جھنگ: (ڈسٹرکٹ رپورٹر) عوام کی قیمتی جانوں کو محفوظ رکھنے کے لئے عطائی اور نان کوالیفائیڈ ڈاکٹروں کی حوصلہ شکنی کرنے کیلئے ڈسٹرکٹ کوآرڈی نیشن آفیسر نادر چٹھہ نے محکمہ صحت کے حکام کو ہدایت کی ہے کہ ایسے افراد کے خلاف کریک ڈائون کو جاری رکھا جائے ۔اس ضمن میں ڈی ڈی او ہیلتھ احمد پور سیال ڈاکٹر حفیظ نے حسین میڈیکل سٹورنزد قاسمی مسجد گڑھ مہاراجہ کو چیک کیا جہاں پر نہ ادویات رکھنے کیلئے مناسب شیلف کا انتظام تھا اور نہ ہی سائن بورڈ آویزاں تھا۔میڈیکل سٹور کے مالک اختر حسین کو تنبیہ کی گئی کہ وہ محکمہ صحت کی ہدایت پر عمل درآمد کو یقینی بنائیں بصورت دیگر انکے خلاف قانونی کاروائی کی جائیگی اور میڈیکل سٹورز کے لائسنس کی تجدید بھی نہیں کی جائیگی۔مزید برآں ڈی ڈی او ہیلتھ احمد پور سیال ڈاکٹر حفیظ نے وریام میموریل کلینک گڑھ مہارجہ کو بھی چیک کیا اور انہیں ہدایت کی کہ کلینک کے باہر اپنے نام کی تختی آویزاں کریں۔ علاوہ ازیں انہوںنے کہا کہ تمام ڈاکٹرز اپنے کلینکس اور ہسپتالوں کے باہر واضح طور پر اپنانام اور ڈگری سائن بورڈ اور فلیکس پر آویزاں کریں۔دریں اثناء ان کلینکس سے ملحقہ میڈیکل سٹورز باقاعدہ طور پر ای ڈی او ہیلتھ جھنگ سے ڈرگ سیل لائسنس حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ: ڈسٹرکٹ کوآرڈی نیشن آفیسر نادر چٹھہ نے صدر ڈسٹرکٹ بار علی رضا ترمذی کی استدعا پر ڈی او بلڈنگ کو ہدایت کی ہے کہ بار روم کی تعمیرومرمت کے کام کو فوری طورپر شروع کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ۔ ڈی سی اونادر چٹھہ نے کہا ہے کہ حالیہ بارشوں سے متاثر ہونے والی چمرانوالی روڈ کے کناروں کو محفوظ بنایا جائے اور اس ضمن میں مقامی ایم پی اے مہر ثقلین انور سپراء سے کوآرڈی نیٹ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) تحریک انصاف جھنگ کے ڈپٹی تحصیل آرگنائزر میاں مظہر عباس موہل نے کہا ہے کہ تریموں بیراج کی ناگفتہ بہ صورتحال باعث تشویش ہے جو وقت گزر نے کے ساتھ ساتھ بڑی تیزی سے اپنی افادیت کھورہا ہے سیلاب کے بڑے ریلے گزر نے اور ہیڈ کو بچانے کے لیے حفاظتی بندوں کوتوڑ نے کے علاقہ ضلعی انتظامیہ کے ہاس کوئی اوردوسرا حل نہیں ہوتا جس سے ہزاروں ایکڑ زرعی رقبہ پر کھڑی فیصلیں تباہ ہوجاتی ہیں ۔مال مویشی و مکانات فلڈ کی نذ ر ہو جاتے ہیں صحافیوںسے گفتگو کرتے ہوئے میاں مظہر عباس موہل نے کہا کہ تریموں بیراج کی خستہ حال سٹرک کی وجہ سے روزانہ کئی کئی کھنٹے ٹریفک کا بند رہنا معمول بن چکا ہے مسافروں کی مشکلات کا کسی کو احساس نہیں ہے اور افسران با لا جشم پوشی اختیار کئے ہوئے ہیںانہوں نے کہا کہ ٹول پلازہ ٹھیکہ سے کروڑوں کی آمدن بھی نہ جانے کہا خرچ کی جاتی ہے جبکہ گردونواح کے لوگوں نے مطالبہ کیا ہے کہ ہیڈ تریموں کی مرمت کا کام فوری طور پر شروع کیا جائے اور ٹول پلازہ آمدنی میں مبینہ خرد برد کی بھی انکوائر ی کر وائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) پاکستان پیپلز پارٹی جھنگ کے ضلعی سیکرٹری اطلاعات ذوالفقار احمدچوہدری نے کہا کہ قوم آج بھی ضیاء آمریت کا خمیازہ بھگت رہی ہے جس نے PPP کو ختم کرنے کے لئے بے گناہ سیاسی ورکروں کی قید و بند صوبتیں دیں اور کوڑے مار کر ہلاکو خان کی یاد تازہ کی اس کے باوجود وہ جمہوریت کی شمع کو نہیں بجھا سکے ۔پریس ریلیز میں ذوالفقار چوہدری نے کہا ہے کہ ڈکٹیٹر ضیاء الحق کا سب سے بڑا جرم منتخب وزیر اعظم قائد عوام ذوالفقار علی بھٹو شہید کو چھوٹے مقدمہ قتل میں پھانسی دینا ہے جسے تاریخ کنھی معاف نہیں کرے گی ۔آج بھی اقتدار پر ضیاء کی باقیات کا قبضہ ہے فرقہ واریت ،لسانی فسادات ،کلاسنکوف کلچر اور دہشت گردی اس دور کے تحفے ہیں ڈالروں کے جہاد نے ملک و قوم کو ناقابل تلافی نقصان پہنچایا ہے انہوں نے مطالبہ کہا کہ دہشت گردوں کے ٹھکانوں پر پہنچنے کے لئے تفتیش کا دائرہ کار رانا ثناء اللہ تک بڑھایا جائے جس کے بارے میں وفاقی وزیر مملکت پانی و بجلی عابد شیر علی کے والد شیر علی نے عوامی اجتماع میں الزام لگایا کہ وہ بڑا ٹارگٹ کلر ہے اعلیٰ عدلیہ کو از خود نوٹس لیکر کا روائی کرنے چاہیے۔
