پنڈدادنخان (سلیمان شہباز+عدنان یونس سے) ڈسٹرکٹ اینڈ سیشن جج جہلم محمد یوسف اوجلہ، ڈسٹرکٹ اینڈ سیشن جج چکوال مشتاق احمد تارڑ اور سپرنٹنڈنٹ جیل وحید احمد چوہدری نے ڈسٹرکٹ جیل جہلم کا دورہ کیا۔ جیل کے دورہ کے دوران قیدیوں کے مسائل سنے او ران کے فوری حل کرنے کے لئے احکامات جاری کئے ، جیل میں سیکورٹی اور کھانے کے معیار کو تسلی بخش پایا۔ اس موقع پر دونوں جج صاحبان نے شجر کاری کو فروغ دینے کے لئے جیل میں پودے لگائے اور قیدیوں کی فلاح کے لئے اٹھائے جانے والے اقدامات اور صفائی کے معیار کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنڈدادنخان (سلیمان شہباز+عدنان یونس سے) ملکی مفاد کے لیے تمام سیاسی جماعتوں کو مل بیٹھ کر رد الفساد کی مکمل حمایت کرنی چاہیے تاکہ ملک دشمن عنا صر کیفر کردارتک پہنچیںنسلی تعصب کے بیانوں سے دہشت گردوں کو تقویت ملے گی ملکی سلامتی کے لیے پاک افواج کے شانہ بشانہ کھڑے ہیں ملک عرفان اعجاز مسلم لیگی رہنما آف کھیوڑہ تفصیلات کے مطابق مسلم لیگ ن کے معروف رہنما ملک عرفان اعجاز نے صحافیوں سے گفتگو کرتے ہوئے کہا ہے کہ وزیر اعظم میاں نواز شریف نے سی پیک جیسے تاریخی منصوبے شروع کر کے ایک خوشحال پاکستان کے لیے عملی کام شروع کر دیا ہے۔جس کی وجہ سے ہمارا ازلی دشمن بھارت اوچھے ہتھکنڈوں پر اتر آیا ہے۔لیکن ہمارے ملکی سلامتی کے ادارے اور حکومت ہر سازش کو ناکام بنائیں گے۔قومی سیاسی جماعتوں کے رہنمائوں کو سوچ سمجھ کر بیان دینے چاہیے ایسے بیان نہ دیں جن سے دہشت گردوں کو تقویت ملے۔ہماری بہادر افواج اور ملکی سلامتی کے تمام ادارے دہشت گردوں کو ان کے انجام تک پہنچاہیں گے۔تحصیل پنڈدادنخان کے تمام بنیادی مسائل سے اعلے قیادت آگاہ ہے اور ان مسائل کے حل کے لیے عملی طور پر فوری اقدامات اٹھائے جا رئیے ہیں۔کھیوڑہ شہر میں پینے کے صاف پانی کے لیے دن رات کام جاری ہے اور مین سٹرک کا جو باقی حصہ رہ گیا ہے اس کا کام بھی بہت جلد شروع ہو جائے گا۔ہم نے جو وعدے عوام سے کیے تھے ان کے تکمیل کے لیے اپنی قیادت سے مسلسل کوشش کر رہے ہیں۔ہماری پوری کوشش ہے کہ کھیوڑہ کو ماڈل سٹی قرار دیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنڈدادنخان (سلیمان شہباز +عدنان یونس سے) حکومت پنجا ب کی ہدایات کے مطابق فن اور ثقافت کے فروغ کیلئے ان شعبہ جات سے وابستہ ضلع جہلم سے تعلق رکھنے والے فنکاروں کی رجسٹریشن کا آغاز کر دیا گیا ہے ،رجسٹریشن کے بعد متعلقہ ڈو یژن راولپنڈی کے فنکاروں کونقدی انعامات سے نوازہ جائے گا۔ دریں اثنا ڈسٹرکٹ انفارمیشن آفیسر عثمان احمد سندھو نے ضلع جہلم سے تعلق رکھنے والے فلم، ٹیلی وژن، ریڈیو، تھیٹر، موسیقی،مجسمہ سازی، پینٹنگ،ڈانس، خطاطی اور ان جیسے دیگر شعبہ جات سے وابستہ فنکاروں سے کہا ہے کہ وہ رجسٹریشن فارم کے حصول کے لئے فوری طور پر ڈسٹرکٹ انفارمیشن آفس سول لائن روڈ ، نزد نادرا دفتر جہلم ، فون نمبر0544-276346 پر رابطہ کریں۔ رجسٹریشن کا عمل09 مارچ 2017 تک جاری رہے گا۔ تمام آرٹسٹ حضرات حکومتی اطلاع کے مطابق ترتیب دی جانے والی فہرستوں میں اپنا اندراج یقینی بنائیں تا کہ آئندہ آنے والی سہولیات کا بھرپور فائدہ اٹھایا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنڈدادنخان (سلیمان شہباز +عدنان یونس سے) ڈپٹی کمشنر جہلم اقبال حسین خان کی ہدایت پر اے ڈی سی ر ا حمر نائک نے ڈی سی آفس کمیٹی روم میں وومن ڈے کے حوالے سے متعلقہ حکام کو تفصیلی بریفنگ دی۔ اس موقع پر احمرنائک کا کہنا تھا کے خواتین کسی بھی معاشرے کا اہم جز ہونے ساتھ ساتھ سوشل سیکٹر کو مکمل بنانے میں اہم قردار ادا کرتی ہیں اور ان کوبا اختیار بنانے کے لئے ہر شہری کی اولین ترجیحی ہونی چاہے۔ اس خاص دن کو منانے کے حوالے سے ضلعی انتظامیہ جہلم تمام تر وسائل بروئے کارلا رہی ہے ،حکومتی سطح پرمیاں محمد شہباز شریف کا وومن آن ویلز پروجیکٹ خواتین کو تحفظ فراہم کرنے کے لئے ایک مثبت قدم ہے جبکہ دوسری جانب وومن پروٹیکشن بل بھی خواتین کو حقوق فراہم کرنے میں سازگارثابت ہورہا ہے ۔ جہلم کی انتظامیہ اس دن سیمینار منعقد کروا کے خواتین پر ہونے والے تشدد کا دفع کرے گی۔ اس موقع پر اے ڈی سی جی کاشف محمد علی، سی ای او ایجوکیشن انور فاروق، سی ای او ہیلتھ کپٹن محمد آصف، ڈپٹی ڈائریکٹر لیبر تنویر ہمایوں کے علاوہ تمام تحصیلوں کے اسسٹنٹ کمشنرز بھی موجود تھے۔
Cell No: 0345:5690640 : 0333:1533969
تا ر یخ: 01:03:17
دو روز قبل واہ کینٹ اسمائیل آباد سے اغواء ہونے والی دس سالہ عائشہ کی نعش برآمد
اہل و عیال کیلئے رزق حلال کمانے کو عین عبادت قرار دیا گیا ہے۔ صوفی مسعود احمد