کراچی کی خبریں 2/5/2016

Posted on May 2, 2016 By Mohammad Waseem سٹی نیوز, کراچی

کراچی (اسٹاف رپورٹر) پاکستان کے محنت کش عوام دیانتدار و محب وطن ہیں اور قومی ترقی و خوشحالی کی خواہش کیلئے شب وروزمصروف عمل ہیں مگر افسوس کہ ملکی و قومی وسائل پر استحصالی طبقات قابض ہیں اور اقتدار پر کرپشن مافیا کا تسلط ہے جس کی وجہ سے نہ قومی ترقی کی رفتار میں اضافہ ہورہا ہے نہ عوام کو خوشحالی میسر آرہی ہے اور نہ ہی محنت کشوں کی حالت و حالات میں مثبت تبدیلی کے آثار نمودار ہورہے ہیں۔ محب وطن روشن پاکستان پارٹی کے قائد و چیئرمین امیر پٹی نے یوم مزدور کے موقع پر مزدور تنظیموں کے رہنما ¶ں و نمائندوں کے اجلاس سے خطاب کرتے ہوئے کہا ہے کہ استحصالیوں ‘لٹیروں اور ٹیکس چوروں پر مشتمل کرپشن لیگ مزدروں ‘ محنت کشوں اور عوام کی سب سے بڑی دشمن ہے جس کی وجہ سے عوام غربت ‘ مفلسی ‘ بیروزگاری ‘ جہالت ‘ بیماری کا شکار اور مفلسی کی وسائل سے محرومی کی غیر انسانی زندگی گزارنے پر مجبور ہیں۔ امیر پٹی نے کہا کہ کرپشن لیگ کسی ایک سیاسی جماعت کا نام نہیں بلکہ یہ ملک و قوم کا دشمن وہ ٹولہ ہے جس کے کارندے و ہرکارے ہر سیاسی جماعت اور ہر سرکاری محکمہ میں موجود ہیںاور ہمیشہ وہردور میں اختیار و اقتدار میں رہتے ہوئے ملک و قوم کو لوٹتے رہے ہیںاسلئے جب تک اس کرپشن لیگ کا خاتمہ و صفایا نہیں کیا جائے گا اور اس میں شامل ہر فرد کا احتساب نہیں ہوگا نہ تو محنت کشوں و مزدوروں کی حالت و حالات میں بہتری آئے گی ‘ نہ ملک و قوم کو ترقی و استحکام حاصل ہوسکے گا اور نہ ہی پاکستان سے دہشتگردی کے خاتمہ ‘ قانون کی عملداری اور قیام امن کا آرمی چیف کا عزم و خواب پایہ تکمیل کو پہنچ پائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
احتجاجی سیاست نے محنت کشوں کو بڑا نقصان پہنچایا ہے ‘ جی کیو ایم
محنت کشوں کی کسمپرسی کے ذمہ دار حکمران وسیاستدان ہی نہیں عدالتیں وبیوروکریسی بھی ہے
کرپشن کی پردہ پوشی ‘ذاتی و سیاسی تشہیر اور جلسوں پر قومی وسائل کا اتلاف یقینا مزدوردشمنی ہے
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے عالمی یوم مزدور کے موقع پر بھی چھٹی سے محروم مزدوروں و محنت کش طبقات کی کسمپرسی اور مسائل کا ذمہ دار حکمرانوں ‘ سیاستدانوں ‘ سیاسی جماعتوں ‘ قوانین بنانے والوں ‘ قوانین پر عمل کرانے کے ذمہ داروں ‘ انصاف فراہم کرنے والوں اور عوام و جمہوریت کا راگ الاپ کر سیاست چمکانے والی سیاسی جماعتوں کو ٹہراتے ہوئے کہا ہے کہ مزدوروں و محنت کشوں کے تمام مسائل و مصائب کی وجہ کرپشن ‘ اختیارات کا ناجائزاستعمال اور انصاف سے محرومی ہے اگر ملک سے 12ارب یومیہ کی کرپشن کا خاتمہ ہوجائے ‘عدالتیں غیر جانبدارانہ و فوری انصاف کرنے لگیں ‘اختیارات کا ناجائز استعمال ختم ہوجائے ‘ قوانین کی پابندی و پاسداری سب کیلئے یکساں طور پر لازم ہو اور سیاسی جماعتیںقیادتیں کرپشن کی پردہ پوشی ‘عوامی طاقت کے اظہار کیلئے ریلیوں ‘ دھرنوں ‘ احتجاجوں اور ہڑتالوں پر کثیر قومی سرمائے کے ضیاع سے باز آجائیں اور حکمران اپنی انتقام پرستی کی تسکین کیلئے جھوٹے کیسز پر اربوںروپے کا اسراف چھوڑ دیں تو یقینا اس ملک کے مزدروںا ور محنت کشوں کی حالت و حالات میں بہتری آسکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محنت کش طبقات راحیل شریف کی جانب دیکھ رہے ہیں ‘سولنگی اتحاد
