حافظ آباد (جیوڈیسک) حافظ آباد کے نواحی گاؤں چوچک کے قریب مبینہ پولیس مقابلہ میں ایک ڈاکو ہلاک جبکہ دو فرار ہو گئے۔
3مسلح ڈاکوآج نماز فجر سے قبل ٹاہلی گورایہ کے قریب ایک شخص نزیر احمد سے موٹر سائیکل چھین کر فرار ہوئے تو پولیس نے اطلاع ملنے پر ان کا تعاقب کیا۔ چوچک کے قریب پتن روڈ پر ڈاکوؤں اور پولیس کا آمنا سامنا ہوگیا۔ جس پر ڈاکوؤں نے پولیس پر فائرنگ کی تو جواب میں پولیس نے بھی فائرنگ کی۔
اس دوران ایک ڈاکو موقع پر مارا گیا۔ جبکہ دو ڈاکو فرار ہوگئے۔ پولیس ے ڈاکو کے قبضہ سے موٹر سائیکل اور اسلحہ برآمد کر لیا پولیس کے مطابق ہلاک ہونے والا ڈاکو اقبال عرف بالی ہے جو سنگین نوعیت کے مقدمات میں ملوث چلا آرہا تھا۔
کوئٹہ : عید کی تعطیلات کے بعد اسکولز اور دفاتر دوبارہ کھل گئے
سندھ اور پنجاب میں بلدیاتی انتخابات کے لیے (ن) لیگ نے حکمت عملی بنا لی