کروڑ لعل عیسن ( نامہ نگار) اشتہاری کی تلاش، لیہ پولیس نے مشکوک سمجھ کو رانا جہانزیب کمپنی کی بس سے رانا نگر کے قمرالرحمن اور 2 خواتین کو نیچے اتار کو تھانے لے گئی۔ تفصیل کے مطابق کروڑ پولیس کے ڈی ایس پی خالد ، ایس ایچ او ملک ریاض گزشتہ صبح 9 بجے کے قریب ملتان سے کروڑ پہنچنے والی رانا جہانزیب کی بس میں سوا ر ایک نوجوان قمرالرحمن جس کے ہمراہ 2 خواتین تھیں کو مشکوک سمجھ کر نیچے اتار لیا اور تھانے لے گئے۔ جس پر خواتین دھاڑیں مار مار کر رونے لگیں۔ اور بعد ازاں شناخت نہ ہونے پر چھوڑ دیا گیا۔ قمرالرحمن کے مطابق وہ ایک سرکاری ملازم ہے اور دریا خان جا رہا تھا۔ بلا وجہ تنگ کر کے وقت ضائع کیا گیا۔ اعلیٰ حکام ہمارے ساتھ ہونے والی زیادتی کا نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) تحصیل صدر پی ٹی آئی رانا عثمان کو تحصیل ایگزیکٹو باڈی کا سربراہ بنا دیا گیا۔ ممبران میں ایم پی اے حاجی عبدالمجید خان نیازی ، سابق وفاقی وزیر سردار بہادر احمد خان سیہڑ ، خواتین ونگ کی صدر شکیلہ ارباب ، یوتھ ونگ صدر مہتاب خان سیہڑ ممبر ہونگے۔ علاوہ ازیں ایگزیکٹو باڈی بلدیاتی اتخابات میں امیدواروں کو مشاورت کے ساتھ ٹکٹیں جاری کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) ڈی آئی خان سے کروڑ آنے والے موٹر سائیکل سوار کی والدہ المدینہ ایجوکیشنل انسٹی ٹیوٹ کے سامنے جھرکل پلی پر جمپ لگنے سے گر کر شدید زخمی۔ تفصیل کے مطابق محمد مشتاق اپنی والدہ اور 2 بہنوں کے ہمراہ نائی ڈیرہ اسماعیل خان سے کروڑ بستی ارائیں والہ میں موٹرسائیکل پر اپنے رشتہ داروں کے ہاں جا رہا تھا کہ المدینہ ایجوکیشنل انسٹی ٹیوٹ کے سامنے پلی پر جمپ لگنے سے پیچے بیٹھی ہوئی خاتون خدیجہ بی بی توازن بگڑے کے باعث چلتے موٹر سائیکل سے گر گئیں جس کو سر ، منہ ہاتھ اور پائوں میں شدید چوٹیں آئیں۔ المدینہ ایجوکیشنل انسٹی ٹیوٹ کے عملہ مسٹر شازل ، نذیر حسین نے ریسکیو 1122 کو فون کر اطلاع دی جس کے بعد ریسکیو 1122 کی گاڑی میں مریضہ کو تشویش ناک حالت میں کروڑہسپتال پہنچا دیا گیا جہاں خدیجہ بی بی کو فوری طبی امداد کے بعد داخل کر لیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) کروڑ میں سائیکل ، موٹر سائیکل ، گھروں اور دکانوں میں آئے روز چوریوں کا سلسلہ جاری۔ اب تک موٹر سائیکل چوری سمیت گھروں اور دکانوں مکانوں میں 40 کے قریب وارداتوں میں سے ایک کا بھی سراغ نہیں لگایا جا سکا۔ گزشتہ روز سبزی منڈی کروڑ سے سائیکل پر سبزی بیچنے والے شخص ملک جمع کی سائیکل لدی ہوئی سبزی سمیت چوری کر لی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن (نامہ نگار) حافظ موڑ کے قریب ٹریکٹر ٹرالی نے تین بہن بھائیوں کو کچل ڈالا جس کے ایک نتیجہ میں 12سالہ محمد رئیس اور اسکی 7سالہ بہن حجاب زہرہ موقع پر جاں بحق جبکہ ذیشان کو تشویش ناک حالت میں نشتر ہسپتال ملتان بھیج دیا گیا ٹریکٹر ٹرالی کا ڈرائیور عصمت موقع سے فرار تفصیل کے مطابق گزشتہ روز صبح 7:30بجے محمد ذیشان محمد رئیس اور انکی بہن چاہ توتاں والے سے حافظ موڑ کمانڈر پبلک سکول پڑھنے کیلئے جا رہے تھے کہ اچانک پیچھے سے آتے ہوئے ٹریکٹر