خانیوال کی خبریں 16/8/2016

Khanewal

Khanewal

خانیوال (راشد ملک) انتظامیہ کی عدم توجہ کے باعث گندے پانی کا جوہڑ دلدل کی شکل اختیار کرگیا ،قیمتی جانیں بھی ضائع ہونے لگیں تفصیل کے مطابق گرین ٹائون میں سیوریج کا انتظام نہ ہونے کے باعث کئی سالوں سے اکٹھا ہونے والا پانی پہلے جوہڑ کی شکل اختیار کرگیا جس کا نکاس نہ ہونے سے یہ جوہڑ اب خطر ناک دلدل بن چکا ہے اس دلدل نما جوہڑ میں قیمتی جانیں بھی ضائع ہوچکی ہیں جبکہ قیمتی پالتو جانور بھی اس دلدل کی نذر ہوگئے ہیں لوگ خوف کے مارے اب یہاں سے گزرنا چھوڑ رہے ہیں دلدل نما جوہڑ سے اٹھنے والی بدبو اور تعفن کے باعث علاقہ کے مکینوں کو سخت دشواری کا سامنا ہے ۔دلدل نما جوہڑ کے اوپر خود رو جڑی بوٹیاں اور خوبصورت پھول بھی اگ آئے ہیں جسے کھانے کیلئے جانور جیسے ہی دلدل میں داخل ہوتے ہیں تو دھنستے ہی چلے جاتے ہیں جنہیں نکالنا ناممکن ہوجاتا ہے لوگ اپنی آنکھوں کے سامنے قیمتی جانوروں کو دلدل کی نذر ہوتا دیکھ کر بے بسی کا اظہار کرتے ہیں ۔ارباب اختیار کو بار بار اس اہم مسئلہ کی جانب توجہ مبذول کرائی گئی مگر کسی کے جوں تک نہ رینگی ۔علاقہ کے رہائشی محمد حسین پراچہ ،کاشف ،محمد حفیظ ،طارق لودھی ،زاہد ،ندیم ،عبداللہ ودیگر نے وزیر اعلیٰ پنجاب سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )سکول کھلتے ہی تعلیمی اداروں کی جانب ٹریفک کا دبائو بڑھ گیا ،کم سن بچوں کو موٹر سائیکل رکشوں پر خطر ناک طریقے سے بٹھا کر لے جایا جانے لگا تفصیل کے مطابق سکول کھلتے ہی طلبہ وطالبات کا تعلیمی اداروں کی جانب رش بڑھ گیا ٹرانسپورٹ سہولیات نہ ہونے کے باعث موٹر سائیکل رکشہ سوار اس صورتحال سے فائدہ اٹھا رہے ہیں کم سن بچوں کو ان خطرناک چاند گاڑیوں پر اضافی سیٹیں نصب کر کے بھیڑ بکریوں کی طرح طلباء کو تعلیمی اداروں میں لے جارہے ہیں ٹریفک پولیس اہلکار صبح کے وقت کہیں بھی ڈیوٹی کرتے نظر نہیں آتے جس کے باعث کالج چوک میں ٹریفک کا سکول اوقات میں پھنس جانا معمول بن گیا ہے جبکہ اوورلوڈ ان موٹر سائیکل رکشوں کا حادثہ بھی اب معمول کی بات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )ڈسٹری بیوٹر ایسوسی ایشن کی تقریب حلف برداری صدرمیاں محمد فہیم انجم اور جنرل سیکرٹری محمد ذوالفقار قادری نے دیگر کابینہ کے ہمراہ حلف اٹھایا تفصیل کے مطابق گزشتہ روز مقامی ہوٹل میں ڈسٹری بیوٹر ایسوسی ایشن کی تقریب حلف برداری منعقد ہوئی جہاں صدر ٹریڈر چیمبر محمد انعام اللہ قریشی نے نو منتخب عہدیداروں سے حلف لیا ۔