ہیملٹن ٹیسٹ: دوسرے روز کھیل کے اختتام پر پاکستان کے 5 کھلاڑی آؤٹ

Hamilton Test

Hamilton Test

ہیلمٹن (جیوڈیسک) ہیلمٹن میں نیوزی لینڈ کے خلاف کھیلے جانے والے دوسرے ٹیسٹ میچ کے دوسرے دن کھیل کے اختتام پر پاکستان نے اپنی پہلی اننگز میں پانچ وکٹوں کے نقصان پر 76 رنز بنائے ہیں ۔

قومی بلے باز ٹم ساؤتھی کی سوئنگ بولنگ کے سامنے بے بس نظر آئے ۔ اوپنر سمیع اسلم پانچ رنز بنانے کے بعد سلپ میں جیت راول کے ہاتھوں کیچ آوٹ ہوئے ۔ کپتان اظہر علی کو آف اسٹمپ کے باہر گیند سے چھیڑ خانی مہنگی پڑی وہ اٹھارہ گیندوں پر ایک رن بنا سکے ۔ یونس خان نیوزی لینڈ کے دورے پرمسلسل تیسری مرتبہ سنگل فگرز میں آوٹ ہوئے ۔

اس سے قبل نیوزی لینڈ کی پوری ٹیم اپنی پہلی اننگز میں 271 رنز بنا کر آؤٹ ہو گئی تھی۔

پاکستان کی جانب سے پہلی اننگز میں سہیل خان چار، عمران خان تین اور محمد عامر دو وکٹوں کے ساتھ نمایاں بولر رہے جبکہ وہاب ریاض نے ایک کھلاڑی کو ؤٹ کیا۔

نیوزی لینڈ کی جانب سے جیت راول 55 اور بی جے واٹلنگ ناقابل شکست 49 رنز کے ساتھ نمایاں رہے۔

یاد رہے کہ ہیملٹن میں کھیلے جا رہے اس میچ کے پہلے دن کا بیشتر حصہ بارش کی نذر ہو گیا تھا اور اس دن صرف 21 اوورز کا کھیل ہو سکا تھا۔