جھنگ (تحصیل رپورٹر) آئی جی پنجاب پولیس کے فحش ویڈیوز فروخت کرنے والوں کے خلاف کاروائی کے حکم کے بعد جھنگ میں پولیس اہلکاروں نے دہاڑیاں لگاناشروع کر دیںانٹر نیٹ کیفوں اور موبائل فونز میں رنگ ٹونز اور ویڈیوز بھرنے والوں کے خلاف دھڑا دھڑ چھاپے مارکر متعدد افراد گرفتار کیے گئے اُن میں سے جن افراد کے ساتھ پولیس کا مُک مکا ہو جاتااُنہیں چھوڑ دیا جاتا ہے جبکہ مُک مکا کی بھاری رقم ادا نہ کرنے والوں کے خلاف مقدمات درج کر کے کاروائی ظاہر کی جا رہی ہے ایسے پولیس افسران اور اہلکاروں میں چوکی مگھیانہ جھنگ کے انچارج رانا شکور اور سیکیورٹی برانچ کے امان اللہ سر فہرست ہیں ہفتہ کے روز مذکورہ اہلکاروں نے مین بازار جھنگ میں موجود متعدد موبائل اور سی ڈیز کی دکانوں پر چھاپہ مار کر کئی افراد کو گرفتار کیااُن میں سے جس نے بھاری نذرانے پیش کیے اُنہیں چھوڑ دیا گیا اور منہ مانگی رقم نہ دینے والے چھوٹے دوکانداروں پرجھوٹے مقد مات درج کر دیے گئے اور حراست میں لیے گئے اُن دوکانداروں کے کمپیوٹر میں جب کوئی خاطر خواہ فحش ویڈیوز نہ ملیں تو خود اُن کے کمپیوٹرز میں سٹیج ڈراموں کے فحش مُجرے ڈال دیے مقدمات درج کرنے کے بعد بھی رانا شکور ضمنیوں میں رعایت کرنے کے نام پر بھی رقم کا مطالبہ کرتا رہا۔یہاں یہ بات بھی قابل ذکر ہے کہ چوکی مگھیانہ کے علاقے میں دیگر سنگین نوعیت کے جرائم کھلے عام جاری ہیں عوامی و سماجی حلقوں نے آئی جی پنجاب پولیس کے اس حکم کو سراہا ہے لیکن اس حکم کی آڑ میں قانون کی دھجیاں اُڑانے والے پولیس ملازمین کے خلاف کاروائی کا بھی مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر ) تفصیلات کے مطابق ریسکیو 1122 کے گریڈ 11 سے 12 میں ترقی پانے والے اہلکار عمران آصف اور محمدعمر کو تمام افسران اور سٹاف نے مبارک باد دی اور اس کے ساتھ ساتھ ضلعی ایمرجنسی افیسر ڈاکٹر طارق سعید نے بیج لگائے اور نئی ذمہ دار یوں سونپ دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ ( ڈسٹرکٹ رپورٹر) سید حسن گیلانی صدر روٹری کلب جھنگ کی زیر صدارت ایک اسمبلی میٹنگ شکر گنج ہال میں منعقد ہوئی ۔جس میں روٹری کلب کے کثیر تعداد میں ممبران نے شرکت کی۔اسمبلی میٹنگ میں مختلف پروجیکٹ بارے معلومات لی گئی اوراس کو جلد جلد مکمل کرنے کے بارے میں کہا گیا۔ ضرورت مند اوردکھی انسانوں کی فلاح و بہود کا کام بھرپور انداز سے جاری رہے گا۔ماضی کی طرح آئندہ بھی روٹری کلب جھنگ اپنی بھرپور صلاحیتوں کو بروئے کار لاتے ہوئے اپنامشن جاری رکھے گی ۔ان خیالات کا اظہار روٹری کلب جھنگ کے صدر سید حسن گیلانی نے روٹری کلب جھنگ کی اسمبلی میٹنگ اجلاس سے خطاب کرتے ہوئے کیا ۔انہوںنے آنے والے نئے ممبران کو ویلکم کیااورروٹری کلب جھنگ کے مقاصد بارے آگاہ کیا ۔شکر گنج ہال میں ہونے والے اجلاس سے سینئر ممبران سید فیروز گیلانی ،واصف مجید،چوہدری یوسف ،مشتاق گجر ایڈوکیٹ ،،پروفیسر جمیل ،اورمقصود بھٹی صاحب نے خطاب کیا ۔پولیو کمیٹی لسٹریسی کمیٹی ،واٹر فلٹریکشن پلانٹ کمیٹی اوربلڈ ڈونر کمیٹی کے چیئر پرسن سے پروجیکٹ بارے آگاہی حاصل کی گئی ۔آخری میں سید حسن گیلانی نے کہا کہ روٹری کلب جھنگ سابقہ روایت کے مطابق انسانیت کی خدمت کرتی رہے گی۔
بھارت پاکستان کو اندرونی و بیرونی جارحیت کا نشانہ بنا رہا ہے‘ ایم آر پی
بدین ضلع کی تحصیل ٹنڈو باگو کی متعلقہ میونسپل ایڈمنشٹریشن، ٹی ایم اے میں کرپشن