جیکی چن کی فلم رش آور کے چوتھے حصے کی تیاری شروع

Jackie Chen

Jackie Chen

لاس اینجلس (جیوڈیسک) جاسوس انسکپٹر لی ایک بار پھر واپس آ رہا ہے۔ اداکار جیکی چن نے تصدیق کر دی ہے کہ ان کی کامیاب فلم ”رش آور“ کے چوتھے حصے پر کام شروع کر دیا گیا ہے۔ ایک اخبار سے انٹرویو میں جیکی چن نے کہا کہ یہ فلم پہلی فلموں سے مختلف ہو گی۔

اس فلم میں منشیات کے سمگلر اور نہ ہی جعلی کرنسی بنانے والے ولن ہونگے، لیکن انہوں نے یہ نہیں بتایا کہ اس بار کہانی کیا ہو گی؟ کیونکہ یہ ایک سیکرٹ ہے۔

انہوں نے کہا اگر اداکار کرس ٹکر فارغ ہوئے تو اگلے برس کے آغاز پر شوٹنگ شروع کر دیں گے۔

خیال رہے کہ رش آور سیریز کی پہلی تینوں فلمیں باکس آفس ہٹ رہی تھیں اور مجموعی طور پر 85 کروڑ ڈالر بزنس کیا تھا۔