ہالی ووڈ فلم ایک چیلنج ہے اور میں اسے قبول کرنا چاہتی ہوں، دپیکا پڈوکون

Deepika Padukone

Deepika Padukone

ممبئی (جیوڈیسک) دپیکا پڈوکون کا کہنا ہے کہ ہالی ووڈ کی فلم ایک چیلنج ہے اور میں ایسا کرنا چاہتی ہوں۔

یہ بات اداکارہ نے ایک انٹرویو کے دوران کہی دپیکا پڈوکون کا کہنا تھا کہ اگر مجھے ہالی ووڈ کی فلم کی پیشکش کی گئی تو میں اسے ضرور قبول کروں گی کیونکہ یہ ایسے ہی ہے جیسے آ پ کسی مختلف دنیا میں قدم رکھ رہے ہیں ان کی فلم سازی کا طریقہ مختلف ہے اور مجھے یقین ہے کہ ان کے کام کا انداز بھی دوسروں سے الگ ہوگا اور میں ایک مرتبہ پھر اپنا کیریئر کا وہاں سے آغازکرنا چاہتی ہوں۔

جہاں سے میں نے سات برس قبل بالی ووڈ سے شروع کیا تھا یہ میرے لیے ایک چیلنج ہوگا اور اسے میں قبول کرنا پسند کروں گی کیونکہ ایسا کرنا مشکل ضرور ہوگا مگر ناممکن نہیں ۔ اپنی نئی فلم باجی راؤ مستانی کے لیے حال ہی میں پریانکا چوپڑا کے ساتھ عکس بند کروائے جانے والے گانے کے متعلق سوال پر اداکارہ کا کہنا تھا کہ یہ ایک مشکل گانا تھا۔

جس پر پرفارم کرنے کے لیے ہم دونوں کو بہت محنت اور ریہرسل کرنا پڑی اس کے لیے فلم کے پروڈیوسر سنجے لیلا بھنسالی نے ہماری بہت مدد کی اور انھوں نے خود بھی گانا شوٹ کرنے کے لیے کسی قسم کی جلدبازی سے کام نہیں لیا اور نہ ہمیں ایسا کرنے کا کہا دپیکا کا کہنا تھا کہ پریانکا کا شمار بھی بالی ووڈ کی کامیاب ہیروئنوں میں ہوتا ہے اور میں ان کی بہت عزت کرتی ہوں ان کے ساتھ مل کر گانا عکسبند کروانے میں بہت مزا آیا امید ہے مداحوں کو ہم دنوں کی مشترکہ فلم بائجیراؤ مستانی پسند آئے گی۔