جھنگ کی خبریں 19/10/2015

Jhang

Jhang

جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر نادر چٹھہ نے کہا ہے کہ میڈیا ریاست کا چوتھا ستون ہے جو ہمارے معاشرے میں اہم کردارادا کرتا ہ یجس سے ایک پر امن اورانصاف پسند معاشرے کا قیام عمل میںآتا ہے۔ڈسٹرکٹ پولیس آفیسر ہمایوں مسعود سندھو نے کہا ہے کہ میڈیا سے وابستہ افراد امن و امان قائم کرنے کے سلسلہ میں محکمہ پولیس کے افسران کے ساتھ کوآرڈی نیشن کو بہتر بنائیں کیونکہ عوامی فلاح کی کوئی بھی مہم میڈیا کے تعاون کے بغیر ممکن مطلوبہ نتائج حاصل نہیں کر سکتی۔ یہ بات انہو ںنے ضلع کونسل ہال میں میڈیا کے نمائندگان سے ملاقات کے دوران کہی۔ڈی سی او نادر چٹھہ نے کہا ہے کہ آج یہاں ایک ساتھ اکٹھے ہونے کا مقصدمحرم والحرام میں امن و امان بر قرار رکھنے ،فر قہ ورانہ اہم آہنگی کے فروغ اوردہشت گردی کے ممکنہ خدشات کے پیش نظرضلعی انتظامیہ اور میڈیا کے درمیان ورکنگ ریلیشن شپ کو بہتر بنا نے اورمثالی تعاون کے فروغ کے سلسلہ میں کوآرڈی نیشن کو بہتر بنائیں لہٰذامیڈیا پر ذمہ داری عائد ہوتی ہے کہ وہ رپورٹنگ کے دوران سچائی اور پیشہ وارانہ ایمانداری کے تقاضوں کو ملحوظ خاطر رکھیں۔ ڈی پی او ہمایوں مسعود سندھو نے کہا کہ میڈیا معاشرے میں نا انصافی ،برائیوں اور کرپشن کو بے نقاب کریں تاکہ پر امن معاشرے کے قیام کے تسلسل کو یقینی بنایا جاسکے۔انہوںنے کہا کہ پولیس کی جانب سے جرائم کے کنٹرول اور تدارک بارے جاری مہموں میں محکمہ پولیس کا بھرپور ساتھ دیں کیونکہ عوامی فلاح کی کوئی بھی مہم میڈیا کے تعاون کے بغیر ممکن مطلوبہ نتائج حاصل نہیں کر سکتی۔ میڈیا سے وابستہ افراد امن و امان قائم کرنے کے سلسلہ میں محکمہ پولیس کے افسران کے ساتھ کوآرڈی نیشن کو بہتر بنائیں۔اس موقع پر ڈی سی او نادر چٹھہ نے پریس کلب کے اراکین اور میڈیا کے نمائندگان سے عہد لیا کہ محر م الحرم کے دوران ریاستی و قومی مفادات کی حفاظت کے سلسلہ میں وہ اپنا کردار ادا کرتے ہوئے انتظامیہ اور پولیس کے ساتھ بھرپور تعاون کریں۔انہوںنے جھنگ یونین آف جرنلسٹس کے صدررائے منظور احمد عابد اور چیئر مین پریس کلب لیاقت علی انجم کو بلحاظ عہدہ ضلعی امن کمیٹی کے ممبرنامزد کرنے کا اعلان کیا۔