جموں کشمیر فورم فرانس (رجسٹرڈ) کے زیر اہتمام برہان مظفر وانی شہید کی برسی تقریب

Posted on July 14, 2018 By Majid Khan کشمیر

پیرس (میاں عرفان صدیق) جموں کشمیر فورم فرانس (رجسٹرڈ) کے زیر اہتمام گزشتہ روز مقامی ریسٹورنٹ میں برہان مظفر وانی شہید کی برسی کے سلسلہ میں تقریب منعقد ہوئی۔ جس میں سیاسی، سماجی، کاروباری، مذہبی، صحافتی شخصیات سمیت پاکستانی و کشمیری کمیونٹی نے بھرپور شرکت کی۔ تقریب کی صدارت چیئرمین جموں کشمیر فورم چوہدری نعیم اختر اور صدر مرزا آصف جرال نے کی۔ سٹیج سیکرٹری کے فرائض جنرل سیکرٹری کامران بٹ نے ادا کیے۔ تقریب کا باقاعدہ آغاز تلاوت کلام پاک سے کیا گیا جس کی سعادت معروف ثناءخوان مصطفی حافظ محمد معظم نے حاصل کی۔ تقریب میں مقررین نے برہان مظفر وانی کی خدمات اور کشمیر کے لیے دی جانی والی قربانی پر خراج تحسین پیش کیا۔ مقررین میں مرزا آصف جرال، چوہدری نعیم اختر، کامران بٹ، پاکستان پیپلز پارٹی فرانس کے صدر چوہدری رزاق ڈھل، چوہدری فراز، ایم کے خالد پرویز چوہدری، ملک منیر احمد، راجہ انجم، راجہ امجد، نوید غوث، ماجد چیمہ، صحافی راﺅ خلیل احمد، پاکستان تحریک انصاف فرانس کی سیکرٹری انفارمیشن آصفہ ہاشمی، پاکستان پریس کلب پیرس فرانس ویمن ونگ کی جنرل سیکرٹری ناصرہ خان، سیکرٹری انفارمیشن شہلا رضوی، منہاج القرآن ویمن ونگ فرانس کی طاہرہ سحر و دیگر شامل تھے۔ مقررین نے اپنے خیالات کا اظہار کرتے ہوئے کہا کہ برہان مظفر وانی کی شہادت کے بعد تحریک آزادی کی جدوجہد میں ایک نئی روح بیدار ہوئی ہے، بھارت جتنا بھی ظلم و ستم کر لے کشمیریوں کی جدوجہد کو دبا نہیں سکتا ۔ پاکستان کے ساتھ کشمیر یوں کا روز اول سے روز ابد تک رشتہ رہے گا۔ ایک مضبوط و مستحکم پاکستان ہی کشمیریوں کی آزادی کا ضامن ہو سکتا ہے۔ اقوام عالم سے مطالبہ کرتے ہیں کہ وہ مقبوضہ کشمیر میں انسانی حقوق کی خلاف ورزیوں کا نوٹس لے اور ہندوستان کو مقبوضہ کشمیر کی عوام پر ظلم وستم و بربریت سے روکے جانے کے اقدامات کرے۔ اس موقع پر جموں کشمیر فورم فرانس نے فرینڈز آف کشمیر کے نام سے ذیلی تنظیم کا بھی اعلان کیا اور اسی سلسلہ میں فرینڈز آف کشمیر ویمن ونگ اور جموں کشمیر فورم یوتھ ونگ فرانس کا قیام عمل میں لایا۔ آخر میں حافظ محمد معظم نے کشمیر، پاکستان، امت مسلمہ، برہان وانی سمیت تمام شہداءکشمیر اور ہارون بلور کے لیے خصوصی دعا کی۔