کے لیئے ڈی سی او آفس سے این او سی و دیگر امور بات چیت کی گئی کمشنر فیصل آباد مومن علی آغا نے کہاکہ باکستان میں رہنے ہر شخص کے حقوق برابر ہیں خواہ وہ مسلم ہوں یا غیر مسلم کسی بھی باکستانی کی اسکے مذہب کی بنیاد ر حق تلفی اسلامی قوانین اور آئین باکستان کے خلاف ہے دہشتگردی اور فرقہ واریت کے خاتمے کے لیئے علماء تعاون کریںممبر اسلامی نظریاتی کونسل صاحبزادہ زاہد محمود قاسمی نے کمشنر فیصل آباد کو علماء کونسل کی طرف سے یقین دہانی کروائی کہ ڈویژن فیصل آباد میں علماء قیام امن کے لیئے انتظامیہ کے ساتھ مکمل تعاون کریں گے دینی مدارس کے لیئے قربانی کی کھالیں جمع کرنے کے لیئے این او سی کا مرحلہ آسان بنایا جائے اور شہر میں مساجد اور مدارس رجسٹرڈ ہیں غیر رجسٹرڈ مساجد مدارس کو بھی رجسٹریشن کے لیئے آسانی فراہم کی جائے وفد میں حافظ محمد امجد ،مولانا شبیر احمد عثمانی ،قاری نواس ،مولانا اعظم فاروق،مولانا حبیب الرحمن عابداور فیصل آباد علماء کونسل کے چارٹائونز کے صدور اور سیکرٹری اور اسسٹنٹ کمشنر مہر شفقت اللہ بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پاکستان تحریک انصاف کے رہنما حلیم عادل شیخ نے کہاہے کہ حکومت دہشت گردوں کے خلاف کارروائی کرنے میں سخت کنفیوژن کا شکارہے ،سب زاتی مفادات کی سیاست کرنے والے لوگ ہیں ملک کے بارے میں سوچنے والی جماعت صرف تحریک انصاف ہے ،اب عوام بدل رہی ہے تحریک انصاف کراچی کے گلی محلو ں میں پہنچ گئی ہے،خیبرپختونخوا میں سرکاری اسکولوں او ر ہسپتالوں کا معیار دیگر صوبوں کی نسبت بہترہے۔ان خیالات کا اظہارا نہوں نے ملیر قائدآباد آفس میں موجود کارکنوں سے ملاقات میں کیا۔حلیم عادل شیخ نے کہاکہ دہشت گردی کے خاتمے میں عوام اورتحریک انصاف فوج کے ساتھ کھڑی ہے، حکمرانوں نے اس معاملے میں پوری قوم کو مایوس کردیاہے،انہوں نے کہاکہ دہشت گرد حکومت کی ناکام پالیسیو ں کا فائدہ اٹھارہے ہیں۔ملک دشمن عناصر اس ملک میں خارجی اور داخلی پالیسیوں کی ناکامی کی وجہ سے موجود ہیں یہ آپریشن خالصتاً دہشت گردی کے خلا ف ہے مگر وفاقی حکومت کے منشور میں دہشت گردی کاخاتمہ نہیں ہے اسی لیے بڑی کامیابیوں میں دشواری کا سامناہے اس مقصد میں نہ ہی وفاقی حکومت ساتھ دے رہی ہے اور نہ ہی سندھ حکومت سنجیدہ دکھائی دیتی ہے ۔انہوں نے کہاکہ بدعنوانی اور کرپشن کے ساتھ حکومت کو چلانا نواز حکومت کا پرانا وطیرہ ہے،نواز لیگ کو ملنے والی تین حکومتوں کی کرپشن نے ملک کو تین صدیوں پیچھے دھکیل رکھاہے آج اس ملک کا بچہ بچہ لاکھوں روپے کا مقروض ہے ،انہوں نے مزید کہاکہ ہم ان حکمرانوں کی موجودگی میں کبھی نہ ختم ہونے والی پریشانیوں میں مبتلا رہینگے جس کے لیے ان سے چھٹکارا ہی ہمارے بہتر مستقبل کے لیے ضروری ہے۔