جہلم (ڈاکٹر مظہر مشر) ہومیو پیتھک کالج جہلم میں تعذیتی اجلاس ، ڈاکٹر وحید راجہ کی اہلیہ کی وفات پر اظہار تعذیت و دعائیہ کلمات۔تفصیلات کے مطابق گزشتہ روز جہلم ہومیو پیتھک میڈیکل کالج جہلم میں گزشتہ روز ایک تعزیتی اجلاس زیر صدارت پرنسپل ڈاکٹر ذوالفقار علی چوہدری منعقد ہوا ، اجلاس میں سابق لیکچرار ڈاکٹر وحید راجہ آف کھاریاں کینٹ کی اہلیہ کی وفات پر گہرے دکھ اور افسوس کا اظہار کیا گیا ، اس موقع پر مرحومہ کی روح کے ایصال ثواب کیلئے خصوصی دعا بھی کی گئی ، تعزیتی اجلاس میں ڈاکٹر ذوالفقار علی چوہدری ، ڈاکٹر صفدر برلاس ، ڈاکٹر محمد شبیر ، ڈاکٹر عثمان انجم ، ڈاکٹرصنور حسین، افتخار احمد ، غضنفر علی اور دیگر سٹاف شامل تھے ، اجلاس میں کہا گیا کہ ڈاکٹر وحید راجہ کی غم کی اس گھڑی میں ہم برابر کے شریک ہیں۔
شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(ڈاکٹر مظہر مشر) رانا محمد رفیق کے فرزند رانا عقیل احمد صدر آزاد کشمیر کے مشیر نامزد ، مختلف مکاتب فکر سے تعلق رکھنے والے افراد کی طرف سے مبارکباد ، کشمیری مہاجرین میں خوشی کی لہر ، مٹھائیاں بھی تقسیم کی گئیں۔ تفصیلات کے مطابق ضلع جہلم میں کشمیری مہاجرین کی بڑی تعداد رہائش پذیر ہے ، جن کو آئے روزمختلف مسائل کا سامنا رہتا تھا ،مظفر آباد جانے کیلئے بھی دشوار تھا ، کشمیری مہاجرین کی ضروریات کو مدنظر رکھتے ہوئے صدر آزاد کشمیر سردار یعقوب خان نے جہلم کے نوجوان راناعقیل احمد کو اپنا مشیر نامزد کر دیا ہے ، ان کی نامزدی کا اعلان ہوتے ہی جہلم شہر میں جشن کا سا سماں بندھ گیا ، لوگوں نے مٹھائیاں تقسیم کیں ،ایک دوسرے کو گلے ملے اور مبارکباد بھی دیں ، میڈیا سے گفتگو کرتے ہوئے معروف کالم نگار ریاض احمد مغل ، ڈاکٹر عاطف جواد ، سعادت شفیق ، فیصل شفیق اور رضا شفیق نے کہا کہ ہم صدر آزادکشمیر کے انتہائی ممنون و مشکور ہیں کہ انہوں نے رانا عقیل کو اپنا مشیر مقرر کیا ہے ، یقینا ان کی نامزدگی سے جہلم میں بسنے والے کشمیری بھائیوں کی مشکلات حل ہوں گی ، اب انہیں اپنے کاموں کیلئے مظفر آباد جیسے کئی میلوں دور کا سفر طے نہیں کرنا پڑے گا ۔ رانا عقیل احمد کے مشیر بننے پر شہریوں کی بڑی تعدادنے مشین محلہ نمبر3جہلم میں ان کے عزیز راجہ ظفر کے گھر پہنچ کر انہیں مبارک باد دی اور نیک خواہشات کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(ڈاکٹر مظہر مشر) لاکھوں نفوس آبادی کا واحد ڈسٹرکٹ ہیڈ کوارٹر ہسپتال سرجن سے محروم ،سینکڑوں مریض آپریشن کیلئے منتظر ،کئی ایک آپریشن نہ ہونے سے موت کے دہانے پر، وزیراعلیٰ پنجاب سے فوری نوٹس کا مطالبہ۔ تفصیلات کے مطابق جہلم شہر میں ضلع کا واحد ڈسٹرکٹ ہیڈ کواٹر ہسپتال جہاں روزانہ سینکڑوں کی تعداد میں مریض آتے ہیں ، ان مریضوں کی بڑی تعداد ایسے امراض میں مبتلا ہوتی ہے کہ جن کے فوری آپریشن ہونے سے ہی وہ زندگی کی ڈگر پر چل سکتے ہیں ، مگر پچھلے تقریباً ایک ماہ سے سرجیکل سپیشلسٹ کی سیٹ خالی ہے ، سابق سرجن ڈاکٹر شاہد سہیل ریٹائرڈ ہوچکے ہیں ،ان کی جگہ ابھی تک کوئی بھی سرجن تعینات نہیں ہوسکا ہے ، جس سے دوردراز علاقوں سے روزانہ سینکڑوں کی تعداد میں مریض آتے ہیں مگر وہ سب ابھی تک سرجن کے انتظار میں بستر پر پڑے ہیں ، ان میں کئی مریض ایسے بھی ہیں جو کہ آپریشن نہ ہونے کی وجہ سے موت کے دہانے پر پہنچ چکے ہیں ، شہریوں نے وزیراعلیٰ پنجاب میاں شہباز شریف سے مطالبہ کیا ہے کہ وہ فوری طور پر جہلم میں سرجیکل سپیشلسٹ کی تعینا تی کے احکامات جاری کریں تا کہ لوگوں کو فائدہ مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(ڈاکٹر مظہر مشر) دریائے جہلم میں بیلا پلی کے مقام پر ریسکیو1122 کے زیر اہتمام سیلاب سے نمٹنے اور ایمرجنسی رسپانس کی حکمت عملی کا جائزہ لینے کیلئے آزمائشی مشق کا انعقاد کیا گیا جس میں ضلع جہلم سمیت سات اضلاع کی ٹیموں نے شرکت کی۔مشقوں کا مقصد ریسکیو 1122 کی ٹیموں کی استعداد کار کا جائزہ لینا تھا۔ مشق میں جہلم کے علاوہ راولپنڈی، گوجرنوالہ، گجرات، سیالکوٹ، خافظ آباد اور منڈی بہائوالدین کی ریسکیو ٹیموں نے شرکت کی۔ ڈائریکٹر جنرل ریسکیو 1122 برگیڈئر (ر) ڈاکٹر ارشد ضیائ، ضلعی انتظامیہ جہلم کی نمائندگی کرتے ہوئے اے ڈی سی عمران رضا عباسی اور اسسٹنٹ کمشنر دینہ چوہدری محمد اشرف نے مشق کو دیکھا اور ان میں شرکت کرنے والی ٹیموں کی استعداد کار اور صلاحیتوں کو سراہا۔ مشق میں سیلاب کے دوران پانی میں پھنسے ہوئے افراد کو بچانے ، زخمیوں کو پانی سے نکالنے اور ابتدائی طبی امداد ، اور ریسکیو میں استعما ل ہونیوالے ساما ن کو عملی طور پر استعمال کیا گیا۔مشق میں فرضی طور پر منگلا ڈیم میں پانی کا لیول تین لاکھ کیوسک کے بعد سیلابی صورتحال کے پیش نظر وارننگ جاری کر دی گئی۔ جس کے پیش نظر ڈسٹرکٹ ایمرجنسی آفیسر جہلم ڈاکٹر فیصل محمود نے فرضی طور دیگر اضلاع سے فوری ایمرجنسی ٹیموں کی اپیل کی ۔ سیلاب سے بچائے گے افراد کو دریا کناے بنائے گے فرضی میڈیکل اور نفساتی امداد کے کیمپوں میں امداد پہنچانے کا بھی مظاہر کیا گیا۔مشق اختتام پر ڈائریکٹر جنرل ریسکیو 1122 برگیڈئر (ر) ڈاکٹر ارشد ضیا اور اے ڈی سی جہلم عمران رضا عباسی نے بہترین کاکردگی کا مظاہر کرنیوالے ریسکیو اہلکاروں میں شیلڈیں اور تعریفی اسناد تقسیم کیں۔
گری کی آمد کے ساتھ ہی بجلی کی ظالمانہ لوڈ شیڈنگ عوام بلبلا اٹھے
جھنگ کی خبریں 9/5/2016