مصطفی آباد/للیانی (نامہ نگار) ڈرگ انسپکٹر کے چھاپہ غیر قانونی طور پر چلنے والے دو ہسپتال و ایک غیر قانونی ادویات رکھنے والا میڈیکل سٹور سیل، عطائیوں کے خلاف آپریشن جاری رہے گا، ثناء اللہ سیف کی صحافیوں سے گفتگو، تفصیلات کے مطابق ڈرگ انسپکٹر قصور ثناء اللہ سیف نے ودیگر عملہ و پولیس تھانہ مصطفی آباد کے ہمراہ چھاپہ مار کر زچہ بچہ سنٹرز کو چیک کیا اور کوائف درست نہ ہونے و کوالیفائڈ ڈاکٹر نہ ہونے کی وجہ سے دو سرفراز و عمران ہسپتال کو سیل کر دیا گیا، جبکہ غیر قانونی ادویات بر آمد ہونے پر انس ہسپتال کا میڈیکل سٹور بھی سیل کر دیا گیا، اس موقع پر ڈرگ انسپکٹر ثناء اللہ سیف نے صحافیوں سے گفتگو کرتے ہوئے کہا کہ عطائی انسانی جانوں سے کھلے عام کھیل رہے ہیں، ان کے خلاف آپریشن جاری رہے گا، کسی بھی میڈیکل سٹور یا ہسپتال کو قانونی تقاضے پورے کئے بغیر نہیں چلنے دیا جائے گا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)تیز رفتار موٹر سائیکل سوار گدھا گاڑی سے ٹکرا کر جاں بحق، بیوی زخمی، تفصیلات کے مطابق محلہ رسول پورہ قصور کا رہائشی شرافت علی موٹر سائیکل پر اپنی بیوی کے ہمراہ لاہور سے قصور کے طرف جا رہا تھا کہ بھلو کے قریب تیزی رفتاری کے باعث گدھا گاڑی سے ٹکرا گیا جس سے وہ موقع پر ہی جاں بحق ہو گیا جبکہ اس کی بیوی زخمی ہو گئی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)کسی بھی شخص کی زندگی بھر کی جمع پونجی پر قبضہ کرنے والے کسی رعائیت کے مستحق نہیں،قبضہ مافیا اور منشیات فروشوں کا خاتمہ اولین ترجیح ہے، ایس ایچ او تھانہ کاہنہ اکرام گجر کا پریس کلب مصطفی آبا د میں افطار ڈنر سے خطاب ، تفصیلات کے مطابق ایس ایچ او تھانہ کاہنہ اکرام گجر نے پریس کلب مصطفی آباد میں افطار ڈنر سے خطاب کرتے ہوئے کہا کہ تھانہ کاہنہ میں قبضہ گروپ اور منشیات فروشی زیادہ ہے، قبضہ گروپ کسی بھی غریب شخص کی زندگی بھر کی کمائی پر قبضہ کرنے والے کسی معافی کے مستحق نہیں،منشیات فروش انسانیت کے بد ترین دشمن ہیں،ان کا خاتمہ میرا مشن ہے، انہوں نے مزید کہا کہ ڈکیتی و راہزنی کی وارداتوں میں اضافہ کی وجہ سے افسران سے گاڑی کی اپیل کی تھی جس پر جرائم پر قابو پانے کیلئے افسران نے گاڑی مہیا کر دی ہے،جبکہ سوا اصل اور چوکی ہلوکی کا بڑا علاقہ ہونے کی وجہ سے وہاں بھی اضافہ گاڑی مہیا کرنے کی اپیل ہے ، تھانہ کاہنہ کو مہیا کی گئی اضافہ گاڑی کیلئے ربیت یافتہ نوجوان ملازمین بھی مہیا کر دئیے جائیں گے جو دن رات گشت کے نظام کو موثر کرکے وارداتوں کوکنٹرول کیا جا سکے گا، جرائم پر قابو پانے کیلئے تھانہ کاہنہ کو بھی دو حصوں میں تقسیم کرنا وقت کی اہم ضرورت ہے، مقدمات کی تفتیش جدید سائنسی بنیادوں اور میرٹ پر کی جا رہی ہے، عوام کو بغیر کسی رکاوٹ انصاف کی فراہمی اولین ترجیح ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) ماہ صیام کے بابرکت آخری عشرہ میں اپنے رب سے رحم و فضل مانگیں ‘ رو رو کر اپنے گناہوں کی بخشش کروائیں ‘ آخری عشرہ تیزی سے گزر جائیگا تو آئندہ رمضان ہمیں قسمت سے نصیب ہوگا ، ان خیالات کا اظہار سابق ایم این اے رانا مبشر اقبال نے صدر ہوزری ٹریڈرز ایسوسی ایشن چوہدری منیر گجر کی جانب سے دی جانیوالی افطار پارٹی سے خطاب کرتے ہوئے کیا۔ انہوں نے کہا کہ مسلم لیگ ن کی حکومت عوام کی فلاح و بہبود کیلئے ہمہ وقت کوشاں ہے’ توانائی بحران پر اگلے دو سالوں میں قابو پالیا جائیگا۔ انہوں نے کہا کہ پنجاب میں ہونے والے ترقیاتی کاموں کی دنیا بھر میں تعریف کی جارہی ہے ‘ عمران خان اور اسکے حواری ن لیگ حکومت کے ترقیاتی کاموں سے بوکھلا کر عوام کو گمراہ کرنے کیلئے مسلسل جھوٹ بول رہے ہیں۔ تقریب سے سابق ناظم کاہنہ رمضان مستانہ’ چیئرمین ملک محمد حسین’وائس چیئرمین چوہدری عبدالعزیز’افتخار احمد جنرل سیکرٹری’ یونس اسد سرپرست اعلیٰ’ چیف جنرل سیکرٹری وسیم اختر’شیخ مقبول’ملک ارشد علی جوائنٹ سیکرٹری’ نائب صدر امداد حسین گجر’ منیر حیسن بھٹی’ رمضان آرائیں’ ملک امیر عبداللہ’ نادر علی’ و دیگر نے بھی خطاب کیا۔ تقریب میں سیاسی و سماجی حلقوں اور تاجر برادری کی کثیر تعداد نے شرکت کی۔
Iftar Party
Iftar Party
محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126
بدین شہر میں نائی کی دکان پر بیٹھے شخص کو گولیاں مار کر قتل کر دیا گیا
طلبہ وطالبات دینی تعلیمات کے ساتھ دنیاوی تعلیمات کے حصول کی جدوجہد بھی کریں، ڈاکٹر عبدالقوی بغدادی