بھارتی دولہا اپنی بارات ہیلی کاپٹر میں لے آیا

wedding

wedding

نئی دہلی (جیوڈیسک) ہر دولہے کی خواہش ہوتی ہے کہ اس کی شادی دوسری سے کچھ انوکھی ہو تاکہ اسے ہمیشہ یاد رکھا جائے اور اسی چیز کو مد نظر رکھتے ہوئے ایک بھارتی دولہا اپنی بارات ہیلی کاپٹر پر لے آیا۔

بھارت کے ضلع بنارس کے گاؤں ستھاوا کے رہائشی اکھلیش سنگھ کے والد کی خواہش تھی کہ ان کے بیٹے کی بارات ہیلی کاپٹر میں جائے، گاؤں کے چوہدری ہونے کی وجہ سے خواہش کا احترام ہوا اور بارات کے لئے ہیلی کاپٹر کا بندوبست ہوگیا۔ ہیلی کاپٹر میں بارات آنے پر پورا گاؤں خوشی جھوم اٹھا اور دولہا بھی خوشی سے نہال نظر آیا۔

واضح رہے کہ بھارت کے شہروں غازی آباد اور گڑ گاؤں میں تو ہیلی کاپٹر میں بارات لے جانے کا رواج پہلے سے موجود ہے لیکن اکھلیش سنگھ نے ہیلی کاپٹر پر بارات کے جا کر بنارس میں بھی یہ ٹرینڈ سیٹ کر دیا ہے۔