گجرات (جی پی آئی) پی پی پی بھٹو شہید گروپ کے چیئر پرسن غنویٰ بھٹو نے کہا ہے کہ حکمران بھٹو دشمنی میں سامراجی قوتوں کے دوست بن کر ملکی اداروں کی نجکاری کررہے ہیں اگر سٹیل ملز ، پی آئی اے ، پی ٹی سی ایل ، شوگر انڈسٹری او ر وطن عزیز کی اراضی اجنبی ممالک کو بیچ دی گئی تو پاکستان باقی نہیں رہیگا وہ ڈنگہ میں ورکرز کنونش سے خطاب کررہی تھیں تقریب کی صدارت حاجی شریف آف جانی چک نے کی غنویٰ بھٹو نے کہا کہ زرداری ، نواز شریف جیسے حکمرانوں کے ہاتھوں میں ملک آخری سانسیں لے رہا ہے بھٹو کے جیالے گھروں سڑکوں پر نکل کر زرداری ،نواز ٹولے کیخلاف نفرت کا اظہارکریں ساری ذمہ داری میر مرتضیٰ بھٹو خاندان پر نہ ڈالیں میں تنہا کچھ نہیں کر سکتی اور نہ ہی آپ لوگ تنہا کچھ کر پائیں گے جب ہم ایک ہونگے تبھی بھٹو کی پارٹی بر سر اقتدار آئیگی آج ظالم اقلیت میں اور ہم اکثریت میں ہیں ذوالفقار علی بھٹو اور مرتضیٰ بھٹو کا خواب تھا کہ غریبوںکا ساتھ دے کر انکی چوہدری ، جاگیر داروں اور راجہ رینٹل جیسے کرداروں سے جان چھڑا کر انہیں خوشحال کیا جائے مگر ذوالفقار علی بھٹو کے دشمنوں نے انہی کی جانیں لے لیں وہ برملا کہتے تھے کہ دو بھٹو ہیں ایک میں اور دوسرا عوام ہیں انہوں نے کہا کہ زرداری پارٹی اصل پیپلزپارٹی نہیں بلکہ وہ پارلیمنٹ میں صرف پیسہ اکٹھا کرنے اور لوٹ مار کرنے کیلئے موجود ہے مشرف کے بعد پیپلزپارٹی ختم ہو چکی ہے ہم شوشلسٹ ترقی پسند ہیں جو ظالموں ، چوروں کے ہاتھوں سے لوٹ مار کا پیسہ چھین کر عوام کو دینا چاہتے ہیں بھٹو کے بنائے تمام اداروں کو ہر آنیوالا حکمران پرائیویٹ کررہا ہے ایک طرف ملک کے علماء لینڈ ریفارمرز کو غیر اسلامی قرار دیتے ہیں لیکن دوسری طرف عوام کو حقو ق نہ دینااور انکی اراضی چھین لینا بھی غیر اسلامی عمل ہے بھٹو خاندان نے ہمیشہ اسلام کا نعرہ لگایا مگر انکے بچوں اور خاندان پر الزامات لگا کر انہیں عوام سے دور کر دیا گیالوگوں پر رحمدلی کرنیوالے حکمرانوں کے بر سراقتدار آنے کی کوئی توقع نہیں آج حالات دیکھیں تو بھٹو کی باتیں سچ لگتی ہیں ہم نے مرتضیٰ بھٹو کی شہادت کے بعد 19سال سے کسی سیاسی جماعت اور حکومت کا حصہ نہیں بنے نہ ہی آپ لوگوں سے غداری کی ہے مگر ہمیں ہر مرتبہ الیکشن ہروا کر شکست سے دور کر دیا گیا ہے لیکن امید ہے ایک روز اُنکے ساتھ کھڑے ہونگے غنویٰ بھٹو نے کہا کہ سندھ کے لوگ پنجاب کے عوام کو دشمن نہیں سمجھتے لیکن پانی پر حق سب کا برابر ہے سندھی اور پنجابی پانی چوری نہیں کررہے صرف امیر طبقہ ایسا کررہا ہے میزبان چوہدری شریف نے کہا کہ جب تک پاکستان میں تعلیم عام نہیں کی جاتی اور سکولز کی حالت بہتر نہیں بنائی جاتی حالات سنور نہیں سکتے بیرون ملک لوٹ مار کرنیوالوں کا کڑا احتساب ہوتا ہے مگر یہاں آجتک کسی سیاستدان سے عوام کو لوٹا ہوا پیسہ انکی جیبوں سے نہیں نکالا گیا بلکہ ہر آنیوالے نے لوٹ مار کر کے مال بنایا تقریب سے پی پی پی بھٹو شہید گروپ سندھ کے صدر ، پنجاب کے جنرل سیکرٹری جاوید اقبال معظم ، اکمل حسن چشتی ، آزاد کشمیر کے صدر چوہدری منیر ، عمران ارشد ، حافظ مدثر نواز دیگر نے خطا ب کیا تقریب میں جیوے جیوے بھٹو جیوے ، غنویٰ بھٹو قدم بڑھائو ہم تمہارے ساتھ ہیں کے نعرے بھی لگائے گئے اور تنظم سازی بھی کی گئی .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) عزیز بھٹی شہید ہسپتال میںمریضوںکو علاج معالجہ کی بہتر سہولیات کی فراہمی اور جاری ترقیاتی منصوبہ جات پر کام کی رفتار کا جائزہ لینے کے لئے ڈی سی او لیاقت علی چٹھہ، وائس چانسلر یونیورسٹی آف گجرات ڈاکٹر ضیاالقیوم نے ہسپتال کا تفصیلی دورہ کیا ، انہوں نے ایمرجنسی سمیت ہسپتال کی مختلف وارڈز کا دورہ کیا اور مریضوں سے ملاقات کی جبکہ جاری ترقیاتی کاموں کے معائنہ کے موقع پر متعلقہ محکموںکے افسران کو ہدایت کی کہ ان منصوبہ جات پر کام کی رفتار تیز کی جائے ، پرنسپل نواز شریف میڈیکل کالج ڈاکٹر ظفر اقبال گل، ایم ایس ڈاکٹر عباس گوندل، اورنگزیب بٹ و دیگر افسران بھی اس موقع پر انکے ہمراہ تھے۔ بعد ازاں اعلی سطحی اجلاس منعقد ہوا جس میں فیصلہ کیا گیا کہ مریضوں اور طلبہ کی سہولت کے لئے نواز شریف میڈیکل کالج اور عزیز بھٹی شہید ہسپتال انتظامیہ کے مابین ورکنگ ریلشن شپ مزید بہتر بنائی جائے گی۔ اجلاس میںفیصلہ کیا گیا کہ عزیز بھٹی شہید ہسپتال میں آئی سی یو کو جلد فعال بنانے کے لئے تیزی سے اقدامات اٹھائے جائیں اس مقصد کے لئے دیگر وسائل کی فراہمی کے ساتھ وارڈ میں ڈاکٹرز و عملہ کی تعیناتی اور انکو ٹریننگ دی جائے گی۔ توسیعی منصوبوں پر کام کی رفتار کے معائنہ کے موقع پر ڈی سی او لیاقت علی چٹھہ نے بلڈنگز ڈیپارٹمنٹ کو ہدایت کی کہ تمام منصوبہ جات پر کام کی رفتار تیز کی جائے اور اسے مقررہ مدت میں ہرصورت مکمل کیا جائے جبکہ ناقص میٹریل کا استعمال کسی صورت برداشت نہیں ہوگا۔ انہوںنے ہدایت کی کہ ہسپتال انتظامیہ خراب مشینوںکی مرمت کا کام فوری مکمل کرے جبکہ سماجی راہنما اورنگزیب بٹ ڈائیلسز وارڈکے لئے نئی مشین عطیہ کریں گے جس کے بعد ڈائیلسٹز وارڈ میں تمام 6مشینیں فنکشنل ہو جائیں گی۔ ڈی سی او لیاقت علی چٹھہ نے ہدایت کی کہ عزیز بھٹی شہید ہسپتال میں حال ہی میں تعمیر کی جانیوالی سٹرک کے ساتھ ٹف ٹائل لگانے، پارک میں گھاس لگانے کا کام دو دن میں مکمل کیا جائے اسی طرح مرمت کے کام بھی تیزی سے مکمل کئے جائیں، انہوںنے ایم کو ہدایت کی کہ ہسپتال میںسکیورٹی انتظامات مزید بہتر بنائے جائیں، داخلی راستے پربیئرئرز اور دیواروںپر خار دار تار لگائی جائے۔ اس سے قبل ڈی سی او لیاقت علی چٹھہ، وائس چانسپلر ڈاکٹر ضیاالقیوم نے دیگر افسران کے ہمراہ ایمرجنسی وارڈ سمیت مختلف وارڈز کا دورہ کیا اور مریضوںسے وہاں فراہم کی جانیوالی سہولیات بارے دریافت کیا، انہوںنے زیر تعمیر نواز شریف میڈیکل کالج بلاک، ایمرجنسی ، برن یونٹ اور دیگر شعبوں کا بھی دورہ کیا اور تعمیراتی و تزئین و آرائش کے کام کا جائزہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آستانہ عالیہ غوث یگانہ چھالے شریف میں سالانہ عرس مبارک کی تقریبات کے موقع پر بذریعہ قرعہ اندازی 5 خوش نصیبوں کو عمرہ کے ٹکٹ دئیے گئے۔ یہ قرعہ اندازی سجادہ نشین آستانہ عالیہ علی پور سیداں شریف’ عالمی مبلغ اسلام صاحبزادہ پیر سید منور حسین شاہ جماعتی’ پیر سید ابرار الحسن شاہ اور پیر سید اسرار الحسن شاہ نے اپنے دست مبارک سے کی۔ خوش نصیبوں میں مولوی برکت علی دھمتھل ‘ احسن علی برنالہ بھمبر’ اور شہزاد تبسم شامل ہیں۔ سجادہ نشین آستانہ عالیہ غوث یگانہ چھالے شریف پیر سید انتصار الحسن شاہ سروری قادری نے یہ سعادت حاصل کرنے پر خوش نصیبوں کو مبارکباد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)برصغیر پاک و ہند کی معروف درگاہ آستاہ عالیہ غوث یگانہ چھالے شریف میں سالانہ عرس مبارک کی تقریبات روایتی جوش و جذبہ کے ساتھ منعقد ہوئیں۔ عرس پاک کی تقریبات کی صدارت سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ سروری قادری نے کی۔ جبکہ مہمان خصوصی عالمی مبلغ اسلام سجادہ نشین آستانہ عالیہ علی پور سیداںشریف صاحبزادہ پیر سید منور علی شاہ جماعتی تھے۔ تفصیلات کے مطابق حضور پیر سید نصیب علی شاہ المعروف غوث یگانہ چھالے شریف کڑیانوالہ ‘ پیر سید والی حسین شاہ ‘ پیر سید منظور حسین شاہ ‘ کا سالانہ عرس مبارک عقیدت و احترام کے ساتھ منایا گیا۔ عرس مبارک کی تقریبات کا آغاز دربار شریف پر چادر چڑھانے سے ہوا۔ سجادہ نشین آستانہ عالیہ غوث یگانہ چھالے شریف پیر سید انتصار الحسن شاہ سروری قادری ‘ پیر سید ابرار الحسن شاہ’ پیر سید اسرار الحسن شاہ نے چادر چڑھائی۔ اس موقع پر ملکی ترقی و سلامتی کیلئے خصوصی دعائیں کی گئیں۔ مرکزی محفل کی صدارت پیر سید انتصار الحسن شاہ نے کی۔ نقابت کے فرائض عابد خیال قادری نے سرانجام دئیے۔ تلا وت قرآن پاک کا شرف قاری سید صداقت علی شاہ اور قاری محسن رضا قادری نے حاصل کیا۔ ہدیہ نعت پیر سید ریاض حسین شاہ ناظم اعلیٰ جماعت اہلسنت پاکستان’ مفتی محمد اقبال چشتی صوبائی ناظم اعلیٰ جماعت اہلسنت پاکستان اور سید شمس الرحمن مشہدی آستانہ عالیہ سیال شریف نے کیا۔ جبکہ نعت رسول مقبول کا شرف یوسف میمن’ احمد علی حاکم اور حافظ ریحان روفی نے حاصل کیا۔ اس موقع پر پاکستان اور بیرون ملک سے آئی ہوئی شخصیات کی کثیر تعداد موجود تھی۔ڈائریکٹر جنرل محکمہ اوقاف طاہر رضا بخاری،پیرسیدزاہد حسین تمذی، سابق ایم این اے نوا بزادہ غضنفر علی گل’ چوہدری حسین الٰہی’ سابق ایم پی اے خالد اصغر گھرال’ سابق تحصیل ناظم سعادت نواز اجنالہ’ حاجی امجد علی آف ماجرہ شمالی (امریکہ) ‘چوہدری مسعود ‘ حافظ شفیق آرزو’ اور دیگر عقیدت مندوں نے ہزاروں کی تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)سلام کی ترویج و اشاعت میں خانقاہی نظام نے اہم کردار ادا کیا۔ ان خیالات کا اظہار زیب سجادہ نشین آستانہ عالیہ غوث یگانہ چھالے شریف صاحبزادہ پیر سید اسرار الحسن شاہ سروری قادری نے سالانہ عرس مبارک کے موقع پر کیا۔ انہوں نے کہا کہ خانقاہ تین چیزوں کا مجموعہ ہوتا ہے پہلے نمبر پر مدرسہ’ دوسرے نمبر پر ہسپتال اور تیسرے نمبر پر ولی اللہ۔ جسمانی مرض کیلئے ہسپتال ‘عقلی مسائل اور تعلیم کیلئے تعلیمی ادارہ (مدرسہ) اور روحانی مسائل کے حل کیلئے اللہ کا فقیر (ولی اللہ) لوگوں کی خدمت کیلئے موجود ہوتا ہے۔ انہوں نے کہا کہ پیری مریدی وراثت نہیں یہ صرف مرشد کامل کی نگاہ اور اللہ تعالیٰ کی رحمت سے ہی حاصل ہو سکتی ہے۔ آستانہ عالیہ غوث یگانہ چھالے شریف میں ہم اللہ کے لوگوں کے خادم بن کر بیٹھے ہیں۔ اور ہمیں فخر ہے کہ ہم اولیاء اللہ کے خادم کی حیثیت سے اپنے فرائض سرانجام دے رہے ہیں۔ ضرورت اس امر کی ہے کہ ہم دل کے رشتوں کو مضبوط کریں اور آپس کے مسائل مل بیٹھ کر حل کریں۔ ولی کی نگاہ سے لوگوں کو روحانی سکون میسر آتا ہے۔ انہوں نے کہا کہ ہمیں فخر ہے کہ ہم اپنی ڈیوٹی احسن انداز میں سرانجام دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اولیاء کرام کے آستانے محبت اور امن کا پیغام دیتے ہیں۔ ان خیالات کا اظہار سجادہ نشین آستانہ عالیہ غوث یگانہ چھالے شریف صاحبزادہ پیر سید انتصار الحسن شاہ سروری قادری نے عرس مبارک کی تقریبات کے دورا ن کیا۔ انہوں نے کہا کہ موجودہ حالات میں ضرورت اس امر کی ہے کہ ہم اولیاء کرام کی تعلیمات سے مستفید ہو کر دنیا میں امن کا درس دیں۔ جب تک ہم صحیح معنوں میں اسلام کی تعلیمات اور اولیائے کرام کے افقار سے اپنے دلوں کو منور نہیں کریں گے تب تک ترقی نا ممکن ہے۔ اسلام دنیا کا واحد مذہب ہے جس میں امن و بھائی چارے کا درس دیا گیا ہے۔ پیر سید منور حسین شاہ جماعتی نے کہا ہے کہ ہم دنیا بھر میں امن کا پیغام لے کر جاتے ہیں اور ہمیں بزرگوں کی دعائیں کی وجہ سے اسلام کی تعلیمات پھیلانے کا شرف حاصل ہوا ہے۔ اور ہم دن رات اپنی کاوشیں اسلام کی سر بلندی کیلئے صرف کر رہے ہیں۔ انہوں نے کہا کہ میں آستانہ عالیہ چھالے شریف کے تمام رفقاء کار کو مبارکباد پیش کرتا ہوں کہ انہوںنے اس دور میں اتنا شاندار پروگرام منعقد کیا۔ خطیب پاکستان مرکزی ناظم اعلیٰ جماعت اہل سنت پاکستان پیر سید ریاض حسین شاہ نے خطاب کرتے ہوئے کہا کہ اسلام کی اصل تعلیم برداشت اور تحمل مزاجی ہے ۔ ہمیں اسلام کی تعلیمات کی ترویج و اشاعت کیلئے کام کرنا ہے۔ صوبائی ناظم اعلیٰ جماعت اہل سنت پنجاب مفتی محمد اقبال چشتی نے کہا ہے کہ اللہ کی راہ میں جو صدق دل سے کام کرتا ہے اسے کامیابی حاصل ہوتی ہے۔ اور ہم خوش قسمت ہیں کہ ہمیں اللہ کے دین کیلئے کام کرنے کا موقع ملا۔ صاحبزادہ پیر سید شمس الرحمن مشہدی نے خطاب کرتے ہوئے کہا کہ آستانہ عالیہ غوث یگانہ چھالے شریف دنیا بھر میں محبت و اخوت کا پیغام لیکر کام کر رہا ہے۔ میں پیر سید انتصار الحسن شاہ اور ان کے رفقاء کار کو مبارکباد پیش کرتا ہوں کہ وہ احسن طریقے سے اپنے فرائض سرانجام دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)موضع پیر خا نہ شریف چینی والی آزاد کشمیر میں عظیم الشان سالانہ محفل میلاد النبی ۖ و عرس خواجگان موہڑہ شریف عقیدت و احترام سے منعقد ہوا۔ جس کی صدارت ممتاز عالم دین قاری کرامت علی نقشبندی نے کی۔ جبکہ مہمان خصوصی زیب سجادہ نشین آستانہ عالیہ موہڑہ شریف صاحبزادہ پیر عمر زیب بادشاہ قاسمی تھے۔ جبکہ مہمان گرامی میں صدر بزم غلامان گھمکول شریف چوہدری افتخار ملہی ‘ اور ان کے رفقاء کار تھے اس موقع پر عظیم الشان محفل میلاد ۖ میں نقابت کے فرائض دلاور حسین جلالی’ نے سرانجام دئیے۔ تلاوت قرآن پاک کا شرف قاری اسماعیل صدیقی نے حاصل کیا۔ نعت رسول ۖ حسن مشتاق مدنی’ شیر خان قاسمی’ فدا حسین قاسمی’ نے حاصل کیا۔ جبکہ ملکی ترقی و سلامتی کیلئے خصوصی دعائیں کی گئیں۔ اہم شخصیات میں خلیفہ عبدالکریم’ حاجی یوسف’ چوہدری محمد شریف’ چوہدری مجید پہلوان’ حاجی اسماعیل’ نائیک مجید’ خلیفہ لطیف ‘ چوہدری لعل’ چوہدری شوکت’ چوہدری بشیر’ چوہدری عبدالرشید’ چوہدری فضل’ چوہدری محمد الیاس’ چوہدری خالد حسین’ راجہ پرویز’ چوہدری جہانگیر’ حافظ لیاقت ‘ میاں عبدالقیوم’ مولوی محمد عالم’ چوہدری محمد نیامت’ چوہدری صابر حسین’ چوہدری عبدالطیف’ حاجی محمد اسماعیل’ حاجی محمود’ حاجی لطیف و دیگر شریک تھے۔ لنگر کا خصوصی انتظام کیا گیا تھا۔ ملکی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(سٹاف رپورٹر)گجرات کے نوجوان فنکاروں اورہنرمندوںکی حوصلہ افزائی کیلئے آئی ایل ایم کالج،این سی بی اے یونیورسٹی اورویکلی گجرات ایکسپریس کے زیراہتمام دوسراآرٹ اینڈ کرافٹ میلہ 21اپریل سے 27اپریل تک جاری رہے گا۔اس میںفائن آرٹ اورکرافٹس کے علاوہ سٹالزکی کئی نئی کیٹگریزبھی شامل ہوں گی جن میں فوڈسٹریٹ،ٹیکسٹائل اینڈوارڈروب،کلکٹرزکلب،سائنس اینڈانوویشن میوزیم،کریزی آرٹ،جونیئرآرٹ وغیرہ قابل ذکرہیں۔ پہلے آرٹ اینڈکرافٹ میلہ کی شاندارکامیابی کے بعداب نئے ایونٹ کی تیاری بھی زورشورسے شروع کردی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)کھاریاں کی صحافی برادری کی طرف سے کوٹلہ پریس کلب کی نومنتخب کابینہ صدر ذوالفقار اکبر بٹ اور جنرل سیکرٹری چوہدری علی اصغر ککرالی اورلالہ موسیٰ کے معروف اور متحرک صحافی شفاقت علی مرزا کی سعادت حاصل کرنے پر مبارکباد۔ مبارک باد دینے والوں میں سینئر صحافی سید تنویر نقوی، چیئرمین تعمیراتی کمیٹی K.P.C، سینئر صحافی نصراللہ چوہدری ایڈووکیٹ، سینئر صحافی شہزاد احمد، صحافی الیاس بٹ، صحافی قربان گجر، صحافی عرفان عباس جنجوعہ ، جبار ساگر فنانس سیکرٹریKPC، اعجاز مرزا، عبدالعزیز گوندل کوارڈی نیٹرKPC، ایم عمر سیکرٹری اطلاعات KPC، عتیق لال سیکرٹری سپورٹسKPC’ حاجی عبدالرئوف صدرKPC، آفتاب احمد نذر جنرل سیکرٹریKPC،چوہدری محمد یوسف سونو، شہزاد احمد،سینئر نائب صدر حافظ محمد عمران خلجی،حکیم غلام شبر، محفوظ احمد بٹ، نیئر صدیقی، محمد سجاد اکرم، طاہر رشیداور دیگر شامل ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) حکومت PIA ملازمین کا معاملہ جلد حل کرے گی پرامن احتجاج پر ایک کا جمہوری حق ہے مگر اس حق کا غلط استعمال بھی جمہوریت توہین ہے احتجاج کی آڑ میں سرکاری اور قومی نقصان بھی ہرگز برداشت نہیں کیا جا سکتا۔ PIA ملازمین کی ہڑتال پر سیاست چمکانے والوں کو بھی جلد منہ کی کھانا پڑے گی حکومت قومی مفاد میں ہی فیصلے کر رہی ہے ان خیالات کا اظہارمشترکہ طور پر ایم این اے چوہدری عابد رضا اور ایم پی اے چوہدری شبیر احمد کوٹلہ نے کیا۔ انہوں نے کہا کہ PIA قومی ادارہ ہے جو کہ خسارے میں جا رہا ہے ہر ماہ اربوں روپے کا نقصان قوم کو ہی ہو رہا تھا اگر ان حالات میں نج کاری ہوتی ہے تو وہ قومی اور ملکی مفاد میں ہے کچھ لوگ اپنی سیاست چمکانے کے لئے ان ہڑتالی ملازمین کو اپنے مزموم مقاصد کے لئے استعمال کر رہے ہیں جو کہ شرمناک فعل ہے انہوں نے مزید کہا کہ حکومت PIA ملازمین کے معاملے کو جلد مذاکرات یا اپنے طریقہ سے حل کرلے گی سیاست چمکانے والوں کو کچھ نہیں ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)حکومت PIA ملازمین کے ساتھ غیر انسانی سلوک کرنا بند کرے اور مذاکرات کے ذریعے معاملہ حل کرے PTI حکمرانوں کی من مانیاں ہرگز نہیں چلنے دے گی عوامی حقوق کے لئے آواز بلند کرتے رہیں گے ان خیالات کااظہار راہنما PIA وائس پریذیڈنٹ کنٹونمنٹ بورڈ کھاریاں مسعود چوہان اور کونسلر ہارون بھٹی نے مشترکہ طور پر کیا۔ انہوں نے کہا کہ عوام کے جان و مال اور عزت کے ساتھ ساتھ حقوق کی حفاظت بھی اسٹیٹ کے ذمہ ہوتی ہے مگر پاکستان میں گنگا الٹی بہہ رہی ہے حکمران طاقت اور اقتدار کے نشے میں دھت خود ہی ملازمین کا استحصال کر رہے ہیں PIA کے ہڑتال ملازمین ملکی اثاثوں کو اونے پونے فروخت کرنے کے خلاف سراپا احتجاج ہیں اور حق سچ کی آواز بلند کر رہے ہیں PTI اس حق سچ کی آواز کے لئے PIA ملازمین کے شانہ بشانہ ہے انہوں نے مزید کہا کہ حکمران مذاکرات کے ذریعے معاملات حل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)ضلع گجرات کی سرکاری مشینری ناکام ناجائز منافع خوروں نے عوام کو دونوں ہاتھوں سے لوٹنا شروع کر دیا اس میں ضلعی انتظامیہ بھی برابر کی شریک ہے ڈی سی او گجرات نے گذشتہ چند دن قبل اشیاء خورد و نوش کی قیمتوں میں کمی کرنے کی بجائے اضافہ کر کے عملی ثبوت دیا ہے کہ وہ عوام کے ساتھ نہیںبلکہ ناجائز منافع خوروں کا بھرپور ساتھ دے رہے ہیں بڑے گوشت کی قیمت میں یک دم 20 روپے فی کلو اضافہ کر کے مہنگائی میں اضافہ کیا گیا عوامی حلقوں نے دیگر اشیاء کی قیمتوں میں اضافے کو مسترد کرتے ہوئے مطالبہ کیا ہے کہ عوام کو مہنگائی سے ریلیف دینے کی بجائے DCO گجرات نے ریٹ بڑھا کر مہنگائی کو خود بڑھایا ہے جوکہ عوام کے ساتھ سراسر ظلم و نانصافی ہے عوامی حلقوں نے وزیراعلیٰ پنجاب میاں شہباز شریف نے از خود نوٹس لینے کی اپیل کرتے ہوئے کہا ے کہ پیٹرولیم مصنوعات کی قیمتوں میں کمی کے ساتھ مہنگائی کم ہوتی ہے مگر ضلع گجرات میں سرکاری افسران خود مہنگائی بڑھانے کا سبب بن رہے ہیں اصلاح و احوال کا فوری مطالبہ بھی کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)اے سی سرائے عالمگیر فاریسٹ تفریجی پارک کی حالت زار کی طرف بھی توجہ دیں جھیل اور ملحقہ پارک میں جگہ جگہ گندگی کے ڈھیر لگے ہوئے ہے جو کہ انتظامیہ کی نااہلی اور غفلت کا منہ بولتا ثبوت ہے پارک میں سیرو تفریح کرنے والوں کو صاف ستھرا ماحول فراہم کرنا بھی انتظامیہ کی ذمہ داری ہے اگر یہ سہولت عوام کو دی گئی ہے تو اس کا خیال بھی رکھا جائے اور پارک کی صفائی کا بھی مناسب خیال رکھا جائے۔ عوامی حلقوں نے ڈی سی او گجرات سے بھی مطالبہ کیا ہے کہ صورت حال کا فوری نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) جنرل سیکرٹری کھاریاں پریس کلب آفتاب احمد نذر نے کہا ہے کہ صدر کھاریاںپریس کلب کی قیادت میں کلب کے سارے ممبران متحد ہیں اور ہمارا اتحاد مثالی ہیں انشاء اللہ رواں صحافیوں کی فلاح و بہبود، اتحاد ویکجہتی کے ساتھ مسائل بھرپور طریقے سے حل ہوں گے ان خیالات کا اظہار انہوں نے اپنے ایک بیان میں کیا ہے۔ انہوں نے کہا کہ کھاریاں کے اخبار نویس معاشرے میں پائی جانے والی برائیوں کے خلاف قلم کے ذریعے جہاد کر رہے ہیں اور یہ سلسلہ ہمیشہ جاری رہے گا اور کھاریاں کے صحافی مثبت صحافت کے فروغ کے لئے اپنا کردار ادا کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سینئر نائب صدر حافظ محمد عمران خلجی نے گذشتہ روز فاریسٹ پارک پبی میں عہدیداران اور ممبران کے اعزاز میں پرتکلف ظہرانہ دیا اس موقع پر کثیر تعداد میں صحافیوں اور معززین نے شرکت کی۔ ظہرانے میں صحافیوں کے ساتھ کھاریاں ممتاز سیاسی شخصیات چوہدری اللہ یار چاڑ،عظیم سرور بٹ بھی شریک تھے اس موقع پر صدر حاجی عبدالرئوف، جنرل سیکرٹری آفتاب احمد نذر، سید تنویر نقوی چیئرمین تعمیراتی کمیٹی،کوارڈی نیٹرز اعجازمرزا، عبدالعزیز گوندل،فنانس سیکرٹری جبار ساگر، چیئرمین مجلس عاملہ میاں ندیم، سیکرٹری اطلاعات ایم عمر، چوہدری محمد یوسف سونو، سید مغفور الحسنین، لیگل ایڈوائزر نصراللہ چوہدری ایڈووکیٹ،میاں محمد صفدر، چوہدری انور چوہان، عتیق لال سیکرٹری سپورٹس، نائب صدر حکیم غلام شبر، قربان گجر، وقاص رئوف، جوائنٹ سیکرٹری طاہر رشید، حکیم نیئر صدیقی، محمد سجاد اکرم، نواز مغل ملکہ، سہیل کامران سیکرٹری تقریبات، محفوظ احمد بٹ، مشیر امجد حسین امجد، چیئرمین سیکروٹنی مرید جعفری سمیت دیگر نے شرکت کی۔ حافظ محمد عمران خلجی نے تمام شرکاء کا شکریہ ادا کرتے ہوئے کہا کہ انشاء اللہ کھاریاں پریس کلب کے تمام صحافی اپنی قلم اور کیمروں کے ذریعے معاشرتی مسائل کو اجاگر کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) مسلم لیگ(ن)کے امیدوار این اے101 جسٹس(ر)افتخار چیمہ نے کہا ہے ضمنی الیکشن میں ون ٹو ون مقابلے کی خواہش ہے مد مقابل جو بھی سیاسی لبادہ اوڑھے شکست فاش دیں گے۔شکست خوردہ عناصر سیاسی چھتری کی تلاش میں ہیں۔ہمیں ترقیاتی منصوبوں پر ناز ہے۔1 ارب 40 کروڑ کی لاگت سے وزیرآباد تا کوٹ ہرا30 فٹ کارپٹ روڈ،30 کروڑ سے ساروکی تا کلاسکے۔20 کروڑ جامکے روڈ اور20کروڑ سے دلاور چیمہ میں وویمن کالج کی تعمیر شروع ہو چکی ہے۔محمد شفیع بھٹہ کی رہائش گاہ پر صحافیوں سے گفتگو کرتے ہوئے انہوں نے کہا بلدیاتی الیکشن میں غلطیاں ضرور ہوئیں جن کا ازالہ ضروری ہے،مسلم لیگ(ن)کا ووٹ بنک محفوظ ہے۔2013 کے الیکشن میں پی پی 104 سے70 ہزار ووٹ حاصل کئے ۔اس موقع پر افتخار بٹ، چوہدری جاوید سندھو،امتیاز اظہر باگڑی،مہر طاہرجاوید مٹھو،چوہدری احمد حسن،منیر بھٹہ،تنویر بھٹہ سمیت دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) اسسٹنٹ کمشنر محمد انور بریار نے موسم بہار شجر کاری مہم کا افتتاح کر دیا۔ڈاک چوکی شیر شاہ سوری پارک میں بوتل پام پودا لگایا ،محمد انور بریار نے کہا کہ شہر میں2 ہزار درخت اور پودے لگانے کا ہدف دیا ہے جسے ہر صورت پورا کیا جائے گا اس سے شہر کی خوبصورتی میں مزید اضافہ ہوگا اور آلودگی سے نجات آب و ہوا میں بھی بہتری آئے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جمعیت العلمائے اسلام نے این اے101 ضمنی انتخاب میں حصہ لینے کا اعلان کر تے ہوئے محمد رفیق عابد علوی کو امیدوار نامزد کر دیا۔جامعہ حنفیہ کوٹ خضری میں مولانا افضال الحق کھٹانہ کی زیر صدارت میں اجلاس منعقد ہوا جس کے مہمان خصوصی مولانا قاضی کفایت اللہ تھے جس میں امیدورا رکا اعلان کیا گیا اجلاس میں قاری محمد شفیق،قاری سعید احمدفاروقی،حکیم کوثر چشتی،ریاض شاہد مظہر حسین قاسمی،خلیل الرحمن کھٹانہ،عثمان قادر ،مولانا وقاص اور حافظ عدیل اسد بھی شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) کار اور ٹرالرے کے درمیان تصادم مسلم لیگ(ج)کے رہنماء جان بحق ساتھی شدید ذخمی ۔سینئر رہنماء مسلم لیگ(ج) چوہدری غلام حسین چیمہ اپنی رہائش گاہ پھالوکی چیمہ سے وزیرآباد کی طرف آ رہے تھے کہ علی نگر کے قریب سامنے سے آنے والے ٹرالے سے ٹکرا گئی جس کے نتیجہ میں غلام حسین چیمہ جان بحق ہو گئے جبکہ انکے ساتھی محمد انصر چیمہ شدید ذخمی ہو گیا جس کو ہسپتال منتقل کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ضمنی انتخابات این اے101 میں کامیابی ہمارے قدم چومے گی۔کارکن اپنی صفوں میں اتحاد قائم رکھتے ہوئے شہید رانی بے نظیر بھٹو کا پیغام گھر گھر پہچانے کی خاطر کمر کس لیں ان خیالات کا اظہار امیدوار قومی اسمبلی اعجاز احمد چیمہ نے انتخابی اجتماع سے خطاب کرتے ہوئے کیا اس موقع پر چچا منشائ،خالد اللہ والے،سہیل افضل۔محمد بشیر جنجوعہ،احمد علی سندھو،عامر مغل ،سکندر چیمہ سمیت کارکنوں کی کثیر تعداد موجود تھی۔انہوں نے کہا پارٹیاں اور بہروپ بدل کر عوام کو دھوکہ دینے والوں کا انجام قریب ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سینئر رہنما مسلم لیگ (ج)محمد خالد مغل نے کہا کہ ممبران پارلیمنٹ کا اثاثہ جات چھپانے کا جرم ہی ملک میں کرپشن کے فروغ کا باعث بنا ہوا ہے قومی اسمبلی حلقہ 101وزیرآباد کے متعلق سپریم کورٹ کا فیصلہ بارش کا وہ پہلا قطرہ ہے جس سے آئندہ الیکشن 2018ء میں ملک اور بیرون ملک میں ناجائز ذرائع سے اثاثہ جات بنانے والے سیاست دانوں کو الیکشن لڑنے سے روکنے کا عمل شروع ہو گا قومی اسمبلی حلقہ 101کے ایم این اے کو ہائیکورٹ کا سابق جج ہونے کے باوجود دیانت داری سے انحراف کرنے پر پارلیمنٹ سے برخاست کیا گیا ہے ان کی طرف سے دوبارہ الیکشن لڑنے کا اعلان اور ارادہ انصاف فراہم کرنے والے اداروں کا مذاق اڑانے کی بھر پور کوشش ہے جوالیکشن کمیشن آف پاکستان کے اختیارات کو محدود کرنے کے لیے اور حلقہ کے ووٹران کو دوبارہ دھوکہ دینے کی منصوبہ بندی کے مترادف ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)سینئر رہنما مسلم لیگ(ج) محمد خالد مغل اور کونسلر وزیرآباد میونسپل کمیٹی سیٹھ شعیب علی کھوکھرنے تحریک انصاف وزیرآباد کی سینئر لیڈر شپ سے اہم ملاقات کی جس میں قومی اسمبلی حلقہ 101وزیرآبادکے ضمنی الیکشن کے بارے میں حکمت عملی پر مشاورت کی گئی تحریک انصاف وزیرآباد کے رہنما سمیع اللہ بٹ ، محمد اکبر بشیر ، ملک قاسم اعوان، حماد فاروق چیمہ نے کہا کہ قومی اسمبلی حلقہ 101میں محمد احمد چٹھہ تحریک انصاف کے نشان بلا پر الیکشن لڑیں اور عمران خان کی قیادت میں ملک کے مسائل کو دلدل سے نکالنے کے لیے کام کریں تاکہ غریب عوام کو ان کے حقوق حاصل ہو سکیںاس موقع پر محمد خالد مغل نے کہا کہ وہ اپنے قائد چوہدری حامد ناصر چٹھہ کو تحریک انصاف کے کارکنوں کا پیغام پہنچائیں گے وہ خودبھی تحریک انصاف کے ساتھ مل کر محمد احمد چٹھہ کا الیکشن لڑنے کو ممکن بنانے کی جدوجہد کر رہے ہیں تاکہ ملک میں20کروڑ عوام تک جمہوریت کے اثرات منتقل کرنے کی تحریک کو مضبوط کیا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کی رکن پنجاب اسمبلی سعدیہ سہیل رانا نے کہا ہے کہ تحر یک انصاف عوامی طاقت سے حکمرانوں کو ظالمانہ پالیسیاں ترک کرنے پر مجبور کر دے گی۔ اپنے آفس میں کارکنوں سے گفتگو کرتے ہوئے انہوں نے کہا کہ مسلم لیگ ن کی حکومت مر کز اور پنجاب میں مکمل طور پر ناکام ہو چکی ہیں اور انکی پا لیساں ملک میں کر پشن ‘لوڈشیڈ نگ ‘مہنگائی اور بے روزگاری جیسے مسائل پیدا کر رہی ہے جسکی وجہ عوام حکمرانوں کے خلاف نفرت کا اظہار کرتے ہوئے سڑکوں پر آرہی ہے ۔ مزید برآں انہوں نے کوئٹہ میں ہونے والے حملے کی شدید الفاظ میں مذمت کرتے ہوئے کہا کہ مسلم لیگ ن کی حکومت اندرونی اور بیرونی محازوں پر بُری طرح ناکام ہو گئی ہے انہوں نے حملے سے جاں بحق ہونے والوں کے لئے دعا کی اور لواحقین کے ساتھ اظہار ہمدردی کرتے ہوئے کہا کہ اللہ اُن کو صبر جمیل عطا کرے تحریک انصاف مشکل کی اس گھڑی میں اُن کے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان تحریک انصاف کے سینئر رہنما انجینئر یاسر گیلانی نے کہا ہے کہ کوئٹہ میں ایف سی کانوائے پر حملے کی شدید مذمت کرتے ہوئے کہا ہے کہ دشمن کی بزدلانہ کارروائیاں سکیورٹی اداروں کو بلوچستان میں امن کے قیام اور عوام کے جان و مال کے تحفظ سے نہیں روک سکتیں۔ امن کے لئے فوج، پولیس اور عوام نے قربانیوں کی ایک طویل داستان رقم کی ہے ان خیالات کا اظہار انہوں نے گذشتہ روز یو سی 3 کے عہدیداران چوہدری شاہد مختار، میاں علیم جعفر، میاں مقصود احمد، ارشد خان، ڈاکٹر عمران صفدر، حیدر گجر، اجمل بلوچ، چوہدری طاہر، چوہدری مجتبیٰ، ملک اسلم، ملک ذوالفقار، حسن بشیر، علی عدنان اور فرقان اشرف کے ہمراہ اجلاس سے خطاب کرتے ہوئے کیا۔ ضرب عضب آپریشن اور نیشنل ایکشن پلان کی وجہ سے دہشت گردی کے واقعات میں نمایاں کمی واقع ہوئی ہے۔ کچھ بیرونی قوتیں پاکستان میں امن ہونا نہیں چاہتے۔ حکومت ایسے عناصر کی سرکوبی کے لئے موثر اقدامات کرنے سے قاصر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)وفاق المدارس الشیعہ پاکستان کے زیر اہتمام امتحانات 28۔ مارچ سے شروع ہوں گے۔ ملک بھرمیں ملحقہ مدارس دینیہ کے امیدوار طلبا کوامتحانی شیڈول جاری کردیا گیا ہے۔ ناظم امتحانات مولانا شاہد حسین نقوی کی طرف سے جاری اعلامیہ کے مطابق الشھادة الثانویہ العامہ فی علوم العربیہ والاسلامیہ،الشھادة الثانویہ الخاصہ، الشھادة العالیہ اور الشھادة العالمیہ کے امتحانات کی ڈیٹ شیٹ جاری کردی گئی ہے۔ جس کے مطابق 28۔ مارچ کو قرآن،اخلاق ، تفسیر، منطق، فلسفہ، سیرت اور تاریخ، 29۔ مارچ کو فقہ،صرف،نحواور عربی،30۔ مارچ کو اصول الفقہ ،صرف،عقائد، تاریخ، ادب اور زبانی امتحان، 31۔ مارچ کو حدیث اور زبانی امتحان ہوگا۔ ہر پرچہ تین گھنٹے کا ہوگا۔ پہلا پرچہ9بجے صبح اور دوسرا 2.30بجے سہہ پہر شروع ہوگا۔ امیدوار وفاق المدارس الشیعہ پاکستان کے مرکزی دفتر جامعتہ المنتظر لاہور سے داخلہ فارم حاصل کرسکتے ہیں، ضروری تصدیق کے بعد سنگل فیس کے ساتھ 10۔ مارچ تک اور11سے 15۔ مارچ تک ڈبل فیس کے ساتھ جمع کروائے جاسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)شیعہ علما کونسل پنجاب کے صدر علامہ سیدسبطین حیدر سبزواری نے فتح جنگ ضلع اٹک میں دہشت گرد وں کے ہاتھوں میٹرک کے شہیدطالب علم مزمل حسین شاہ کے گھر بھال سیداں گئے، اہل خانہ سے اظہار تعزیت اور دعائے مغفرت کی ۔ ان کے ہمراہ صوبائی جنرل سیکرٹر ی مولانا مشتاق حسین ہمدانی، ڈویژنل صدر مولانا قاسم جعفری بھی تھے ۔انہوں نے شہیدطالب علم کے والد سابق فوجی مستا ن شاہ سے ملاقات کی اور ان سے اظہار ہمدردی کیااور شیعہ علما کونسل کے تعاون کا یقین دلایا۔ اہل خانہ نے شیعہ علما کونسل کے رہنماوںکومقدمے کی تازہ صورت حال سے آگاہ کرتے ہوئے بتایا کہ پولیس جانبداری کا مظاہرہ کررہی ہے۔ اس موقع پر میڈیا سے گفتگو کرتے ہوئے علامہ سبطین سبزواری نے کہا کہ قاتل سزا نہیں بچ سکیں گے۔ پولیس کی طرف سے دہشت گردتنظیم کے کارندوں کو بچانے کے لئے پولیس کی جانبداری اور تفتیش کو بگاڑنے کی سازش کوکسی صورت برداشت نہیں کیاجائے گا۔ انہوں نے کہا کہ قائد ملت جعفریہ علامہ سید ساجد علی نقوی نے ہمیشہ اتحاد و وحدت کی ہدایت کی ہے اورشہدا کے خاندانوںکی اپنی استطاعت کے مطابق سرپرستی کی ہے۔ شیعہ علما کونسل سوگوار خاندان کے دکھ میں برابر کی شریک ہے۔ ان کاکہنا تھا کہ حکومت پنجاب نے ابھی تک طالب علم کو ذبح کئے جانے کا نوٹس لیا اور نہ ہی وزیر اعلیٰ شہباز شریف یا کوئی حکومتی وزیر سوگوار خاندان کی داد رسی کے لئے ان کے گھر نہیں پہنچا۔ علامہ سبطین سبزواری نے کہا کہ مذہبی جنونیوں کے ہاتھوںطالب علم کا گلا کاٹنے کا جرم یزیدی فعل ہے ۔پولیس گرفتار قاتلوں کو بچانے کے لئے مقدمے کے شواہد کو خراب کررہی ہے جبکہ ملزمان خود مان چکے ہیں کہ شہید مزمل حسین شاہ کو وہ خود سکول سے مدرسہ انوار صحابہ میں لے کر گئے اور اسے ذبح کرکے لاش کھیتوں میں چھپا دی تھی ۔ انہوں نے کہا کہ سکیورٹی اداروں کے پاس مزمل شاہ شہید کے قتل کا مقدمہ ٹیسٹ کیس ہے، اسے فوجی عدالتوں میں منتقل کرکے فی الفور مظلوم خاندان کو انصاف فراہم کیا جائے۔ واضح رہے کہ بھال سیداں فتح جنگ ضلع اٹک کے رہائشی دسویں جماعت کے طالب سید مزمل حسین شاہ ریٹائرڈ فوجی مستان علی شاہ کے فرزند تھے، جس کا گلے میں یاعلی مدد والا لاکٹ پہننے پردہشت گرد رتنظیم سے تعلق رکھنے والے تین ہم جماعتوں کاشف، حافظ احمد علی اور احمد شعیب سے جھگڑا ہوا۔ ملزمان نے مزمل شاہ کو 20۔ جنوری2016ء کو سکول سے اغو ا کیا اورجامعہ انوار صحابہ میں لے جاکر اس کا تیز دھار آلے سے گلا کاٹا اور لاش کھیتوں میں چھپا دی تھی۔جو تفتیش کے بعد برآمد کروائی گئی ۔ ملزمان کے خلاف ایف آئی آر میں 7-ATA مقامی افراد کے احتجاج پر شامل کی گئی اور فوجی عدالت کو مقدمہ بھجوانے کے لئے حکومت لیت و لعل سے کام لے رہی ہے۔ جس کی طرف شیعہ علما کونسل نے سی ٹی ڈی کو متوجہ کیا ہے مگر ابھی تک کوئی کارروائی نہیں کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جمعیت علما پاکستان کے مرکزی صدر پیر اعجاز احمد ہاشمی نے کوئٹہ میں ایف سی اہلکاروں پر خود کش حملے کو دشمن کی بزدلانہ کارروائی قراردیتے ہوئے کہا ہے کہ فوج کی کارروائیوں سے بوکھلاہٹ کے شکار دہشت گرد آخری سانسیں لے رہے ہیں۔ پاک چین اقتصادی راہداری کی کامیابی اور بلوچستان میں بہتر ہوتا ہوا امن بھی ملک دشمنوں کی نظروں میں کھٹک رہا ہے۔ اسی لئے دہشت گردی کے واقعات کروائے جارہے ہیں۔جے یو پی بلوچستان کے صدرمولانا عبدالمجیدجتک سے ٹیلی فون پر گفتگو کرتے ہوئے پیر اعجاز ہاشمی نے کہا کہ ملک دشمن شرپسند وں کے سوائے تمام بلوچ عوام محب وطن پاکستانی ہیں۔ جنہوںنے ملکی تعمیر و ترقی میں ہمیشہ اہم کردار ادا کیا ہے۔ انہوںنے کہا کہ بلوچ عوام کو بیوقوف نہیں بنایا جاسکتا۔ سکیورٹی اہلکاروں پر حملے کرکے دہشت گرد قوم کو خوفزدہ کرنا چاہتے ہیں، مگر یہ ناکام رہیں گے۔ ان کا کہنا تھا ملک اور قو م کا مفاد مقدم رکھ کر حکومت اور عسکری اداروں کو دہشت گردی کے خاتمے میں اپنا کردار ادا کرنا چاہیے ۔ قوم کی ترقی دہشت گردی کے خاتمے اور امن کے قیام ہی میں ہے۔ پیر اعجاز ہاشمی نے خود کش حملے میں شہید ہونے والوں کے سوگوارخاندانوں سے اظہار تعزیت کرتے ہوئے کہا کہ قوموںکی ترقی میں قربانیوںکا دور آتا رہتا ہے۔ لیکن جو سپوت پاکستان کی مقدس سرزمین کے تحفظ کے لئے قربان ہوئے ہیں اس کی مثال نہیں ملتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے کوئٹہ میں ایف سی کانوائے پر حملے کی شدید مذمت کرتے ہوئے اسے بھارت کی کارروائی قراردیا ہے۔ جسے پاکستان میں بہتر ہوتا ہوا امن اور ترقی کے سفر پر بہت تکلیف ہورہی ہے۔ پیر عثمان نوری کی قیادت میں جے یو پی پنجاب کے وفد سے گفتگو کرتے ہوئے پیر معصو م نقوی نے کہا کہ دشمن کی بزدلانہ کارروائیاں سکیورٹی اداروں کو بلوچستان میں امن کے قیام اور عوام کے جان و مال کے تحفظ سے نہیں روک سکتیں۔ وطن کا دفاع فرض ہے، جس کی ادائیگی کے لئے فوج، پولیس اور عوام کی بڑی تعداد نے قربانیاں دی ہیں۔ انہوںنے کہا کہ ضرب عضب آپریشن اور نیشنل ایکشن پلان کی وجہ سے دہشت گردی کے واقعات میں نمایاں کمی واقع ہوئی ہے۔ انشااللہ آرمی چیف جنرل راحیل شریف کی کاوشوں سے بھگوڑے دہشت گردوں کا بھی قلع قمع ہوگا۔ ان کاکہنا تھاکہ طالبان ہوں، القاعدہ، داعش یا کوئی اور دہشت گرد تنظیم سب استعماری ،بھارتی اور امریکی ایجنڈے کے تحت امت مسلمہ کو نقصان پہنچانے پر منفی سرگرمیاں جاری رکھے ہوئے ہیں۔امت مسلمہ ان سے بیزاری کا اظہار بار ہا کرچکی ہے۔ مزید انشااللہ حالات بہتر ی کی طرف جائیں گے۔ قربانیوں سے پہلے پاکستان نے گریز کیا نہ آئندہ کریں گے۔ پیر معصوم نقوی نے کہا کہ دہشت گردی کی وجوہات کے ساتھ ان کے سہولت کار اور ریکروٹمنٹ کرنے والے فرقہ پرست مولویوں کو بھی نکیل ڈالنے کی ضرورت ہے۔ جواپنے مخالفین اور دہشت گردی کے خلاف بولنے والے میڈیااینکرز کو دھمکیاںدیتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان مسلم لیگ(فنکشنل) پنجاب کے رہنما ڈاکٹر ملک محمد سعید نے کہا ہے کہ موجودہ حکومت مہنگائی کو کنٹرول کرنے میں مکمل طور پر ناکام ہے،مہنگائی کے خلاف اور بد امنی کے خلاف احتجاج جاری رہے گا، منی بجٹ سے مہنگائی کا خدشہ ہے فوراً فیصلہ واپس لیا جائے،پوری دنیا میں پاکستانی سب سے زیادہ ٹیکس ادا کرنے والی قوم ہے ان ڈائریکٹ ٹیکسسز کی بجائے ڈائریکٹ ٹیکسسز کے نظام کو متعارف کروایا جائے۔گذشتہ روز پارٹی میٹنگ سے خطاب کرتے ہوئے انہوں نے کہا کہ 313 اشیاء پر سیلز ٹیکس بڑھانے سے براہ راست عام آدمی متاثر ہوگاٹیکس انہوں نے کہا کہ حکومت عوام پر لگائے گئے حالیہ ٹیکسز فوری طور پر واپس لے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے اورنج ٹرین منصوبہ میںشہریوںکی ہلاکتوں کو انتہائی تشویشناک قرار دیتے ہوئے کہا کہ اورنج ٹرین کے تعمیراتی پوائنٹس پر 10شہریوں کی ہلاکتوں کے بعداورنج ٹرین خونی منصوبہ بن چکا،حکومت شہریوں کے جانی نقصان کو روکے اور شہریوںکے تحفظ کے لیے فول پروف اقدامات بروئے کار لائے جائیں۔انہوں نے کہا کہ اورنج ٹرین منصوبہ چوہدری پرویزالہٰی کا منصوبہ تھا جو زیر زمین تھا اوراس منصوبہ میں نہ کسی غریب کا گھر گرتا نہ ہی تاریخی عمارتیں تباہ ہوتیںاور نہ ہی تاجروں کا کاروبار تباہ ہوتا ۔سید بلال شیراز ی نے کہا کہ اورنج ٹرین منصوبہ کی راہ شہریوں کے گھروں کو مسمار کرنے کے ساتھ ساتھ تاجروں کے کاروباری مراکز تباہ کرکے ان کا معاشی قتل کیا جارہا ہے ۔ساتھ ہی ساتھ تاریخی عمارتیں تباہی کے دھانے پر کھڑیں ہیں۔مزید براں انہوں نے پی آئی اے کے2ملازمین کی شہادت کے بعد ملازمین سے مذاکرات کی بجائے ایک نئی ائیر لائن بنانے کے اعلان پر تبصرہ کرتے ہوئے کہا کہ حکومت منافع بخش اداروںکی نجکاری کا فیصلہ ملتوی کردے ،حکومت ایک نئی ائیر لائن جبکہ مسائل سے دوچار عوام ایک نئی حکومت بنانے پر غورکررہے ہیں ،جو ان کا تحفظ کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)تحریک آزادی کشمیر اورورلڈ پاسبان ختم نبوت کے راہنمائوں کا مشترکہ اجلاس لاہور مرکز تحفظ ختم نبوت میں علامہ محمد ممتاز اعوان کی صدارت میں منعقد ہوا جس میں مفتی سید عاشق حسین ، علی عمران شاہین ،ڈاکٹر محمد زاہد ربانی، قاری محمد حنیف حقانی، حافظ شعیب الرحمن ،مولانا ضیاء الرحمن فاروقی، ڈاکٹر شاہد نصیر، علامہ وقار الحسنین نقوی ودیگر نے شرکت کی اجلاس میں کوئٹہ میں ایف سی کے قافلے پر دہشتگردانہ حملے کی شدید مذمت کی گئی اور کہا گیا کہ دہشتگرد چھپ کر اسطرح کے بزدلانہ حملوں سے ملک و قوم کا حوصلہ ہرگز پست نہیں کرسکتے پوری قوم ملک دشمن دہشتگردوں کیخلاف متحد ہے علامہ ممتاز اعوان نے کہا کہ بلوچستان دہشتگردی میںبھارتی خفیہ ایجنسی ”را”اور انکے سہولت کار قادیانی ملوث ہیں حکومت چناب نگر سمیت تمام قادیانی مراکز و نام نہاد عبادت گاہوں میں آپریشن کلین اپ کرے تو دہشتگردی کے خاتمے میں خاطر خواہ کامیابی مل سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)ملی مجلس شرعی نے کوئٹہ میں لیاقت پارک کے قریب دھماکے میں9افراد کے جاں بحق ہونے اور 40سے زائد زخمی ہونے کے واقعہ کی شدیدمذمت کرتے ہوئے کہاہے کہ دہشتگردی کا یہ واقعہ انتہائی افسوس ناک ہے۔ حکومت دہشتگردی کی روک تھام کے لئے ملک دشمن بیرونی عناصر کے نیٹ ورک کے خاتمے کے لئے سخت فیصلے کرنا وقت کاناگزیرتقاضا ہے کشمیر پاکستان کے لئے ناگزیر اس پر پا کستان کا مئو قف اصولوں پر مبنی ہے،بین الاقوامی برادری کشمیر کے معاملے میں اپنا کردار ادا کرے انہوں نے کہا کہ مسئلہ کشمیر کاحل استصواب رائے میں ہے جب اسکاٹ لینڈ میں ریفرنڈم ہو سکتا ہے تو کشمیر میں کیوں نہیں ہو سکتا ہے اس مسئلہ پر عالمی برادری کاامتیازی رویہ افسوسناک ہے۔اتوار کے روز علامہ اقبال ٹاأن مرکزی دفتر میں ہونے والی ایک اہم میٹنگ میں خیالات کا اظہار کرتے ہوئے ملی مجلس شرعی کے صدر مفتی محمد خان قادری سیکرٹری جنرل پروفیسر ڈاکٹرمحمدامین جماعت اسلامی کے ڈاکٹر فرید احمد پراچہ،ڈاکٹر پروفیسر محمد امین،جے یو آئی (س) کے قاری اعظم حسین،جے یو آئی(ف) کے مولانا امجد خان، مجلس رابطة المسلین کے مولانا عبدالرب امجد ،مولانا امیر حمزہ،جامعة المنتظر کے علامہ نیاز نقوی،قاری خلیل الرحمن قادری ، مولانا راغب حسین نعیمی ،ڈاکٹر میاں محمد اجمل قادری، مولانا شکیل الرحمن ناصر،تنظیم اسلام کے حافظ عاکف سعید،علامہ احمد علی قصوری ، سمیت دیگر نے اپنے خطاب میں کیا۔مقررین نے کہا کہ اسلام ایک عالمگیر اور آفاقی نظام ہے اور اسی نظام نے قیامت تک تمام مسائل کا حل پیش کر دیا ہے اور وطن عزیز میں اسلام سے دوری کی وجہ سے ہر موڑ پر مسائل اور بحران نظر آرہے ہیں ، دین اسلام پر عمل کر نے سے ہی دنیا آخرت میں کا میاب ہوا جا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)عالمی انجمن خدام الدین کے چیئر مین و جے یو آئی (س) کے سرپرست اعلیٰ ڈاکٹر میاں محمد اجمل قادری نے کوئٹہ دھماکہ کی شدید مذمت کرتے ہوئے کہاکہ پرویزمشرف کی بزدلی کی وجہ سے آج پاکستان خون میں لت پت ہے۔ملک میں مکمل امن کے قیام کے لئے ضروری ہے کہ پاکستان نام نہاد امریکی جنگ سے چھٹکارہ حاصل کرے۔ انہوں نے کہاکہ ضرورت اس امر کی ہے کہ ہماری سول اور عسکری قیادت قومی مفاد کوپیش نظر رکھ کر امریکی پالیسیوں سے جان چھڑائے اور خطے میں ہونے والی تبدیلیوں اور بالخصوص پاکستان کے امن کے لئے بہتر حکمت عملی اختیار کی جائے۔انہوں نے کہا کہ ملک کو ایک منظم سازش کے تحت عدم استحکام کا شکار کیا جارہا ہے۔ دشمنوں کو پاک چائینہ اقتصادی رہداری کا منصوبہ ہضم نہیں ہوریا ۔ یہ دھماکے اسی سلسلہ کی ایک کڑی ہے۔بلوچستان کو خاص طور پر نشانہ بنایا جانا بھی اسی امر کی عکاسی کرتاہے۔ تاہم قوم دہشت گردی کے خلاف یکسو ہے۔ سیاسی وعسکری قیادت اور پوری قوم اس بارے میں یکجا اور پرعزم ہے کہ ہم دہشت گردوں کو شکست دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جمعیت علماء اسلام (س) نے کوئٹہ بم دھمکے کی شدید مذمت کرتے ہوئے کہاہے کہ سیاسی وعسکری قیادت اور پوری قوم اس بارے میں یکجا اور پرعزم ہے کہ ہم دہشت گردوں کو شکست دیں گے،کشمیری عوام کی قر بانیاں رنگ لائیں گی اور کامیابی ان کے قدم چومے گی، اقوام متحد اپنی قرار دادوں پر عمل در آمد کرانے میں نا کام ثابت ہو ا یو این او کا کردار بھی جانبدارنہ رہا ہے، مسئلہ کشمیر کے حل کے بغیر خطے کا امن ممکن نہیں انہوں نے کہا کہ انڈیا کو اس مسئلے کے حل کی طرف بڑھنا چاہیے، کالجز اور یونیورسٹیز میں دعوت وتبلیغ پر پابندی کے فیصلے کو غیر دانشمندانہ اور مسلم لیگ( ن) کے مذہبی ووٹ بنک پر حملہ قراردیا ہے۔ گذشتہ روز جے یو آئی لاہور کے امیر مولانااحمد علی ثانی، ناظم اعلیٰ قاری اعظم حسین، مولانا قدرت اللہ مونالامحمد عمران،مفتی سید احمد،قاری عبدالرشید،مولانا جاوید قاسمی،پروفیسر عبدالرحمن،قاری وقار احمد،قاری عبدالحمید تونسوی،مولانا محمد معاویہ،قاری عبدالعزیزمولانا محمد عمر سمیت دیگر نے اپنے خیالات کا اظہار کیا۔انہوں نے کہا کہ انتہا پسند اور دہشت گرد گروہ کا اسلام سے دور دور تک کوئی تعلق نہیں۔ انہوں نے کہا کہ شہریوں کی جان و مال کا تحفظ حکومت کا آئینی اور اولین فریضہ ہے لیکن حکومت امن و امان کے قیام کو یقینی بنانے میں بری طرح ناکام ہوتی نظر آ رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جماعت اہلحدیث پاکستان نے کوئٹہ دھماکے کی مذمت کرتے ہوئے کہا ہے کہ اسلام امن کا سب سے بڑا داعی ہے اور معاشرے کے ہر فرد اور طبقے کو حقوق اور تحفظ دیتا ہے،لبر ل ازم جہالت کا راستہ ہے، ملک میں اسلام کا نفاذ قائم کرکے ہر قسم کی مشکلاات اور بحرانوں سے نجات حاصل کی جا سکتی ہے اسلام کے عد م کے نفاذ کی وجہ سے پا کستان میں صو بائیت ،علاقائیت اور لسانیت کے نعرے لگ رہے ہیں اور یہ نعرے ہی امت میں اتحاد اور ترقی کے راستے میں رکاوٹ ہیں۔گذشتہ روز پنجاب کی مجلس عاملہ کے ارکان سے خطاب کرتے ہوئے جماعت اہلحدیث پنجاب کے امیر حافظ عبدالوحید شاہد روپڑی نے کہا کہ اسلام دشمن طاقتوں نے مسلمانوں پر غیر اعلانیہ صلیبی جنگ مسلط کررکھی ہے ہمیں اس کا احساس تک نہیں ہے ۔ اسلامی تعلیمات کو عام کرنے اور ان پر عمل کر نے کے لئے معاشرے کے ہر فرد کو کردار ادا کر نا ہوگا ورنہ کل اللہ کی عدالت میں تو ایک ایک بات کا جواب دینا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)پاکستان علماء کونسل انتہاء پسندی ، دہشت گردی ، فرقہ وارانہ تشدد کے خاتمے ، بچیوں کی تعلیم ،جہیز اور عالم اسلام اور پاکستان کے موجود ہ حالات کے تناظر میں 10 فروری کو اسلام آباد کنونشن سنٹر میں پیغام اسلام کانفرنس منعقد کر رہی ہے ۔ کانفرنس میں ملک بھر سے پانچ ہزار سے زائد علماء و مشائخ مدرسین ، آئمہ اور خطباء شریک ہوں گے ۔ کانفرنس میں مفتی اعظم فلسطین مہمان خصوصی ہوں گے جبکہ مکہ مکرمہ سے مولانا عبد الحفیظ المکی ، مولانا سعید احمد عنایت اللہ ، الدکتور عامر، برطانیہ سے تبلیغی جماعت کے رہنما حاجی محمد بوستان بھی شریک ہوں گے۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے اسلام آباد نیشنل پریس کلب میں پریس کانفرنس سے خطاب کرتے ہوئے کہی ۔ اس موقع پر ان کے ہمراہ صاحبزادہ زاہد محمود قاسمی ، مولانا عبد الحمید صابری ، مولانا نعمان حاشر ، مولانا طاہر عقیل ، مولانا شہباز عالم فاروقی ، مولانا حفیظ الرحمن بھی موجود تھے۔ پاکستان علماء کونسل کا یہ اعزاز ہے کہ 1938ء کے بعد مفتی اعظم فلسطین پاکستان علماء کونسل کی دعوت پر اس خطے میں تشریف لا رہے ہیں۔ کانفرنس میں سعودی عرب ، بوسینیا ، مصر ، ترکی ، ایران ، قطر اور دیگر اسلامی ممالک سے مسلم مفکرین اور قائدین شریک ہوں گے۔انہوں نے کہا کہ کانفرنس کا بنیادی مقصد پاکستان سمیت دنیا بھر میں انتہاء پسند اور دہشت گرد گروہوں کی طرف سے اسلام کے نام پر پھیلائے جانے والے غیر اسلامی نظریات سے نہ صرف عالمی دنیا کو آگاہ کرنا ہے بلکہ اسلام کی حقیقی تصویر کو دنیا کے سامنے پیش کرنا ہے ۔ انہوں نے کہا کہ آج شام سے عراق تک اور یمن سے کشمیر تک مسلمانوں کا خون بہہ رہا ہے لیکن دہشت گردی کا الزام بھی مسلمانوں پر ہی لگ رہا ہے ۔ آخر اس پر کب غور کیا جائے گا۔ انہوں نے کہا کہ پیغام اسلام کانفرنس پاکستان علماء کونسل کی طرف سے نظریاتی اور فکری جدوجہد کو تسلسل سے جاری رکھنے کا عملی اقدام ہے ۔ انہوں نے کہا کہ پاکستان علماء کونسل نے ہمیشہ انتہاء پسند اور فرقہ وارانہ تشدد پر ابھارنے والے نظریات اور افکار کی مذمت کی ہے اور انشاء اللہ ہماری یہ جدوجہد جاری رہے گی۔ انہوں نے ملک کے موجودہ حالات پر تبصرہ کرتے ہوئے کہا کہ پی آئی اے کے مسئلہ سمیت تمام قومی مسائل کے حل کیلئے تمام سیاسی و مذہبی قائدین کو ملکی اور قومی مفاد کو مد نظر رکھنا چاہیے۔ پی آئی اے کا معاملہ خوش اسلوبی سے حل ہونا چاہیے ۔ انہوں نے پی آئی اے یونین اور ملازمین سے اپیل کی کہ وہ اپنے علاوہ دوسرے پاکستانیوں اور انسانوں کے حقوق کا بھی خیال کریں اور وہ لاکھوں مسافر جو ائیر پورٹس پر اور گھروں میں انتظار میں بیٹھے ہیں ان کی مشکلات حل کرنے کا راستہ نکالیں۔