کان پور (جیوڈیسک) کہاوت ہے کہ جوا کسی کا نہ ہوا، جوا ایسی لت ہے جس میں انسان کبھی کچھ نہیں پاتا ، اگر اسے کچھ ملتا ہے تو وہ مزید پانے کی خواہش میں ہار دیتا ہے، ایسا ہی ہوا بھارت کے شہر کان پور میں جہاں ایک جواری اپنا سب کچھ لٹانے کے بعد بیوی بھی داؤ پر لگا کر ہار گیا ۔
گزشتہ روز انڈین پریمئیر لیگ کی فرنچائز رائل چیلنجر بنگلور اور سن رائزرز حیدرآباد کے درمیان فائنل میچ کھیلا گیا، رائل چیلنجر بنگلور کی ٹیم میں ویرات کوہلی اور اے بی ڈی ویلئیرز جیسے کھلاڑی شامل تھے اسی وجہ سے اسے فیوریٹ بھی قرار دیا جارہا تھا، بھارتی شہر کان پور کے رویندر سنگھ سے بھی یہی غلطی ہوگئی۔
رویندر سنگھ کی جوئے کی لت بہت پرانی ہے۔ اس سے قبل وہ اپنی تمام جمع پونجی اور بیوی کے زیورات سمیت سب کچھ جوئے میں ہار چکا ہے۔ اب اس کے پاس جوے میں لگانے کے لیے صرف جسمیت کور یعنی بیوی ہی بچی تھی اور پھر اس نے ویرات کوہلی اور ابراہم ڈی ویلئیرز پر بھروسہ کرکے بیوی کو بھی داؤ پر لگادیا اور پھر وہی ہوا جس کا ڈر تھا یعنی رائل چیلنجرز بنگلور فائنل ہار گئی اور رویندر اپنی بیوی۔ پھر کیا تھا رویندر غائب ہوگیا اور جسمیت کو جیتنے والوں نے اس گھر کے چکر لگانے شروع کردیئے۔ جسمیت کو جب معاملات کا پتہ چلا تو وہ اپنی عزت بچانے تھانے جا پہنچی جہاں اس نے شوہر کے خلاف رپورٹ درج کرائی لیکن پولیس رویندر کے مفرور ہونے کی وجہ سے اسے پکڑنے میں کامیاب نہ ہوسکی۔
عراقی فورسز داعش سے فلوجہ کا قبضہ چھڑانے کیلئے شہر میں داخل
بھارت میں نوجوان پراسرار بیماری میں مبتلا جس میں بازو کا وزن بڑھ کر20 کلو تک پہنچ گیا