حلف اٹھانے والو ںمیں چیئرمین عارف محمود قریشی ،صدر میاں محمد فہیم انجم کمبوہ ،سینئر نائب صدر حافظ محمد زاہد ،نائب صدر محمد عاطف توفیق ،چوہدری محمد اکرم ،جنرل سیکرٹری محمد ذوالفقار قادری ،جوائنٹ سیکرٹری گوہر علی شاہ ،ایڈیشنل سیکرٹری محمد اسد رضا ،سیکرٹری نشر واشاعت محمد آصف صادق ،فنانس سیکرٹری چوہدری محمد ضیاء اللہ اور ایڈیٹر محمد عمران بھٹی شامل ہیں ۔اس موقع پر ٹریڈر چیمبر کے صدر محمد انعام اللہ قریشی نے اپنے خطاب میں کہا کہ ہمیں امانت اور دیانت داری سے تجارت کرنے چاہیے ۔تجارت انبیاء کا پیشہ ہے ،ایمانداری سے تجارت کرنے والے دنیا اور آخرت میں سرخرو ہوںگے ۔ایمانداری اور سچائی کو اپنا شعار بنائیں ۔جبکہ اس موقع پر نو منتخب صدر میاں محمد فہیم انجم کمبوہ اور نو منتخب جنرل سیکرٹری محمد ذوالفقار قادری نے اپنے خطاب میں یقین دلایا کو وہ تاجر برادری کے حقوق کے تحفظ کیلئے اپنا مؤثر اور مثبت رول ادا کریں گے ۔تاجر برادری نے ان پر جس اعتماد کا اظہار کیا ہے اس پر وہ پورا اترنے کی کوشش کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )غلہ منڈی میں سرخ مرچ کی آمد ،4600روپے فی من بولی پر فروخت ہوئی تفصیل کے مطابق جنوبی پنجاب مرچ کی کاشت کے حوالے سے خاص مقام رکھتا ہے جہاں کاشتکار ٹنل فارمنگ اور دیگر اوپن کاشت میں مرچ کی مختلف اقسام جن میں سکائی لینڈ ٹو ،دیسی مرچ ،ہائی برڈ مرچ اور گولڈن ہارٹ جیسی قیمتی اقسام کاشت کررہے ہیں جس کی ابتدائی چنائی کے بعد بہتر ریٹ ملنے کی صورت میں اسے لال کر کے چنائی کرتے ہیں سبز مرچ کی تڑائی کے بعد اسے سبزی منڈی جبکہ اب لال مرچ کی چنائی کے بعد اسے غلہ منڈی میں لایا جارہا ہے گزشتہ روز غلہ منڈی میں اوپن بولی کے ذریعے لال مرچ 4600روپے فی من کے حساب سے خریداری کی گئی ۔غلہ منڈی میں دیگر اجناس کے ساتھ ساتھ لال مرچ کی آمد کے بعد مزید رونقیں بحال ہونا شروع ہوگئیں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )ڈسٹرکٹ پاپولیشن ویلفیئر آفیسر چوہدری مجیب ربّانی نے کہا ہے کہ ضلع خانیوال میں محکمہ بہبود آبادی کے زیر اہتمام پاپولیشن ویک کا آغاز ہو گیا ہے جو 20اگست تک جاری رہے گا یہ بات انہوں نے ایک ملاقات میں بتائی انہوں نے بتایا کہ پاپولیشن ویک کے دوران محکمہ صحت کے تعاون سے ہیلتھ میلہ جات, سیمینارز,سکول کی سطح پر تقریری مقابلہ جات ,یونین کونسل کی سطح پر صحت مند ماں اور صحت مند بچے کے عنوان سے مقابلہ جات اور سپورٹس کا انعقاد کیا جا رہا ہے انہوں نے مزید بتایا کہ ان سرگرمیوں کا مقصد خاندانی منصوبہ بندی اور تولیدی صحت میں پبلک اور پرائیویٹ سیکٹر کو زیادہ سے زیادہ شامل کرنا ہے انہوں نے بتایا کہ محکمہ بہبود آبادی کے سوشل موبلائزرز ہریونین کونسل پر کمیونٹی میٹنگ کا انعقاد کریں گے جبکہ ضلعی ویلفیئر سینٹر پر سکھی گھر محافل کا انعقاد کیا جائے گا.