حریت رہنماء یاسین ملک 4 روز سے لاپتہ، اہلیہ پریشان

Mishal Malik

Mishal Malik

اسلام آباد (جیوڈیسک) کشمیری رہنماء یاسین ملک کی اہلیہ مشال ملک کہتی ہیں ان کے شوہر 56 روز سے گرفتار ہیں۔ رشتہ داروں نے ہر جیل میں جا کر دیکھ لیا لیکن ان کا کچھ پتا نہیں چل سکا۔ صورتحال بہت خطرناک لگ رہی ہے۔

یاسین ملک کو زمین کھا گئی یا آسمان، چار دن سے ان کا کچھ پتہ نہیں، اہلیہ مشال ملک کو پریشانی لاحق ہو گئی۔ مشال ملک نے بتایا کہ یاسین ملک 56 روز سے گرفتار ہیں۔

انہیں ہسپتال شفٹ کرنے کے بجائے انٹیروگیشن سنٹر لے جایا گیا تھا۔ رشتہ دار ہر جیل میں جا کر دیکھ رہے ہیں لیکن ان کا کچھ پتا نہیں چل رہا۔ صورتحال بہت خطرناک لگ رہی ہے۔

مشال ملک نے کہا کہ یاسین ملک بیمار ہیں۔ کٹھ پتلی انتظامیہ نے تمام حریت رہنماؤں کو گرفتار کر رکھا ہے۔ انہیں فوری طور پر رہا کیا جائے۔