جھنگ کی خبریں 1/8/2016

Commissor Meeting

Commissor Meeting

جھنگ (ڈسٹرکٹ رپورٹر) تمام فلڈ ریلیف سنٹرز پر ریسکیو کا عملہ تمام ضروری امدادی سامان کے ساتھ تعینات کرردیا گیا ہے ڈسٹر کٹ ایمرجنسی آفیسر ڈاکٹر طارق سعید نے میڈ یا کے نمائندوں سے بات کرتے ہوئے کہا کہ متوقع سیلاب کی آمد سے قبل ضلعی انتظامیہ کی جانب سے ضلع بھر میں 18فلڈ ریلیف کیمپ بنائے گئے اور تمام کے تمام کیمپوں کو فعال کردیا گیا ہے ان تمام کیمپوں میں دیگر محکموں کے عملہ کے ساتھ ہر سنٹر پر ریسکیو اہلکار بھی موجود ہیں اور ان کے پاس مکمل میڈیکل کٹ بھی موجود ہے اسکے علاوہ کسی بھی قسم کی متوقع سیلابی صورت حال سے نبٹنے کے لئے ریسکیوکے پاس 48کشتیاں 36اوبی ایمز،970لائف جیکٹس،117لائف رنگز ،4لائف لائنز،40ریسکیو بیگز، 15فرسٹ ایڈ کٹس،9سیفٹی ہارنیسز،9ایمبولنس،3فائر بریگیڈ اور ایک بوزر بھی موجود ہے ،کسی بھی علاقے میں متاثرہ افراد کے مدد کے لئے جیسے ہی ریسکیوکو کوئی کال موصو ل ہوگی فور طور پر ہر شہری کی مدد کے لئے ہر جگہ پہنچا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈویژنل کمشنرمومن آغا نے کہا ہے کہ عوامی فلاح وبہبود کے ترقیاتی منصوبوں کی پائیدار بنیادوں پرتکمیل کے لئے منظم اورٹھوس حکمت عملی پرعمل پیرا ہیں۔اس سلسلے میں ارکان اسمبلی کی مشاورت سے مطلوبہ اہداف حاصل کرنے میں کوئی کسر اٹھانہیں رکھی جائے گی۔انہوں نے یہ بات دورہ جھنگ کے دوران ڈی سی او آفس میں ڈسٹرکٹ کورآرڈنیشن کمیٹی کے اجلاس کی صدارت کرتے ہوئے کہی۔آر پی او بلال صدیق کمیانہ بھی ان کے ہمراہ تھے۔اس موقع پرڈی سی او غازی امان اللہ اورڈی پی او ہمایوںمسعود سندھو نے ترقیاتی امور،امن وامان کی صورت حال اور عوام کو تیزرفتار ریلیف کی فراہمی کے لئے محکمانہ امور میں جدت لانے کے اقدامات کے بارے میں بریفنگ دی۔اجلاس میں ارکان قومی وصوبائی اسمبلی شیخ محمداکرم،صاحبزادہ نذیر سلطان،راشدہ یعقوب،عون عباس،محمداعظم چیلہ،خالد غنی،محمدخاں بلوچ کے علاوہ سابق ایم پی اے امان اللہ خاں سیال اور مختلف محکموں کے افسران بھی موجود تھے۔ڈویژنل کمشنر نے کہا کہ ترقیاتی سکیموں میں عوامی ترجیحات کا خصوصی خیال رکھا جائے اور کوئی منصوبہ تعطل کا شکار نہیں ہونا چاہیے۔انہوں نے شہر میں نکاسی آب اور صفائی ستھرائی کے حوالے سے عوامی شکایات کو ترجیحی بنیادوں پر حل کرنے کی ضرورت پر زور دیا ۔کمشنر نے کہا کہ حکومتی پالیسیوں پر عملدرآمد کے سلسلے میں افسران کی ذمہ داریاں بڑی اہمیت کی حامل ہیں اورجہد مسلسل اورنیک نیتی سے محکمانہ فرائض انجام دینے میں کوئی کسرباقی نہیں رہنی چاہیے۔آر پی اوبلال صدیق کمیانہ نے کہا کہ امن وامان ترجیحات میں شامل ہے جسے برقرار رکھنے کے لئے پولیس کو ہمہ وقت الرٹ رکھا جائے اور عوام کی جان ومال کے تحفظ کے لئے کوئی کسر اٹھا نہ رکھیں۔ڈی سی اوغازی امان اللہ نے ترقیاتی منصوبوں اور انتظامی امور جبکہ ڈی پی او ہماریوں مسعودسندھو نے امن وامان کی موجودہ صورت حال کے بارے میں تفصیلی آگاہ کیا۔ارکان اسمبلی نے کہاکہ عوام کو ریلیف کی فراہمی کے سلسلے میں منتخب عوامی نمائندوں اورانتظامیہ کے مقاصد یکساں ہیں اورضلع کی تعمیر وترقی میں بھرپور تعاون جاری رکھا جائے گا۔