تعمیر پاکستان سے تکمیل پاکستان تک ہماری جہدوجہد جاری رہے گی، نور محمد شاداب
12اگست کو ”کشمیر بنے گا پاکستان” کے عنوان سے ریلی نکالی جائے گی، صدر یوتھ ونگ نارتھ ناظم آباد
کراچی (پ ر) جماعت اسلامی یوتھ ونگ نارتھ ناظم آباد زون کے صدر نور محمد شاداب نے دفتر زون میںکارکنان کو جشن آزادی مہم کے حوالے سے آگاہ کرتے ہوئے کہا کہ تعمیر پاکستان سے تکمیل پاکستان تک ہماری جہدوجہد جاری رہے گی،11اگست تا 15اگست تک جشن آزادی کی تقریبات منائی جائے گی۔ جس کا عنوان ہوگا ‘کشمیر بنے گا پاکستان’۔ کشمیری عوام سے اظہار یکجہتی کے لئے 12اگست کو ‘کشمیر بنے گا پاکستان’ ریلی نکالی جائے گی جو سخی حسن چورنگی سے شروع ہو کر خلافت چوک پر اختتام پذیر ہوگی۔ ریلی میں بڑی تعداد میں نوجوان شرکت کرکے کشمیریوں سے اپنی محبت کا اظہار کریں گے۔ اس کے علاوہ 13اگست کی رات کو پرچم کشائی کی تقریب سے جماعت اسلامی یوتھ ونگ کراچی کے صدر حافظ محمد بلال رمضان خطاب کریں گے۔ انہوں نے کہا کہ کشمیر پاکستان کی شہ رگ ہے۔ کشمیری بھائیوں کے ساتھ ہر برے وقت میں پہلے بھی کھڑے ہوتے آئے ہیں اور آئندہ بھی کھڑے ہوتے رہے گے بھارتی مظالم کے خلاف ہم ہر سطح پر آواز بلند کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر میں گندگی کا ڈھیر حکومت کی نااہلی کا منہ بولتا ثبوت ہے، اویس یاسین
کراچی کو صاف کرنے کے لئے بلدیاتی اداروں کو اپنا کردار ادا کرنا ہوگا، امیر زون جماعت اسلامی نارتھ ناظم آباد
کراچی 10 اگست 2016 (پ ر) امیر جماعت اسلامی زون نارتھ ناظم آباد اویس یاسین نے کہا ہے کہ بلدیا تی اداروں کی نا اہلی اور ناقص حکمت عملی کے با عث کراچی کی سڑکیں تالاب اور پورا شہر اندھیر ے میں ڈوب گیا، باران رحمت ختم ہونے کے بعد بھی نارتھ ناظم آباد کی یوسیز کی گلیوں میں بارش کا گندہ پانی جمع ہے۔ شادمان کے نالوں کی صفائی قبل از وقت نہ ہونے کی وجہ سے مکینوں کو پریشانی کا سامنا کرنا پڑا۔ ان خیالات کا اظہار انہوں نے زون کی یوسیز کا دورہ کرتے ہوئے کیا اس موقع پر نائب امراء زون بھی موجود تھے۔ اویس یاسین نے کہا کہ محکمہ موسمیات کی جانب سے بارشوں کی پیشگی اطلاع پر کے ایم سی اور کے الیکٹرک کوہنگامی انتظامات کرناچاہئے تھے، کرنٹ لگنے سے ہلاک ہونے والے شہریوں کے قتل کا مقد مہ K الیکٹر ک کے خلاف درج کیا جائے، ان کے اہل خانہ کو انصاف دیا جائے، انہوں نے کہا کہ K الیکٹرک، کراچی کے شہر یوں سے اوور بلنگ کے نام پر بھتہ لینا بند کر ے کیو نکہ K الیکٹرک 40 ارب روپے کمانے والا ادارہ بن گیا ہے۔ انہوں نے کوئٹہ سانحہ پر بھی گہرے دکھ کا اظہار کیا اور شدید مذمت کرتے ہوئے کہا کہ کوئٹہ سول اسپتال میں ہونے والے دھماکے اور فائرنگ کے نتیجے میں درجنوں معصوم شہریوں کی شہادت اور زخمی ہونے پر بہت افسوس ہے، سانحہ کوئٹہ افسوسناک قومی سانحہ ہے، مجرم عبرتناک سزا کے مستحق ہیں۔ پوری قوم دہشت گردوں کے ناپاک عزائم خاک میں ملانے کیلئے متحد اور پاک فوج، رینجرز اور پولیس کے جوانوں کی کاوشوں اور قربانیوں کو قدر کی نگاہ سے دیکھتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جماعت اسلامی زون گلشن معمار کے تحت یوم آزادی کی تقریبات
کراچی 10 اگست 2016 (پ ر) جماعت اسلامی زون گلشن معمار کے تحت یوم آزادی کی تقریبات کے سلسلے میں 12 اگست، بعد نماز مغرب، تیسر ٹائون تا گلشن معمار ”تکمیل پاکستان ریلی” نکالی جائے گی۔ جس کی قیادت امیر زون گلشن معمار رضوان شاہ کریں گے۔ 13 اگست کو کیک ڈے، تقریری اور ملی نغمے کے مقابلے منعقد ہوں گے جبکہ رات 12 بجے گلشن معمار میں پرچم کشائی کی تقریب منعقد کی جائے گی۔ 14 اگست کو تیسر ٹائون میں 4 مقامات پر پرچم کشائی کی تقریب منعقد کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منظور بیگ، محمد علی قریشی اور نثار صدیقی کیلئے دعائے صحت کی اپیل
کراچی 10 اگست 2016 (پ ر) امیر جماعت اسلامی زون لیاقت آباد اسحق تیموری اور نظم زون نے جماعت اسلامی کی دیرینہ کارکن منظور بیگ، محمد علی قریشی اور نثار صدیقی جو شدید علیل ہیں کے لئے دعائے صحت کی اپیل کی ہے۔
سید انوار احمد
سیکریٹر ی اطلاعات
جماعت اسلامی، وسطی
0345-2385320
کوٹلہ ارب علی خان کی خبریں 11/8/2016
پیپلز پارٹی ہمیشہ اقلیتوں کے ساتھ کھڑی رہے گی: آصف زرداری