نئی دلی (جیوڈیسک) بھارت نے ایک مرتبہ پھر جنگی جنون کا مظاہرہ کرتے ہوئے سپرسونک میزائل کا کامیاب تجربہ کیا ہے جس سے خطے میں عسکری توازن خراب ہوگا۔
بھارتی میڈیا کے مطابق سوپر سونک میزائل کا کامیاب تجربہ اڑیسہ کے ساحل پر کیا گیا جہاں سپرسونک میزائل نے کامیابی سے ہدف کو فضا میں ہی نشانہ بنایا۔ ڈیفنس ریسرچ ڈویلپمنٹ آرگنائزیشن کے مطابق سپرسونک میزائل کسی بھی بیلسٹک میزائل کو فضا میں ہی تباہ کرنے کی صلاحیت رکھتا ہے جس میں نیوی گیشن نظام کے علاوہ الیکٹرو مکینکل ایکٹیویٹر نصب ہے جو اس کی صلاحیتوں میں مزید اضافہ کرتا ہے۔
دوسری جانب دفاعی ماہرین کا کہنا ہے کہ بھارت پر خطے کی سب سے بڑی فوجی قوت بننے کا جنون سوار ہے جس کی وجہ سے وہ اپنی روایتی قوت میں خاطر خواہ اضافے کے علاوہ بیلسٹک میزائلوں سمیت ہر قسم کے ایٹمی ہتھیار تیارکررہا ہے، ایٹمی قوت میں اضافے سے جنوبی ایشیاء کے استحکام کو نقصان پہنچ رہا ہے اور اس سے خطے میں ہتھیاروں کی نئی دوڑ شروع ہوسکتی ہے۔
امریکی ریاست ٹیکساس میں بس حادثہ؛ 8 افراد ہلاک اور44 زخمی
عراق میں گیس پلانٹ پرخود کش حملوں میں 14 افراد ہلاک، 20 سے زائد زخمی