انہوں نے گذشتہ روز کوئٹہ میں ہونے والے بم دھماکے کی شدید مذمت کرتے ہوئے کہا کہ پاکستان کے اندر آپریشن ضرب عضب کے بعد پیدا ہونے والا امن بعض قوتوں کو پسند نہیں ہے اور وہی قوتیں اب پاکستان میں تخریب کرنے کی کوشش کر رہی ہیں لیکن انشاء اللہ حکومت ، عوام ، علماء ، طلباء ، اساتذہ ، صحافی برادری کی جدوجہد او ر کوشش سے پاکستان کا امن بحال ہو گا اور دہشت گرد اور انتہاء پسند ناکام ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)پاکستان سولنگی اتحاد کے سینئر و برزگ رہنما امیر سولنگی ‘ سردار شبیر سولنگی ‘ سردار راحیل سولنگی ‘ سردار اکرم سولنگی ‘ سردار خادم حسین سولنگی و دیگر ٹھٹھہ میں کیٹی بندر کے قریب جھونپڑیوں پر مشتمل ماہی گیروں کی بستی میں لگنے والی آگ کے نتیجے میں ہلاک ہونے والے معصوم بچوں ‘ خواتین اور دیگر افراد کیلئے دعائے مغفرت اور زخمیوں کیلئے دعائے صحت کرتے ہوئے اعلیٰ عدلیہ سے مذکورہ واقعہ کا ازخود نوٹس لیکر واقعہ کی عدالتی تحقیقات کا مطالبہ کرتے ہوئے کہا ہے استحصال مافیا کے اقتدار میں آنے کے بعد مخصوص و محدود افراد و طبقات کے مفادات کیلئے جس طرح عوامی و قومی مفادات کو فیلِ اقتدار کے پاؤں تلے روندا اور عوام کو مظالم کی چھری سے ذبح کئے جانے کی روایت نے فروغ پایا ہے اس کے بعد حادثات و سانحات کی بڑھتی ہوئی شرح ہر حادثے کے پس پردہ محرکات و مفادات کے جڑ و بنیاد تک پہنچنے اور پوشیدہ حقائق کو منظر عام پر لانے کی متقاضی ہے تاکہ عوام کے جان و مال اور قومی مفادات کا تحفظ ممکن ہوسکے مگر عوام جانتے ہیں کہ استحصالیوں پر مشتمل حکمرانوں سے اس کی توقع عبث ہے صرف عدلیہ یا فوج ہے جو تہیہ کرلے توعوام کے جان ومال اور قومی مفادات کے تحفظ کیلئے دیانتداری سے اپنا کردار ادا کرسکتی ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)چیئرمین سینیٹ کی جانب سے صوبائی خودمختاری کو چھیڑے جانے پر مزاحمت کی دھمکی پر تبصرہ کرتے ہوئے محب وطن روشن پاکستان پارٹی کے قائد و چیئرمین امیر پٹی نے کہا کہ ایم آرپی نے ہمیشہ صوبائی خودمختاری کی مخالفت اسی لئے کی تھی کہ اس سے قومی وحدت کو نقصان پہنچنے اور صوبوں اور مرکز کے درمیان رسہ کشی سے لسانیت کے عفریت کے مزید قوی ہونے کے خدشات موجود تھے جو اب سامنے آنا شروع ہوگئے ہیں اگر اٹھارھویں ترمیم کے تحت صوبوں کو عجلت میں خودمختاری فراہم کرنے کی بجائے ایم آر پی کے پیش کردہ فارمولے کے تحت قومی پالیسی تشکیل دیکر یکساں اختیارات و مراعات اور حقوق و فرائض کے ساتھ خود مختار ڈویژنل کونسلیں قائم کرکے مقامی خود مختاری نافذ کردی جاتی تو نہی صرف مرکز مضبوط ہوتا بلکہ صوبائیت و لسانیت ‘ دہشتگردی و استحصال ‘ لاقانونیت وعدم تحفظ اور نا انصافی و ظلم کے ساتھ لسانیت اور طبقاتی تضاد کا خاتمہ بھی ہوجاتا مگر چونکہ یہ اقتدار پرست خاندانوں ‘ عوام دشمن حکمرانوں’حلوہ خور مذہبی رہنماؤں اور وی آئی کلچر کے شوقین سیاستدانوں کے مفاد میں نہیں بلکہ خالصتاً ملک و قوم کے مفاد میں تھا اسلئے ہر ایک سیاسی جماعت نے ہر سطح پر قومی وحدت و ترقی کے ضامن اس فارمولے کی مخالفت کی اور اس کے نفاذ کی راہ میں روڑے اٹکاکر عوام دشمنی کا واضح اظہار کیا جس کے باعث آج مرکز اور صوبوں کے درمیان جاری رسہ کشی ملک و قوم کے حال اور مستقبل دونوں ہی کی تباہی کا باعث بنی ہوئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)کوئٹہ میں سیکورٹی اہلکاروں پر خود کش حملے کے نتیجے میں ہلاک ہونے والے ایف سی اہلکاروں ‘ خاتون اور دیگر افراد کیلئے دعائے مغفرت و زخمیوں کیلئے دعائے صحت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن’ہیومن رائٹس رہنما امیر علی خواجہ ودیگرنے کہا ہے کہ مقتدر استحصالی طبقات کے مظالم نے محروم و مظلوم طبقات میں جس احساس محرومی و مایوسی کو جنم دیا ہے اور طاقتور اقوام نے جس طرح کمزور و مظلوم اقوام میں غداری کے سرٹیفکیٹ تقسیم کئے ہیں اس کے نتیجے میں ہی پاکستان دشمن قوتیں مایوس و محروم طبقات کو اپنے مذموم مقاصد کیلئے استعمال کرکے دہشتگردی کو فروغ دینے اور مسلسل ملک و قوم کو نقصان پہنچانے میں کامیاب ہیںاسلئے جب تک استحصالی طبقات اور ان کی عوام دشمنی و کرپشن کا مکمل خاتمہ نہیں کیا جاتا اس وقت تک نہ تو احساس محرومی و احساس مایوسی ختم ہوگا اور نہ ہی دہشتگردی کا جڑ سے خاتمہ کرنا ممکن ہوسکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)تحریک انصاف کا سندھ بھرکے مختلف شہروں میں ممبر سازی مہم چلانے کا فیصلہ،کاروان انصاف دوروزبعدعمران کاپیغام لیکر سندھ کے شہروں ،قصبوں،گلیوں اور گوٹھوں کی جانب روانہ ہوگا،اس سلسلے میں عمران خان کے حوالے سے سندھی نغمے اور سندھی بینرز بھی تیار کرلیئے گئے ہیں ۔یہ فیصلہ کراچی میں تحریک انصاف کے چیئرمیں عمران سے حلیم عادل شیخ کی ملاقات میں کیا گیا، جس میں سندھ بھرکے مختلف شہروں میں ممبر سازی مہم کے حوالے سے لائحہ عمل تیار کیا گیا۔ فیصلہ کیا گیا کہ کاروان انصاف بس کے ذریعے عمران خان کا پیغام شہروں اورگوٹھوں تک پہنچایا جائے گا، جس کے لیے حلیم عادل شیخ کی قیادت میں کاروان انصاف دوروز بعد اندرون سندھ روانہ ہوگا!سندھ بھر میں تمام اضلاع میں شہروں، شاہراہوں ،چوراہوں اور گوٹھوں میں جاکربھرپور عوامی سطح پر نئے چہروںکوپی ٹی آئی میں شمولیت کی دعوت دی جائے گی،رکنیت حاصل کرنے والوں کو تحریک انصاف کی جانب سے دل کی گہرائیوں سے ویلکم کیاجائیگا ،حلیم عادل شیخ نے چیئرمین تحریک انصاف کو تفصیلات سے آگاہ کرتے ہوئے کہا ہے کہ سندھ میں صحت ،ایجوکیشن اور انصاف کی عدم فراہمی کی وجہ سے عوام موجودہ حکمرانوں سے سخت نالاں ہیں ہمارا انصاف کاروان سندھ میں تحریک انصاف کے اندر نئی روح پھونک دے گا ۔اس موقع پر ایم این اے ڈاکٹر عارف علوی بھی موجود تھے ۔پاکستان تحریک انصاف کے چیئرمین عمران خان نے پارٹی رہنمائوں سے ملاقات میںعوام کو ظالم اور جابر حکمرانوں کی سیاسی غلامی سے نجات دلانے کے عزم کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ کشمیر کا پاکستان سے الحاق اسلئے ناگزیر ہے کہ کشمیر پاکستان کی دفاعی شہہ رگ ہے جو دشمن کے قبضے میں رہے گی تو پاکستان کی آزادی و خود مختاری کو ہمہ وقتی خطرہ لاحق رہے گا جبکہ پاکستان سے الحاق کا اعلان کرنے والی ریاست جونا گڑھ پاکستان کیلئے معاشی شہہ رگ کی حیثیت و اہمیت کی حامل ہے جس پر بھارت نے جبری قبضہ کیا ہوا ہے جس کے باعث آج پاکستان معاشی و اقتصادی مسائل سے دوچار و نبردآزما ہے مگر کشمیر کے نام پر سیاست چمکانے اور عوامی مفادات کے نام پر اقتدار میں آنے والوں کونہ تو آزادی کشمیر سے کوئی سروکار ہے اور نہ ہی وہ ریاست جونا گڑھ کے بھارتی جبری تسلط کیخلاف عالمی فورم پر آواز اٹھانے کیلئے تیار ہیں بلکہ طوالت اقتدار کیلئے بھارت سے مذاکرات کے نام پر عوام کو بہلانے میں مصروف ہیں جبکہ بھارت مقبوضہ کشمیرو جونا گڑھ پر جبری تسلط کے بعد اب آزاد کشمیر پر بھی نظریں گاڑے بیٹھا ہے اسلئے بھارت سے مذاکرات کی بجائے کشمیر و جونا گڑھ پر بھارتی تسلط کیخلاف عالمی سطح پر منظم مہم چلانے اور ہر فورم پر قوی آوازاٹھانے کی ضرورت ہے کیونکہ مذاکرات سے صرف بھارت یا اقتدار میں طوالت کے شوقین حکمرانوں کا ہی فائدہ ہوتا ہے پاکستان و کشمیر کے عوام کو نہ کبھی مذاکرات نے کوئی فائدہ پہنچایا ہے اور نہ ہی ان بے معنی مذاکرات سے کسی فائدے کی امید و توقع رکھی جاسکتی ہے۔
راجہ شہید فٹ بال ٹورنامنٹ ہزارہ محمڈن نے جمیل شہید کلب کو شکست دیکر کوارٹر فائنل تک رسائی حاصل کرلی
گجرات کی خبروں کی تصویری جھلکیاں