انہوں نے بعض مسائل کی بھی نشاندہی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) جمعیت علماء اسلام پنجاب کے امیر مولانا قاری ڈاکٹر عتیق الرحمن صاحب مورخہ یکم اگست بروز سوموار بعد نماز ظہر جامع مسجد حافظ سلطان والی محلہ پنڈی جھنگ صدر میں جمعیت علماء اسلام جھنگ کی تحصیل و ضلعی مجالس عمومی وکار کنان سے خطاب فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) آزادی کشمیر کاسورج طلوع ہوتا جلد ساری دنیا دیکھے گی ۔یہ بات بہادر خان جھگڑ امیرجماعت اسلامی جھنگ نے ایک بیان میں کہی۔ انہوں نے کہا کہ مودی سرکار کو جان لینا چاہئے کہ سرینگر میں پاکستانی جھنڈوں کی بہار وہاں پر آزادی کا سورج طلوع ہونے کی نوید ہے۔اوچھے ہتھکنڈوں سے کشمیری عوام کی جدوجہد کو دبایا نہیں جاسکتا۔ انہوں نے مزید کہا کہ بھارتی حکمرانوں کا کشمیرکی آزادی کو ممکن نہ سمجھنا ان کی کم علمی اور بے بصیرت ہونے کا ثبوت ہے۔ انہوں نے کہا کہ جلد ساری دنیا آزادی کشمیر کاسورج طلوع ہوتا دیکھے گی۔ انہوں نے مزید کہا کہ بھارت لاتوں کا بھوت ہے ، باتوں سے نہیں مانے گا۔ پاکستا ن کشمیریوں کی زبانی حمایت سے ایک قدم آگے بڑھ کر کوشش کرے تو کشمیر کی آزادی ممکن ہوپائے گی۔ انہوں نے کہا کہ اقوام متحدہ کشمیریوں کو حق خودارادیت دلوانے میں اپنے اثرورسوخ کا مظاہرہ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ایڈوائزر وفاقی محتسب رانا نصیر احمد کی فیسکودفتر میں کھلی کچہری سائلین کے مسائل سنے ایڈ وائزوفاقی محتسب رانا نصیر احمد نے گزشتہ روز فیسکوکے دفتر میں ایک کھلی کچہرئی لگائی اس دوران ان کے ہمراہ پاکستان بیت المال ضلعی افسررانا شاہد سرور بھی موجود تھے ۔کھلی کچہری میں انہوں نے وفاقی محکموں کے خلاف شہریوں کے شکایات سنیں اور ان کے ازالے کے لئے احکامات جاری کئے اس موقع پر انہوں نے کھلی کچہری میں موجود تمام وفاقی محکموں کے افسران کو ہدایات جاری کیں کہ تمام شہریوں کی شکایات کو فوری طور پر حل کیا جائے اورانہیں ریلیف فراہم کرنے میں کسی قسم کی کوئی کوتاہی نہ برتی جائے۔ کھلی کچہری کے اختتام پررانانصیراحمد نے ایک نابینا سائل کو بیت المال فنڈ میںسے دس ہزارروپے کا امدادی کا چیک بھی دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) تحریک کشمیر سے بھارتی ایوان لرزنے لگے ۔پاکستان کے خلاف الزام تراشیاں کسی کام نہیں آئیں گی۔ ان خیالات کا اظہار منشا جھنگوی ضلعی رہنما دفاع پاکستان کونسل جھنگ و جماعة الدعوة جھنگ نے کیا۔ انہوں نے حکومت وقت سے مطالبہ کرتے ہوئے کہا کہ کشمیریوں کی کھل کر حمایت کی جائے ۔انہوں نے کہا کہ مودی سرکار کو نہتے کشمیریوں پرظلم کرتے ہوئے شرم آنی چاہئے انہوں نے کہا کہ بھارتی وزیر بوکھلاہٹ کاشکار ہیں اور تحریک آزادی کشمیر کومضبوط ہوتا دیکھ کر بھارتی ایوانوں میں لرزہ طاری ہوگیا ہے ۔۔ اس موقع پر صبغت اللہ چوہان نے حکومت پاکستان سے اپیل کی کہ وہ کشمیریوں کا وکیل ہونے کا حق ادا کرے اور کھل کر کشمیریوں کی مدد کرے۔ انہوں نے مزید کہا کہ بھارتی وزراء کی پاکستان پرالزام تراشیاں ان کے کام نہیں آئیں گی۔