ڈی پی او ہمایوں مسعود نے صحافیوں کی جانب سے پولیس ملازمین کے ناروا رویے کا سخت نوٹس لیتے ہوئے ایسے پولیس ملازمین کے خلاف تادیبی کاروائی کی یقین دہانی کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر) سب ڈویژنل آفیسر(آپریشن) فیسکوسول لائن جاوید صدیق قریشی کی اطلاع کے مطابق مدوکی فیڈر21اکتوبر صبح نو بجے تک تین بجے جبکہ گرڈ اسٹیشن132کے وی جھنگ Iسول لائن فیڈر صبح نو بجے ت دن ایک بجے تک ضروری مرمت کے سلسلہ میںبند رہیں گے جس کے باعث ملحقہ علاقوں میں بجلی کی بندش ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر ) اجمعیت علماء اسلام کے مرکزی شوریٰ کے ممبر شہباز احمد گجر ایڈووکیٹ نے اپنے بیان میں کہا ہے کہ حضرت عمر فاروق نے اپنے دور خلافت میں عوام کو بلا تفریق بنیادی ضروریات کی فراہمی کو یقینی بنایا اور نہ صرف انسانوں کی بھوک کے امور کا بندوبست کیا بلکہ حیوانات کی ضروریات کو بھی پورا کرنے کا سسٹم وضع کیا اور عدل و انصاف کا بہترین نظام قائم کیا ۔دورِ فاروقی میں مسلم اور غیر مسلم عوام کو بہترین انصاف میسر تھا ۔ عدل فاروقی کے ضابطوں کو سامنے رکھ کر آج کے عدالتی نظام میں بنیادی اصلاحات لا ئی جا ئیں تاکہ عوام کو سستا اور معیاری انصاف مل سکے ۔انہوں نے مزید کہا کہ محرم الحرام میں امن و امان کا قیام انتظامیہ کی ذمہ داری ہے جمعیت علما ء اسلام امن قائم رکھنے کے لئے انتظامیہ سے مکمل تعاون کر ے گی علماء و ذاکرین بھائی چارے کی فضاء کو فروغ دیں اور دل آزار گفتگو سے مکمل پرہیز کر یں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جھنگ ( تحصیل رپورٹر ) پنجاب ایمر جنسی سروس ریسکیو 1122 جھنگ نے محر م الحرام کے لیے ایمرجنسی پلان تر تیب دے دیااس سلسلہ میں ضلعی ایمر جنسی افیسر ڈاکٹر طارق سعید نے تما م ریسکیو اہلکاروں کی چھٹیاں منسوخ کر دی اور یکم محرم سے لیکر دس محرم تک تمام AکیٹگریB کیٹگری کی مجالس اور جلوسوں پرایمر جنسی پلان ترتیب دے دیا ہے محر م الحرام میں تمام لائسنس ہولڈرزمجالس اور جلوسوں پر ریسکورز کو کسی بھی ایمر جنسی کی صورت میں نمٹنے کے لئے تعنیات کیا گیا ہے روزانہ کی بنیاد پرجھنگ سٹی،جھنگ صدراور سیٹلائیٹ ٹائوں میں23مجالس ترتیب پائی ہیں یکم سے دس محرم تک ٹوٹل 230مجالس ہونگی جن پر ریسکیو عملہ اپنی ڈیوٹی سرانجام دے گا اس کے علاوہ دربار سلطان باہو تحصیل احمد پور سیال اور دربامائی باپ شورکوٹ میں بھی عرس کے حوالہ سے ریسکیو 1122کی گاڑیاں بھی ڈیپیوٹ رہیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جھنگ ( تحصیل رپورٹر ) ریسکیو 1122کی طرف سے جھنگ سٹی ،صدراور سیٹلائیٹ ٹائوں کے مقیم 50 ا فرادکو حُسینہ ہائی سکول جھنگ صدر اور امام بارگاہ قدیمی جھنگ سٹی میں محر م الحرام کے دوران کسی بھی ناخوشگوار واقعہ اور صورت حال سے نمٹنے کے لئے ریسکیوسکائوٹس کی ٹر ینینگ کر وائی گئی جس کا دورانیہ دو دن تھاٹر ینینگ مکمل ہو نے پر ضلعی ایمر جنسی افیسر ڈاکٹر طارق سعیدنے ریسکیوسکائوٹس کے درمیان سرٹیفیکیٹ اور رضاکار کے کارڈ بھی تقسیم کیے ۔ ڈاکٹر طارق سعید کے مطابق عشرہ محر م الحرام کے دوران ریسکیو سکائوٹس جلوسوں او رمجالس کے دوران فوری طبی سہولیات کی فراہمی میں مدد گارثابت ہو نگے اس کے ساتھ ساتھ ڈاکٹر طارق سعید نے ریسکیو 1122آفس میں تازیہ لائسنس ہولڈزر کی کی ایک میٹینگ بھی کال کروائی جس میں لائسنس ہولڈزر نے اپنی مجالس ،جلوس کے دن اور اوقات کے متعلق بریفنگ

جھنگ کی تاریخ کی 20 کروڑ روپے سے زائد مالیت کی سب سے بڑی گیس چوری پکڑے جانے کے باوجود ذمہ داران کے خلاف کوئی کاروائی نہ ہو سکی۔ اہم سیاسی و دیگر شخصیات معاملہ گول کرنے کیلئے سرگرم عمل ہو گئیں ۔ وسیع پیمانے پر گیس چوری کروانے والے سوئی ناردرن گیس جھنگ کے کرپٹ افسران بھی بدستور اپنے عہدوں پر موجود ۔ شہریوںکا وزیراعظم سے صورتحال کا فوری نوٹس لینے کامطالبہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جھنگ ( ڈسٹرکٹ رپورٹر) سوئی ناردرن گیس جھنگ کے کرپٹ افسران کی ملی بھگت سے تاریخ کی سب سے بڑی گیس چوری پکڑی گئی جبکہ بااثر سیاسی و کاروباری شخصیات کی ملکیتی گلیکسی ٹیکسٹائل ملز جھنگ میں طویل عرصہ سے میٹر ٹمپر ، حساس پرزے تبدیل ،زیادہ پریشر کو کم ظاہر کرکے وسیع پیمانے پر گیس چوری اور چوری کی گیس سے ٹیکسٹائل فیکٹری چلانے کے علاوہ بجلی بھی بنائی جارہی تھی نیزمحکمہ نے گیس چوری کا ابتدائی تخمینہ 20کروڑ روپے سے زائد ظاہر کیا ہے تاہم اہم ترین سیاسی ، کاروباری ، انتظامی شخصیات معاملہ ٹھپ کروانے کیلئے سرگرم عمل ہو گئی ہیں لیکن گیس چوری کروانے والے سوئی ناردرن گیس پائپ لائنزلمیٹڈ جھنگ کے متعلقہ کرپٹ افسران سے کوئی باز پرس نہیں کی گئی ۔علاوہ ازیں اب بھی شہر میں گیس کی بلاجواز لوڈ شیڈنگ مگر بڑے کمرشل اداروں ، اہم ہوٹلوں کو فل پریشر کے ساتھ نان سٹاپ گیس کی سپلائی جاری ہے جس پر شہریوںنے وزیراعظم سے صورتحال کا فوری نوٹس لینے کامطالبہ کیاہے۔ تفصیلات کے مطابق معلوم ہواہے کہ گزشتہ دور حکومت نے وفاقی وزیر خارجہ کے اہم ترین منصب پر فائز رہنے والی ایک اہم خاتون سیاسی شخصیت ،اس کے خاوند اور سسر کی ملکیتی گلیکسی ٹیکسٹائل ملز ٹوبہ روڈ جھنگ صدر پر سوئی ناردرن گیس پائپ لائنز لمیٹڈ جھنگ کی جانب سے سیریل نمبر RC00334132کا حامل Qu Ft 08 Digit RC56 M175 گیس میٹرلگایاگیاتھاجس کا الیکٹرانک و الیم کوریکٹڈ نمبر 0806306634اور ای وی سی /ای ایم سی ELGASتھا کے بارے میں سوئی ناردرن گیس فیصل آباد کے حکام کو اطلاع موصول ہوئی کہ اس میٹر میں ٹمپرنگ کرتے ہوئے اس کے حساس پرزے تبدیل ، گیس کی مقدار کو ماپنے میں استعمال ہونے والے اصل پرزہ جات کی جگہ غیرمعیاری پرزہ جات کی تنصیب، گیس کے زیادہ پریشر کو انتہائی کم کرنے کیلئے اس میں تبدیلی کے ذریعے کروڑوں روپے کی گیس چوری کی جارہی ہے

