کراچی کی خبریں 17/2/2016

Posted on February 17, 2016 By Mohammad Waseem سٹی نیوز, کراچی

پاکستان اقوام متحدہ کی رپورٹ سے فائدہ اٹھائے ‘ ایم آر پی
اقوام متحدہ نے افغان حکومت کی کمزوریوںو ناقص کارکردگی کا پول کھول دیا ہے ‘ امیر علی پٹی والا
آپریشن ضرب عضب کے باوجود پاکستان میں دہشتگردی افغان حکومت کی کمزوریوں کا نتیجہ ہے
کراچی (اسٹاف رپورٹر) پاکستان میں دہشتگردی کی بڑی وجہ افغانستان کا سیاسی عدم استحکام اور افغان حکومت کی وہ ناقص کارکردگی ہے جس کا پول اقوام متحدہ کی14فروری کی رپورٹ نے کھول دیا ہے ۔ محب وطن روشن پاکستان پارٹی کے قائد وچیئرمین امیرپٹی نے کہا ہے کہ افغانستان کے حوالے سے اقوام متحدہ کی رپورٹ یہ بتارہی ہے کہ کابل میں کوئی عوامی حکومت نام کی چیز نہیں ہے بلکہ امریکی سرپرستی تشکیل کردہ کمزور حکومت عوام کے جان و مال کے تحفظ میں ناکامی کے ساتھ عوامی خدمت کے ویژن سے بھی محروم ہے اور اگر نیٹو و امریکی افواج افغانستان میں موجود نہ ہوتیں تو شاید اب تک طالبان تخت کابل کا مکمل انتظام سنبھال چکے ہوتے اسلئے پاکستان کیلئے افغانستان کی جانب سے لگائے گئے الزامات کو اپنے دامن سے دھونے کا یہ بہترین موقع ہے کیونکہ پاکستان میں آپریشن ضرب عضب کے باوجود دہشتگردی کے واقعات کا تسلسل افغان حکومت کی یہی کمزوری ہے جس کا بھرپور فائدہ اٹھاتے ہوئے بھارت نے افغان سرزمین سے ہم پر دہشتگردی کا جہنم کھول رکھا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں سیاستدان بہت اور اچھے کھلاڑی کم ہیں ‘ جی کیو ایم
احمد شہزاد اور وہاب ریاض سیاستدان بننے کی بجائے کھلاڑی ہی رہیں تو بہتر ہے‘ سورٹھ ویر
کرکٹ کے میدان کو پارلیمنٹ کا ایوان یا ٹی وی کا سیاسی ٹاک شو بنانے سے گریز کیا جائے

کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے پاکستان سپر لیگ کے میچ میں وہاب ریاض اور احمد شہزاد کے درمیان جھگڑے وتلخ کلامی کے مظاہرے پر اظہار افسوس کرتے ہوئے وہاب ریاض اور احمد شہزاد سے اپیل کی ہے کہ وہ کھیل کے میدان کو ایوان یا سیاسی ٹاک شو بنانے سے گریز کرتے ہوئے اسے کھیل کا میدان ہی رہنے دیں کیونکہ عوام کرکٹ کے میدان میں کرکٹ دیکھنا چاہتے ہیں لڑائی جھگڑے ‘گالیاں ‘ دھکم پیل ‘ شور و شرابا ‘ ایک دوسرے کو سنگین نتائج کی دھمکیوں کے مناظر انہیں تقریباً روز ہی قومی یا صوبائی اسمبلی کے سیشن کی لائیوکوریج کے دوران دیکھنے کو میسر آجاتے ہیں یا ایسی اخلاق باختگی کا مظاہرہ عموماً مختلف سیاسی جماعتوں کے رہنما ¶ں کی جانب سے ٹی وی ٹاک شوز کے دوران دکھائی دیتا ہے اسلئے وہاب ریاض اور احمد شہزاد یہ یاد رکھیں کہ پاکستان میں سیاستدانوں اور اخلا ق سے عاری مقتدر و طاقتور افراد کی کمی نہیں ہے مگر اچھے کھلاڑی بہت کم ہیں اسلئے احمد شہزاد و وہاب ریاض کیلئے سیاست کی روایت اپنانے کی بجائے اچھے کھلاڑیوں ہونے کا اپنارتبہ برقرار رکھیں تو ان کا اس قوم پر احسان ہوگا ‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شام کی آگ پاکستان کے دامن تک پہنچ چکی ہے ‘ راجونی اتحاد
شام کی وجہ سے ایران وسعودیہ میں بڑھتی خلیج پاکستان کیلئے مسائل کا پیش خیمہ ثابت ہوگی‘ عدنان میمن
حکومت کو ”تھنڈر آف نارتھ “میں پاکستان کی شرکت سے قبل اے پی سی بلانی چاہئے ‘ سردار خاصخیلی
شام کو تین ٹکڑوں میں تقسیم کرنے کی اسرائیلی خواہش اور شام میں ایران وروس کی حمایت یافتہ حکومت کیخلاف ترکی وسعودی عرب کی جانب سے مشترکہ فوجی اتحاد بنائے جانے کے بعد اگلے ماہ سعودی عرب میں بری ‘ فضائی اور بحری طاقت کے مظاہرے کیلئے پاکستان سمیت20مسلم ممالک کی افواج ”تھنڈر آف نارتھ “نامی خطے کی سب سے بڑی فوجی مشقیں یقینا سعودی عرب پر حملے کا خواب دیکھنے والوں کو ان کے احمقانہ عزائم سے باز رکھنے کا واضح پیغام ثابت ہوں گی ۔پاکستان راجونی اتحاد میں شامل پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ودیگرنے کہا ہے۔ان مشقوں کا دوسرا مقصدایران پر شام کی حمایت بند کرنے کیلئے دبا ¶ ڈالنا بھی ہوسکتا ہے اور چونکہ پاکستان ایران اور سعودی عرب دونوں ہی مسلم ممالک سے بہترین تعلقات کا حامل ہے اسلئے شام کی وجہ سے ان دونوں ممالک کے درمیان بڑھتی ہوئی خلیج پاکستان کیلئے مسائل کا پیش خیمہ ثابت ہوسکتی ہے ان حالات میں حکومت کو سیاسی جماعتوں سے مشاورت کے بعد عسکری و قومی قیادت کی باہمی تجاویز و رائے سے قومی پالیسی تشکیل دیکر اس کے مطابق ”تھنڈر آف نارتھ “میں شرکت کے حوالے سے فیصلہ کرنا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب کے غریب عوام کابدترین استحصال کیا جارہا ہے ‘سولنگی اتحاد
اراکین اسمبلی کی تنخواہوں و مراعات میں 100فیصد اضافہ منتخب نمائندوںکاعوام پر ظلم ہے
سرکاری ملازمین کی تنخواہیںو مراعات میں بھی اراکین اسمبلی کے جتنا اضافہ کیا جائے‘ امیر سولنگی
کراچی ( اسٹاف رپورٹر ) انتخابات سے قبل عوام کو پرفریب نعروں کے ذریعے عوام کو سہانے خواب دکھانے والے عوام کے منتخب کردہ اراکین پارلیمنٹ و حکمران اقتدار پانے کے بعد عوام سے کس قدر وفادار و مخلص رہتے ہیں ان کاا ظہار حکمرانوں کے رویئے ‘ مراعات ‘ آسائشات ‘ تعیشات ‘ باڈی گارڈز اور حکومتی پالیسیوںو عوام کو فراہم کردہ سہولیات سے ہوجاتا ہے جبکہ عصر حاضر میں ملکی صورتحال و عوامی حالت و حالات موجودہ حکمرانوں و منتخب نمائندوں کی عوام دوستی کا مظہر ہے پاکستان سولنگی اتحاد کے سینئررہنما امیر سولنگی ‘ سردار اکر م سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی و دیگر نے پنجاب اسمبلی کے اراکین کی جانب سے اپنی تنخواہوں ومراعات میں100فیصد اضافے کے بل کی منظوری کی مذمت کرتے ہوئے کہا ہے کہ توانائی بحرا ن کے حل اور مہنگائی ‘ بیروزگاری و غربت سے عوام کو نجات دلانے میں ناکامی کے ساتھ صحت و تعلیم اور زندگی گزارنے کی بنیادی سہولیات کے ساتھ امن وتحفظ کی فراہمی میں ناکام حکمرانوںو اراکین پارلیمنٹ کی تنخواہوں و مراعات میں 100فیصد اضافہ عوام کی گردنوں پر چھری چلانے کے مترادف ہے اسلئے اس بل کو کالعدم قرار دیکر ان سے تمام مراعات واپس لی جائیں یا پھر سرکاری ملازمین کی تنخواہیں اور مراعات میں بھی اراکین اسمبلی کے جتنا اضافہ کیا جائے۔