مزدور و محنت کش اور استحصال زدہ طبقات راحیل شریف کو قومی مسیحا مان چکے ہیں ‘ امیر سولنگی
قوم چاہتی ہے راحیل شریف تمام لٹیروں کو احتسابی شکنجے میں لٹکاکر پائی پائی کی وصولی کریں
کراچی ( اسٹاف رپورٹر ) پاکستان سولنگی اتحاد کے سینئروبزرگ رہنما امیر سولنگی ‘ سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی نے یوم مزدور کے موقع پر محنت کشوں ‘ مزدوروں ‘ کسانوں اور دہقانوں کی حالت و حالات میں بہتری کے اقدامات و تر جیحات کی ضرورت پر زور دیتے ہوئے آرمی چیف سے کرپشن کے ناسور کو جڑ سے اکھاڑنے کا مطالبہ کرتے ہوئے کہا ہے کہ حکمرانوں و سیاستدانوں اور بیوروکریسی کی کرپشن نے وطن عزیز کے محنت کش طبقات سے روزی و روٹی چھین لی ہے عوام مفلوک الحالی کی زندگی گزارنے پر مجبور ہیں لیکن فوج میں احتسابی عمل کے آغاز نے عوام کو یقین دلادیا ہے کہ جنرل راحیل شریف اس قوم کیلئے مسیحا کا کردار ادا کرتے ہوئے کرپشن کے ناسور کو جڑ سے کھاڑپھینکیں گے اور ملک و قوم کو لوٹنے والوں کیساتھ عوام کا استحصال کرنے والوں کو بھی احتساب کے پھندے میں لٹکاکر لوٹی گئی پائی پائی کی وصولی یقینی بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں نے منافقت کے تمام ریکارڈز توڑ دیئے ہیں‘ راجونی اتحاد
پٹرول قیمتیں برقرار رکھ کر سیاسی پوائنٹ بنانے والے گیس قیمتوں سے عوام کا شکار کررہے ہیں
پاور پلانٹس کیلئے گیس مہنگی کرنے سے بجلی سمیت تمام اشیاءکی قیمتیں بڑھ جائیں گی‘ اقبال ٹائیگر
کراچی ( اسٹاف رپورٹر ) اوگرا کی جانب سے پاور پلانٹس کیلئے گیس مہنگی کرنے کے نوٹیفکیشن کے اجراءاور گھریلو صارفین پر یکم جولائی سے گیس بم چلانے کے عندیہ پر اظہار تشویش کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی و دیگر نے کہا ہے کہ حکمرانوں نے منافقت کے تمام ریکارڈز توڑ دیئے ہیں وزیراعظم ایک جانب سیاسی پوائنٹ اسکورنگ کیلئے پٹرولیم مصنوعات کی قیمتیں برقرار رکھنے کا اعلان کرتے ہیںا ور دوسری جانب پاور پلانٹس کیلئے گیس کے نرخوں میںا ضافہ کردیا جاتا ہے جبکہ ہر ذی شعور یہ جانتا ہے کہ مہنگی گیس کا بوجھ بجلی کے نرخوں میں اضافے کی صورت میں عوام پر ہی پڑیگااور بجلی مہنگی ہونے سے بجٹ سے قبل ہی اشیاءخورد و نوش کی قیمتوں میں بھی اضافہ ہو جائے گا جبکہ یکم جولائی سے گھریلو، صنعتی اور کمرشل صارفین کیلئے گیس کے نرخوں میں اضافے کا بوجھ بھی مہنگائی تلے دبے عوام کے کندھوں پر ہی آئے گااسلئے عوام جان لے کہ دھاندلی کے ذریعے اقتدار پانے اور پانامہ لیکس سے بے نقاب ہونے والے لٹیرے عوام سے مخلص نہیں ہیںاسلئے ان کے دور اقتدارمیں مزدور و محنت کش طبقات نہ تو کبھی خوشحال ہوسکتے ہیں اور نہ ہی ان کے مسائل کا حل ممکن ہے۔