کراچی کی خبریں 25/6/2016

Usama Razi

Usama Razi

قلب کا سکون حاصل کرنے کے لئے غریب اور ناداروںکی مدد کی جائے ،عظیم بلوچ
نائب قیم صوبہ سندھ کا نارتھ ناظم آبا زون کی یوسی 21میں دعوت افطار سے خطاب
کراچی (پ ر) نائب قیم جماعت اسلامی صوبہ سندھ عظیم بلوچ نے کہا ہے کہ گناہوں سے توبہ کرکے اللہ کی رحمت طلب کرنی ہوگی۔ امت مسلمہ کو ثقافتی جنگ لڑنے کے لیے اسلامی کلچر کو عام کرنا ہوگا۔ دینی تہذیب ہمارے ایمان کا حصہ ہے اس کو بچانے کے لیے سنت نبویۖ پر عمل کرنا ہوگا۔ دجالی میڈیا ہمارے اندر اخلاق ختم کرکے برائیاں پیدا کرر ہا ہے۔ ان خیالات کا اظہار انہوں نے نارتھ ناظم آباد زون کی یوسی 21میں دعوت افطار سے خطاب کرتے ہوئے کیا ۔ اس موقع پر امیر زون اویس یاسین سمیت دیگر ذمہ داران بھی موجود تھے۔ عظیم بلوچ نے کہا کہ ثقافتی تسلط اقتصادی اور سیاسی تسلط سے زیادہ خطرناک ہے۔ تہذیب ثقافت ہی کسی قوم کے تشخص کا اصل سر چشمہ ہوتی ہے۔ اسلام کے نام پر ٹی وی چینلز نوجوان نسل کو فحاشی وعریانی کی طرف مائل کر رہے ہیں۔ دنیا میں سب سے بڑ ا فتنہ مال ہے اور انسان اسی کو پانے کے لئے آخرت کو بھول رہا ہے۔ دنیا کی محبت کم کرنے کے لئے قرآن سے رشتہ جوڑنا ہوگا۔ بدامنی کی بنیادی وجہ اسلامی احکامات سے دوری ہے۔ دنیا بھرکے مظلوم انسانوں کو اپنی دعائوں میں یاد رکھنا ہر مسلمان کی ذمہ داری ہے۔ رمضان اخوت وبھائی چارہ کے مہینہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قرآن کے نظام کو عملی طور پر نافذ کرنا ہوگا، سید محمد اقبال
رہنما جماعت اسلامی کا نارتھ کراچی سیکٹر 11-Bمیں دعوت افطار سے خطاب
کراچی 24 جون 2016 (پ ر) رہنما جماعت اسلامی سید محمد اقبال نے کہا ہے کہ روز تقویٰ کا نام ہے، اللہ کو تقویٰ بڑا پسند ہے۔ تقویٰ سے ہی مسلم امہ دنیا و آخرت میں سرخرو ہوسکتی ہے۔ ان خیالات کا اظہار انہوں نے جماعت اسلامی زون نارتھ کراچی کے تحت سیکٹر 11-B میں دعوت افطار سے خطاب کرتے ہوئے کیا۔ انہوں نے کہا کہ روزہ اللہ کیلئے ہے اور اللہ ہی اسکا اجر دیگا۔ رمضان رحمتوں اور برکتوں کا مہینہ ہے جس میں ایک نیکی کا اجر 70گناہ سے زائد ہوتا ہے۔ رمضان کی رحمتوں، برکتوں کو زیادہ سے زیادہ سمیٹا جائے اس ماہ مبارک میں جہنم کے دروازے بند اور جنت کے دروازے کھول دیئے جاتے ہیں۔ ہمیں اپنے رب سے گناہوں کی معافی مانگنی ہوگی، روزہ دلوں کے زنگ کو دورکرتا ہے۔ انہوں نے کہا کہ رمضان کا سب سے بڑا تحفہ قرآن مجید ہے۔ قرآن مجید دنیا کو بدلنے کیلئے نازل ہوا ہے۔ قرآن معاشرے میں حکومت، ریاست، سیاست، بین الاقوامی امور پر رہنمائی فراہم کرتا ہے لیکن اسلامی ملک ہونے کے باوجود آج پاکستان کی حکومت اور ریاست میں قرآن عملی طور پر نافذ نہیں ہے جسکی وجہ سے سود کا نظام ہمارے سروں پر مسلط ہے۔ انہوں نے کہا کہ قرآن سے تعلق کو مضبوط بنایا جا ئے، قرآن رمضان المبارک میں نازل کیا گیا یہ رحمت اورہدایت ہے قرآن کے نظام کو عملی طور پر نا فذ کرنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فحاشی کو ختم کرنے کے لئے اللہ کا نظام قائم کرنا ہوگا، اویس یاسین
نارتھ ناظم آباد زون کی یوسی 22میں دعوت افطار سے خطاب
کراچی 24 جون 2016 (پ ر) امیر جماعت اسلامی زون نارتھ ناظم آباد اویس یاسین نے کہا ہے کہ سندھ حکومت نے رمضان المبارک میں بھی عوام کو پریشانی کے سوا کچھ نہیں دیا۔ عوام کو سہولیات فراہم کرنے کے بجائے مہنگائی اور بجلی کی لوڈشیڈنگ دے کر فرائض سے غفلت برتی گئی ہے۔ دجالی فتنو ں سے بچنے کے لئے قرآن کے نظام کو نافذ کرنا ہوگا۔ ان خیالا ت کا اظہار انہوں نے یوسی 22میں دعوت افطار سے خطاب کرتے ہوئے کیا۔ اویس یاسین نے کہا کہ کرپٹ اور نااہل سیاست دانوں کو ہٹا کر دیانت دار افراد کو منتخب کرنا ہوگا۔ شریعت کے نفاذ کے لئے امت محمد کو ایک ہونا ہوگا۔ مسلمان آپس میں تفرقوں اور قوموں میں تقسیم ہوگئے ہیں جس کا فائدہ اسلام دشمن اُٹھا رہے ہیں۔ عوام کو اللہ کی زمین پر اللہ کا نظام قائم کرنے کے لئے قرآن و سنت کی دعوت کو عام کرنے کے لئے جماعت اسلامی کا ساتھ دینا ہوگا۔ اس ماہ صیام میں اپنے گناہوں کا کفارہ ادا کرکے دین کی تعلیمات پر عمل کرنا ہوگا۔ روزے سے ہی انسان کودل کا سکون حاصل ہوتا ہے۔ روزہ روحانی تسکین کے علاوہ طبی مسائل کا حل بھی ہے۔ ماہ صیام میں ہر فرد اللہ کا ذکر صبح شام کرکے جنت طلب کرتا ہے#

سید انوار احمد
سیکریٹر ی اطلاعات
جماعت اسلامی، وسطی
0345-2385320