جہلم ( ڈاکٹر مظہر مشر) ملک بھر کی طرح جہلم شہر میں بھی جشن عید میلاد النبیۖ نہایت عقیدت و اخترام سے منایا گیا ، مختلف محلوں اور علاقوں سے جلوس شاندار چوک میں اکٹھے ہوئے جہاں وہ ایک بڑے جلوس کی شکل میں شہر سے ہوتے ہوئے سلیمان پارس کی طرف روانہ ہوئے ، جگہ جگہ نعت خوانوں نے جلوس کے دوران رسول اکرمۖ کی شان میں خوبصورت گلہائے عقیدت نچھاور کئے ، جبکہ اس موقع پر علمائے کرام نے حضرت محمد ۖ کی سوانح حیات اور ولادت با سعادت بیان کی ، جسے سن کر مسلمانان اسلام کے دل مذہبی جوش سے جگمگا اٹھے ، ریلی اور جلوس مختلف محلوں اور علاقوں سے ہوتے ہوئے شاندار چوک کے مقام پر اکٹھے ہوئے جو کہ ایک بڑے جلوس کی شکل اختیار کر گیا، جلوس کے راستوں پر دودھ کی سبیلیں ، بریانی چاول و دیگر اشیاء کھانے پینے کیلئے رکھی گئی تھیں ، علمائے کرام نے حضور پاک ۖ کی شان بیان کرنے کے ساتھ ساتھ دنیا بھر کے مسلمانوں کے علاوہ ملک پاکستان کی سلامتی کیلئے بھی خصوصی دعائیں کیں ۔ڈی پی او مجاہد اکبر خان نے کسی بھی ناخوشگوار واقعہ سے نمٹنے کیلئے پولیس کے چاک و چوبند دستے تعینات کئے تھے ،جن کی سیکورٹی کی بناء پر کوئی بھی ناخوشگوار واقعہ رونما نہ ہوسکا ، آخر میں جلوس اپنے مقررہ مقامات پر اختتام پذیر ہوگئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( مرزا فیاض اشرف) پریس کلب جہلم کا تعزیتی اجلاس ، روزنامہ انصاف انٹرنیشنل کے سرکولیشن منیجر کی وفات پر گہرے دکھ اور غم کا اظہار۔تفصیلات کے مطابق پریس کلب جہلم (رجسٹرڈ) کا اجلاس زیر صدارت ڈاکٹر مظہر مشر منعقد ہوا ، اجلاس میں سرکولیشن منیجر روزنامہ انصاف انٹرنیشنل اسلام آباد عمران مغل کی ایکسیڈنٹ کے نتیجے میں جان بحق ہونے پر دلی دکھ اور غم کا اظہار کرتے ہوئے بڑا سانحہ قرار دیا ہے ، اجلاس میںظفر ڈار،حفیظ اللہ بٹ ،ندیم ساجد مغل ،چوہدری راشد محمود،ریاض احمد مغل ،مرزا فیاض اشرف ، اشفاق حیدر ، سید رضا عباس و دیگر شامل تھے، اجلاس میں کہا گیا کہ مرحوم نہایت ہی فرض شناس ، ایماندار تھے ، کافی عرصہ سے اپنے ادارے کے ساتھ وابستہ تھے ، ان کی وفات جہلم کے صحافیوں کیلئے بڑا دھچکہ ثابت ہوا ہے ، پریس کلب جہلم روزنامہ انصاف انٹرنیشنل کی انٹطامیہ اور عمران مغل (مرحوم) کے اہل خانہ کے غم میں برابر کا شریک ہے،ہم دعا گو ہیںکہ خداو ندکریم مرحوم کو اپنی جواررحمت میںجگہ عطا فرمائے اور لواحقین کو صبر جمیل بخشے(آمین) ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) یوم قائداعظم حضرت محمد علی جناح کے یوم پیدا ئش پر جہلم میں آج کئی تقریبات منعقد ہوں گی ،جناح جرنلسٹ فورم جہلم کے زیر اہتمام ” قائد کا پاکستان ” کے عنوان سے الفلاح مرکز میں پروگرام ہوگا ، اس کے علاوہ تنظیم مغلیہ جہلم دینہ میں ،المرکز میں بھی قائد کے حوالے سے تقریبات منعقد ہوں غَٰ
َََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) ممبر کنٹونمنٹ بورڈ آسٹن پرویز کی طرف سے کرسمس کی آمد کی خوشی میں تمام کرسچئن سٹاف کو کھانے کی دعوت ، کنٹونمنٹ بورڈ کے دیگر سٹاف کی بھی شرکت ، تفصیلات کے مطابق گزشتہ روز ممبر کنٹونمنٹ بورڈ آسٹن پرویز نے کرسمس کی آمد کی خوشی میں کنٹونمنٹ بورڈ میں ملازم تمام کرسچئن سٹاف کو اپنی طرف سے کھانے کی دعوت دی ، اس دعوت میں کنٹونمنٹ بورڈ کے ملازمین کے علاوہ دیگر افسران نے بھی شرکت کی ، کھانے کی اس دعوت کے اہتمام میں ممبر کنٹونمنٹ بورڈ عمران بشیر وائیں، وائس چیئرمین راجہ واجد محمود ، کمانڈنگ آفیسر کنٹونمنٹ بورڈ (سی او )کے علاوہ چیئرمین کنٹونمنٹ بورڈ سٹیشن کمانڈر سعید ظفر ڈار نے آسٹن پرویز کے ساتھ مکمل تعاون کیا ، اس موقع پر آسٹن پرویز نے اپنے بیان میں کہا کہ ہم مسیحی برادری اپنے تمام افسران کا تہہ دل سے مشکور ہیں کہ انہوں نے ہماری خوشیوں میں سا تھ دیا ،انہوں نے مزید کہا کہہم ضلعی حکومت کے بھی مشکور ہیںکہ انہوں نے کرسمس کے موقع پر ”سستا بازار”لگا کر مسیحی برادری کی خوشیوں کو دوبالا کیا، ہم مسیحی برادری دعا گو ہیں کہ ملک پاکستان میں امن کا قیام ہو اور دہشت گردی کے خاتمے کیلئے دعائوں کے وسیلہ سے خدا اپنی نظر کرم فرمائے ، انہوں نے تمام اہل وطن کو ہیپی کرسمس اور نئے سال کی مبارک بھی دی۔آسٹن پرویز نے اس موقع پر چوبیس کی رات کو کیک کاٹنے کی تقریب کیلئے عمران بشیر وائیں کو مدعو کیا۔
قائد اعظم محمد علی جناح پاکستانی عوام کے ہیرو ہیں۔صدیق شیرازی
گلیانہ اور گرد و نواح میں سردی کی شدید لہر نے لوگوں کو گھروں میں محصور کر دیا