کراچی (جیوڈیسک) کراچی میں شہریوں نے جعلی پیر کو پکڑ لیا ، سر اور داڑھی کے بال مونڈھ ڈالے ، خوب درگت بنا کر پولیس کے حوالے کردیا ۔ نام عدنان شاہ ، کرتوت کالے سیاہ ، ڈبہ پیر آیا کراچی کے شہریوں کے قابو اور بھول گیا سب ٹونا جادو ، نیو کراچی کے علاقے میں شہریوں میں لوگوں نے جعلی کرامات کے ذریعے لوگوں سے پیسے بٹورنے والے جعلی عامل کو پکڑ لیا ۔
شہریوں نے عدنان شاہ نامی جعلی عامل کی خوب درگت بنائی ۔ کسی نے لات جمائی تو کسی نے مکوں سے تواضع کی ۔ اور تو اور سر اور داڑھی کے بال بھی مونڈھ ڈالے جس کے بعد تھانہ صنعتی ایریا پولیس کے حوالے کردیا ۔ شہریوں کا کہنا ہے کہ عدنان شاہ مختلف اہم شخصیات کے ساتھ اپنی تصاویر دکھا کر لوگوں کو شیشے میں اتارتا اور ان سے پیسے بٹورتا تھا ۔
سابق صدر پرویز مشرف کیخلاف غداری کیس کی خصوصی عدالت میں سماعت
کراچی :رینجرز اور پولیس کا آپریشن ، دو دہشتگردوں سمیت 13 گرفتار