ٹرالی نے تینوں بہن بھائیوں کو کچل ڈالا جس کے نتیجہ میں محمد رئیس اور اسکی بہن موقع پر جاں بحق ہوگئے جبکہ محمد ذیشان کو انتہائی تشویش ناک حالت میں نشتر ہسپتال ملتان بھیج دیا گیا ٹریکٹر ٹرالی کا ڈرائیور محمد عصمت جوکہ چاہ بلوچی والا کا رہائشی موقع سے فرار ہو گیا اس کے بعد بچوں کے ورثاء نے ٹریکٹر ٹرالی کو آگ لگا دی اور کمانڈر پبلک سکول کے سامنے روڈ بلاک کرکے احتجاج کیا ڈی ایس پی کروڑ خالد محمود ڈاھا وموقع پر پہنچ گئے اور ڈرائیور کے خلاف سخت کاروائی کی یقین دہانی کروا کر روڈ کھلوا دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) چیئرمین پاکستان تحریک انصاف عمران خان کی ہدایت پر پی ٹی آئی ضلع لیہ کا اجلاس۔ ضلع بھر میں مسلم لیگ سے مقابلے کیلئے اکھٹے ہوکر الیکشن لڑنے پر اتفاق، اجلاس کروڑ کے ایک ہوٹل میں منعقد ہوا جس کے میزبان تحصیل صدر ران محمد عثمان تھے۔ اس موقع پر سابق وفاقی وزیر سردار بہادر احمد خان سیہڑ ، ایم پی اے عبدالمجید خان نیازی ، سابق ایم این اے ملک نیاز احمد جکھڑ ، سابق ایم پی اے بابر خان کھتراں ، مہر اصغر ملوانہ ، چوہدری اعجاز گل ، ملک سعید سامٹیہ ، ملک اکرم سامٹیہ ، چوہدری نذیر گجر ، مس ثوابیہ شاہین ضلعی جنرل سیکریٹری پی ٹی آئی ، شمس خان نیازی ، ملک نور نبی جکھڑ ، مہتاب احمد خان سیہڑ ، چوہدری شوکت گجر ، ضلعی صدر چوہدری یاسر عرفات ، ملک ہاشم سہو ، ملک ریاض حسین سامٹیہ ، چوہدری بشارت رندھاوا ، ملک حاجی عباس بپی سمیت درجنوں عہدیداروں اور کارکنوں نے شرکت کی۔ اس موقع پر ضلع لیہ میں خصوصاً مسلم لیگ کے مقابلے میں مضبوط امیدوار سامنے لانے پر غور کیا گیا اور کہا گیا کہ پارٹی مفاد میں اپنے تمام اختلافات ختم کرتے ہوئے میونسپل کمیٹیوں اور ضلع کونسل میں زیادہ سے زیادہ امیدوار کامیاب کروائے جائیں۔ سابق وفاقی وزیر اور تحریک انصاف کے رہنما سردار بہادر احمد خان سیہڑ نے کہا کہ ناصرف بلدیاتی الیکشن بلکہ عام انتخابات میں بھی ساتھ رہیں گے۔انہوں نے کہا کہ تحریک انصاف ضلع لیہ کا گڑھ ہے۔ پارٹی مفاد میں تمام اختلافات بھلا کر ایک پلیٹ فارم پر اکھٹے ہو جائیں۔ ضلعی صدر چوہدری یاسر عرفات اور رانا محمد عثمان نے کہا کہ حکم امتناعی اور عدلاتوں کو سہارا لے کر ن لیگ بھاگ گئی۔ حقیقت عوام کے سامنے آچکی ہے۔ اگر شکست دیکھ کر حکومت نے بلدیاتی الیکشن سے راہ فرار کی کوشش کی تو سنگین نتائج کا سامنا کرنا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) ضلع کونسل اور میونسپل کمیٹی کے انتخابات میں ہمارا گروپ بلدیاتی الیکشن میں بھرپور حصہ لے گا۔ یہ بات ایم این اے صاحبزادہ فیض الحسن، صاحبزادہ محبوب الحسن اور چوہدری اطہر مقبول نے گزشتہ شب مقبول رائس مل میں کروڑ سٹی اور گرد و نواح کے امیدواروں کے اجلاس میں خطاب کرتے ہوئے کہی۔ اس موقع پر شیخ امین گڈو ، ملک اسماعیل کھوکھر ، چوہدری اقبال گجر ، چوہدری انور ، چوہدری افتخار حسین ، چوہدری اختر ، حاجی خالد ، عزیز خان سیہڑ ، دلدار حسین قریشی ، پیر قمرالزمان سمیت کروڑ کے امیدواران کونسلر بھی موجود تھے۔ ایم این اے صاحبزادہ فیض الحسن نے کہا کہ ہمارا گروپ ضلع بھر میں ہونے والے بلدیاتی الیکشن میں بھرپور حصہ لے گا۔ انشاء اللہ مخالفین کو شکست فاش دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن (نامہ نگار) ٍبلدیاتی الیکشن میں ذاتی اختلافات بھلا کر پارٹی مفاد کو ترجیح دیں گے پی ٹی آئی پر کسی اور کا نہیں صرف اور صرف ہمارا حق ہے ہم نے اس کیلئے اپنا تن من دھن سب کچھ قربان کردیا این اے کا الیکشن ہر صورت لڑوں گا اور پارٹی ٹکٹ کیلئے آخری حد تک جائوں گا ان خیالات کا اظہار ایم پی اے و تحریک انصاف کے رہنما حاجی عبدالمجید خان نیازی نے گزشتہ روز اپنی رہائش گاہ پر سینکڑوں کارکنوں کے اجلاس سے خطاب کرتے ہوئے کیا انہوں نے کہا کہ یہاں لوگ غلام در غلام بنے ہوئے تھے ہم نے خصوصا کچے کے لوگوں کو جرائت اظہار کا موقع دیا ہماری جنگ غریبوں کیلئے ہے چودہ سال میں کسی کو ریلیف نہیں ملا سارے دوست تیاری کریں لوگوں کو ان کا حق دلانے کیلئے قومی اسمبلی کا الیکشن لڑوں گا اپوزیشن کے باوجود روڈ پر دفتر کھول کر لوگوں کے مسائل حل کر رہے ہیں انہوں نے کہا کہ گزشتہ روز بلدیاتی الیکشن کے حوالے سے ہونے والے اجلاس میں بلدیاتی الیکشن مل کر لڑنے پر اتفاق ہوا انشاء اللہ کروڑ کے 13میں 9وارڈوںمیں کامیابی یقینی ہے میں نے روایتی سیاستدانوں کی طرح اپنے بھائی یا عزیز کو امیدوار نہیں بنایا بلکہ ان عہدوں پر دوستوں کا حق سمجھا انشاء اللہ ہر وارڈ اور یونین کونسل میں امیدواروں کی مکمل سپورٹ کروں گا انہوں نے کہا کہ ایک سابق وزیر ہر عہدے پر اپنا حق سمجھتا ہے لیکن اسکی یہ خواہش کبھی پوری نہیں ہوگی اور مسلم لیگ ن کے امیدواروں کو شکست کا سامنا کرنا پڑے گا سردار غلام محمد خان سیہڑ نے کہا کہ حاجی عبدالمجید خان غریبوں کا ہمدرد ہم نے کافی عرصہ ایک ہی گروپ مین گزارا اور غریبوں کے ساتھ زیادتی دیکھ کر علیحدہ ہو گئے چوہدری ضیاء الھسن گجر ایڈوکیٹ نے کہا کہ میں مجید خان کا پکا ساتھی ہوں اور ہر صورت میں ان کے ساتھ دوستی نبھائو ں گا انشاء اللہ ہمارا گروپ کامیاب ہوگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار ) بلدیاتی الیکشن کی درخواستوں میں ایک دن باقی الیکشن شیڈول کے مطابق 31دسمبر کو ہونے والے الیکشن کی درخواستیں 3تا 7اکتوبر کو وصول کی جائیں گی امیدواروں نے درخواست فارم وصول کرنے کیلئے ریٹرننگ افسران کے دفاتر کا رخ کر لیا اکثر امیدواروں کو حلقہ بندیوں کی تبدیلی کے باعث فہرستیں دستیاب یا آویزاں نہ کیے جانے پر اپنے ووٹ کا کچھ ععلم نہیں کہ انکا ووٹ کس وارڈ یا حلقہ میں ہے اور وہ بطور امیدوار کس حلقہ یا وارڈ سے درخواست جمع کرائے اس سلسلہ میں ووٹر یا امیدواران ابہام کا شکار ہیں کہ وہ کیا کریں اس سلسلہ میں گزشتہ روز درجنوں امیدواروں نے حکومت اور الیکشن کمیشن کی پالیسی پر کڑی نقطہ چینی کرتے ہوئے کہا کہ حکومت اگر بلدیاتی الیکشن کرانے میں سنجیدہ ہے تو امیدواروں کو فی الفور فہرستیں فراہم کرے تاکہ وہ اپنا ووٹ چیک کرے بطور امیدوار اپنی درخواست جمع کروا سکیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قادیانیت بحیثیت اقلیت ہیں وہ خود کو مسلمان نہیں کہہ سکتے ہیں، مفتی عبدالحلیم ہزاروی
وزیر اعلیٰ کی انسپیکشن ٹیم کا سول اسپتال بدین پر چھاپا