اور مذکورہ چوری شدہ گیس سے نہ صرف گلیکسی ٹیکسٹائل ملز کو چلایاجارہاہے بلکہ اس سے غیر قانونی طورپر بجلی بھی تیار کی جارہی ہے۔ مذکورہ اطلاع ملنے پر ایس این جی پی ایل کی اعلیٰ سطحی ٹیم نے سپیشل جوڈیشل مجسٹریٹ کی سربراہی میں مل پر اچانک چھاپہ مارا تو پتہ چلا کہ میٹرکا کائونٹ 39132500ہے جبکہ فیکٹری میں 0529600600 کیوبک فٹ گیس استعمال ہو چکی تھی۔ اس طرح فیکٹری کے بااثر سیاسی و کاروباری مالکان 20کروڑ روپے سے زائد مالیت کی گیس چوری کر چکے تھے۔ یہاں یہ امر بھی قابل ذکر ہے کہ محکمہ کی جانب سے میٹر اتار کر لیبارٹری چیکنگ کیلئے بھجوائے جانے پر شدید دبائو کے باوجود گیس چوری کاالزام ثابت ہو گیاہے لیکن بااثرمالکان کے خلاف ابھی تک کوئی کاروائی نہ کی جارہی ہے ۔ یہاں یہ امر بھی قابل ذکر ہے کہ اگرچہ سوئی ناردرن گیس جھنگ کے انچارج کے توسط سے متعلقہ تھانہ اور آر پی او فیصل آباد کو درخواست دی گئی ہے لیکن عملی طورپر اس کی پیروی نہ کی جارہی ہے جس سے اندازہ ہوتاہے کہ طویل عرصہ سے مذکورہ کروڑوں روپے مالیت کی سب سے بڑی گیس چوری کی واردات سوئی ناردرن گیس جھنگ کے حکام کی مبینہ ملی بھگت سے کی جارہی تھی مگر ان کے خلاف بھی کوئی کاروائی عمل میں نہ لائی گئی ہے۔ مصدقہ ذرائع نے بتایاہے کہ گلیکسی ٹیکسٹائل ملز جھنگ میں کی جانیوالی تاریخ ساز گیس چوری کے واقعہ کی تفتیش کا دائرہ کار خفیہ طور پر بڑھادیاگیا ہے اور مختلف تحقیقی ادارے رازداری کے ساتھ اس کیس میں سرگرم ہو گئے ہیں مگر اوپرسے کاروائی کی اجازت کا انتظار کیاجا رہا ہے۔ یہاں یہ بات بھی قابل تذکرہ ہے کہ سوئی گیس جھنگ کے حکام کی جانب سے شہر کے گھریلو صارفین کیلئے تو دن میں کئی کئی گھنٹے گیس کی بلاجواز لوڈ شیڈنگ کاسلسلہ جاری ہے مگر دوسری جانب تھانہ صدر چوک کے قریب یوسف شاہ روڈ ، سیشن چوک اوردیگر مقامات پر واقع شہر کے بڑے بڑے ہوٹلوں اور کمرشل اداروں کو 24گھنٹے فل پریشر کے ساتھ گیس کی سپلائی کاسلسلہ جاری ہے جس کے عوض مبینہ طور پر ماہانہ بھاری بھتہ وصول کرنے کا بھی شبہ ہے۔ جھنگ کے کاروباری ، سیاسی ، سماجی ، عوامی حلقوںنے وزیر اعظم محمدنوازشریف اور دیگر حکام سے صورتحال کافوری نوٹس لینے اور کروڑوں روپے کی گیس چوری میں ملوث افراد کو نشان عبرت بنانے کا مطالبہ کیاہے۔####