ممبئی (جیوڈیسک) رنگارنگ افتتاحی تقریب میں آئی پی ایل کا افتتاح ہوگیا،ڈی جے براوو نے میلہ لوٹ لیا، کترینہ کیف، جیکولین فرنینڈس، ہنی سنگھ اور دیگر فنکاروں نے اپنی پرفارمنس سے سماں باندھ دیا.
تفصیلات کے مطابق رنگا رنگ افتتاحی تقریب میں انڈین پریمیئر لیگ کا افتتاح کردیا گیا، روی شاستری کی میزبانی میں ہونے والی تقریب میں فرنچائز ٹیموں کے کپتانوں مہندرا سنگھ دھونی، ویرات کوہلی، سریش رائنا، ظہیرخان، روہت شرما، گوتم گھمبیر، ڈیوڈ ملر اور ڈیوڈ وارنر کو اسٹیج پر بلایا گیا۔
بعد ازاں ٹرافی فضائی روٹ سے میدان میں اتاری گئی تو روہت شرما کو اسے رسی سے الگ کرنے میں دشواری کا سامنا کرنا پڑا، پھر ڈیوڈ ملر نے معاونت کی، آئی پی ایل چیف راجیو شکلا نے ایونٹ کے باقاعدہ آغاز کا اعلان کیا جس کے بعد تمام کپتانوں نے ایک ایک کرکے الیکٹرونک سلیٹ پر اپنے دستخط ثبت کیے، موسیقی کا سلسلہ شروع ہوا تو ڈی جے ڈیوائن براوو نے میلہ لوٹ لیا، انھوں نے ’’چیمپئن‘‘ گانے پر سب کو جھومنے پر مجبور کردیا،انکت تیواری نے بھی ان کا ساتھ دیا۔
کترینہ کیف، ہنی سنگھ اور دیگر فنکاروں نے مشہور گیتوں پر اپنی عمدہ پرفارمنس سے سماں باندھ دیا،براوو دوسری بار اسٹیج پر آئے تو کترینہ کیف اور جیکولین فرنینڈس نے ان کے ساتھ رقص کیا، بالی وڈ کے ایک اور معروف فنکار رنویر سنگھ نے کرکٹ کٹ کی طرز کے چمکدار لباس میں انٹری دی اور پرفارمنس سے تقریب کی رونقیں بڑھائیں۔اس موقع پر بھارتی بولر عرفان پٹھان اپنی برقع پوش اہلیہ کے ہمراہ میڈیا کی توجہ کا مرکز بنے رہے۔
انضمام پاکستان کرکٹ میں ’چراغ تلے اندھیرا‘ کی مثال
ٹی پی ٹینس ٹورنامنٹ : اعصام الحق مینزڈبلز فائنل میں ان ایکشن ہونگے