جہلم (ڈاکٹر مظہر مش) ضلع جہلم میں بصارت سے محروم افراد کی ایسوسی ایشن کا قیام،عمران حیدر صدر جبکہ چوہدری نذیر احمد جنرل سیکرٹری مقرر۔تفصیلات کے مطابق گزشتہ روز ضلع جہلم میں بصارت سے محروم افراد نے پہلی مرتبہ ایک ایسی ایسوسی ایشن کا قیام عمل میں لایا ہے کنوینر و جنرل سیکرٹری چوہدری نذیر احمد نے بتایا کہ اس کا مقصد ضلع جہلم میں نابینا افراد کو منظم کرنا ، تحصیل سطح سے لیکر صوبائی لیول تک روابط کا قیام ،سماجی ، مذہبی ، تعلیمی اور اقتصادی مشکلات کے حل کے علاوہ نابینا افراد کو نوکریاں دلوانا ہے ، انہوں نے بتایا کہ اس ایسوسی ایشن کا نام ” پاکستان انجمن برائے محروم بصارت ” ہے ۔ انہوںنے بتایا کہ گزشتہ روز کے پہلے اجلاس میں اتفاق رائے سے عمران حیدر صدر ، شہزاد احمد نائب صدر ، نذیر احمد جنرل سیکرٹری و کنوینر، شمس الدین احمد بٹ جائنٹ سیکرٹری ، شازیہ پروین فنانس سیکرٹری اور مظہر اقبال پریس سیکرٹری کا چنائو کیا گیا ہے جبکہ ممبران مجلس عاملہ میں حافظ عبدالغنی ، عادم اکرام ، شیراز عارف اور مرزا ولید احمد شامل ہونگے ۔
جہلم( ڈاکٹر مظہر مشر) بلدیاتی انتخابات کے بعد حلف لینے کی تقریب میں منتخب عوامی نمائندوں نکی طرف سے اختیارات کا استعمال ، ٹھیکیدار نے تمام راستے کو سجایا مگر کسی نے بھی پزیرائی نہ کی، جنہوں نے دس روپے کا حق ادا نہیں کیا وہ آئندہ کیسے انصاف کریگا،تفصیلات کے مطابق گزشتہ روز جب حکومت کی طرف سے چیئرمین ، وائس چیئرمین اور کونسلرز کیلئے حلف کے احکامات دیئے گئے تو تمام منتخب عوامی نمائندوں نے خوب تیاری کے ساتھ ضلع کونسل ہال میں شرکت کی اور حلف بھی اٹھایا مگر جب میڈیا کے نمائندے وہاں پہنچے تو سائیکل موٹر سائیکل اور کار سٹینڈ کے ٹھیکیدار نے بتایا کہ میں نے علی الصبح عوامی نمائندوں کو خو ش آمدید کہنے کیلئے کچہری احاطے کو سجایا ، مگر جب تمام عوامی نمائندے حلف تقریب میں شرکت کیلئے آئے تو کسی نے بھی سائیکل ،موٹر سائیکل اور کارسٹینڈ پر تعینات ملازمین کو ٹول ٹیکس نہ دیا ، ٹھیکیدار کا کہنا تھا کہ کتنے افسوس کی بات ہے کہ جو عوامی نمائندے لوگوں کو انصاف کیلئے دعوے کرتے ہیں انہوں نے اپنی پہلی تقریب میں ہی اپنی طاقت کا استعمال کرکے ٹول ٹیکس ادا نہ کیا ،انہوں نے کہا کہ ان لوگوں سے مزید کیا توقع کی جاسکتی ہے کہ وہ عوام کو فائدہ پہنچائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) بانی پاکستان نے ایک موقع پر کہا تھا کہ عوامی رائے کبھی غلطی پر نہیں ہوتی ، ان خیالات کا اظہار لائف ٹائم اچیومنٹ ایوارڈ یافتہ شاعر ، ادیب منیر جہلمی نے ایک بیان میں کیا ، انہوں نے مزید کہا کہ کلاس نرسری تا جمعت دہم تک نصاب انہی کلاسیں کو پڑھانے والے اساتذہ کرام سے مرتب کرایا جائے تو بہتر نتائج برآمد ہونگے ، معلوم ہوتا ہے کہ اعلیٰ تعلیم یافتہ لوگ نصاب مرتب کرتے ہیں جو اپنی قابلیت ظاہر کرتے ہیں اور بچوں کا خیال نہیں کرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) ہومیوپیتھک ڈاکٹر سید شفقت حسین جعفری ایک منجھے ہوئے اور باصلاحیت معالج تھے ، انہوں نے ساری زندگی خلق خدا کی خدمت اور ہومیو پیتھک طریقہ علاج کی ترقی و ترویج میں گذار دی ، ان کی وفات یقیناً ہومیو پیتھی کیلئے بہت بڑا نقصان ہے ، ان خیالات کا اظہار پرنسپل جہلم ہومیو پیتھک میڈیکل کالج جہلم ڈاکٹرذوالفقار علی چوہدری نے اپنی ایک تعزیتی بیان میں کیا، انہوں نے کہا کہ مرحوم ہومیو پیتھک معالجین اور طلباء کیلئے ایک درسگاہ کی حیثیت رکھتے تھے، دعا ہے کہ خدا وندکریم مرحوم کو اپنی جواررحمت میں جگہ عطا فرمائے اور لواحقین کوصبر جمیل بخشے(آمین)۔
بھمبر کی خبریں چوہدری خالد حسین سے 15/01/2016
پاکستان کا مستقبل لبرل بنانے کی سازشیں کبھی کامیاب نہیں ہوں گی، مفتی محمد نعیم