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )خانیوال میںتفریحی مقامات کی کمی ، شہری پریشان ،لکی ایرانی سرکس کی اجازت دیکر کینسل کردینا شہریوں کے ساتھ سخت زیادتی ہے ، خانیوال میں کوئی بھی تفریحی مقام نہ ہے سٹی پارک کو بھی سکیورٹی کے نام پر دو روز کیلئے بند کردیا ، شہری شدید ذہنی اذیت کا شکار ہو چکے ہیں ،ضلعی انتظامیہ کی جانب سے بھی کسی تفریحی تقریب کا اہتمام نہ کیا گیا ہے ، لکی ایرانی سرکس کے خانیوال میں لگنے سے شہری کو ایک بہترین تفریح مہیا ہو گی ، لکی ایرانی سرکس کے بورڈز دیکھ کر شہریوں اور بچوں میں خوشی کی لہر دوڑ گئی تھی لیکن سکیورٹی خدشات کا بہانہ بناکر سرکس کو بند کرنے سے شہریوں میں تشویش کی لہر دوڑ گئی کیونکہ اجازت ملنے پر پورے شہر میں لکی ایرانی سرکس کے بورڈز لگ گئے تھے لیکن اب اجازت نامہ کینسل کردیا گیا ضلعی انتظامیہ شہریوں کو جواب دے کہ کیا سکیورٹی خدشات کے پیش نظر وہاں سکیورٹی تعینات نہیں ہو سکتی یا پھر انتظامیہ شہریوں کو کوئی تفریح کا موقع ہی نہیں دینا چاہتی ۔ان خیالات کا اظہار چیئرمین جنوبی پنجاب قومی امن کمیٹی بین المذاہب و ہم آہنگی ملک سلیم ناصر ،خانیوال کے مشہور بزنس مین خان محمد ،سینئر تاجر ناصر شاہ ، جنرل کونسلر ڈاکٹر اظہر جاوید ، سماجی رہنما مخدوم سلیم اختر قریشی سمیت دیگر شہریوں کی تعداد نے میڈیا کے نمائندوں سے گفتگو کرتے ہوئے کیا ۔انہوں نے کہا ضلعی انتظامیہ کو اگر خدشات کا مسئلہ تھا تو پہلے اجازت کیوں دی تھی جس کی وجہ سے شہریوں اور عوامی حلقوں میں شدید تشویش کی لہر دوڑ رہی ہے ۔ انہوں نے کہاکہ ضلعی انتظامیہ نے سکیورٹی خدشات کے پیش نظر خانیوال کے اکلوتے پارک سٹی پارک کو بند کردیا ،خانیوال میں لگنے والی پھولوں کی نمائش کو بھی کینسل کردیا گیا اور کئی سال سے ضلعی انتظامیہ نے شہریوں کو کوئی تفریحی تقریب نہیں دی جس سے شہری لطف اندوز ہوسکے ۔ اب اگر لکی ایرانی سرکس والوں کو خانیوال کے شہریوں کا احساس ہوا ہے تو ضلعی انتظامیہ مختلف قسم کے حیلے بہانے کرکے اس تفریحی تقریب کے موقع کو بھی ختم کرنا چاہتی ہے ۔ شہریوں سے عوامی سماجی حلقوں کی بڑی تعداد نے ڈی سی او خانیوال سمیت اعلیٰ حکام سے مطالبہ کیا ہے کہ سکیورٹی خدشات کو سیکورٹی تعینات کرکے ختم کیا جائے اور شہریوں کو تفریحی تقریب سے لطف اندوز ہونے کا موقع دیا جائے کیونکہ شہری ذہنی مفلوج ہو رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک ) پیپلز پارٹی کے خلاف بے بنیاد باتیں کر نے والوں کو منہ کی کھانی پڑے گی ۔ راشد علی رحمانی سابق ڈسٹرکٹ جنرل سیکرٹری PYOخانیوال تفصیل کے مطابق وزیر داخلہ چوہدری نثار صاحب کسی کی طرف انگلی اٹھانے سے پہلے اپنے گریبان میں جھانکے پیپلز پارٹی کے خلاف بے بنیاد باتیں کر نے والوں کو منہ کی کھانی پڑے گی ۔آج میاں محمد نواز شریف ملک کے بادشاہ بنے ہو ئے ہیں قوم جانتی ہے ماضی ان کا کیا تھا قوم جانتی ہے دہی بھلے بیچنے والا ممنو ن حسین صدر پاکستان کیسے بنا ۔چوہدری نثار صاحب عوام کو اپنی کار کر دگی دکھائیں فضول کی باتوں سے کچھ نہیں ہو نے والا عوام باشعور ہے ۔ پیپلز پارٹی آج بھی مزدور کسان غریب کی جماعت ہے کوئی یہ پہلی بار نہیں ہوا شہید ذوالفقار علی بھٹو ، شہید محترمہ بینظیر بھٹو کے بارے میں بھی ایسی افواہیں پھیلائی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک ) یوم آزادی کے موقع پر ڈسٹرکٹ پولیس لائن میں محکمہ پولیس کے زیر اہتمام ضلع بھر کے صحافیوں سے ملاقات کے سلسلے میں منعقد ہ ایک تقریب کا اہتمام کیا گیا ۔تقریب سے خطاب کرتے ہوئے ڈسٹرکٹ پولیس آفیسر جہانزیب نذیر خان نے کہاہے کہ گزشتہ پانچ سال سے تاحال ایک بھی بچے کو کسی مقصد کیلئے کسی گینگ نے اغوا ء نہیں کیا ہے شہری بچوں کے اغوا بارے افواہوں پر کان نہ دھریں’ ضلع خانیوال میں اس نوعیت کا تاحال کوئی بھی واقعہ رونما نہیں ہوا ہے ‘صحافی معاشرے کا مہذب طبقہ ہیں معاشر تی مسائل کی نشاندہی انکا فریضہ ہے جس کی تصدیق کے بعد ادائیگی انتہائی بھر پور ذمہ داری سے کی جائے تو لو گوں کوا پنے مسائل کے حل میں فوری ریلیف حاصل ہوتا ہے ۔ اس موقع پر ڈی سی او زید بن مقصود’ایم این اے محمد خان ڈاہا اورسابق ایم پی اے جمیل شاہ بھی موجو دتھے ۔انہوں نے کہا کہ صحافی معاشرے کے بے طیغ سپاہی ہیں جو دن رات جاگ کراپنے فرائض سر انجام دیتے ہیں جن کی وجہ سے معاشرہ اور تمام ادرے انکو عزت و احترام کی نگاہ سے دیکھتے ہیں۔ڈی سی او زید بن مقصود نے کہا کہ صحافی معاشرے کے تمام شعبوں میں دور تک رسائی رکھتے ہیں علاقہ و لوگوں کے مسائل اور مختلف نوعیت کے واقعات کی نشاندہی کرنا انکی ذمہ داری ہے جن کی تحقیق کے بعد نشاندہی معاشرے کو اشتعال انگیزی وخوف و ہراس اور مختلف پریشانیوں سے محفوظ رکھتے ہوئے لوگوں کے فوری مسائل کاذریعہ بنتی ہے۔ ایم این اے محمدخان ڈاہانے کہاہے کہ ضلع خانیوال ملک بھر میں پر امن علاقہ ہے جہاں سے دن رات مسافر بلا خوف و خطر سفر کر تے ہیں شر پسند ی ، لوٹ مار اور یہاں جرائم کی شرح میں کافی حد تک کمی ہوئی ہے جو ہماری انتظامیہ اورپولیس کے بہترین فرائض کی ادائیگی کا ثمر ہے۔ انہوں نے کہاں کہ ڈسٹرکٹ کو آرڈی نیشن آفیسر خانیوال زید بن مقصو د اور ڈسٹرکٹ پولیس آفیسر جہانزیب نذیر ہمارے ضلع کے بڑے قابل اور محنتی آفیسر ہیں جو اپنے انتظامی امور اور بہترین سروسز کے تسلسل کو جاری رکھیں گے ۔ سابق ایم پی اے پیر جمیل شاہ نے کہا کہ پاکستانی قوم ایک باصلاحیت قوم ہے یہی وجہ ہے کہ دنیاکے مسلمان ممالک کی نظریں پاکستان پر ہیں ہمیں آج یوم آزادی کے موقع پر اس بات کا عزم کرنا چاہیے کہ ہم متحدد ہو کر عالم اسلام پاکستان اور پاکستانی قوم کے لیے اپنی تمام تر صلاحیتیں بروے کار لائیں گے تاکہ عالم اسلام اورپاکستان کے خلاف اندرونی اور بیرونی دشمنوں کے مذموم عزائم خاک میں ملائے جاسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک )موجودہ نظام تعلیم کو خامیوں سے پاک کئے بغیر شرح خواندگی کا خاتمہ نہ ممکن ہے نظام تعلیم میں بہتری ہی ملک و قوم کی ترقی کا باعث ہے ،14 اگست ایک تاریخ ، ایک دن نہیں بلکہ ایک جذبے اور حوصلے کا نام ہے ، پاکستان ہر پاکستانی کی سانس میں بستا ہے ۔ ان خیالات کا اظہار دی ایجوکیٹرز گروپ آف کالجز خانیوال میں جشن آزادی کی تقریب سے مہمان خصوصی سابق صدر ڈسٹرکٹ پریس کلب عبداللطیف انور نے کیا ۔تقریب کا آغاز تلاوت قرآن سے کیا گیا تلاوت قرآ ن پاک سعاد ت فائزہ نے پیش کی ۔ تقریب سے خطاب کرتے ہوئے ایم این اے محمد خان ڈاہا نے کہاکہ موجودہ حکومت کو تعلیم کو بہتر بنانے کیلئے اپنے تمام وسائل کو بروئے کار لارہی ہے ۔تعلیم ہی سے ہمارے ملک کی خوشحالی ہے موجودہ حکومت حقیقی معنیوں میں تعلیم کے ذریعے ہمارے ملک کو امن کا گہوارہ بنائے گی ۔ اس موقع پر سٹیج سیکرٹری کے فرائض میڈم عائشہ نے بروقت علامہ اقبال کے خوبصورت اشعار کو استعمال کرتے ہوئے محفل کو چار چاند لگا دیئے جبکہ نظر یہ پاکستان پر روشنی ڈالنے کیلئے فسٹ ایئر کی رمشاء خان نے تقریر کی ۔ جبکہ تقریب میں فسٹ ایئر اور سیکنڈ ایئر کی طالبات نے ٹیبلو شو پیش کیا اور مہمانوں سے خوب داد وصول کی ۔تقریب میں سیاسی و سماجی شخصیات نے بھرپور شرکت کی ۔ جبکہ مقامی کونسلر ڈاکٹر اظہر جاوید ،رائے اعظم ،انور جٹ اور صحافیوں میں عدنان سعید چوہدری ،ملک سلیم ناصر ،تلمیر خان بلوچ، راشد ملک فوٹو جرنلسٹ ،چوہدری تنویر احمد خاور ،چوہدری نوید اشرف کمبوہ ،محمد اسلم میکن سمیت دیگر معزز شخصیات نے شرکت کی۔

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal

Khanewal