جہلم کی خبریں 11/5/2016

Posted on May 11, 2016 By Majid Khan سٹی نیوز

جہلم (ڈاکٹر مظہر مشر) ڈی سی او جہلم اقبال حسین خان نے کہا ہے کہ اشیائے خوردونوش میں ملاوٹ کے خاتمہ اور قیمتوں کے مناسب کنٹرول کیلئے تما م فوڈ انسپکٹرز اور پرائس مجسٹریٹس کی انفرادی کارکردگی کا جائزہ لیا جائے گا اور غفلت اور عدم دلچسپی کسی بھی صورت برداشت نہیں کی جائے گی ۔ انہوںنے کہاکہ تمام اسسٹنٹ کمشنرز روزا نہ صبح ذبیحہ خانوں کے دورے کریں ، گوشت کی کوالٹی چیک کریں اورروزانہ کی بنیاد پر اپنی کاکردگی کے بارے میں ڈی سی او آفس کو مطلع کریں ۔ان خیالات کا اظہار انہوں نے ڈی سی او آفس کمیٹی روم میں ملاوٹ کی روک تھام اور پرائس کنٹرول کے حوالے سے منعقدہ اجلاس کی صدارت کرتے ہوئے کیا۔ اے ڈی سی عمران رضا عباسی، اسسٹنٹ کمشنر دینہ چوہدری محمد اشرف، اسسٹنٹ کمشنر پنڈدانخان چوہدری محمد اشرف گجر، ای ڈی او ہیلتھ ڈاکٹر آصف علی خان اور ڈسٹرکٹ فوڈ کنٹرولر ملک حق نواز بھی اجلاس میں موجود تھے۔ ڈی سی او اقبال حسین خان نے کہاکہ مقر ر کردہ نرخوں سے زائد وصول کرنے والے دکانداروںاور پیور فوڈ آرڈیننس کی خلاف ورزی کرنے والوں کے خلاف سخت قانونی کاروائی عمل میں لائے جا ئے تاکہ شہریوں کو محفوظ خوراک کی فراہمی یقینی بنائی جا سکے ۔ انہوں نے کہاکہ غیر قانونی ذبیحہ خانوں اور مضر صحت گوشت فروخت کرنے والوں پر کڑی نظر رکھی جائے اور اطلاع پر فوری کاروائی عمل میں لائی جائے ۔ انہوںنے کہاکہ غیر قانونی ذبیحہ خانوں اور مضر صحت گوشت کی فروحت کسی صورت برداشت نہیں کی جائے گی۔ اس موقع پر اجلاس کو بتایا گیا کہ محکمہ صحت کے فوڈ انسپکٹرز نے جنوری سے اپریل 2016 تک مجموعی طور پر 4348 چھاپے مارے، خوراک کے 358 نمونے اکٹھے کئے، 282 دکانداروں پر 6 لاکھ، 48 ہزار اور 500 روپے جرمانہ عائد کیا ، 23 ایف آئی آرز درج کیں اور 52 دکانوں کو سربمہر کیا۔ ماہ جنوری سے اپریل تک ڈسٹرکٹ فوڈ انسپکٹر نے مضر صحت آٹا کی فروخت پردو فلور ملز کو پندرہ روز کیلئے سربمہر کیا اور 18,000 روپے جرمانہ عائد کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(ڈاکٹر مظہر مشر) دنیا بھر اور پاکستان میں ہونے والے شدید احتجاج کو خاطر میں نہ لاتے ہوئے بنگلہ دیش کی بھارت نواز کٹھ پتلی حکومت نے امیر جماعت اسلامی بنگلہ دیش مولانا مطیع الرحمن نظامی کو پاکستان سے محبت کی پاداش میں تختہ دار پر لٹکا دیا جس کی جتنی بھی مذمت کی جائے کم ہے ، ان خیالات کا اظہار امیر جماعت اسلامی ضلع جہلم ملک عرفان حیدر نے اپنے ایک اخباری بیان میں کیا ، انہوںنے کہا کہ پھانسی پانے والے مولانا مطیع الرحمن نظامی اور ملا مجاہد کا قصور صرف یہ ہے کہ انہوںنے 1971ء میں پاکستان کی حمایت کیوں کی تھی ، ملک عرفان حیدر نے کہا کہ مقام حیرت ہے کہ 1971ء میں جب ابھی بنگلہ دیش معرض وجود میں نہیں آیا تھا تو اس وقت جماعت اسلامی کے قائدین پاک فوج کے شانہ بشانہ انڈین آرمی اور مکتی باہنی سے لڑتے رہے ، لیکن ان تمام حالات کے بعد جب بنگلہ دیش معرض وجود میں آ گیا تو جماعت کے قائدین نے بھی اسے تسلیم کیا اور اس کا واضح ثبوت اُن کا بنگلہ دیشی آئین کے تحت انتخابات میں حصہ لینا تھا جس میں وہ نہ صرف بنگلہ دیشی پارلیمنٹ کے رکن بنے بلکہ متعدد بار فاقی وزیر بھی رہے ، اس تمام صورتحال کے بعد اب 45سال بعد ان پر متنازعہ اور نام نہاد ٹریبونل کے ذریعے جنگی جرائم کے حوالے سے کیسز چلانا اور سزائیں دینا سمجھ سے بالا تر ہے کہ حسینہ واجد یہ سب کر کے کس کو خوش کرنا چاہ رہی ہیں ۔ انہوں نے مولانا مطیع الرحمن نظامی کو ان کی خدمات کے پیش نظر زبردست خراج تحسین پیش کرتے ہوئے کہا کہ اس تمام ظلم و ستم کے باوجود بھی انہوںنے اپنے آخری پیغام میں بنگلہ دیشی عوام کو پر امن رہنے اور ہنگامی آرائی نہ کرنے کی تلقین کی جو ان کی بنگلہ دیش سے محبت کا منہ بولتا ثبوت ہے ، انہوں نے کہ جماعت اسلامی بنگلہ دیش کے قائدین کا خون رائیگا ںنہیںجائیگا بلکہ بنگلہ دیش میں اسلامی انقلاب کا پیش خیمہ ثابت ہوگا ،۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر ) سجاد الحسن ای ایس ٹی انگلش ٹیچر گورنمنٹ ہائی سکول چوٹالہ نے سہیل ناصر کو ڈسٹرکٹ لٹریسی آفیسر جہلم تعینات ہونے اور چارج لینے پر دلی مبارکباد دیتے ہوئے کہا کہ ان کی تعیناتی محکمہ تعلیم کی مزید بہتری کا باعث ہوگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) پیپلز لیبر بیورو ضلع جہلم کا اہم اجلاس ، یوسف رضا گیلانی کے بیٹے کی رہائی پر اظہار تشکر۔ تفصیلات کے مطابق گزشتہ روز پیپلز لیبر بیورو ضلع جہلم کا اجلاس زیر صدارت مرزا ستار بیگ لاہور موڑ ضلعی دفتر منعقد ہوا ، اجلاس میں چوہدری ظفر اقبال سینئر نائب صدر ، عارف بٹ جنرل سیکرٹری ، چوہدری وحید احمد تحصیل صدر ، زاہد محمود سینئر نائب صدر ، مظہر اقبال اور دیگر نے شرکت کی ، اجلاس میں سابق وزیر اعظم پاکستان سید یوسف رضا گیلانی کے صاحبزادے علی گیلانی کی رہائی پر انتہائی خوشی کا اظہار کیا گیا ، مٹھائی بھی تقسیم ہوئی اور اظہار تشکر بھی کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(بیورورپورٹ) پریس کلب جہلم (رجسٹرڈ) کا ایک تعزیتی اجلاس زیر صدارت ڈاکٹر مظہر اقبال مشر منعقد ہوا ، اجلاس میں کثیر تعداد میں عہدیداران و ممبران نے شرکت کی ، اجلاس میں سینئر صحافی و جنرل سیکرٹری ڈویژنل یونین آف جرنلسٹ راولپنڈی خواجہ بابر سلیم آف چکوال کی والدہ مرحومہ کی وفات پر گہرے دکھ اور غم کا اظہار کیا گیا ، اس موقع پر مرحومہ کی روح کے ایصال ثواب کیلئے فاتحہ بھی کی گئی اوردعا کی گئی کہ خدا وندکریم مرحومہ کو اپنی جواررحمت میں جگہ عطا فرمائے ۔خواجہ بابر سلیم اور ان کے اہل خانہ کو یہ عظیم صدمہ برادشت کرنے کی تو فیق دے (آمین)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) جلسہ شب برات معراج النبیۖ آج بعد از نماز عشاء بروز جمعرات جامع مسجد بسم اللہ نزد پاسپورٹ آفس مجاہد آباد منعقد ہوگا ، حضرت علامہ محمد فیاض بشیر قادری منہاج القرآن یونیورسٹی لاہور خصوصی خطاب فرمائیں گے ، جلسہ میں پروفیسر محمد سلیم چوہدری اور چوہدری جہانگیر احمد مہمان خصوصی جبکہ ڈاکٹر ملک حفیظ الرحمن نورانی صدارت فرمائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر مظہر مشر
جہلم
تاریخ۔11.05-16