خانیوال (راشد ملک) تھانوں کی حدو د میں غیر رجسٹرڈ کرایہ داروں کی بھرمار ، پولیس کیلئے سکیورٹی سوالیہ نشان بن گئی ، عوامی حلقوں کے مکینوں کو شدید مشکلات کا سامنا ۔ مختلف علاقوں میں نئے چہرے گھومتے نظر آتے ہیں ۔شہریوں کا ڈی پی او خانیوال سے سرچ آپریشن کا مطالبہ تفصیل کے مطابق خانیوال شہر کے تینوں تھانوں کی حدود میں غیر رجسٹرڈ کرایہ داروں کی بھرمار ہے جس کی وجہ سے عوامی حلقوں میں شدید خوف و ہراس پایا جاتا ہے ۔شام ہوتے ہی نئے چہرے گلیوں ، چوکوں میں نظر آتے ہیں جس کی وجہ سے علاقہ مکینوں کو شدید مشکلات کا سامنا ہے ۔ شہریوں نے ڈی پی او خانیوال سے مختلف علاقوں میں سرچ آپریشن کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک ) خانیوال ٹی ایم اے کی سرپرستی میں فٹبال چوک پر ریڑھی مافیا کا قبضہ ،ٹریفک سمیت طلباء و طالبات کو شدید مشکلات کا سامنا تفصیل کے مطابق فٹبال چوک میں قبضہ مافیا نے قبضہ کرلیا ہے جس کی وجہ سے ٹریفک سمیت دیگر طلباء و طالبات کو گزرنے میں شدید مشکلات کا سامنا ہے ۔ جبکہ ریسکیو1122 بھی مریضوں کو ڈسٹرکٹ ہسپتال پہنچانے کیلئے اسی روڈ کا استعمال کرتے ہیں لیکن قبضہ مافیا کی وجہ سے سڑک سکڑ گئی ہے اور حادثات بھی معمول بن گئے ہیں ۔ شہریوں کی بڑی تعداد نے فٹبال چوک میں قائم تجاوزات کے خلاف آپریشن کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک )سیوریج کا پانی سڑکوں پر آنے سے سڑکیں تباہ ،انتظامیہ کی بے حسی کے باعث شہریوں کا احتجاج نوٹس لینے کا مطالبہ تفصیل کے مطابق چوک جسونت نگر ، عثمان آباد ،کالونی نمبر1,2,3 ،طارق آباد، اسلام پارک ،نظام آباد ،ظہور آباد سمیت دیگر علاقوں میں سیوریج سسٹم ناکارہ ہونے کی وجہ سے سیوریج لائن بند ہونا آئے روز کا معمول بن گیا ہے جس کی وجہ سے سیوریج کا سارا گندا پانی سڑکوں اور گلیوں میں جمع ہو جاتا ہے جس کی وجہ سے سڑکیں تباہ و برباد ہو گئی ۔ شہریوں نے کہاکہ ضلعی انتظامیہ کی غفلت کے باعث لاکھوں روپے مالیت سے بنائی گئی سڑکیں تباہ و برباد ہورہی ہے ڈی سی او خانیوال اس کا فوری طور پر نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک )ریڑھیوں پر ناقص چنے اور چاولوں کی فروخت ، شہری پیٹ سمیت دیگر مہلک بیماریوں میں مبتلا ہونے لگے ،ڈسٹرکٹ فوڈ آفیسر سمیت متعلقہ اداروں سے کاروائی کا مطالبہ تفصیل کے مطابق گپی والا چوک ،ایوب روڈ ،سنگلاں والا چوک سمیت دیگر مقامات پر مختلف قسم کی ٹیسٹی بریانی کے بورڈ ز آوزیزا ں کرکے جانی دشمن لوگ مضر صحت چاول اور چنے فروخت کررہے ہیں جن کے ااستعمال سے شہری مختلف قسم کی مہلک بیماریوں میں مبتلا ہوکر تیزی سے ہسپتال کا رخ کررہے ہیں ۔