گجرات (جی پی آئی) گجرات کے سوشل سیکیورٹی ہسپتال میں ملازمین کی ہڑتال سے مریض رل گئے ، سوشل سیکیورٹی ہسپتال گجرات کے پیرا میڈیکل و دیگر سٹاف نے اپنے مطالبات کے حق میں ہڑتال کر رکھی ہے ، جس سے ہسپتال میں زیر علاج مریضوں کو شدید مشکلات کا سامنا کرنا پڑ رہا ہے ، مریضوں کو پرائیوٹ ہسپتالوں میں ریفر کیا جا رہا ہے ، جس سے مریضوں کی پریشانیاں بڑھ چکی ہیں ، مریضوں کا کہنا ہے کہ ہسپتال میں ہمیں ہفتوں ادویات فراہم نہیں کی جاتی تھیں ، ادویات کے مطالبہ پر سٹاف کا ناروا رویہ برداشت کرنا پڑتا اور اب ہسپتال کے عملہ کی ہڑتال سے علاج کی سہولیات محدود ہو چکی ہیں ، ہسپتال انتظامیہ کا کہنا ہے کہ سٹاف کی ہڑتال جلد ختم ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) دی ایجوکیٹرز بارہ دری کیمپس بلا شبہ ایک معیاری تعلیمی ادارہ ہے۔ جس میں بچوں کی بہتر تعلیم و تربیت کیلئے اقدامات کئے جاتے ہیں۔ شہزاد شفیق نقشبندی کی قیادت میں یہ ادارہ دن دگنی رات چوگنی ترقی کر رہا ہے۔ ان خیالات کا اظہار صاحبزادہ رضوان منصور آوانی زیب سجادہ نشین آستانہ عالیہ آوان شریف و مہمدہ شریف نے کیا۔ انہوں نے کہا کہ میٹرک کے امتحانات میں شاندار نتائج پر ہم شہزاد شفیق نقشبندی اور انکی ٹیم کو مبارکباد پیش کرتے ہیں اور امید ظاہر کرتے ہیں کہ یہ ادارہ مستقبل میں بھی بہتر نتائج کیساتھ نظر آئے اور اس ادارہ کے طلباء و طالبات دنیا میں نام کمائیں۔ اس موقع پر شہزاد شفیق نقشبندی ‘ حافظ محمد طاہر ‘ ڈاکٹر رزاق احمد غفاری اور سیٹھ مدثر صراف بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) ممتاز ماہر تعلیم شہزاد شفیق نقشبندی نے بورڈ آف انٹرمیڈیٹ اینڈ سیکنڈری ایجوکیشن گوجرانوالہ میں مسعود الرحمن کو ترقی ملنے پر مبارکباد پیش کی ہے۔ تفصیلات کے مطابق ڈائریکٹر دی ایجوکیٹرز بارہ دری کیمپس شہزاد شفیق نقشبندی گزشتہ روز بورڈ آف انٹرمیڈیٹ گوجرانوالہ گئے اور PA ٹو کنٹرولر امتحانات مسعود الرحمن کو 17 ویں گریڈ میں ترقی ملنے پر مبارکباد پیش کی اور امید ظاہر کی کہ وہ بہتر انداز میں عوام کی خدمت جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )سابق ایگزیکٹو ممبر گجرات چیمبر آف کامرس اینڈ انڈسٹری مرزا وقاص عرفان نے کہا ہے کہ گجرات چیمبر کے انتخابات میں فرینڈز گروپ کے امیدواران بھاری اکثریت سے کامیاب ہو ں گے کیونکہ چیمبر کے ممبران نے شاہین گروپ اور فائونڈر گروپ کو بارہا آزمایا ہوا ہے ایک دوسرے کو قبضہ گروپ کہنے والے آج ایک دوسرے کی بانہوں میں بانہیں ڈال کر میدان میں آئے ہیں اور ووٹرز باشعور ہیں وہ بہتر فیصلہ کر سکتے ہیں۔ فرینڈز گروپ اچھے امیدواروں کو سامنے لائے گا جو چیمبر کے وقار میں اضافہ کیلئے کام کریں گے۔ انہوں نے کہا کہ گجرات چیمبر آف کامرس کو جس طرح نقصان پہنچایا گیا ہے یہ بات قابل قبول نہیں ہم چیمبر کے مفاد میں بہترین فیصلے کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) دی گجرات فرینڈز لائنز کلب کی انسٹالیشن تقریب 9 اگست کو شام 6 بجے فیصل ہوٹل گجرات میں منعقد ہو گی۔ جس میں گجرات اور دیگر مقامات سے آئے ہوئے ممبران بطور مہمان خصوصی شریک ہوں گے۔ تمام ممبران وقت مقررہ پر شریک ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) اسسٹنٹ کمشنر گجرات میاں اقبال مظہر نے انسداد ڈینگی کے لئے اقدامات نہ کرنے پر مدینہ نرسری ظہور الہی اسٹیڈیم کے مالک نذرے احمد کے خلا ف تھانہ سول لائن گجرات میں مقدمہ درج کرا دیا ہے۔ ملزم کے خلاف شکایات موصول ہوئی تھیں جس پر فوری ایکش لیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) اسسٹنٹ کمشنر گجرات میاں اقبال مظہر نے گرانفروشی پر دو ملزمان کے خلاف مقدمات درج کر ادیے ہیں جبکہ ڈی او زراعت محمد رفیق تارڑ نے 8گرانفروشوں پر ساڑھے 10ہزار روپے جرمانہ عائد کر دیا ہے۔ ڈی سی او لیاقت علی چٹھہ کی ہدایت پر کریک ڈائون کے دوران اے سی گجرات نے پھل فروش عدیل اور عبدالستار کو اچانک چیک کیا جو مقررہ نرخوں سے زائد قیمت پر آڑو اور کیلا فروخت کررہے تھے۔ دونوں کے خلاف متعلقہ تھانہ میں مقدمات درج کر ادیے گئے ہیں۔ ڈی او زراعت محمد رفیق تارڑ نے ریٹ لسٹیں نہ لگانے اور گرانفروشی پر جلالپور جٹاں، کھوکھا اور نواحی علاقوںمیں دوکاندار قیصر محمود، اللہ رکھا، احسان، الیاس، خرم شہزاد، اسلم ، نذر اور سیف پر جرمانہ عائد کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) باجوڑ ایجنسی اور پشاور سے تعلق رکھنے والے پٹھانوں کے نمائندہ وفدنے پاکستان تحریک انصاف کے راہنما نوازش علی شیخ ایڈووکیٹ سے انکے دفتر انصاف مرکز میں ملاقات کی،وفد میںارزمین خان،منور خان،ضیاء خان اور دیگر شامل تھے اس موقع پر وفد نے نوازش علی شیخ ایڈووکیٹ کو آگاہ کیا کہ لالہ موسیٰ کی مقامی پولیس ہمیں بے جا تنگ کر رہی ہے ،شناختی کارڈ اور رہائش گاہوں کا پتہ دینے کے باوجود ہمیں اور ہمارے نابالغ بچوں کو بھی تھانے لے جاتے ہیں یہاں تک کے سکول جاتے ہوئے ننھے طالبعلموں کو بھی پولیس دھمکاتی رہتی ہے اور ہماری کاروباری دوکانوں پر بھی آئے روز تنگ کرنے اور پریشان کرنے کیلئے چکر لگاتے رہتے ہیں بار ہا مرتبہ پولیس کو اپنی شناخت کروانے کے باوجود گاہکوں کے سامنے ہماری تذلیل کی جاتی ہے ۔اس موقع پرنوازش علی شیخ ایڈووکیٹ نے وفد کو یقین دلایا کہ پولیس آفسیران سے بات کر کے اس مسئلے کو حل کیا جائے گااور بحیثیت پاکستانی پولیس کے اس عمل اوررویے کی مذمت کرتے ہیں انہوں نے ڈی پی او گجرات سے مطالبہ کیا کہ مقامی پولیس کو قومی شناختی کارڈ رکھنے والے پاکستانی شہریوں کو حراساں کرنے سے بعض رکھا جائے اور بچوں کوسکول جانے سے خوفزدہ نہ کیا جائے۔
بھمبر کی خبریں 7/8/2015
بھمبر کی خبریں عاطف اکرم سے 7/8/2015