ملکہ (عمر فاروق اعوان) تیز رفتار موٹر سائیکل سواروں نے موٹر سائیکل ٹرالی کے نیچے جا گھسائی۔ دونوں نوجوان موقع پر دم توڑ گئے۔ تفصیل کے مطابق دو بہنوں کی رخصتی کے بعد واپس اسلام آباد مزدوری کے لئے جاتے ہوئے دو نوجوانوں رضوان افضل ولد محمد افضل سکنہ شام پور اور نعیم بشیر ولد محمد بشیر آف بہورچھ بسوہا نے تیز رفتاری کے باعث قابو موٹر سائیکل بجری سے لوڈ ٹرالی کے نیچے جا گھسائی ۔دونوں نوجوان موقع پر ہی جان بحق گئے ۔ایک مزدور رگڑائی اور دوسرا پلمبر کا کام کرتا تھا ۔دونوں نوجوان اسلام آباد میں محنت مزدوری کرتے تھے ۔اور غریب گھرانے سے تعلق رکھتے تھے ۔ٹریکٹر ڈرائیورعلی شان جو کلیاں (برنالہ )کا رہائشی ہے نے زخمی حالت میں رضوان اور ندیم قریبی ہسپتال لے جانے کے لئے موٹر سائیکل اور گاڑیوں کو روکنے کی کوشش کی لیکن بے حسی کی انتہا تھی کہ کسی راہ گزر نے زخمیوں کو ہسپتال پہچانے کی کوشش نہ کی ،جو لمحہ فکریہ ہے ۔پولیس تھانہ گلیانہ کا عملہ بھی ایک گھنٹے بعد پہنچا جنہوں نے ایمبولینس کے ذریعے دونوں نوجوانوں کی میتیں آر ایچ سی ملکہ پہنچائیں ۔آر ایچ سی ملکہ میں ضروری کاروائی کے بعد میتیں لواحقین کے حوالے کر دی گئیں ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ(عمر فاروق اعوان)چوہدری اللہ دتہ کی طر ف سے گلیانہ کے نواحی موضع ڈھل ککہ میں سالانہ اکھاڑہ بیلاں کا انعقاد ۔پہلے دوسرے اور تیسرے نمبر پر آنے والی بیلوں کیی جوڑیوں کے مالکان کو لاکھوں روپے نقد انعام دیا گیا ،تفصیل کے مطابق گلیانہ کے نواحی موضع ڈھل ککہ میں سالانہ اکھاڑی بیلاں منعقد کیا گیا جس میں ضلع جہلم اور ضلع گجرات کی نامور بیلوں کی جوڑیوں کے درمیان مقابل ہو ا۔اکھاڑہ بیلاں کے لئے تیار کئے جانے والے بیلوں پر ہزاروں روپے خرچ کر کے دوڑ کے لئے تیار کیا جاتا ہے ۔اور ان بیلوں کو تیار کرنے کے لئے مالکان نے روزانہ کی بنیاد پر مالشئے رکھے ہوتے ہیں اور ان کی خوراک میں دیسی گھی بھی شامل ہے ۔ڈھل ککہ میں ایک روزہ اکھاڑہ بیلاں میں درجنوں بیلوں کی جوڑیوں نے حصہ لیا ۔چوہدری سجاد گجر آف چک دریہ ضلع جہلم کے بیلوں نے دس منٹ میں 182چکر لگائے ۔اور اول انعام ایک لاکھ روپے نقد وصول کیا ۔دوسرے نمبر پر حاجی طاہر چک قاضی ضلع جہلم اور چوہدری فیاض چک سادہ ضلع گجرات کے بیلوں کی جوڑیوں نے 180۔180چکر لگائے ۔اور تیسرے نمبر پر چوہدری شکیل ککرالی کے بیلوں نے 179چکر لگائے اور اپنا اپنا انعام حاصل کیا ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ(عمر فاروق اعوان )تھانہ گلیانہ کے گائوں کوٹلی بجاڑ میں دو شیزہ کے ساتھ زیادتی کی کوشش ۔لڑکی کے بھائی کی عمر کی درخواست پر رفاقت علی سکنہ گوجر کوٹلہ کے خلاف مقدمہ درج کر لیا گیا ۔تفصیل کے مطابق گلیانہ کے نواحی گائوں کوٹلی بجاڑ میں رفاقت علی سکنہ گوجر کوٹلہ نے محمد عمر کی ہمشیرہ سے زبردستی زیادتی کر نے کی کوشش کی ہے ۔گلیانہ پولیس نے لڑکی کے بھائی محمد عمر کی رپورٹ پر رفاقت علی ولد خادم حسین کے خلاف مقدمہ درج کر لیا ہے ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ(عمر فاروق اعوان )گلیانہ پریس کلب کے بانی سلیم شہزاد کی اہلیہ انتقال کر گئیں ۔ان کی نماز جنازہ آبائی گاوں کوٹلی بجاڑ میں رات آٹھ بجے اد ا کر دی گئی ۔نما زجنازہ میں سینکڑوں افراد نے شرکت کی ۔گلیانہ پریس کلب کے صد ر شفقت بٹ ۔وقاص بھٹی ۔چیئرمین زاہد مصطفی اعوان ۔محسن ضیاء اعوان ۔مدثر منظور اعوان ۔نعیم بٹ دھم ۔راجہ آفتاب احمد کے علاوہ دوسرے عہدیداران اور ممبران نے سلیم شہزاد سے تعزیت کا اظہار کیا ہے ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
روٹری کلب کے عہدیداروں ممتاز بیگ،احمد اویس عارف،سمیرا حفیظ، مبشر نذیر لاڑ کا ہفتہ وار میٹنگ کے بعد ممبران کے ہمراہ گروپ فوٹو
ایم این اے چوہدری عابد رضا کوٹلہ کی نواحی موضع پلاہوڑی میں چوہدری جاوید صادق مہر کی رہائش گاہ پر ملاقات