شہریوں نے ڈسٹرکٹ فوڈ آفیسر سے کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک )نوجوانوں کو کھیلوں میں بڑھ چڑھ کر حصہ لینا چاہئے ان خیالات کا اظہارپہلا آل پنجاب سپر8 کرکٹ ٹورنامنٹ کے مہمان خصوصی عدنان سعید چوہدری اور یوسی 302 کے چیئرمین میاں عبداللہ کمبوہ نے جیتنے والی ٹیم میں انعامات تقسیم کرتے ہوئے کیا ۔ اس ٹورنامنٹ میں پندرہ ٹیموں نے حصہ لیا ۔فائنل میں سلمان شہید کلب اور الخلیل کلب کے درمیان کھیلا گیا ۔ سلمان شہید نے کلب نے پہلے کھیلتے ہوئے 6 اوررزمیں 59 سکور کیا بعد میں الخلیل نے کھیلتے ہوئے 4 اوررز میں سکور پورا کردیا ۔الخلیل کے سرفراز نے 45 سکور بنائے ۔ جیتنے والی ٹیم کو مقامی صحافی عدنان سعید چوہدری اور یوسی 302 کے چیئرمین میاں عبداللہ کمبوہ نے موٹر سائیکل بمعہ ٹرافی دے ٹورنامنٹ کمیٹی کے چیئرمین آصف شہزاد چوہدری ، عمران ،زبیر ،راشد نے مہمانوں کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک ) فرینڈز میڈیا گروپ کا تعزیتی اجلاس زیر صدارت صدر فرینڈز میڈیا گروپ عدنان سعید منعقد ہوا ۔تعزیتی اجلاس میں لاہور کے سینئر صحافی نعمان بدر بٹ کے سسر کے انتقال پر دعا کرائی گئی ۔ تعزیتی اجلاس میں ملک سلیم ناصر ،تلمیر خان بلوچ ،سلیم قریشی ،اسلم میکن ،راشد ملک ،صفدر میکن ،چوہدری طاہر عباس ، چوہدری نوید اشرف کمبوہ ،عاصم بھٹی ،مختار صدیقی ،اشفاق قریشی ،شہزاد سیفی ، رائے اعظم ،سلیم پراچہ ،ندیم حمید عمرانہ ،شیخ صابر ،ناصر شاہ سمیت دیگر ڈسٹرکٹ پریس کلب کے ممبران نے شرکت کی اور مرحوم کے درجات میں بلندی کی خصوصی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک ) ضلعی انتظامیہ کی غفلت خانیوال میں قائم بیکریاں ،ہوٹل ،ریسٹورنٹ اور شوار ما کی دکانیں گندگی پھیلانے لگی ،شکائیت کے باوجود ضلعی حکومت گندگی پھیلانے والے بااثر دکاندار اور مالکان کے خلاف کاروائی نہیں کررہی ۔ مٹھائی کی دکانوں میں صفائی کا نظام انتہائی ناقص ہے اور شہری غیر معیاری مٹھائیاں خریدنے پر مجبور ہیں۔ شہریوں کی بڑی تعداد نے اعلیٰ حکام سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال ( رپورٹ : راشد ملک )خانیوال میں پارکوں کی تعمیر کا سلسلہ شروع ، دو نئے پارکوں کا سنگ بنیاد رکھ دیا ،جبکہ یوسف پارک کی جانب تاحال کسی نے توجہ نہ دی ،شہریوں کو اعلیٰ حکام سے پارک کی حالت کا نوٹس لینے کا مطالبہ تفصیل کے مطابق خانیوال میں پارکوں کی تعمیر کا سلسلہ شروع ہو گیا اور ایم پی اے نشاط احمد خان ڈاہا نے گزشتہ دنوں دو پارکوں کا سنگ بنیاد رکھا لیکن خانیوال میں عرصہ دراز سے قائم یوسف پارک تباہ گیا ہے اور نشئی کے ڈیرے ہیں لیکن کسی نے توجہ نہ دی ۔ شہریوں نے اعلیٰ حکام سے نوٹس لینے کا مطالبہ کیا ہے۔
قصور کی خبریں 22/8/2016
صحت مندانہ سرگرمیوں کے فروغ سے ہی صحت مند معاشرہ تشکیل پاتا ہے، اسامہ قاضی