کراچی: واٹر ٹینکر نے مدرسہ سے نکلنے والے 7 بچوں کو کچل دیا، تین جاں بحق ، چار زخمی

Accident

Accident

کراچی (جیوڈیسک) کراچی کے علاقے نادرن بائی پاس پر واٹر ٹینکر نے مدرسہ سے گھر جانے والے سات بچوں کو کچل دیا جس کے باعث تین بچے جاں بحق اور چار زخمی ہو گئے۔

نادرن بائی پاس خیرآباد ہوٹل کے قریب تیز رفتار واٹر ٹینکر نے مدرسہ سے گھر واپس جانے والے سات بچوں کو کچل دیا جس کے نتیجے میں پانچ سالہ حرایرہ اور چھ سالہ عظیم سمیت تین بچے جاں بحق اور چار بچے شدید زخمی ہوگئے ۔ دو جاں بحق ہونے والے بچوں کو عباسی شہید ہسپتال پہنچا دیا گیا جبکہ دیگر بچوں کو قریبی ہسپتال منتقل کر دیا گیا ہے ۔ واقع کے بعد خواتین اور بچوں کے اہلخانہ احتجاج کرتے ہوئے نادرن بائی پاس کو بلاک کر دیا۔ پولیس حکام کا کہنا ہے کہ واٹر ٹینکر کا ڈرائیور اور کلینر واٹر ٹینکر چھوڑ کر فرار ہو گیا ، پولیس نے اس کے تلاش شروع کر دی ہے۔