بغداد (جیوڈیسک) عراق کے دارالحکومت بغداد میں مسجد میں 2 خود کش بم دھماکوں کے نتیجے میں 15 افراد جاں بحق اور متعدد زخمی ہوگئے جب کہ جنگجو تنظیم داعش نے بم دھماکوں کی ذمہ داری قبول کرلی۔
غیرملکی خبر رساں ادارے کے مطابق عراق کے دارالحکومت بغداد میں ایک مسجد میں ہونے والے دو خود کش بم دھماکوں کے نتیجے میں 15 افراد ہلاک جب کہ متعدد زخمی ہوگئے، بم دھماکوں کے بعد امدادی ٹیموں نے زخمیوں کو اسپتال میں منتقل کیا جہاں بیشترزخمیوں کی حالت تشویشناک ہے۔
حکام کا کہنا ہے کہ مسجد میں دو خود کش حملہ آور داخل ہوئے جس میں سے ایک نے اگلی صفوں میں اپنے آپ کو دھماکے سے اڑالیا جب کہ دوسرے حملہ آور کا نشانہ سیکیورٹی فورسز تھیں جو پہلے دھماکے کے بعد مسجد میں ہوخل ہوئیں۔حکام کے مطابق دھماکے کی ذمہ داری جنگجو تنظیم داعش نے قبول کرلی جب کہ اس سے قبل بھی مساجد اور تاریخی عمارتوں میں بم دھماکوں اور خودکش حملوں میں داعش ہی ملوث رہی ہے۔
افغانستان میں خود کش حملے میں 13 افراد ہلاک، 40 سے زائد زخمی
شام میں داعش کے خلاف آپریشن کیلیے سعودی، اماراتی فوجی ترکی پہنچ گئے